பிறந்த நாள் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
பிறந்த நாள் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

வெள்ளி, 4 அக்டோபர், 2019

ஆஸ்திரேலியாவில் தந்தை பெரியார் பிறந்த நாள் விழா



பிரிஸ்பென், அக்.4 ஆஸ்திரேலியா வில் 29.9.2019 அன்று தந்தை பெரியார் 141ஆவது பிறந்த நாள் விழா எழுச்சி யுடன் கொண்டாடப்பட்டது.

விழாவில் பத்மாலட்சுமண் தொகுத்து வழங்கினார்.  தமிழர்களின் முன்னேற்றத் துக்காக பாடுபட்ட தந்தை பெரியாருக்கு நன்றி காட்டும் விழாவாக பெரியார் 141ஆவது பிறந்த நாள் கொண்டாடப்படுகிறது என்ப தைக் குறிப்பிட்டு முகுந்தராஜ் அனைவரையும் வரவேற்று விழாவைத் தொடங்கி வைத்தார்.

தந்தை பெரியார் ஆற்றிய பகுத்தறிவு, அரசியல், சமூக நீதிப் பணி களை இருட்டடிப்பு செய்து, வதந் திகள் எவ்வாறு பரப்பப்படுகிறது என்பதை விளக்கி பல்வேறு வரலாற்று உண்மைத் தகவல்களைக் கொண்ட காணொலி (விகடன் தொலைக்காட்சி தயாரித்தளித்த) காட்சிப்பதிவை லெனின் திரையிட்டு விளக்க உரையாற்றினார். கவிஞர் இரவிச்சந்திரன் சிறப்புரையாற்றினார்.

புதுக்கோட்டை எம்.எம்.அப்துல்லா சிறப்பு விருந்தினராக விழாவில் இணையம் வாயிலாக உரையாற்றினார்.

இணைய வழி உரையாடலில் சிறப்பு விருந்தினராக ராஜாத்தி சல்மா இணைந்து பெரியாரும், பெண்ணியமும் தலைப்பில் உரை யாற்றினார். விழாவில் பார்வை யாளர் வரிசையிலிருந்து ஜான்சி ராணி என்பவர் தம்முடைய கருத்துகளைப் பகிர்ந்து கொ ண்டார்.  இரண்டு ஆண்டுகளுக்கு முன்பு கடந்த 2017ஆம் ஆண்டில் பெரியார் அம்பேத்கர் சிந்தனை வட்டம் தொடங்கப்பட்டு தந்தை பெரியார் பிறந்த நாள் சிறப்பாக கொண்டா டப்பட்டது.

ஆஸ்திரேலியா பிரிஸ்பெனில் 29.9.2019 அன்று நடைபெற்ற பெரியார் 141ஆவது பிறந்த நாள் விழாவில் குழந்தைகளுடன் தமிழ்க் குடும்பங்கள், நட்புரிமைகொண்ட அம்பேத்கர் சிந்தனையாளர்கள், குயின்ஸ் லாந்து தமிழ் மன்றம், தமிழ் ஒலி உள்ளிட்ட பல தரப்பிலிருந்தும் விழாவில் பலரும் பங்கேற்றனர்.

- விடுதலை நாளேடு, 4. 10 .19

சனி, 28 செப்டம்பர், 2019

அய்தராபாத் உஸ்மானியா பல்கலைக்கழகத்தின் மாணவ அமைப்புகளின் சார்பில் தந்தை பெரியார் 141ஆவது பிறந்தநாள் விழா சிறப்பாக கொண்டாட்டம்



தெலங்கானா மாநிலத்தில் அய்தராபாத் உஸ்மானியா பல்கலைக்கழகத்தில் பகுஜன் மாணவர் அமைப்பின் ஏற்பாட்டில் மாணவ அமைப்புகளின்  முயற்சியால் செப்டம்பர் 17 அன்று தந்தை  பெரியாரின் 141 ஆவது பிறந்த நாளை சிறப்பாக கொண்டாடினார்கள்.

- விடுதலை நாளேடு, 28 .9. 19

ஞாயிறு, 6 ஜனவரி, 2019

பிற மாநிலங்களில் தந்தை பெரியார் விழா

தெலங்கானா மாநிலத்தில் பல்வேறு பகுதிகளில்  தந்தை பெரியார் 45ஆம் நினைவு நாள் கூட்டங்கள்




விசாகப்பட்டினம், ஜன.4 தெலங்கானா மாநிலத்தில் நாத்திக மக்கள் சங்கத்தின் சார்பில் தந்தை பெரியாரின் 45ஆம் நினைவு நாள் கூட்டம் பல்வேறு பகுதிகளில் நடைபெற்றது.

விசாகப்பட்டினம்


நாத்திக மக்கள் சங்கத்தின் சார்பில் ஜீடி சாரய்யா பேசும்போது, இந்துமதம் உள்ளிட்ட அனைத்து மதங்களின் சமத்துவமின்மைக்கு எதிராக, ஜாதிக்கு எதிராக, பெண்களின் உரிமைகளுக்காக போராடி வென்றவர் தந்தைபெரியார் என்று குறிப்பிட்டார்.  அதன்காரணமாகவே, தந்தை பெரியாரை அய்க்கிய நாடுகள் அவையின் யுனெஸ்கோ அமைப்பு போற்றிப்பாராட்டி, நவீன சாக்ரட்டீசாக, மனித உரிமைப் போராளியாக அடையாளப்படுத்தியது

வடஇந்தியாவில் சமூகப்பணிகளுக்கான அமைப்புகள் மற்றும் பகுத்தறிவு நாத்திக இயக்கங்கள் சமுதாய மாற்றத்துக்கான அடித்தளமிட்டு முன்னேற்றமடையச் செய்து வந்துள்ளன. சுயமரியாதை இயக்கத்தை நிறுவி பரப்புரை மேற்கொண்டவர் தந்தை பெரியார் என்று கூட்டத்தில் பேசிய பல்வேறு அமைப்பினரும் குறிப்பிட்டனர்.

நாட்டின் பாதுகாப்பு என்கிற பெயரால், இந்துத்துவ வன்முறைகள் அதிகரித்து ஜனநாயகத்தை அழிக்கின்ற நிலை ஏற்பட்டுள்ளது.  நாத்திக மக்கள் சங்கம் சார்பில் கூறுகையில், மதமற்றவர்களாக லட்சக்கணக்கானவர்கள் தங்களை அறிவித்துக்கொள்வதற்கு தந்தைபெரியார் வழிகாட்டியுள்ளார் என்று பெருமிதத்துடன் குறிப்பிட்டனர். பெண்கள் முற்போக்கு அமைப்பின் பொதுச்செயலாளர் லட்சுமி பேசுகையில், கவுரி லங்கேஷ், கோவிந்த் பன்சாரே போன்றவர்களை இந்துத்துவம்தான் கொலை செய்துள்ளது. அதுதான் இந்துத்துவப் பாசிசத்தின் உச்சமாக உள்ளது. தலித்தா முத்தி அமைப்பின் சார்பில் வெங்கடரமணா கூட்டத்தில் கலந்துகொண்டார். அவர் கூறுகையில், மராட்டிய மாநிலத்தில் கோரேகான் பகுதியில் ஆர்.எஸ்.எஸ். சங் பரிவாரங்கள் தாழ்த்தப்பட்டவர்கள்மீது நடத்திய மோசமான தாக்குதலுக்கு மதத்தின் தீமையாகிய ஜாதிமுறையே ஆணிவேராகும். மூடநம்பிக்கைகள் மற்றும் ஜாதிக்கு எதிராக நாம் போராடவேண்டும் என்று கூறினார்.

ஜம்மிகுண்டா


தெலங்கானா மாவட்டத்தில்  கரீம் நகரிலுள்ள ஜம்மி குண்டாவில் நாத்திக மக்கள் சங்கத்தின் சார்பில்  தந்தை பெரியார் 45 ஆம் நினைவு நாள் கூட்டம் நடைபெற்றது. நாத்திக மக்கள் சங்கத்தின் கரீம் நகர் மாவட்டச் செயலாளர்  ராஜூ மற்றும் பாரத், ராஜூ உள்ளிட்டவர்கள் கலந்து கொண்டனர்.

பெதாபள்ளி


கோதாவரிகனி மாவட்டம் பெதாபள்ளியில்  தந்தை பெரியார் 45ஆம் நினைவுநாள் கூட்டம் நடைபெற்றது.

கோதா வரிகனி மாவட்டத் தலைவர் ராஜலிங்கம் சிறப் புரையாற்றினார். செயலாளர் சுசித்ரா, ராஜமவுலி, மல்லண்ணா உள்ளிட்டவர்கள் கூட்டத்தில் கலந்துகொண்டனர்.

- விடுதலை நாளேடு, 4.1.19

வெள்ளி, 19 அக்டோபர், 2018

குவைத்தில் தந்தை பெரியார், அறிஞர் அண்ணா பிறந்த நாள் விழா



குவைத், அக். 18 உலக தத்துவ ஞானி தந்தை பெரியார் நூலகம் சார்பில் 13.10.2018 அன்று மாலை 6.30 மணிக்கு குவைத், ஹீர்ரன்ஜா விடுதியில் தோழர் ஆலஞ்சியார் தலைமையில் தந்தை பெரியார், அறிஞர் அண்ணா பிறந்த நாள் விழா மற்றும் விருது வழங்கும் விழா நடைபெற்றது. நிகழ்வில் குவைத் உலக தத்துவஞானி தந்தை பெரியார் நூலகக் காப்பாளர் ச.செல்லப்பெருமாள் வரவேற்புரையாற்றினார்.

தந்தை பெரியார் பிறந்த நாள் விழா, பேரறிஞர் அண்ணா பிறந்த நாள் விழா & விருது வழங்கும் விழவை ஏற்பாடு செய்த உலக தத்துவஞானி தந்தை பெரியார் நூலக காப்பாளர் ச.செல்லப்பெருமாளை பாராட்டி திராவிடர் கழகத் தலைவர் தமிழர் தலைவர் ஆசிரியர் அய்யா அவர்கள் வாழ்த்துக் கடிதம் எழுதியிருந்தார்கள். அக்கடிதம் விழாவில் வாசிக்கப்பட்டது. பெரியார் விருது பெறும் வி.சி.க. முதன்மைச் செயலாளர் கமீ.அன்பரசன், குவைத் ஆசிரியை ஜெசிமா சிராஜூதீன், குடி அரசு இதழ் விருது பெறும் தமிழ்நேசன் அமானுல்லா ஆகியோருக்கு பாராட்டுக் கடிதம் அனுப்பி வைத்திருந்தார்கள். திராவிடர் கழகத் தலைவர் தமிழர் தலைவர் ஆசிரியர் அவர்கள் அளித்த கடிதங்களை விழாவில் வாசிக்கும்போது பலத்த கைத்தட்டல் எழுந்தது. கடிதங் களை வாசித்து, பாராட்டுக் கடிதங்களை விருது பெற்றோர்களுக்கு நூலக காப் பாளர் ச.செல்லப்பெருமாள் வழங்கினார்.

விழாத்தலைவர் ஆலஞ்சியார் திரா விட இயக்கச் சிந்தனைகளை முன்னெ டுத்துச் செல்வோம் என்று பேசினார்.

பகுத்தறிவாளர் கழகத் தலைவர் மா.அழகிரிசாமி, தந்தை பெரியார் விருதினை வெற்றியூர் கமீ.அன்பரசன், ஜெசிமா சிராஜூதின் ஆகியோருக்கும் குடிஅரசு இதழ் விருதினை தமிழ்நேசன் அமானுல்லாவிற்கும் வழங்கி சிறப் புரையாற்றினார்.

தந்தை பெரியார் கொள்கைகள் உலக மயமாக்கிடும் முயற்சியில் குவைத் மண்ணில் ஈடுபட்டு வரும் உலக தத்துவ ஞானி தந்தை பெரியார் நூலகப்பணிகளை பெரிதும் பாராட்டியும், தந்தை பெரியார் கொள்கைகளை உலகமயமாக்கும் தமிழர் தலைவர் ஆசிரியர் அவர்களின் பணி களை விளக்கியும், அன்னை மணியம்மை யார் நூற்றாண்டு விழா பற்றியும் இன எதிரிகள் செயல்களுக்கு எதிர்வினையாற்ற ஒவ்வொரு தோழரும் பாடுபட்டு சமூக வலைதலைங்களில் பரப்புரையாற்ற வேண்டும் எனவும் வேண்டுகோள் விடுத்தார்.

விழாவில் திமுக செய்தி தொடர்பு இணைச்செயலாளர் தமிழன் பிரசன்னா, விடுதலை சிறுத்தை கட்சி மாநில துணைப் பொதுச்செயலாளர் ஆளூர் ஷாநவாஸ் ஆகியோர் திராவிட இயக்கச் சிந்தனைகளை, தந்தை பெரியார் விட்டுச் சென்ற கொள்கைகளை நாம் முன்னெ டுத்து செல்ல வேண்டிய அவசி யம் பற்றி விளக்கி சிறப்புரையாற்றினார்கள்.

நிகழ்ச்சியில் சுப்ரீம் டிராவல்ஸ் அபுபக் கர், சித்திக், வல்லம் அப்பாஸ், தூத்துக்குடி தந்தை பெரியார் படிப்பக பொறுப்பாளர் சு.காசி வாழ்த்துரை வழங்கினார்கள்.

நிகழ்ச்சியில் தந்தை பெரியார் பற்றிய பாடல்களை இசைமுரசு கலிபுல்லா பாடினார். நிகழ்ச்சியின் நிறைவில் திராவிடர் கழக தோழர் இரா.சித்தார்த்தன் நன்றியுரை கூறினார்.

குவைத் மண்ணிற்கு பரப்புரை மேற் கொள்ளச்சென்ற தோழர்கள் மா.அழகிரி சாமி, தமிழன் பிரசன்னா, ஆளூர் ஷாநவாஸ் ஆகியோருக்கு 12.10.2018 அன்று இரவு 8.30 மணியளவில் குவைத் விமான நிலையத்தில் திராவிடர் கழகம், திமுக, விசிக  சார்பில் திரளாக தோழர்கள் வரவேற்பு அளித்தார்கள்.

- விடுதலை நாளேடு, 18.10.18

வியாழன், 11 அக்டோபர், 2018

ஆந்திரப்பிரதேசம் மற்றும் தெலங்கானா மாநிலத்தில் பல் வேறு பகுதிகளில் தந்தை பெரியார் 140ஆவது பிறந்த நாள்விழா

தெலங்கானா, ஆந்திரப்பிரதேச மாநிலங்களில் பல்கலை. மாணவர்கள், நாத்திக மக்கள் சங்கம் இணைந்து நடத்திய




அய்தராபாத், அக்.10ஆந்திரப்பிரதேசம் மற்றும் தெலங்கானா மாநிலத்தில் பல் வேறு பகுதிகளில் தந்தை பெரியார் 140ஆவது பிறந்த நாள்விழா கொண்டாடப் பட்டது.

கரீம் நகர்: கரீம்நகர் மாவட்டத்தில் நடைபெற்ற விழாவில் டாக்டர் திருப் பதியா தலைமையில் நாத்திக மக்கள் சங்கத்தின் தலைவர் ஜம்மிக்குண்டா ராஜூ, டி.பிட்சுபதி, நாராயணா உள்ளிட்டவர்கள் உறுதியேற்பு விழாவாக நடை பெற்ற தந்தை பெரியார் 140ஆவது பிறந்த நாள் விழவில் கலந்துகொண்டனர்.

வாரங்கல்: வாரங்கல் மாவட்டத்தில் கானாவில் உள்ள பழங்குடி ஆசிரம வளாகத்தில் விழா நடைபெற்றது-.

உஸ்மேனியா பல்கலை: அய்தரா பாத்தில் உள்ள உஸ் மேனியா பல்கலைக் கழக வளாகத்தில் நாத்திக மக்கள் சங்கம், அம்பேத்கர் மாணவர் சங்கம் இணைந்து விழா நடத்தப்பட்டது.

வேமண்ணா பல்கலை: ஆந்திரப் பிரதேசம் ராயலசீமா, கடப்பா, பில்லாலா யோகி வேமண்ணா பல்கலைக்கழக வளாகத்தில் நாத்திக மக்கள் சங்கம் சார்பில் நடத்தப்பட்ட பெரியார் பிறந்த நாள்விழாவை கங்கா சுரேஷ், பாரத் உள் ளிட்டவர்கள் ஒருங்கிணைத்தார்கள். கீதி சாரய்யா, பென் மெட்சா சுப்பாராஜூ, நாகார்ஜூனா காரு, பல்லவலோ ராமண்ணா, சாய்குமார் மற்றும் பலர் விழாவில் கலந்து கொண்டனர்.

நாத்திக மக்கள் சங்கம்: தென்னிந் தியாவில் நாத்திகத்தின் மறுபெயராக தந்தை பெரியார் திகழ்ந்தார். அரசியல் கட்சிகள் நாத்திக வழியில் பயணிப்பதற் கான அடித்தளத்தை உருவாக்கிய தந்தை பெரியார் தென்கிழக்காசியாவின் சாக்ரட் டிஸ் என்று போற்றப்படுகிறார். தந்தை பெரியார் இந்து மதத்திலிருந்த வாறே ஜாதி ஒழிப்புக்கான கலகக்காரராக தீவிர மாக செயல்பட்டவர். மனித உரிமைகள், பெண்ணுரிமைகளுக்காக போராடியவர் தந்தை பெரியார். நாட்டின் விடுதலைக்கு முன்ன தாகவே தென் மாநிலங்கள் புறக்கணிக்கப்பட்டுவிடும் என்று முன் எச்சரிக்கையை வெளியிட்டவர் தந்தை பெரியார். கொண்ட கொள்கைக்காக பல ஆண்டுகள் சிறைவாசம் செய்தவர் தந்தை பெரியார். அவருடைய இறுதிக்காலம் வரை 94 வயதிலும் தம்முடைய போராட்டத்திலிருந்து விலகாமல் தொடர்ச்சியாக போராடி வந்தவர் தந்தை பெரியார். இந்து மதத்தை இந்த நாட்டி லிருந்து ஒழிக்காமல், ஜாதியை ஒழிக்க முடியாது என்றார். அவருடைய வாழ் நாளில் பெரும்பகுதியை சுற்றுப் பயணங்கள், பேச்சுகளிலேயே செல விட்டார்.



கிரிக் கெட், சினிமா, கேளிக்கைகள், திறன்பேசிகள்,  பிக்பாஸ் நிகழ்ச்சி, வார இறுதிநாள் கொண்டாட்டங்களில் பொழுதுகளை போக்கி, பணம், நேரம் ஆற்றலை விரய மாக்குகின்ற இளைய தலைமுறையினர் தந்தைபெரியார் எனும் போராளியை அடையாளம் கண்டு கொள்ள வேண்டாமா? நாட் டில் சமூக சீர்குலைவுகளால் ஏற்படுகின்ற விளைவுகள் என்ன? சகோரத்துவ உணர்வின்றி குடிமக்கள் இருக்கலாமா? உள்ளிட்ட கருத்துகளை தந்தை பெரியார் 140ஆவது பிறந்த நாள் விழா நிகழ்ச்சி களில் நாத்திக மக்கள் சங்கத்தின் பொறுப் பாளர்கள் எடுத்துரைத்தார்கள்.

- விடுதலை நாளேடு, 10.10.18

கருநாடக மாநிலத்தில் அய்ம்பெரும் விழா மிகுந்த கோலாகலமாகக் கொண்டாட்டம்!



பெங்களூரு, அக்.5 தந்தை பெரியார் அவர்களின் 140ஆம் ஆண்டு பிறந்த நாள் விழா, கழகத்தின் மூத்தவர்கள் (80 அகவையைக் கடந்தவர்கள்) பெரியார் செம்மல் விருது வழங்கும் விழா, மாநிலத் துணைத் தலைவர் பு.ர.கஜபதி & அய்யலட்சுமி இணையேற்பு 60ஆம் ஆண்டு மகிழ்வாக திருக்குறள் கன்னட மொழியில் வெளியீட்டு விழா என அம்பெரும் விழா சிறப்பாக விடுதலை பெரியார் மலர் அறிமுக விழா கருநாடக மாநிலத் திராவிடர் கழகத்தின் சார்பில் மிகச் சிறப்பாக 23.9.2018 அன்று காலை 10 மணிக்கு பெங்களூருத் தமிழ்ச் சங்கத்தின் திருவள்ளுவர் பேரங்கில் நடைபெற்றது.

துணை செயலாளர் வே.நடவரசன் கடவுள் மறுப்புடன் நிகழ்ச்சி எழுச்சியுடன் தொடங்கியது. ஆயில் மில் பகுதி தலைவர் கி.சு.தென்னவன் மொழி வழ்த்து இசைத்தார். மாநில செயலாளர் இரா.முல்லைக்கோ அனைவரையும் வரவேற்று நிகழ்வினை முனைப்புரை நிகழ்த்தினார். பொதுக்குழு உறுப்பினர் இரா.இராசாராம் கழகக் கொடியை ஏற்றி வைத்தார்.

பெரியார் படத்திறப்பு


தந்தை பெரியார் படத்தினை மூத்த வழக்குரைஞர் சிறீதரமூர்த்தியும், அறிஞர் அண்ணா படத்தினை மாநில திமுகழக பொருளாளர் கே.தட்சிணாமூர்த்தி திறந்து வைத்தனர்.

நிகழ்வுக்கு முன்னிலை வகித்த தமிழ்ச்சங்க மூத்த உறுப்பினர் முருகு சுப்பிரமணியன், வழக்குரைஞர் பிரிவு தலைவர் சே.குணவேந்தன், வழக்குரைஞர் பிரிவு செய லாளர் ஜெ.அருண், வழக்குரைஞர் பிரிவு அமைப்பாளர் பெஞ்சமின் பிராங்கிளின் உரை நிகழ்த்தினர்.

மாநில துணைத் தலைவர் பு.ர.கஜபதி & அய்யலட்சுமி இணையேற்பு 60ஆம் ஆண்டு மகிழ்வாக இணையருக்கு சிறப்பாடை அணிவிக்கப்பட்டது. பெங்களூருத் தமிழ்ச் சங்கம் கஜபதி இணையர் இணைந்து கன்னட மொழியில் திருக்குறளை மொழியாக்கம் செய்து வெளியிடப்பட்டது.

பெங்களூருத் தமிழ்ச் சங்கத்தலைவர் தி.கோ.தாமோ தரன் திருக்குறள் நூலினை வெளியிட கழக நிர்வாகிகள் அனைவரும் பலத்த கரவொலிக்கிடையே பெற்றுக் கொண்டனர்.

பெரியார் செம்மல் விருது


கருநாடக மாநிலத் திராவிடர் கழகத்தின் 80 அகவை யைக் கடந்த மூத்த கீழ்காணும் நிர்வாகிகளுக்கு "பெரியார் செம்மல் விருது"ம் சிறப்பாடைகள், குளிர்தடுப்பு ஆடை கள், பெரியார் அமர்ந்த நிலை உருவச்சிலை, கருப்பு வண்ண எழுதுகோல், விடுதலை பெரியார் மலர், ஆர்.டி. வீரபத்தினால் வழங்கப்பட்ட மூன்று தலைமைக் கழக வெளியீட்டு நூல்கள் வழங்கி அனைத்து மக்களின் கரவொலியோடு, வண்ண மலர் மத்தாப்பு ஒலி, ஒளியும் கழக நிர்வாகிகள் அமுதபாண்டியன், சே.குணவேந்தன், ஜெ.அருண், பெஞ்சமின் பிராங்கிளின், கோ.சண்முகம், இரா.இராசாராம் & தங்கம் அம்மையார், கி.சு.இளங்கோவன், இள.பழனிவேல், தி.செ.கணேசன், கிருபாநிதி, ஒளி வண்ணன், கு.செயக்கிருட்டிணன், கு.ஆனந்தன், மலர் முருகேசன், பெ.பாண்டியன், திருச்சி காட்டூர் கனகராஜ் மற்றும் பலர் பரிசு பொருட்களை வழங்கி மகிழ்ந்தனர்.

80 அகவையைக் கடந்த கழக மூத்த நர்வாகிகள்


மாநிலத் தலைவர் மு.ஜானகிராமன் (83 அகவை), தலைமை பொதுக்குழு உறுப்பினர் சென்னை நீலாங்கரை இரா.தே.வீரபத்திரன் (81 அகவை), மாநில துணைத் தலைவர் வீ.மு.வேலு (98 அகவை), மாநில துணைத் தலைவர் தங்கம் இராமச்சந்திரா (82 அகவை), மாநில துணைத் தலைவர் பு.ர.கஜபதி (83 அகவை), செயற்குழு உறுப்பினர் இரா.சாமிதுரை (83 அகவை), தென் மண்டலத் தலைவர் கவிஞர் வீ.இரத்தினம் (87 அகவை), ஆயில் மில் பகுதி தலைவர் கி.சி.தென்னவன் (80 அகவை), மூத்த பகுத்தறிவாளர் பாவலர் ப.பரமசிவம் (83 அகவை) ஆகிய ஒன்று பெருந்தகைகளுக்கு "பெரியார் செம்மல் விருது" பேழை தலைவர் வீ.வீரமணி அவர்கள் கழகக் கொடியேந்தி நடைபோட தந்தை பெரியார், அன்னை மணியம்மையார் சிறப்பாக பல வண்ண ஒளிப்படம் தாங்கிய பேழையாக வழங்கப்பட்டது.

பேரறிஞர் அண்ணா, தன்மானம் ஊட்டிய தனிப்பெரும் தலைவர் தந்தை பெரியார் பிறந்த நாள் சிறப்பினை மதிமுக அமைப்பு செயலாளர் ஆ.வந்தியத்தேவன், தலைமை  கழக எழுச்சி உரை வீச்சாளர் தஞ்சை பெரியார் செல்வன் ஆகியோர் நெடிய நேரம் பல்வேறு அற்புதத் தகவல் கதைகளைக்கூறி நண்பகல் 2 மணி வரை உரை நிகழ்த்தினர். மாநில பொருளாளர் கு.ஜெயக்கிருட்டிணன் நன்றி உரையுடன் நிகழ்வு முடிவுற்றது. அனைவருக்கும் கழக நிர்வாகிகளால் பயனாடை அணிவித்து சிறப் பிக்கப்பட்டது.
-  விடுதலை நாளேடு, 11.10.18

புதன், 10 அக்டோபர், 2018

அமெரிக்காவில் கொண்டாடப்பட்ட பெரியார் - அண்ணா பிறந்தநாள் விழா

ந.க.இராஜ்குமார்




அமெரிக்காவின் முதல் மாநிலமாம் டெலவரில், தமிழ் நண்பர்கள் இணைந்து நடத்திய தந்தைபெரியார் - அறிஞர் அண்ணா அவர்களின் பிறந்த நாள் விழா செப்டம்பர் - 29 , 2018 அன்றுகாலை 11 மணி முதல் மாலை 6.30  மணி வரை வெகு விமர்சையாக நடைபெற்றது. ஓவியப் போட்டி

இனிய இவ்விழா தமிழ்த்தாய் வாழ்த்துடன் இனிதே தொடங்கியது. நிகழ்வில் மாணவ - மாணவியர்களுக்கு தந்தை பெரியாரின் உருவப் படத்தை மய்யப்படுத்தி ஓவியப் போட்டியும், அதனைத் தொடர்ந்து இரு பெரும் தலைவர்களின் வாழ்வியலை முன்னிலைப்படுத்தி வினாடி - வினா போட்டிகளும் நடத்தப்பட்டன. இப் போட்டிகளில் மாணாக்கர்கள் ஆர்வத்துடனும், மிகுந்த ஈடுபாட்டுடனும் பங்கேற்று, எழுப்பிய வினாக்களுக்கு விரைவாகவும், மிகச் சரியாகவும் பதிலளித்த விதம் விழா நோக்கத்தை வெற்றிகரமாக்கியது.

பேச்சுப் போட்டி




இந்நிகழ்வைத் தொடர்ந்து பெரியோர்களுக்கான பேச்சுப் போட்டி "பகுத்தறிவு பகலவன் பெரியார்",  "கடமை கண்ணியம் கட்டுப்பாடு - பேரறிஞர்அண்ணா" மற்றும் "அமெரிக்காவும் தமிழ்நாடும் - சமூகநீதி ஓர் ஒப்புமைப் பார்வை" என்கிற தலைப்புகளில் நடை பெற்றது.  இதில் பங்கேற்றோர் இருபெரும் தலைவர் களான பெரியார், அண்ணா அவர்களின் உயரிய பண்பு நலன்களையும், சிறப்புகளையும் அனைவரின் இதயத் திலும் கொண்டு வந்து நிறுத்தினர். போட்டியின் முடிவில் திருமிகு. செல்வகுமார், திருமிகு. பிரசில்லா, திருமிகு.விஜயலட்சுமி ஆகியோர் முறையே முதல் மூன்று இடங்களைப் பெற்றனர்.

பறையிசை - கும்மி


இந்நிகழ்வில் தமிழ்ப் பண்பாட்டை இனிதே வெளிப்படுத்தும் வகையில் மகளிர் பங்கேற்ற கும்மி அடித்தல் நிகழ்வு பெரும் குதூகலத்தைத் தந்தது.  அதனைத் தொடர்ந்து தமிழ்ப் பண்பாட்டின் சின்னமான பறை இசையை நண்பர்கள் வெகுசிறப்பாக நிகழ்த்திக் காட்டினர். பறை, கும்மி இரண்டும் இவ்விழாவினுடைய சிறப்பம்சமாக அமைந்தது. ஒட்டுமொத்த அரங்கமும் ஆரவாரம் செய்து இன்புற்றனர்.

சமூகநீதி காவலர்கள்




இதனைத் தொடர்ந்து "சமூகநீதி காவலர்கள் பெரியார் அண்ணா" என்கிற தலைப்பில் திருமிகு. பிரசாத் பாண்டியன் அவர்கள் நெறியாள்கையில் சிறப்பானதோர் கருத்தரங்கம் நடைபெற்றது. அதில் "பகுத்தறிவு" தலைப்பில் திருமிகு. தீபன்,  "சுயமரியாதை" தலைப்பில் திருமிகு. அல்லி நடேஷ், "பெண்ணுரிமை" தலைப்பில் திருமிகு. மெர்லின், "சமூகநீதி" தலைப்பில் திருமிகு.கிருஷ்ணன் மற்றும் "சமத்துவம்" தலைப்பில் திருமிகு. தேவநாதன் ஆகியோர் பெருமைக்குரிய இரண்டு தலைவர்களும் சமுதாய உயர்வுக்காக ஆற்றிய பணி களையும், அவர்களது சிந்தனைகளையும் அவைக்கு  அப்படியே படம் பிடித்து காட்டினர். நெறியாள்கை செய்த திருமிகு.பிரசாத் அவர்கள் பெரியார்,  அண் ணாவைப் பற்றி சிறப்பாகப்பேசி,  தன் பேச்சுத் திறனால் அரங்கத்தில் உள்ள அத்தனை பேரையும் ஆட் கொண்டார்.

பெண் ஏன் அடிமையானாள்? நூல் வழங்கல்!




தொடர்ந்து "இலட்சியப் பெரியார் இலட்சம் கைகளில்" என்ற முழக்கத்தோடு தமிழகத்தில் உள்ள நன்செய் பிரசுரம் வெளிட்டிருக்கும் தந்தைபெரியார் எழுதிய  "பெண் ஏன் அடிமையானாள்?" புத்தகம் திருமிகு. இராஜ்குமார் அவர்களால் அறிமுகப்படுத்தப்பட்டு,  நிகழ்வில் கலந்து கொண்ட அனைத்துப் பெண்களுக்கும் வழங்கப்பட்டது. அதனை அடுத்து மேட்டூரைச் சேர்ந்த ஓய்வு பெற்ற ஆசிரியை திருமிகு.வசந்த கோகிலா அவர்கள் "இசைமுரசு" நாகூர் அனிபாவின் "எங்களை ஏங்க விட்டு எங்கே சென்றாய் அண்ணா...." என்ற பாடலைத் தன் கம்பீர குரலால் பாடி அரங்கத்தைத் தன் வசப்படுத்தினார்.

சாமானியர்களின் சாதனைகள்




இந்நிகழ்வில் சிறப்புவிருந்தினராகக் கலந்து கொண்ட தமிழ் இருக்கை அமைப்புச் செயலாளர்,  முனைவர் திருமிகு. சொர்ணம் சங்கரபாண்டி அவர்கள் "சாமானி யர்களின் சாதனைகள்" என்கிற தலைப்பில் திராவிடர் இயக்கமும், திராவிட கட்சிகளும் செய்த சாதனைகளை புள்ளி விவரங்களுடன், புதுப்புது தகவல்களுடன் ஆற்றிய உரை புது எழுச்சியைத் தந்தது.  தமிழகத்தின் விடிவெள்ளி பெரியார்

தொடர்ந்து சிறப்புரை ஆற்றிய பெரியார் அம்பேத்கர் படிப்பு வட்ட ஒருங்கிணைப்பாளர் வழக்குரைஞர் திருமிகு. கனிமொழி அவர்கள் "தமிழகத்தின் விடி வெள்ளி பெரியார்" என்கிற தலைப்பில் பெரியார் பற்றிய அரிய தகவல்களைஅரங்கிற்கு எடுத்துரைத்தார்.

அதனைத் தொடர்ந்து,  போட்டிகளில் வெற்றி பெற்றவர்களுக்கு சிறப்பு விருந் தினர்கள், விழா ஒருங்கிணைப்பாளர்கள் முன்னிலையில் பரிசுகள் மற்றும் சான்றி தழ்கள் வழங்கப்பட்டன.

இச்சிறப்பான விழாவை திருமிகு.இரமா ஆறுமுகம் மற்றும் திருமிகு. ஜெசிபிரியா பிரசாத் ஆகியோர் தம் அழகுத் தமிழாலும், இடையிடையே பல அரிய தகவல்களை அரங்குக்குத் தந்தும் சிறப்பாக ஒருங் கிணைத்தனர்.

இறுதியாக ஒருங்கிணைப்பாளர் திருமிகு. துரைக் கண்ணன் அவர்கள் நன்றி யுரை கூற அழகுடனும், எழுச்சியுடனும் இனிதே விழா நிறைவுற்றது. டெலவர் பகுதியில் இயங்கி வரும் ரஜினி தென்னிந்திய உணவகம், விழாவில் கலந்து கொண்ட அனைவருக்கும் மதிய உணவு வழங்கி மேலும் விழாவை சிறப்பித்தனர்.

பெரியார் - அண்ணா பிறந்தநாள் விழாவில் 165 பேருக்கும் மேலான தமிழ் உணர்வாளர்கள் தங்கள் குடும்பத்துடன் கலந்து கொண்டதும், 35க்கும் மேலான குழந்தைகள் போட்டிகளில் கலந்து கொண்டதும், அமெரிக்கத் தமிழர்களிடம் பெரியார், அண்ணாவின் கொள்கைகள் எந்த அளவிற்கு தாக்கத்தை ஏற்படுத்தி யுள்ளன என்பதை தெளிவாகக் காட்டியதாக ஒருங் கிணைப்பாளர்கள் கூறினர்.

- விடுதலை நாளேடு, 6.10.18

அமெரிக்கா (நியூஜெர்சி) - குவைத் நாடுகளில் தந்தை பெரியார் 140 ஆவது பிறந்த நாள் விழா!


அமெரிக்கா (நியூஜெர்சி) - குவைத் நாடுகளில் தந்தை பெரியார் 140 ஆவது பிறந்த நாள் விழா!




நியூஜெர்சி, அக்.3 நியூஜெர்சியில் தந்தை பெரியாரின் 140 ஆவது பிறந்த நாள் கடந்த 23.9.2018 அன்று வெகு சிறப்பாக ஒரு நாள் நிகழ்ச்சியாக கொண்டாடப்பட்டது. காலை 11 மணிக்கு கருத்துக்களம் தொடங்கியது. சுயமரியாதை சமதர்மம் பெரியார்' என்ற தலைப்பில் திராவிடர் கழகப் பொதுச்செயலாளர் துரை.சந்திரசேகரன் அவர்கள் பல்வேறு கருத்துகளை எடுத்து விளக்கி பெரி யார் சமத்துவத்தின் அடையாளம் என்று உரையாற்றினார். தொடர்ந்து பெரியார் எளிய மக்களுக்கான தலைவர்' என்ற தலைப்பில் முனைவர் ரவிசங்கர் கண்ணபிரான் தந்தை பெரியார் எளிமையின் உறைவிடமாக வாழ்ந்து  மக்களுக்காக தொண்டாற்றினார் என்பதை பல்வேறு செய்திகளுடன் விளக்கினார்.

தோழர் ஆசிப்


தொடர்ந்து கலகக்காரர் பெரியார்' என்ற தலைப்பில் தோழர் ஆசிப், அய்யாவின் சிறுவயது முதலே அவரின் கலகக்குரல் தான் அவரின் பகுத்தறிவு கேள்விகளுக்கு வித்திட்டது என்பதையும் அந்தக் குரல் தான் சமூகநீதி நிலைநாட்டப்பட இறுதிவரை போராடியது என்பதை யும் விளக்கி உரையாற்றினார். கருத்துக்களத்தை தொடர்ந்து பார்வையாளர்கள் எழுப்பிய பல கேள்விகளுக்கு விளக்கமாக திராவிடர் கழகத்தின் பொதுச்செயலாளர் துரை.சந்திரசேகரன் அவர்கள் பதில் அளித்தார். மதிய உணவிற்குப் பின் சரியாக 2.40 மணிக்கு மாலை நேர கலை நிகழ்ச்சிகள் தொடங்கியது நிகழ்ச்சியின் தொடக்கத்தில் முத்தமிழ் அறிஞர் கலைஞர் அவர்களுக்கும், அம்பேத்கரிய செயற்பாட்டாளர் ராஜு காம்பளே அவர்களுக்கும், தமிழறிஞர் கி.த. பச்சை யப்பன் அவர்களுக்கும், அண்மையில் ஆணவக் கொலை யால் தெலங்கானவில் கொல்லப்பட்ட தோழர் பிரணய் அவர்களுக்கும் வீரவணக்கம் செலுத்தப்பட்டது. தெலங் கானாவில் கொல்லப்பட்ட பிரணய்க்கு நீதி வேண்டும் என்றும், ஆணவக் கொலையை எதிர்த்து கண்டனத்தையும் பெரியார் அம்பேத்கர் படிப்பு வட்டம் பதிவு செய்தது.

பறை  இசை


நியூ ஜெர்சியின் பெரியார் அம்பேத்கர் படிப்பு வட்டத்தின் விடுதலை பறை இசை குழுவைச் சேர்ந்த தோழர் ரவி பெருமாள்சாமி, தோழர் பிரபு, தோழர் பாலா, தோழர் சுபாசு சந்திரன், தோழர் கனிமொழி ஆகி யோர் பறை இசைத்தனர். அதைத் தொடர்ந்து கனெக்டிகட் பறை இசை குழுவைச் சேர்ந்த தோழர் சபரிஷ், தோழர் நிதர்சனா, தோழர் திலிப், தோழர் கார்த்திகேயன் பிரபு, தோழர் பெட்சி  பறை இசைத்தனர். அதனைத்தொடர்ந்து பெரியார் பிஞ்சுகள் கிழவனல்ல அவன் கிழக்கு திசை, பள்ளிக்கு மீண்டும் போகலாம் என்ற பாடல்களை மிக அழகாகப் பாடினர். கடவுள் மறுப்பு வாசகத்தை பெரியார் பிஞ்சுகள் இலக்கியா, இனியா சிறப்பாக கூறினர்.

சிறப்பு மலர் வெளியீடு


அதனைத் தொடர்ந்து பெரியார் அம்பேத்கர் படிப்பு வட்டம் (நியூஜெர்சி) தந்தை பெரியார் 140ஆவது பிறந்த நாள் சிறப்பு மலரை திராவிடர் கழகப் பொதுச்செயலாளர் துரை. சந்திரசேகரன் வெளியிட பேராசிரியர் அரசு செல் லையா அவர்கள் முதல் மலரை பெற்றுக் கொண்டார்.

மருத்துவர் சாலினி வாழ்த்து


தமிழ்நாட்டில் இருந்து தந்தை பெரியாரின் 140 ஆவது பிறந்த நாளை முன்னிட்டு திராவிடர் கழகத் தலைவர் ஆசிரியர் அய்யாவின் வாழ்த்துச் செய்தியும், மனநல மருத்துவர் சாலினி அவர்களின் வாழ்த்துச் செய்தியும் காணொலிகளாக ஒலித்தன. அதன்பின்னர் சென்ற ஆகஸ்ட் 7 ஆம் தேதி நம்மை யெல்லாம் மீளாத் துயரில் ஆழ்த்திச் சென்ற நமது திராவி டத் தாய் முத்தமிழ் அறிஞர் கலைஞரின் சாதனைகளை தொகுத்து 20 நிமிட காணொலி ஒளிபரப்பட்டது. மேலும் கலைஞரின் தாலாட்டு என்ற இசை வடிவம் வெளியிடப்பட்டது. தோழர் கனிமொழி வரிகளில், தோழர் முனைவர் ரவிசங்கர் கண்ணபிரான் இசையில் தோழர் காவ்யா ராஜ் பாடியுள்ளார்.  பின்னர் மக்கள் கலை இயக்கத்தின் தோழர் கோவன் அவர்களின் பாடலான ஏலே எங்க வந்து நடத்துற ரத யாத்திர? என்ற பாடலுக்கு தோழர் நிதர்சனா, தோழர் பெட்சி, தோழர் சபரிஷ், தோழர் கார்த்திகேயன் பிரபு நடனமாடினர்.

சிவாஜி கண்ட இந்து இராஜ்யம்


தொடர்ந்து அமெரிக்க வரலாற்றில் முதல் முறையாக சிவாஜி கண்ட இந்து இராஜ்யம்' என்ற பேரறிஞர் அண் ணாவின் நாடகம், சுருக்கமான வடிவில் நியூ ஜெர்சி எம்.ஆர்.இராதாகலைக்குழுவினரால் அரங்கேற்றப்பட் டது. சிவாஜியாக தோழர் ரவிசங்கர் கண்ணபிரான், சிட்னீஸ்சாக தோழர் ஆசிப், மோராபந்தாக தோழர் வெங்கி, காகபட்டராக தோழர் கனிமொழி, ரங்குபட்டராக தோழர் பிரபு, கேசவ பட்டராக தோழர் திலிப்,பாலச்சந்திர பட்டராக தோழர் சபரிஷ் சிறப்பாக நடித்தனர். இந்த நாடகத்தை இயக்கி, ஒலி, ஒளி உதவிகள் செய்தவர் தோழர் சுபாசு சந்திரன். இதன் சுருங்கிய வடிவை எழுதி ஆக்கித்தந்தவர் தோழர் முனைவர் ரவிசங்கர் கண்ணபிரான் அவர்கள்.

அரசு செல்லையா உரை


அதன் பின் பெரியாரின் உழைப்பு, கலைஞரின் ஆட்சி தந்த சமத்துவ பங்களிப்புகள் இவற்றைப் பற்றி மிகச் சீரிய முறையில் உரையாற்றினார் பேராசிரியர் அரசு செல்லையா அவர்கள். அதனைத்தொடர்ந்து பெரியார் பிஞ்சுகளின் தலைவர் கள் வேடமிட்ட அணிவகுப்பு நடந்தது. அதில் பெரியா ராக பெரியார் பிஞ்சு எயினி, திருவள்ளுவராக பெரியார் பிஞ்சு இலக்கணன், மணியம்மையராக பெரியார் பிஞ்சு இலக்கியா, நாகம்மையாராக பெரியார் பிஞ்சு இனியா, கலைஞராக பெரியார் பிஞ்சு ஆதவன், புரட்சி கவிஞர் பாரதிதாசனாக பெரியார் பிஞ்சு கோகுல் வேடமிட்டு அசத்தினர். அதன் பின் வைதீக குறியீடான பூணூலை உங்களுக்கு அணிவித்துவிட்டனரே என திருவள்ளுவரை கலைஞர் குரலில் கேட்கும் குரலொலி ஒலிக்க பெரியா ராக வேடமிட்ட எயினி திருவள்ளுவரின் பூணூலை கழற்றி தூக்கி எறிதல் போன்ற காட்சி அனைவரின் பாராட்டுதல்களையும் பெற்றது. தந்தை பெரியார் பிறந்த நாளை முன்னிட்டு நடந்த ஓவியப் போட்டியில் குழந்தைகள் மிகச் சிறப்பாக வரைந்து பரிசுகளை தட்டிச்சென்றனர். நியூஜெர்சி பெரி யார் அம்பேத்கர் படிப்பு வட்டத்தின் தோழர்கள் சிறப் பாக விழாவை ஒருங்கிணைத்தனர். பாஸ்டனில் இருந்து தோழர் மகேஷ், அவரது இணையர் தோழர் மோகனா, மகன் ஈ.வெ.ரா. கலந்து கொண்டு விழாவை சிறப்பித்த னர். அதே போன்று டெலவர் தமிழ்ச்சங்கத்தில் இருந்து தோழர் துரைக்கண்ணன் மற்றும் அவரது மகள் கலந்து கொண்டனர். நியூஜெர்சி தமிழ்ச்சங்கத்தின் துணைத் தலைவர் தோழர் செந்தில்நாதன் அவர்கள் விழாவில் கலந்து கொண்டு விழாவைப் பாராட்டினார்.   இரவு உணவு வழங்க விழா இனிதே நிறைவுற்றது.

குவைத்தில் பெரியார் பிறந்த நாள் விழா




உலகத் தத்துவ  ஞானி தந்தை  பெரியார்  நூலகத்தில், குவைத்தில்  17.9.2018 அன்று அதிகாலை புத்தாடை அணிந்து   அய்யா படம் அலங்கரித்து  தாயுமான தந்தை யின் 140ஆவது பிறந்த நாள் உறுதி மொழியாக, தமிழர் தலைவர் ஆசிரியர் அய்யா கட்டளைக்கு பணிந்து அடங்கி செயல்படுவோம் என உறுதி  மொழிகூறி  தாயுமான தந்தையின்  பிறந்த நாள்  கேக் வெட்டி  மிக சிறப்பாகக் கொண்டாடப்பட்டது.

அன்று  மாலையில்  கூடல் நகர்   சென்னை உணவ கத்தில்  தாயுமான தந்தையின் 140 ஆவது பிறந்த நாளை முன்னிட்டு தோழர் சித்தார்த்தன் கை வண்ணத்தில் தயாரித்த கேக்  தூத்துக்குடி  திராவிடர் கழகத் தலைவர் சு.காசி அவர்கள்  தலைமையில் வெட்டப்பட்டது. தந்தையின் சுயமரியாதை  இயக்கம் கொள்கை விளக்கம் பற்றி மிக தெளிவாக உரையாற்றினர். தோழர் சித்தார்த்தன் அனைவருக்கும்  கேக்  வழங்கி  சிறப்பித்தார்.  நூலக காப்பாளர் நன்றி கூறினார். விழா இனிதே  நிறைவு பெற்றது.

- விடுதலை நாளேடு, 3.10.18