தெலுங்கானா லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
தெலுங்கானா லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

வியாழன், 24 செப்டம்பர், 2020

தெலங்கானாவில் தந்தைபெரியார் 142ஆம் பிறந்த நாள் விழா


September 23, 2020 • Viduthalai • மற்றவை

வாரங்கல்,செப். 23- தெலங்கானாவில் இந் திய நாத்திக சங்கம், அறிவியல்மாணவர் கூட்டமைப்பு இணைந்து நடத்திய தந்தை பெரியார் 142ஆம் பிறந்த நாள் விழா  இந்திய நாத்திக சங்க மாநிலத் தலைவர் ஜீடிசாரய்யா தலைமையில் நடைபெற்றது.

மனித உரிமை ஆணைய உறுப்பினர் திருப்பாதய்யா சிறப்பு விருந்தினராக பங்கேற்று சிறப்புரையாற்றினார். நாட் டிலேயே பார்ப்பனர் அல்லாதாரின் சுயமரியாதைக்காக முதல் முறையாக இயக்கம் கண்டவர் தந்தை பெரியார். சமூக அநீதிக்கு எதிராக போராடியவர், பாகுபாடுகளுக்கு காரணமான ஜாதி, மதம், கடவுள் ஆகியவற்றை ஒழிக்க பாடு பட்டவர்.

தந்தைபெரியார் கொள்கைகளைப் பரப்பாமலிருந்தால் பாகுபாடுகளையும், இந்து மதக் கோட்பாடுகளையும் ஒழிக் கவே முடியாது. இந்துராஷ்டிரம் அமைத் திட மனுதர்மத்தை இந்தியாவில் அமல் படுத்த துடிக்கும் பாஜக, ஆர்.எஸ்.எஸ்.சை  எதிர்ப்பதற்கு தந்தைபெரியார்  கொள் கைகளை பின்பற்றுவதோடு மட்டுமல் லாமல், தந்தைபெரியார் கொள்கைகளை பரப்பிடவும் வேண்டும்.

தந்தைபெரியார் போராட்டங்கள், கொள்கைகள் நவீன சமூகத்துக்கான தேவையாகும். நம்முடைய மாநிலத்தில் மூலை முடுக்குகளிலெல்லாம் தந்தை பெரியார் கொள்கைகளை கொண்டு செல்வதன்மூலம் தந்தைபெரியார் கண்ட கனவைப்போல் பகுத்தறிவு சமுதாயத் தைக் காணமுடியும். கடவுள் இல்லை, கடவுள் இல்லை, கடவுள் இல்லவே இல்லை. இவ்வாறு அவர் பேசினார்.

மில்குரி சங்கர், பி.ராஜூ, பிரவீன், ஸ்பார்ட்டகஸ், பிரபாகரன், சுரேந்தர், அய்ன்ஸ்டீன், பிக்சாபதிஉள்ளிட்டோர் பங்கேற்றனர்.


ஞாயிறு, 6 ஜனவரி, 2019

பிற மாநிலங்களில் தந்தை பெரியார் விழா

தெலங்கானா மாநிலத்தில் பல்வேறு பகுதிகளில்  தந்தை பெரியார் 45ஆம் நினைவு நாள் கூட்டங்கள்




விசாகப்பட்டினம், ஜன.4 தெலங்கானா மாநிலத்தில் நாத்திக மக்கள் சங்கத்தின் சார்பில் தந்தை பெரியாரின் 45ஆம் நினைவு நாள் கூட்டம் பல்வேறு பகுதிகளில் நடைபெற்றது.

விசாகப்பட்டினம்


நாத்திக மக்கள் சங்கத்தின் சார்பில் ஜீடி சாரய்யா பேசும்போது, இந்துமதம் உள்ளிட்ட அனைத்து மதங்களின் சமத்துவமின்மைக்கு எதிராக, ஜாதிக்கு எதிராக, பெண்களின் உரிமைகளுக்காக போராடி வென்றவர் தந்தைபெரியார் என்று குறிப்பிட்டார்.  அதன்காரணமாகவே, தந்தை பெரியாரை அய்க்கிய நாடுகள் அவையின் யுனெஸ்கோ அமைப்பு போற்றிப்பாராட்டி, நவீன சாக்ரட்டீசாக, மனித உரிமைப் போராளியாக அடையாளப்படுத்தியது

வடஇந்தியாவில் சமூகப்பணிகளுக்கான அமைப்புகள் மற்றும் பகுத்தறிவு நாத்திக இயக்கங்கள் சமுதாய மாற்றத்துக்கான அடித்தளமிட்டு முன்னேற்றமடையச் செய்து வந்துள்ளன. சுயமரியாதை இயக்கத்தை நிறுவி பரப்புரை மேற்கொண்டவர் தந்தை பெரியார் என்று கூட்டத்தில் பேசிய பல்வேறு அமைப்பினரும் குறிப்பிட்டனர்.

நாட்டின் பாதுகாப்பு என்கிற பெயரால், இந்துத்துவ வன்முறைகள் அதிகரித்து ஜனநாயகத்தை அழிக்கின்ற நிலை ஏற்பட்டுள்ளது.  நாத்திக மக்கள் சங்கம் சார்பில் கூறுகையில், மதமற்றவர்களாக லட்சக்கணக்கானவர்கள் தங்களை அறிவித்துக்கொள்வதற்கு தந்தைபெரியார் வழிகாட்டியுள்ளார் என்று பெருமிதத்துடன் குறிப்பிட்டனர். பெண்கள் முற்போக்கு அமைப்பின் பொதுச்செயலாளர் லட்சுமி பேசுகையில், கவுரி லங்கேஷ், கோவிந்த் பன்சாரே போன்றவர்களை இந்துத்துவம்தான் கொலை செய்துள்ளது. அதுதான் இந்துத்துவப் பாசிசத்தின் உச்சமாக உள்ளது. தலித்தா முத்தி அமைப்பின் சார்பில் வெங்கடரமணா கூட்டத்தில் கலந்துகொண்டார். அவர் கூறுகையில், மராட்டிய மாநிலத்தில் கோரேகான் பகுதியில் ஆர்.எஸ்.எஸ். சங் பரிவாரங்கள் தாழ்த்தப்பட்டவர்கள்மீது நடத்திய மோசமான தாக்குதலுக்கு மதத்தின் தீமையாகிய ஜாதிமுறையே ஆணிவேராகும். மூடநம்பிக்கைகள் மற்றும் ஜாதிக்கு எதிராக நாம் போராடவேண்டும் என்று கூறினார்.

ஜம்மிகுண்டா


தெலங்கானா மாவட்டத்தில்  கரீம் நகரிலுள்ள ஜம்மி குண்டாவில் நாத்திக மக்கள் சங்கத்தின் சார்பில்  தந்தை பெரியார் 45 ஆம் நினைவு நாள் கூட்டம் நடைபெற்றது. நாத்திக மக்கள் சங்கத்தின் கரீம் நகர் மாவட்டச் செயலாளர்  ராஜூ மற்றும் பாரத், ராஜூ உள்ளிட்டவர்கள் கலந்து கொண்டனர்.

பெதாபள்ளி


கோதாவரிகனி மாவட்டம் பெதாபள்ளியில்  தந்தை பெரியார் 45ஆம் நினைவுநாள் கூட்டம் நடைபெற்றது.

கோதா வரிகனி மாவட்டத் தலைவர் ராஜலிங்கம் சிறப் புரையாற்றினார். செயலாளர் சுசித்ரா, ராஜமவுலி, மல்லண்ணா உள்ளிட்டவர்கள் கூட்டத்தில் கலந்துகொண்டனர்.

- விடுதலை நாளேடு, 4.1.19