பகுத்தறிவு உலகு

வைக்கம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
வைக்கம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

ஞாயிறு, 19 அக்டோபர், 2025

மேற்கு வங்கத்தில் வைக்கம் மற்றும் சுயமரியாதை இயக்க நூற்றாண்டு விழாக்கள்! ‘‘ரவீந்திரநாத் தாகூர் மண்ணில் தந்தை பெரியார் விழா!”

 


திராவிடர் கழகத் தலைவர் ஆசிரியர் கி.வீரமணி அவர்கள் ஆஸ்திரேலியாவிலிருந்து காணொலியில் கருத்துரை!

சாந்தி நிகேதன், ஏப்.5 மேற்கு வங்கத்தில் செயல்பட்டு வரும் “பெரியார் அம்பேத்கர் சித்து கானு படிப்பு வட்டம்” சார்பில் நடைபெற்ற வைக்கம் நூற்றாண்டு, சுயமரியாதை இயக்கம் நூற்றாண்டு விழாவில் திராவிடர் கழகத்தின் தலைவர் தமிழர் தலைவர் ஆசிரியர் கி.வீரமணி அவர்கள் ஆஸ்திரேலியா சுற்றுப்பயணத்தில் இருந்து காணொலியில் கருத்துரை வழங்கினார். கழகத்தின் துணைப் பொதுச் செயலாளர் ச.பிரின்சு என்னாரெசு பெரியார் நேரில் கலந்துகொண்டு உரையாற்றினார்

பெரியார் அம்பேத்கர்
சித்துகானு படிப்பு வட்டம்!

‘‘பெரியார் அம்பேத்கர் சித்துகானு படிப்பு வட்டம்” சார்பில் (சித்து, கானு ஆகியோர் வங்கத்தின் பழங்குடி மக்கள் போராளிகள் ஆவர்) நடைபெற்ற கலந்துரையாடலில், இவ்வாண்டு மேற்கு வங்க மாநிலம் முழுவதும், பல இடங்களில் தந்தை பெரியாரின் சுயமரியாதை இயக்கம் மற்றும் வைக்கம் போராட்டம் நூற்றாண்டு விழாக்களைத் தொடர்ந்து நடத்துவது என முடிவு செய்யப்பட்டது. அதன் தொடக்கமாக, இவ்விழாக்கள் மேற்கு வங்க மாநிலம் பிர்பூம் மாவட்டத்தில் உள்ள சாந்தி நிகேதன் நகரில் 23.03.2025 அன்று சாந்தி நிகேதன் நகரில் உள்ள பாஞ்சாபோன் கலைக்கூடத்தில் காலை 9 மணியளவில் தொடங்கி நடைபெற்றன. தொடக்க நிகழ்வாக லாலன் பக்கீரின் பவுல் பாடல்கள் (BAUL of Lalan Fakir) தருண் கியேபா குழுவினரால் பாடப்பட்டன. ஜாதி ஒழிப்பைக் குறித்துப் பாடிய பாடல் நிகழ்வில் பங்கேற்ற அனைவரிடமும் ஒரு புத்தெழுச்சியை உண்டாக் கியது. அதனைத் தொடர்ந்து சாந்திநிகேதன் மண்ணுக்கே உரிய ரவீந்திரநாத் தாகூரின் இசைக் கோவைகளிலிருந்து தேவப்ரியா ப்ரம்மா, ராகுல் ஆகியோரால் ரவீந்திர சங்கீத் இசைக்கப்பட்டது.

திராவிடர் கழகம்

 

வங்காளம், தமிழ், ஆங்கில
மொழிகளில் பதாகைகள்!

முதலில் பேராளர்கள் பதிவுடன் விழா தொடங்கியது. 230 பேராளர்கள் ஆர்வத்துடன் பதிவு செய்து நிகழ்வில் பங்கேற்றனர். அவர்களில் பழங்குடியினர், சமூகச் செயல்பாட்டாளர்கள், இடதுசாரிகள், பல்கலைக்கழக மாணவர்கள், கல்வியாளர்கள் உள்ளிட்டோர் அடங்குவர். மேடைக்கு வங்காளத்தின் ஒடுக்கப்பட்ட சமூகத் தலைவரின் ”சக்தி பாத்யகர் மேடை” என்று பெயர் சூட்டப்பட்டிருந்தது. மேடையில் தந்தை பெரியாரின் பெரிய படத்துடன் வங்காளம், தமிழ், ஆங்கில மொழிகளில் பதாகை வைக்கப்பட்டிருந்தது. அரங்கின் வெளியில் கருப்பு, சிவப்பு, நீலம் ஆகிய மூன்று நிறங்களில் கொடிகள் கட்டப்பட்டிருந்தன.

திராவிடர் கழகம்திராவிடர் கழகம்

கழகத் தலைவரால் பாராட்டப்பெற்ற
சுப்ரியா தருண்லேகா!

தந்தை பெரியாரின் சிந்தனைகளை மேற்கு வங்க மாநிலத்தில் பரப்புரை செய்யும் வகையில், ”பெரியார் அம்பேத்கர் சித்துகானு படிப்பு வட்டம்” உருவாக்கப்பட்டுள்ளது. இதன் ஒருங்கிணைப்பாளராகச் செயல்படும் சுப்ரியா தருண் லேகா, மாநிலத்தின் பல பகுதிகளுக்கும் சென்று கூட்டங்களை நடத்தியும், புத்தகங்களை அறிமுகம் செய்தும் உரையாற்றி வருவதுடன், பெரியார் அம்பேத்கர் சிந்தனையாளர்களையும் ஓரணியில் திரட்டி வருகிறார். முதலில் இவர் தந்தை பெரியாரின் “இராமாயணப் பாத்திரங்கள்” நூலை வங்க மொழியில் பெயர்த்தார். பின்னர் தந்தை பெரியார் பற்றிய ஒரு அறிமுக நூலை வங்க மொழியில் எழுதினார். அவரின் இந்த தன்னலமற்ற தொண்டுக்காக திருச்சியில் இரண்டு நாள்கள் (28.12.2024, 29.12.2024) நடைபெற்ற இந்திய பகுத்தறிவாளர் சங்கங்களின் கூட்டமைப்பு (FIRA) மாநாட்டில், சுப்ரியா தருண்லேகா தமிழர் தலைவர் ஆசிரியர் கி.வீரமணி அவர்களால் சிறப்பிக்கப்பட்டார் என்பது குறிப்பிடத்தக்கது.

திராவிடர் கழகம்

திராவிடர் கழகம்

திராவிடர் கழகம்

 

ஆஸ்திரேலியாவிலிருந்து ஆசிரியர் உரை!

நிகழ்வுக்கு மேனாள் பத்திரிகையாளரும், சாந்திநிகேதன் நகரின் முக்கிய சமூகச் செயல்பாட் டாளருமான தபஸ் மல்லிக் தலைமையேற்று சிறப்பித்தார்.
பெரியார் அம்பேத்கர் சிந்தனை வட்டம் சார்பில் ஆஸ்திரேலியாவில் ஏற்பாடு செய்யப் பட்டிருந்த உலக மகளிர் நாள் மற்றும் ஆஸ்தி ரேலியாவில் உள்ள சுயமரியாதைக் குடும்ப விழாக்கள் உள்ளிட்ட பல்வேறு நிகழ்ச்சிகளில் கலந்து கொள்ள ஆஸ்திரேலியா சென்றிருந்த திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள், மேற்கு வங்கத்தில் உள்ள ”பெரியார் அம்பேத்கர் சித்துகானு படிப்பு வட்டம்” சார்பில் நடைபெறும் தந்தை பெரியாரின் சுயமரியாதை இயக்க நூற்றாண்டு மற்றும் வைக்கம் போராட்டம் நூற்றாண்டு விழாக் குழுவினரின் வேண்டுகோளுக்கிணங்க, ஆஸ்தி ரேலியாவிலிருந்து 12 நிமிடம் கருத்துரையைக் காணொலி வழியாக ஆங்கிலத்தில் உரையாற் றினார்.

கழகத் தலைவரின் உரைக்கு
பெரும் வரவேற்பு!

திராவிடர் கழகத்தின் தலைவர் தனது உரையில், தந்தை பெரியாரின் வைக்கம் போராட்டப் பங்களிப்பின் சிறப்பை, தாக்கத்தை விரிவாக எடுத்துரைத்தார். இந்தியாவில் கடந்த நூற்றாண்டில் நடைபெற்ற முதல் மனித உரிமை போராட்டம் என்று போற்றத்தக்க வைக்கம் போராட்டம் தொடங்கியது முதல், பல்வேறு காலகட்டங்களில் போராட்டத்தின் நிலை குறித்தும் முதல் கட்டத் தலைவர்கள் கைது செய்யப்பட்டதற்கு பிறகு, அவர்களின் அழைப்பின் பேரில் வைக்கம் சென்ற தந்தை பெரியாரின் பங்களிப்பால் அது வெற்றி அடைந்ததையும் குறித்து பல்வேறு வரலாற்று செய்திகளை எடுத்துக் காட்டி உரையாற்றினார். வைக்கம் போராட்டத்தினை முன்னெடுத்த ஜார்ஜ் ஜோசப், கே.பி. கேசவ மேனன், மாதவன் நாயர், குரூர் நீலகண்டன் நம்பூதிரி, அன்னை நாகம்மையார், தந்தை பெரியாரின் தங்கை எஸ்.கண்ணம்மாள் உள்ளிட்ட பலரின் பங்களிப்பையும் காந்தியாரின் தலையீட்டையும், வைக்கம் போராட்டத்தின் வெற்றி என்பது இந்தியாவில் தீண்டாமை ஒழிப்புக்கும், சமூக நீதிக்கும், சுயமரியாதைக்குமான போராட்டங்கள் தொடர்ந்து நடத்தப்படுவதற்கு அடித்தளமாக இருந்துவருகிறது என்றும் அவர் தமது உரையில் சுட்டிக்காட்டினார். அரங்கத்தில் இருந்த மக்கள் மத்தியில் திராவிடர் கழகத் தலைவரின் உரை பெரும் வரவேற்பைப் பெற்றது. (உரையின் சுருக்கமான தமிழ் வடிவம் 4ஆம் பக்கம் காண்க)

திராவிடர் கழகம்

தந்தை பெரியாரின் வாழ்வும், போராட்டமும்!

தொடக்க உரையைத் தொடர்ந்து மேற்கு வங்கத்தைச் சேர்ந்த பகுத்தறிவாளர் ஆனந்த் ஆச்சார்யா, ”தந்தை பெரியாரின் வாழ்வும் போராட்டமும்” என்ற தலைப்பில் உரையாற்றினார். மேற்கு வங்க மாநிலத்தில் உள்ள ஜாதிய அமைப்பு குறித்தும் பல்வேறு செய்திகளை எடுத்துரைத்தார். தந்தை பெரியார், ம.சிங்காரவேலர், புரட்சியாளர் அம்பேத்கர், ஜோதிபா பூலே ஆகியோரின் கொள்கைகள் இன்றைய பார்ப்பனிய பாசிச ஆட்சி நடைபெறும் சூழலில் எத்தகைய முக்கியத்துவம் வாய்ந்தவை என்பதையும் விளக்கிக் கூறினார். மேற்கு வங்கத்தில் ஜாதி அமைப்பு இல்லை என்று கூறுவது முற்றிலும் பொய்யான தகவல் என்றும், ஜாதி இருக்கிறது என்பதை நாம் ஏற்றுக் கொண்டால்தான் அதற்குரிய தீர்வை கண்டடைய முடியும் என்றும் விளக்கினார். தந்தை பெரியார் குறித்த ஒரு சிறு கையேடும், ஜோதிராவ்-சாவித்திரிபாய் பூலே ஆகியோர் பற்றிய ஒரு சிறு கையேடும் வங்க மொழியில் வெளியிடப்பட்டன.

திராவிடர் கழகம்

சமூகச் செயல்பாட்டாளர்களின் உரைகள்!

அதனைத் தொடர்ந்து உரையாற்றிய பேராசிரியர் ரன்பீர் சுமித் தனது உரையில், மராட்டியத்தில் ஜோதிபா பூலே ஆற்றிய பணிகளையும், சாவித்ரிபாய் பூலே ஆகியோரின் பார்ப்பனக் கொடுமைகளுக்கு எதிரான செயல்பாடுகளையும் குறிப்பிட்டுவிட்டு, வங்காள மக்கள் அதிலிருந்து பாடம் கற்க வேண்டும் என்றும் கூறினார். ஷிவ்ரி வித்யாசாகர் கல்லூரி பேராசிரியர் தசரத் முர்மு அவர்கள், இந்திய விடுதலைப் போராட்டத்தில் பழங்குடி மக்களின் பங்களிப்பு குறித்து உரையாற்றினார். தொடர்ந்து உரையாற்றிய ஓய்வுபெற்ற பள்ளித் தலைமையாசிரியரும், ஒடுக்கப்பட்ட மக்கள் தலைவருமான பத்தியநாத் சாகா இன்றைய சூழலில் தந்தை பெரியாரின் முக்கியத்துவத்தை எடுத்துரைத்தார். வங்காளத்தின் பெண்ணியப் போராளி ரொகையா பேகம் குறித்து விரிவான புகழ்பெற்ற பேராசிரியரும், சீரிய ஆய்வளருமான மீராதுன் நகார் அம்மையார் (ஓய்வு) மிகச் சிறப்பாக உரையாற்றினார்.

திராவிடர் கழகம்

பார்ப்பனியத்திற்கு எதிராக
போராடிய நமோ சூத்திரர்கள்!

தொடர்ந்து, வங்காளத்தின் மட்டுவா சமூகப் புரட்சி இயக்கத்தின் நிறுவனரும், எழுத்தாளரும், சமூகச் செயல்பாட்டாளருமான சுக்ரிதி ரஞ்சன் பிஸ்வாஸ் பேசுகையில், சண்டாளர்கள் என்று இகழப்பட்ட மோசமான நிலையில் தங்களின் மட்டுவா சமூகம் தீண்டத்தகாத சமூகமாக ஒதுக்கி வைக்கப்பட்டு இருந்ததையும், பார்ப் பன ஆதிக்கத்திற்கு எதிராக ஹரிச்சந்திரா தாக்கூர், நமோ சூத்திரர்கள் எனப்பட்டோர் விடுதலைக்குப் போராடிய செய்திகளையும் எடுத்துக் கூறினார். பழங்குடியினர், ஒடுக்கப்பட்ட மக்களுக்கு அரசியல் சட்டப்படியான உரிமைக ளை உறுதிசெய்தல் குறித்து, டாக்டர் சிப்போய் சர்வேஸ்வர் உரையாற்றினார். பின்னர் ரவிதாஸ் சிந்தனைகளைப் பின்பற்றுவோரின் தலைவர் களுள் ஒருவரான கார்த்திக் ரூய்தாஸ் உரை யாற்றினார்.

கழக துணைப் பொதுச்செயலாளர் உரை!

மதிய உணவுக்குப் பின்னர், பாடலுடன் தொடங்கிய நிகழ்வில் சந்தோஷ் சாகா, சிபு சோரன் மற்றும் தோழர்கள் கலந்துரையாடலை ஒருங்கிணைத்தனர். சுபநாத் கவிதைகளை வாசித்தார். அதன் பின்னர், திராவிடர் கழகத் துணைப் பொதுச் செயலாளர் ச.பிரின்சு என்னாரெசு பெரியார் ஆங்கிலத்தில் உரையாற் றினார். தந்தை பெரியாரின் தேவையை உணர்ந்து இந்தியாவின் கிழக்குப் பகுதிகளில், குறிப்பாக வங்காளத்தில் பழங்குடியின மக்களிடம் பெரியார் கருத்துகளைக் கொண்டு செல்லும் சுப்ரியா தருண்லேகா உள்ளிட்ட தோழர்களின் முயற்சிக்குப் பாராட்டு தெரிவித்தார். சுயமரியாதை இயக்கம் தமிழ்நாட்டில் தொடங்கப் பட்டிருந்தாலும், இந்தியா முழுமைக்கும், உலகம் முழுமைக்கும் உள்ள மக்களுக்குப் பொதுவான இயக்கம் என்பதை எடுத்துக் காட்டினார். தந்தை பெரியாரின் போராட்டங்கள் இந்தியா முழுவதும் உள்ள பிற்படுத்தப்பட்ட, தாழ்த்தப்பட்ட மக்களின் கல்வி, வேலைவாய்ப்பு உரிமைகளுக்கு எந்த வகையில் பெரும் பங்காற்றியிருக்கிறது என் பதையும், இட ஒதுக்கீட்டின் வரலாற்றையும், இன்றைய பாஜக பாசிச ஆட்சி நடைபெறும் காலத்தில் தமிழ்நாடு மாநில உரிமைக்கும், மொழி உரிமைக்கும் நடத்தும் போராட்டத்தின் அடிப்படைகளையும் 25 நிமிட அளவில் சுருக்கமாக முன்வைத்தார்.

திராவிடர் கழகம்

ஜாதிப் பின்னொட்டை நீக்குவதை இயக்கமாக்குங்கள்!

தனது பெயருடன் ஜாதிப் பெயரொட்டு இருக்கும் நிலையை தந்தை பெரியாரின் சுயமரியாதை இயக்கம் தமிழ்நாட்டில் மாற்றிக் காட்டியது போல வங்காளத்திலும் நடைபெற வேண்டும் என்பதற்கு முன்மாதிரியாக சுப்ரியா பானர்ஜி என்ற தன் பெயரை சுப்ரியா தருண்லேகா என்று கடந்த ஆண்டு மாற்றிக் கொண்டார். அதனை எடுத்துக் காட்டி, வங் காளத்து முற்போக்காளர்களும் சமூகச் செயல்பாட்டாளர்களும் தங்கள் ஜாதிப் பெயரொட்டை நீக்குவதை இயக்கமாக முன்னெடுக்க வேண்டும் என்று கழக துணைப் பொதுச் செயலாளர் பிரின்சு என்னாரெசு பெரியார் வேண்டுகோள் விடுத்தார். முன்னதாக, காலையில் நிகழ்ச்சி ஒருங்கிணைப்பாளர்களின் வேண்டுகோளுக்கு இணங்க, தந்தை பெரியார் குறித்த “பெரியார் ஒருவர்தான் பெரியார் – அவர் போல் பிறர் யார்” என்று தொடங்கும் தமிழ்ப் பாடலை கழகத்தின் துணைப் பொதுச்செயலாளர் ச.பிரின்சு என்னாரெசு பெரியார் பாடினார். தொடர்ந்து விஸ்வபாரதி பல்கலைக்கழகத் தத்துவப் பேராசிரியரும் தமிழருமான முனைவர் டெரன்ஸ் சாமுவேல், தந்தை பெரியாரின் சுயமரியாதைக் கொள்கைகளைக் குறித்து எளிய ஆங்கிலத்தில் தெளிவுபட உரையாற்றினார்.

செயல்பாட்டுக் குழு பொறுப்பாளர்கள் தேர்வு!

நிகழ்வின் இறுதியாக, பெரியார் வைக்கம் & சுயமரியாதை இயக்கம் நூற்றாண்டு விழாக் குழு பொறுப்பாளர்கள் அறிவிக்கப்பட்டனர். மார்ச் 31 கொல்கத்தாவிலும், அடுத்தடுத்து வங்காளத்தின் அனைத்து மாவட்டங்களிலும் வைக்கம் மற்றும் சுயமரியாதை இயக்கம் நூற்றாண்டு விழாக்களை நடத்த உறுதிமேற்கொள்ளப்பட்டது. சுப்ரியா தருண் லேகா தலைமையில் தோழர்கள் பியாலிதாஸ், அரிஜித் திவர், கோபால்நாத், சுபநாத், சத்யன் போஸ், பிப்லோ சாகா, தேவப்ரியா ப்ரம்மா, சந்தோஷ் சாகா, பிபத் தரன் பாக்தி, ஸ்ருதி செளத்ரி, ஆயிஷா, ருமா முகர்ஜி ஆகியோர் குழுவின் உறுப்பினர்களாக அறிவிக்கப்பட்டனர். அபிஷேக் தத்தாராய் பொருளாளராகவும், இக் குழுவின் மாணவர் அமைப்பு ஒருங்கிணைப்பாளராக பினோய் தாஸ் பெயரும் அறிவிக்கப்பட்டது. மராத்திப் பேராசிரியர் ரன்பீர் சுமெத் அறிவுரைக் குழுவின் தலைவராக அறிவிக்கப்பட்டார்.

ஒருங்கிணைப்பாளர்களின் அரும் பணி!

சுரேஷ் மாட்டி, ரிஷான் மேதே, சாயிட் ஹபிப் மற்றும் ஏராளமான விஸ்வபாரதி பல்கலைக்கழக மாணவர்கள் நிகழ்வை ஒருங்கிணைக்க உதவினர். தமிழ்நாட்டைச் சேர்ந்த முனைவர் பட்ட ஆய்வாளர் சதீஸ்வரன், சேலம் கழக மாவட்டத் தலைவர் வீரமணி ராஜூ ஆகியோர் நிகழ்வை ஒருங்கிணைக்கத் தொடர்பாளர்களாக உதவினர். நிறைவாக, நிகழ்வின் தலைவர் தபஸ் மல்லிக் நன்றி கூறி நிறைவு செய்தார். கழக வெளியீடுகள் ஆங்கிலம், இந்தி ஆகிய மொழிகளில் விற்பனைக்கு வைக்கப்பட்டிருந்தன. தந்தை பெரியாரின் சிலை, டி-சர்டுகளை பலரும் ஆர்வத்துடன் வாங்கிச் சென்றனர். திராவிடர் கழக மாநாடு நடைபெறுவதைப் போலவே, நிகழ்ச்சிகளை ஒருங்கிணைக்கப்பட்டிருந்ததுடன், ஒருங் கிணைப்பாளர்கள், பங்கேற்பாளர்கள் பலரும் கருப்பு உடைகளியேலே நிகழ்வில் பங்கேற்றனர்.
தந்தை பெரியார் கண்ட சுயமரியாதை இயக்கத்தின் ஆணி வேர் தமிழ்நாட்டில் இருந்தாலும் அதன் பக்கவேர்கள் இந்தியா வின் பல்வேறு பகுதிகளுக்குள் ஊடுருவி ஆங்காங்கே முளைத்துக் கிளைத்து வளர்ந்து கொண்டிருப்பதை வெளிப்படையாக உணரத் தக்க வகையில் இந்நிகழ்வு அமைந்திருந்தது என்பது குறிப்பிடத்தக்கது. – நமது சிறப்பு செய்தியாளர்

-விடுதலை நாளேடு,5.4.25

இடுகையிட்டது parthasarathy r நேரம் 8:53 AM கருத்துகள் இல்லை:
இதை மின்னஞ்சல் செய்கBlogThis!Xஸில் பகிர்Facebook இல் பகிர்Pinterest இல் பகிர்
லேபிள்கள்: சுயமரியாதை இயக்கம், நூற்றாண்டு விழா, மேற்கு வங்கம், வைக்கம்

வியாழன், 22 செப்டம்பர், 2022

கேரளா வைக்கத்தில் தந்தை பெரியார் பிறந்த நாள் விழா! கோட்டயம் மாவட்ட ஆட்சித் தலைவர் பெரியாருக்குப் புகழாரம்



  September 22, 2022 • Viduthalai

கோட்டயம், செப். 22- சமூக நீதிக்காக போராடிய முன்னணி தலைவர் களில் தந்தை பெரியார் அடித் தட்டு மக்கள் மனதில் நிலைத்து நிற்கிறார் என்று கோட்டயம் மாவட்ட ஆட்சித்தலைவர் டாக் டர் பி.கே.ஜெயசிறீ  உரையாற் றினார்.

தந்தை பெரியாரின் 144 ஆவது பிறந்த தினமான சமூக நீதி நாளை முன்னிட்டு, (17.9.2022) கேரள மாநிலம், கோட்டயம் மாவட்டம், வைக்கத்தில் அமைந்துள்ள தந்தை பெரியார் நினைவகத்தில் செய்தி மக்கள் தொடர்புத் துறையின் சார்பில் நடைபெற்ற தந்தை பெரியாரின் பிறந்தநாள் விழாவில் கேரள அரசின் சார்பில் கோட்டயம் மாவட்ட ஆட்சித்தலைவர் டாக் டர் பி.கே.ஜெயசிறீ  தந்தை பெரியார் அவர்களின் சிலையின் அருகே அமைக்கப்பட்டிருந்த படத்திற்கு மாலை அணி வித்து மரியாதை செலுத்தி, பொது மக் களுக்கு இனிப்புகளை வழங்கினார். 

கோயம்புத்தூர் மாவட்ட ஆட்சித்தலைவர் டாக்டர் ஜி. எஸ்.சமீரன் சார்பாக தந்தை பெரியாரின் வாழ்க்கை வர லாறு”, மேனாள் முதலமைச்சர் கலைஞர் கருணாநிதி அவர் களின் வாழ்க்கை வரலாறு" ஆகிய புத்தகங்கள் கோட்டயம் மாவட்ட ஆட்சித்தலைவர் டாக் டர் பி.கே.ஜெயசிறீயிடம் வழங் கப்பட்டது. 

பின்னர் கோட்டயம் மாவட்ட ஆட்சித்தலைவர் டாக்டர் கே. ஜெயசிறீ செய்தியாளர்களிடம் தெரிவித்ததாவது:

சுயமரியாதை, பகுத்தறிவு, சம தர்மம், சமூகநீதி, இன உரிமை, பெண் உரிமை, ஆகியவற்றை அடிப்படையாகக் கொண்ட கொள்கையை தந்தை பெரியார் அவர்கள் உருவாக்கினார். அதுதான் கடந்த நூற்றாண்டில் இந்தச் சமூகத்தின் வளர்ச்சிக்கு அடித்தளமிட்டது, எதிர்காலத் துக்குப் பாதை அமைத்துத் தரப்போகிறது. இந்த உணர்வை, உணர்ச்சியை, எழுச்சியை, சிந்த னையை விதைக்கும் அடையாள மாக அறிவாசன், தந்தை பெரியார் பிறந்த செப்டம்பர் 17-ஆம் நாளை ஆண்டுதோறும் சமூக நீதி நாள்" ஆகக் கொண்டாப்படும் என தமிழ்நாடு முதலமைச்சர் அறிவித்தார்.

அதனடிப்படையில், கேரளா மாநிலம், கோட்டயம் மாவட் டம், வைக்கம், தந்தை பெரியார் நினைவகத்தில் அமைந்துள்ள தந்தை பெரியார் அவர்களின் சிலையின் அருகே அமைக்கப் பட்ட படத்திற்கு மாலை அணி வித்து மரியாதை செலுத்தப்பட்டது.

தமிழ்நாட்டிற்கும், இந்தியா விற்கும் சமூக நீதிக்காக போரா டிய முன்னணி தலைவர்களில் தந்தை பெரியார் அடித்தட்டு மக்கள் மனதில் நிலைத்து நிற்ப வர். கேரள மாநிலத்தில் தீண் டாமை தாக்குதல் அதிகமாக இருந்த காலத்தில் களமிறங்கி தாழ்த்தப்பட்ட மக்களை கோவி லுக்குள் அழைத்து சென்று வெற்றி பெற்றார். இதன் கார ணமாக வைக்கம் என்ற ஒரு சிறிய ஊர் உலக அளவில் பெருமை அடைந்தது.

இந்திய சுதந்திர போராட்டத் தின் போது அண்ணல் காந்தியு டன் இணைந்து பல்வேறு போராட்டங்களில் ஈடுபட்டுள் ளார். மக்களிடையே இருந்த மூட நம்பிக்கைகளை அகற்ற முழு மூச்சாக போராடியவர். அவரது பிறந்த நாளில் அவருக்கு மாலை அணிவித்து. மரியாதை செய்ததில் பெரிதும் மகிழ்ச்சி அடைகிறேன். இந்த வாய்ப்பை வழங்கிய தமிழ்நாடு அரசுக்கு நன்றியை தெரிவித்துக் கொள் கிறேன். என கோட்டயம் மாவட்ட ஆட்சித்தலைவர் டாக்டர் பி.கே.ஜெயசிறீ  செய்தி யாளர்களிடம் தெரிவித்தார்.

நிகழ்வில் நகராட்சி தலைவர் ராதிகா ஷியாம் துணை தலைவர் பி.டி.சுபாஷ், நகராட்சி உறுப் பினர்கள் ராஜசேகரன், இப்ரா ஹிம் பழையாகடவாய், கவிதா ராஜேஷ், ராஜசிறீ, ரேணுகா, பிஜிமோல், பிரீத்தா ராஜேஷ், சந்திரசேகரன்,அசோகன், வைக் கம் வட்டாட்சியர் விஜயன், கேரள மாநில செய்தித்துறை துணை இயக்குநர் பிரமோத், கோயம்புத்தூர் மாவட்ட செய்தி மக்கள் தொடர்புத் துறை அலு வலர் ஆ.செந்தில் அண்ணா, ஆகியோர் பங்கேற்றனர்.

இடுகையிட்டது parthasarathy r நேரம் 7:04 AM கருத்துகள் இல்லை:
இதை மின்னஞ்சல் செய்கBlogThis!Xஸில் பகிர்Facebook இல் பகிர்Pinterest இல் பகிர்
லேபிள்கள்: பெரியார் பிறந்த நாள், வைக்கம்
பழைய இடுகைகள் முகப்பு
இதற்கு குழுசேர்: இடுகைகள் (Atom)

இங்கர்சால்

இங்கர்சால்
சிலை
Powered By Blogger

பகுத்தறிவு எழுத்தாளர் மன்றம், தமிழ்நாடு

இணைய வழிக் கூட்ட எண் – 110 நாள்: 30.08.2024 வெள்ளிக்கிழமை நேரம்: மாலை 6.30 மணி முதல் 8 வரை தலைமை: பாவலர் சுப.முருகானந்தம் (மாநிலச் செயலாளர், பகுத்தறிவு எழுத்தாளர் மன்றம்) வரவேற்புரை: ம.கவிதா (மாநிலத் துணைத் தலைவர். பகுத்தறிவு எழுத்தாளர் மன்றம்) தொடக்க உரை: முனைவர் வா.நேரு (மாநிலத் தலைவர், பகுத்தறிவு எழுத்தாளர் மன்றம்) நிகழ்வு ஒருங்கிணைப்பு: பாவலர் செல்வ‌. மீனாட்சி சுந்தரம் நூல் : எழுத்தாளர் க.திருநாவுக்கரசு அவர்களின் “திராவிட இயக்கத் தூண்கள்” நூல் அறிமுக உரை: முனைவர் அரிமா த.கு.திவாகரன் நன்றியுரை : ஒசூர் செல்வி ( மாவட்டத் தலைவர், தி.க.மகளிரணி ஒசூர்) zoom : 82311400757 Passcode : PERIYAR

Translate

இந்த வலைப்பதிவில் தேடு

தொடர்பு படிவம்

பெயர்

மின்னஞ்சல் *

செய்தி *

இதற்கு குழுசேரவும்

இடுகைகள்
Atom
இடுகைகள்
கருத்துகள்
Atom
கருத்துகள்

லேபிள்கள்

  • ‘திராவிடம்
  • அம்பேத்கர்
  • அமெரிக்கா
  • அய்சுலாந்து
  • அய்தராபாத்
  • அய்ரோப்பா
  • அரியான் செரின்
  • அலகாபாத்
  • அறிக்கை
  • அறிவியல் நாள்
  • ஆசிரியர்
  • ஆசிரியர் அறிக்கை
  • ஆந்திரா
  • ஆவடி
  • ஆஸ்த்திரேலியா
  • ஆஸ்திரேலியா
  • இங்கர்சால்
  • இந்திய பகுத்தறிவாளர்
  • இயேசு
  • இரங்கல்
  • இறப்பு
  • உலக நாத்திகர்
  • உலகத் தமிழர் மாநாடு
  • உலப்பகுத்தறிவாளர்
  • உறுப்பினர் சேர்க்கை
  • எடைக்கு எடை
  • எபிகூரஸ்
  • எர்ணாகுளம்
  • எர்னஸ்ட் எம்மிங்வே
  • எழுத்தாளர்
  • ஏரியன் ஷெரீன்
  • ஏரியன் ஸெரீன்
  • ஒடிசா
  • ஓப்ரா வின்ஃபிரி
  • ஓபரா
  • ஓபாரா
  • கடவுள் மறுப்பு
  • கர்நாடகம்
  • கருத்தரங்கம்
  • கருத்தரங்கு
  • கலந்துரையாடல்
  • கலிபோர்னியா
  • கலைஞர்
  • கவிஞர் ஷெல்லி
  • கவிதா
  • கன்னடம்
  • கனடா
  • காணொளி
  • காரல் மார்க்ஸ்
  • கி.வீரமணி
  • கி.வீரமணி விருது
  • கியூபா
  • கிரேக் எப்ஸ்டீன்
  • கிறிஸ்டோஃபர் ஹிட்சென்ஸ்
  • குண்டூர்
  • குவைத்
  • கூட்டமைப்பு
  • கேத்தரின் ஹேப்பர்ன்
  • கேரளம்
  • கேரளா
  • கொச்சி
  • கொலை
  • கொலைவெறி
  • கோ.கருணாநிதி
  • கோரா
  • சங்கமம்
  • சச்சி ராமாயண்
  • சமூகநீதி
  • சமூகநீதி மாநாடு
  • சல்மான் ருஷ்டி
  • சார்லஸ் பிராட்லா
  • சித்தராமையா
  • சிலை திறப்பு
  • சிறப்பு கூட்டம்
  • சுடுகாடு
  • சுபவீ
  • சுயமரியாதை இயக்கம்
  • சுவிட்சர்லாந்து
  • சுற்றுப்பயணம்
  • சுற்றுலா
  • செ.ர.பார்த்தசாரதி
  • செஞ்சி
  • சென்னை
  • சேகுவேரா
  • ஞாயிறு மலர்
  • டத்தோ விருது
  • தஞ்சை
  • தந்தை பெரியார்
  • தந்தை பெரியார் சிலை
  • தாம்பரம்
  • தாமஸ் ஜெபர்சன்(Thomas Jefferson)
  • தாமஸ் அய்க்கன் ஹெட்
  • தாமஸ் ஹென்றி ஹக்ஸ்லி
  • திராவிட மாணவர் கழகம்
  • திராவிடர் க
  • திருச்சி
  • திருமணம்
  • திருமா
  • திரைப்படம்
  • தில்லி
  • தீர்மானம்
  • துரை.சந்திரசேகரன்
  • தெலங்கானா
  • தெலங்கானா மாநிலம்
  • தெலுங்கானா
  • தென்சென்னை
  • தேசிய மனிதநேயர் விருது
  • தேசிய மாநாடு
  • நன்கொடை
  • நாகபுரி
  • நாணயம்
  • நாத்திக சங்கம்
  • நாத்திக நாடுகள்
  • நாத்திக மையம்
  • நாத்திகர்
  • நாத்திகர் சங்கம்
  • நாத்திகர் மாநாடு
  • நாஸ்திகர்மகாநாடு
  • நிகழ்ச்சிகள்
  • நிர்வாக குழு
  • நினைவு நாள்
  • நினைவுநாள்
  • நூல்கள்
  • நூல்வெளியீடு
  • நூற்றாண்டு
  • நூற்றாண்டு விழா
  • ப.க.
  • ப.க. கலந்துரையாடல்
  • ப.க. பயிற்சி பட்டறை
  • ப.க.கலந்துரையாடல்
  • ப.க.மாநாடு
  • பக
  • பக சின்னம்
  • பக பேரணி
  • பக மாநாடு
  • பகுத்தறிவாளர்
  • பகுத்தறிவாளர் கழகம்
  • பகுத்தறிவு
  • பஞ்சாப்
  • படத்திறப்பு
  • படுகொலை
  • பயணம்
  • பயிற்சி பட்டறை
  • பயிற்சி வகுப்பு
  • பரிசளிப்பு
  • பல்கலைக்கழகம்
  • பள்ளி
  • பன்னாட்டு
  • பன்னாட்டு அமைப்பு
  • பன்னாட்டு மாநாடு
  • பன்னாட்டு மையம்
  • பன்னாட்டு விருது
  • பார்ப்பனர்
  • பிராட்லா
  • பிரின்ஸ் என்னாரசு பெரியார்
  • பிறந்த நாள்
  • பிறந்தநாள்
  • புத்தகம் வெளியீடு
  • புதிய பொறுப்பாளர்
  • புதுதில்லி
  • புதுவை
  • புரட்சிக்கவிஞர்
  • புரட்சியாளர் ஹோசிமின்
  • புரூஸ் வில்லிஸ்
  • பெங்களூரு
  • பெண்
  • பெரியார்
  • பெரியார் 1000
  • பெரியார் திடல்
  • பெரியார் நினைவு நாள்
  • பெரியார் நூல்கள்
  • பெரியார் பன்னாட்டு அமைப்பு
  • பெரியார் பிறந்த நாள்
  • பெரியார் மையம்
  • பெரியார் லலாய் சிங்
  • பெரியாரியல்
  • பென் & டெல்லர்
  • பேராசிரியர்
  • பேராசிரியர்கள்
  • பொறுப்பாளர்
  • மக்கள் தொகை
  • மண்டல்
  • மத்திய பிரதேசம்
  • மத நம்பிக்கை
  • மதச்சார்பற்ற சட்டம்
  • மதம்
  • மதவெறி
  • மராட்டியம்
  • மலேசியா
  • மறுப்பு
  • மறைநிலவு
  • மறைவு
  • மனிதநேய மாநாடு
  • மாணவர்
  • மாணவர் பேரணி
  • மாநாடு
  • மாநில பொறுப்பாளர்கள்
  • மாநில மாநாடு
  • மாவட்ட கலந்துரையாடல்
  • மு.நாகநாதன்
  • மும்பை
  • மெல்போர்ன்
  • மேற்கு வங்கம்
  • ராண்டி
  • ரிச்சர்டு டாக்கின்ஸ்
  • லாஸ் ஏஞ்சல்
  • லெவிஃபிராகல்
  • வட அமெரிக்கா
  • வடஇந்தியர்
  • விசாகப்பட்டினம்
  • விஞ்ஞானி
  • வியட்நாம்
  • விருது
  • விருதுநகர்
  • விழா
  • விஜய்வாடா
  • விஜயம்
  • விஜயவாடா
  • வீரவணக்கம்
  • வைக்கம்
  • ஜெயகோபால்
  • ஜோசப் இடமருகு
  • ஹரியானா
  • Act
  • Devadasi Abolition
  • DRAVIDIAN STOCK
  • FIRA
  • Muthulakshmi Ammal
  • periyar

பக்கங்கள்

  • முகப்பு

மொத்தப் பக்கக்காட்சிகள்

பிரபலமான இடுகைகள்

  • உலகளவில் நாத்திகர்கள்
    உலகிலேயே அதிக விழுக்காட்டில் நாத்திகர்கள் இருப்பது சீனாவில்தான் என்று ஆய்வுத்தகவல் கூறுகிறது. globalnation.inquirer.net இணையத்தில் (9.5....
  • வறுமையில் வாடிய ஸ்டாலின்!
    சோவியத் ஒன்றி யத்தின் அதிபராகப் பல்லாண்டுகள் ஆட்சி  செய்தவர் ஜோசப் ஸ்டாலின். இவருடைய இயற் பெயர் இயோசிப் விஸ்ஸாரி யோனோவின் டிலுகாஷ்...
  • இராபர்ட் கிரீன் இங்கர்சால் (1833 - 1899)
    பகுத்தறிவு உலகின் ஒப்பற்ற மாமேதை இராபர்ட் கிரீன் இங்கர்சால் (1833 - 1899) வீ. குமரேசன் உலகில் உருவாகிய உயிரினங் களுள் மனித இனத...
  • உலகில் கடவுள் நம்பிக்கை இல்லாத முதல் 10 நாடுகள்!
      February 16, 2022  • Viduthalai உலகிலுள்ள பெரும்பான்மையான நாடுகளில், கடவுள் நம்பிக்கையுள்ள மக்கள் வாழுகின்றனர். அதேபோல் தற்போது கடவுள் நம்...
  • பகுத்தறிவாளர் கழக புதிய பொறுப்பாளர்கள்
    தஞ்சாவூரில் நடைபெற்ற பகுத்தறிவாளர் கழக பொறுப்பாளர் களுக்கான பயிற்சி பட்டறையில் கீழ்கண்ட பொறுப்பாளர்களை பகுத்தறிவாளர் கழக புரவலர் தமிழர் தலைவ...
  • இங்கர்சால் பொன்மொழிகள்
    உண்மையே உலகத்தின் ஞானச்செல்வம் உண்மையராய்ச்சியே யாவற்றிலும் மேலான தொழில். ஜோதிமயமான முன்னேற்ற மாளிகைக்கு அடிப்படையாகவும் ஸ்தூ...
  • நாத்திக நன்னெறியின் அழைப்பு!
    "மதம், மதத்தைச் சேர்ந்தவர்களிடம்தான் தொடர்பு கொண்டிருக்கிறது. பகுத்தறிவு மனித சமுதாயத்தைச் சேர்ந்த எவரிடமும் தொடர்பு கொண்டிருக்கி...
  • மதம் கலவாத அரசியலைக் கட்டமைக்கச் செய்ய வேண்டியது என்ன? எர்ணாகுளத்தில் நடைபெற்ற தேசியக் கருத்தரங்கில் கழகத் துணைப் பொதுச் செயலாளர் உரை
    எர்ணாகுளம், பிப். 16-  கேரள மாநிலம், எர்ணாகுளத்தில் “சார்வாகா 2026” என்ற தலைப்பில் பகுத்தறிவு, அறிவியல் தொடர்பான இரண்டு நாள் தேசியக் கருத்தர...
  • மராட்டிய மண்ணிலே சுயமரியாதை இயக்க நூற்றாண்டு நிறைவு விழா மாநாடு
     மராட்டிய மண்ணிலே ஜோதிராவ் ஃபூலே, சாவித்திரிபாய் ஃபூலே“ ஆரியத்தை எதிர்த்து, ஜாதியை எதிர்த்து, மூடநம்பிக்கைகளை எதிர்த்து, அனைவருக்கும் கல்வி ...
  • மும்பை மாநில சமூகநீதி மாநாடு 2018 (24.11.2018)
    சமூகநீதி மாநாட்டில் தந்தை பெரியார், புரட்சியாளர் அம்பேத்கர், மகாத்மா ஜோதிபா ஃபுலே, சமூக நீதிக் காவலர் வி.பி.சிங் ஆகியோரின் படங்கள் திறந்த...

என்னைப் பற்றி

parthasarathy r
எனது முழு சுயவிவரத்தைக் காண்க

வலைப்பதிவு காப்பகம்

  • ▼  2026 (5)
    • ▼  நவம்பர் (2)
      • The path taken by the Devadasi Abolition Act
      • நாஸ்திகர் மகாநாடு
    • ►  ஆகஸ்ட் (1)
    • ►  பிப்ரவரி (1)
    • ►  ஜனவரி (1)
  • ►  2025 (14)
    • ►  டிசம்பர் (6)
    • ►  நவம்பர் (2)
    • ►  அக்டோபர் (2)
    • ►  ஆகஸ்ட் (1)
    • ►  ஜூலை (1)
    • ►  மார்ச் (2)
  • ►  2024 (18)
    • ►  டிசம்பர் (1)
    • ►  செப்டம்பர் (1)
    • ►  ஆகஸ்ட் (1)
    • ►  ஜூலை (4)
    • ►  ஜூன் (3)
    • ►  ஏப்ரல் (3)
    • ►  மார்ச் (3)
    • ►  பிப்ரவரி (2)
  • ►  2023 (19)
    • ►  நவம்பர் (1)
    • ►  மே (1)
    • ►  ஏப்ரல் (4)
    • ►  மார்ச் (9)
    • ►  பிப்ரவரி (3)
    • ►  ஜனவரி (1)
  • ►  2022 (31)
    • ►  டிசம்பர் (1)
    • ►  அக்டோபர் (1)
    • ►  செப்டம்பர் (2)
    • ►  ஆகஸ்ட் (1)
    • ►  ஜூலை (4)
    • ►  ஜூன் (7)
    • ►  மே (1)
    • ►  மார்ச் (4)
    • ►  பிப்ரவரி (5)
    • ►  ஜனவரி (5)
  • ►  2021 (40)
    • ►  நவம்பர் (3)
    • ►  செப்டம்பர் (1)
    • ►  மே (7)
    • ►  ஏப்ரல் (3)
    • ►  மார்ச் (20)
    • ►  பிப்ரவரி (4)
    • ►  ஜனவரி (2)
  • ►  2020 (13)
    • ►  டிசம்பர் (2)
    • ►  செப்டம்பர் (1)
    • ►  மே (2)
    • ►  பிப்ரவரி (1)
    • ►  ஜனவரி (7)
  • ►  2019 (38)
    • ►  டிசம்பர் (10)
    • ►  நவம்பர் (5)
    • ►  அக்டோபர் (2)
    • ►  செப்டம்பர் (3)
    • ►  ஆகஸ்ட் (2)
    • ►  ஜூலை (4)
    • ►  ஜூன் (5)
    • ►  மே (2)
    • ►  பிப்ரவரி (3)
    • ►  ஜனவரி (2)
  • ►  2018 (50)
    • ►  நவம்பர் (4)
    • ►  அக்டோபர் (15)
    • ►  செப்டம்பர் (11)
    • ►  ஆகஸ்ட் (1)
    • ►  ஜூலை (4)
    • ►  ஜூன் (2)
    • ►  மே (1)
    • ►  ஏப்ரல் (2)
    • ►  மார்ச் (3)
    • ►  ஜனவரி (7)
  • ►  2017 (48)
    • ►  டிசம்பர் (4)
    • ►  நவம்பர் (1)
    • ►  அக்டோபர் (9)
    • ►  செப்டம்பர் (2)
    • ►  ஆகஸ்ட் (11)
    • ►  ஜூலை (5)
    • ►  ஜூன் (3)
    • ►  மே (4)
    • ►  மார்ச் (1)
    • ►  பிப்ரவரி (3)
    • ►  ஜனவரி (5)
  • ►  2016 (19)
    • ►  டிசம்பர் (2)
    • ►  நவம்பர் (4)
    • ►  அக்டோபர் (3)
    • ►  செப்டம்பர் (2)
    • ►  ஆகஸ்ட் (1)
    • ►  ஜூன் (3)
    • ►  மே (2)
    • ►  பிப்ரவரி (2)
  • ►  2015 (55)
    • ►  டிசம்பர் (10)
    • ►  நவம்பர் (11)
    • ►  அக்டோபர் (2)
    • ►  செப்டம்பர் (9)
    • ►  ஆகஸ்ட் (17)
    • ►  ஜூலை (4)
    • ►  ஜூன் (1)
    • ►  மார்ச் (1)
சாதாரணம் தீம். Blogger இயக்குவது.