ஞாயிறு, 23 ஏப்ரல், 2023

தாம்பரம் மாவட்ட பகுத்தறிவாளர் கழக கலந்துரையாடல் கூட்டம்

 

7
தாம்பரம், ஏப். 20- 14.4.2023 அன்று, தாம்பரம் பேருந்து நிலைய பெரியார் புத்தக நிலையத்தில், தாம்பரம் மாவட்ட பகுத்தறிவாளர் கழகம் சார்பாக அண் ணல் அம்பேத்கரின் 133ஆம் ஆண்டு பிறந்த நாள் விழா - சிறப்பு கலந்துரை யாடல் கூட்டம் மாலை 5:30 மணி முதல் 7:30 மணி வரை நடைபெற்றது.

பகுத்தறிவாளர் கழக மாநில துணைத் தலைவர் பி.கரிகாலன் தலைமை  வகித்தார். தாம்பரம் மாவட்ட திரா விடர் கழகத் தலைவர் ப.முத்தையன், மாவட்ட செயலாளர் கோ.நாத்திகன் சிறப்பு அழைப்பாளர்களாக கலந்து கொண்டு சிறப்பித்தனர்.

நிகழ்ச்சியின் தொடக்கத்தில் தாம்ப ரம் மாவட்ட பகுத்தறிவாளர் கழகத் தலைவர் எஸ்.ஆர்.வெங்கடேசன் அனை வரையும் வரவேற்று,  அறிமுக உரை ஆற்றினார். அம்பேத்கர் வாழ்க்கை வரலாற்றை சுருக்கமாகக் கூறினார். பின்னர் இரா.சு.உத்ராபழனிசாமி உரையாற்றினார்.

“1929 - நாசிக்கில் நடைபெற்ற ஒடுக் கப்பட்டோர் மாநாடு குறித்தும் அதில் தந்தை பெரியாரின் கடிதத்தை அம் பேத்கர் படித்தது குறித்தும், அம்பேத் கரும், பெரியாரும் எவ்வாறு இணைந்து ஒடுக்கப்பட்ட மக்களுக்காக செயல்பட் டனர் என்பது குறித்தும் பேசினர். கம்யூனிஸ்ட் இயக்கத் தோழர் அண்ணா துரை உரையாற்றுகையில், மனித சமூ கம் எப்படி, இப்படி அடிமையாக்கப் பட்டது என்றும், பழைமையான மக்கள் தங்கள் தேவைக்காக கற்பனை செய்து வைத்திருந்த சொர்க்கம், நரகத் தைப் பற்றியும், அதனைப் பார்ப்பனர்கள் எவ்வாறு பயன்படுத்திக் கொண்டு மக் களை அடிமைப்படுத்தினர் என்பதை யும், அதற்காக எதிர்ப் போராட்டம் நடத்திய அம்பேத்கரின் அர்ப்பணிப்பு களையும் எடுத்துக் கூறினார்.

குணசேகரன் பேசும்போது, “தற்காலத்தில் ஒடுக்கப்பட்ட மக்களின் வாழ்க்கை நிலை குறித்தும், இந்து மதத்தில் உள்ள இடர்ப்பாடுகளும், ஒடுக்கப்பட்ட மக்கள் எந்த அளவுக்கு பாதிக்கப்படுகிறார்கள் என்றும், அதில் உள்ள ஏற்றத் தாழ்வுகளால் இந்து மதத்தில் இருந்து மன வேதனையுடன், வெளியேறி  அண்ணல் அம்பேத்கர் புத்தமதத்தை தழுவியதையும்“ விளக்கி உரை ஆற்றினார். 

இந்தக் கூட்டத்தில் கலந்துகொண்ட புதிய தோழர் பழனிசாமி பேசும் போது:-

நிர்மலா:- அம்பேத்கர் பெண்களுக்காக போராடியதையும், பெண்களுக்கு வாங்கிக் கொடுத்த முன்னுரிமைகளையும் குறிப்பிட்டுப் பேசினார்.

தாம்பரம் மாவட்ட தலைவர் முத் தையன்:- தன் வாழ்வில் பார்ப்பனர்களால் ஏற்பட்ட பாதிப்புகள் பற்றியும், தன் தந்தை அரசு வேலை செய்தாலும் பார்ப்பனரிடம் வேலை செய்யும் போதும், அந்த பார்ப்பனரின் குழந்தை கள் தன் தந்தையிடம் நடந்துகொண்ட முறையைக் கண்டு சிறு வயதிலேயே மனதில் ஏற்பட்ட வேதனை குறித்தும், அந்தக் காலகட்டத்தில் ‘விடுதலை’ பத்திரிகை மூலமாக பெரியாரின் கருத் துகளை தெரிந்துகொண்டு சுயமரி யாதை எவ்வளவு முக்கியம் என்று உரிமைகளை இழந்த காலகட்டத்தில் அம்பேத்கர் பட்ட பாடுகளையும் வேத னையோடு வெளிப்படுத்தினார்.

பகுத்தறிவாளர் கழக மாநில துணைத் த
லைவர் பி.கரிகாலன் மற்றும் ஆவடி தமிழ்ச்செல்வன், கூடுவாஞ்சேரி மா.ராசு ஆகியோர் உரையாற்றினர்.

நிறைவாக நன்றியுரை ஆற்றிய தாம்பரம் மாவட்ட பகுத்தறிவாளர் கழகத் துணைத் தலைவர் அருணா பத்மாசூரன் லாகூர் மாநாடு குறித்தும், அம்பேத்கரின் மன உறுதியையும், அம்பேத்கர் இந்தக் காலகட்டத்திலும் போற்றப்பட வேண்டிய, தேவையான தலைவர் என்பது குறித்தும் பேசி, அனைவருக்கும் நன்றி கூறி கூட்டத் தினை நிறைவு செய்தார்.

கருப்பைய்யா மற்றும் கழகத் தோழர் கள் பலரும் இக்கலந்துரையாடல் கூட் டத்தில் கலந்துகொண்டனர்.

ஞாயிறு, 16 ஏப்ரல், 2023

பகுத்தறிவாளர் கழகம் துவக்கம்! - தந்தை பெரியார்

 

பெரியார் பேசுகிறார் : பகுத்தறிவாளர் கழகம் துவக்கம்!

2022 பெரியார் ஜூன் 16-30 2022

தந்தை பெரியார்

இன்றைய தினம் இங்கு பகுத்தறிவாளர் கழகம் என்னும் பெயரால் ஆரம்பிக்கப் பட்டிருக்கிற இக்கழகத்தினைத் துவக்கும் வகையில் இப்பெரும் கூட்டமானது ஏற்பாடு செய்யப்பட்டிருக்கிறது. பல அறிஞர்கள் சிறந்த கருத்துரைகளை எடுத்துச் சொல்லி இருக்கிறார்கள். இன்றைக்கு 30, 40 வருடங்-களுக்கு முன்பே உயர்ந்த பேச்சாளர்-களாகவும் மக்களுக்கேற்ப கருத்துகளை எடுத்துச் சொல்வதில் தேர்ந்தவர்களாகவும் இருந்தவர்-கள் இருவர். ஒருவர் அண்ணா அவர்கள், அடுத்து நாவல ரவர்கள். அண்ணா அவர்கள் நகைச் சுவையோடு, அடுக்குத் தொடரோடு எடுத்துச் சொல்வார்கள்; நாவலரவர்கள் புள்ளி விவரங்களோடு மக்களுக்குப் புரியும் தன்மையில் பேசக் கூடியவராவார்கள். இவர்கள் இருவரது பேச்சுகளைக் கேட்பதற்காகவென்று மக்கள் அதிகமாகக் கூடுவார்கள்.

மனிதனா-மிருகமா?
அமெரிக்காக்காரன் சந்திரமண்டலத்திற்கு சென்று வர சாதனம் கண்டுபிடித்ததைப்போல நாம் சிறந்த காரியமாக பகுத்தறிவாளர் கழகம் என்கின்ற இதனைக் கண்டுபிடித்திருக்கிறோம்; மக்களுக்கு அறிவை எடுத்துச் சொல்கிற – மிருகமாக இருக்கிற மக்களை மனிதர்களாக்குகிற இயக்கம் என்பதுதான் இதற்குப் பொருள். பகுத்தறிவுச்- சிந்தனை _ தாராள சுதந்திர நோக்குள்ளவன்தான் மனிதன். இவை இல்லாத மற்றவை மிருகங்கள். நாம் ஏறக்குறைய அப்படித்தான் இருந்து வருகின்றோம். இப்போதுதான் மனிதரா-கின்றோம். இந்த நாட்டில் இத்துறையில் பாடுபட யாருமே தோன்றவில்லை.
«««
இந்த இயக்கம் வளருமேயானால் மேனாட்டு-காரர்களை விட அதிகமாக நாம் வளருவோம். அறிவில் மட்டுமல்ல, பல அதிசய அற்புதங்களையும் காணுவோம். நமது நாட்டில் அறிவுள்ள மனிதன் என்று சொல்ல ஒரு ஆளில்லை. படித்தவர்கள், பணம் படைத்தவர்-கள், பெருமை பெற்றவர்கள் இருக்கலாம். அறிவாளி என்று சொல்லும் படியாக ஓர் ஆள் கிடையாது. நம் சமுதாய மக்களிடையில் இன உணர்வு நட்பு இல்லாமல் போய் விட்டது. பொது உணர்ச்சி இல்லாமல் போய்விட்டது. இந்த ஸ்தாபனத்தை நல்ல வண்ணம் வளர்க்க வேண்டும். தமிழர்கள் எல்லோரும் அங்கத்தினர்-களாக வேண்டும். தங்கள் மனைவிமார்களையும் இதில் சேர்க்க வேண்டும். பிரச்சார ஸ்தாபனம் ஒன்று இதற்காகத் துவக்க வேண்டும். பத்திரிகைகள் ஆரம்பிக்க வேண்டும். நிறைய புத்தகங்கள் போடவேண்டும். தாங்களாகவும் மற்றவர்களை அழைத்தும் பிரச்சாரம் செய்து, மக்களைப் பகுத்தறிவாளர்-களாக்க வேண்டும்.

ஒழுக்கம் நாணயம் வேண்டும்
இதற்கு மரியாதை வேண்டுமானால் இதில் ஈடுபட்டுள்ளவர்களுக்கு ஒழுக்கம், நாணயம் வேண்டும். நாம் தீவிரமான கருத்துகளை எடுத்துச் சொல்லி இருக்கிறோம். நம்மிடம் ஒழுக்கம், நாணயம் இல்லையென்றால் மதிப்பிருக்காது. இப்போது நாங்கள் “கடவுள் இல்லை- கடவுள் இல்லவே இல்லை, கடவுளைக் கற்பித்தவன் முட்டாள், கடவுளைப் பரப்பியவன் அயோக்கியன், கடவுளை வணங்கு-கிறவன் காட்டுமிராண்டி” என்கின்றோம்.
முட்டாளை முட்டாள் என்று சொல்வதில், திருடனை திருடன் என்று சொல்வதில் என்ன தவறு என்று கேட்கிறேன். யாராவது நீங்கள்தான் சொல்லுங்களேன்? கடவுளை நம்புகிறவன் முட்டாளாக இல்லாவிட்டால் சாம்பலையும், மண்ணையும் பூசிக்கொள்வானா?

மறு பிறப்பும் பிதிர்லோகமும் முரண் அல்லவா?
அடுத்த ஜன்மத்கில் நாயாக, கழுதையாகப் பிறப்பாய் என்கிறான். பிறகு பிதிர்லோகத்தில் ஆத்மா தங்கி இருக்கிறது, அதற்கு உணவுக்கு அரிசி, உப்பு, புளி அனுப்ப வேண்டு மென்கின்றான். பெரிய எம்.ஏ., பி.ஏ., டாக்டர் படித்தவனெல்லாம் இதை நம்பித்தானே தெவசம் கொடுக்கின்றான், கருமாதி செய்கின்றான். நாமிங்கு கடவுள் மறுப்புச் சொல்வது போன்று ஒவ்வொரு நாட்டிலும் இது போல் செய்கிறார்கள்.

விழிப்பூட்டும் ஏடுகள் வேண்டும்!
நானும் காலம் சென்ற இராமநாதன் அவர்களும் பாரிசுக்கு ஒரு நாத்திக சங்கத்திற்கு சென்றிருந்தோம். அவர்கள் ஒரு பத்திரிகை நடத்துகிறார்கள். அந்தப் பத்திரிகையின் தலைப்பில் ஒரு சிலுவையைப் போட்டு அதை ஒரு மனிதன் இரண்டாகப் பிளந்து ஒரு பகுதியைக் காலால் மிதித்துக் கொண்டு மறுபகுதியைக் கையால் பிடித்து இழுப்பது போலப் படம் போட்டிருக்கிறார்கள். அப்படம்தான் அந்தப் பத்திரிகையின் “எம்பிளம்” ஆகும். அப்போதே அப்பத்திரிகை 50, 60 ஆயிரம் போகிறது என்றார்கள். அது போன்று இங்கும் நிறைய பத்திரிகைகள் தோன்ற வேண்டும்.

கடவுளை முழுமையாக நம்புகிறவர் யாரும் இல்லை!
மனிதன் – அறிவோடு சாமியை நம்பினால் பரவாயில்லை, முட்டாள்தனத்தோடு நம்பு-கின்றான். அதனால் இவன் மடையனாவ-தோடு இவன் மனைவி மக்களெல்லாம் அல்லவா மடையர்களாகிறார்கள். சாமி இருக்கிறது என்று நம்புகிறானே தவிர, அது சர்வசக்தி-யுள்ளது என்று சொல்கிறானே தவிர, அதன்படி எவனாவது ஒருவன் நடந்து கொள்கிறானா என்று கேட்கிறேன்…
சங்கராச்சாரியைச் சொன்னாலும் சரி, மடாதிபதியானாலும் சரி, பெரிய பக்தனானாலும் சரி ஒருவனைச் சொல்லுங்கள், -எவன் கடவுள் சர்வ சக்தியுள்ளது என்று நம்புகின்றான்? ஒருவன் கூட இல்லையே!

அடிமையாக நாமிருக்கிறோம்
தீவிரமான காரியங்களில் ஈடுபடுகிற நம்மீது சிறு குற்றம்கூட இருக்கக் கூடாது. நமது சமுதாயம் ஒன்றுபட வேண்டும். அதற்காகப் பாடுபடவேண்டும். நமக்கு ஒரு குறிப்பு மோனோகிராம் (பேட்ஜ்) இருக்க வேண்டும். மேல் நாடுகளில் இதுபோன்ற இயக்கங்களைச் சார்ந்தவர்கள் தங்கள் சட்டையின் ஒரு பகுதியில் அணிந்திருப்பார்கள். அதுபோன்று இந்தக் கழகத்தினைச் சார்ந்த அங்கத்தினர்கள் அணிந்து கொள்ள வேண்டும்.
«««
அதுபோன்று இக்கழகத்தைச் சார்ந்தவர்கள் ஒற்றுமையாக இருக்க வேண்டும். ஒருவருக்-கொருவர் அண்ணன் தம்பிபோல் பழக வேண்டும். நமது நிலை என்ன? நமது நாட்டின் பெயர் இந்தியா; நமது மதத்தின் பெயர் இந்து. இதற்கு எந்த ஆதாரமும் இருக்கிறதா என்றால் இல்லை. இந்நாட்டிற்குரிய நமக்கென்று எதுவுமே இல்லை. அனாமதேயமாக இருக்கி றோம். அரசியலிலும் அனாமதேயமாக இருக்-கிறோம். நமக்கென்று நாம் எதையும் செய்து கொள்ள முடியாதவர்களாக இருக்கிறோம். இந்த நிலை மாற்றமடைய வேண்டும்.

நடித்தால் போதும்
நாமெல்லாம் சகோதரர்கள் என்கின்ற உணர்ச்சி வர வேண்டும். இதனால் சிலருக்குத் தொல்லை வரலாம். தியாகம் செய்தாக வேண்டும். நம்மவன் என்றால் அன்பாய் நடந்து கொள்ள வேண்டும் தம்மாலான உதவியைச் செய்ய வேண்டும். பகுத்தறிவின் பெயரால் நாடகங்கள் நடத்த வேண்டும். சுயமரியாதை இயக்கத்தின் மூலம் நடத்துவதில் அண்ணா முக்கியமான பாகத்தில் நடிப்பார் 3_4 ஆயிரம் வசூலாகும். நமது கடவுள் கதைகளை – உள்ளபடி நடித்தால் போதும்- _ அறிவோடு பார்ப்பவன் நிச்சயம் திருந்துவான். இதற்கு ஒரு நிதி திரட்ட வேண்டும். பத்திரிகை சம்பந்தமாக நண்பர் திரு. வீரமணி அவர்கள் உதவி செய்வார்கள். (‘விடுதலை’ 23.9.1970)

தந்தை பெரியார் தந்த நிதியுதவி!
பகுத்தறிவாளர் கழகத்தைத் துவக்கி வைத்து அறிவுரை ஆற்றிய வணக்கத்திற்குரிய தந்தை பெரியார் அவர்கள் கழகத்தின் வளர்ச்சிக்காக கழகத்தின் தலைவர் திரு.சி.டி.நடராசன் அவர்களிடம் 1000 ரூபாயை நன்கொடையாக அளித்தார்கள். தொடர்ந்து அய்யா அவர்கள் பேசுகையில் கழகம் ஆற்றவேண்டிய பணிகள் குறித்தும், பகுத்தறிவுப் பிரச்சாரத்தை பலவகையில் வலிவுடன் செய்ய வேண்டிய முறைகள் பற்றியும் கூறினார்கள். கழகம் தனக்கென ஆங்கில ஏடு ஒன்று விரைவில் துவங்க வேண்டிய அவசியத்தை வலியுறுத்-தினார்கள். மேலும் துண்டுப் பிரசுரங்கள், மலிவுப் பதிப்புகள் வெளியிடுதல்., கருத்தரங்கு-கள், விளக்கக் கூட்டங்கள் இவற்றுக்கு ஏற்பாடு செய்தல், பிரச்சார நாடகங்கள் பலவற்றை நடத்துதல் போன்ற பல்வேறு பணிகளில் விரைந்து ஈடுபடுத்திக் கொள்ள வேண்டும் என்றார்கள். மேலும் பகுத்தறிவாளர்கள் தம் சட்டையில் அணிந்து கொள்ளும் வகையில் சின்னம் (ணினீதீறீமீனீ) ஒன்றினை உடனே உருவாக்குங்கள் என்றார்கள்.
கூட்டத்தில் தோழர்கள் துண்டேந்தி-யமைக்கு ஆதரவாக ரூபாய் 129_30 காசு வசூலாகியது. (‘விடுதலை’ – 7.9.1970)

நாகபுரி சமூகநீதி மாநாடு

 

அய்யாவின் அடிச்சுவட்டில்… : இயக்க வரலாறான தன் வரலாறு (293)

2022 அய்யாவின் அடிச்சுவட்டில் ஜூன் 1-15 2022

நாகபுரி சமூகநீதி மாநாடு
கி.வீரமணி

மகாத்மா ஜோதிபா பூலே துவக்கிய சத்திய சோதக் சமாஜ் அமைப்பின் 125ஆம் ஆண்டு விழா, சமூக நீதி மாநாடு ஆகிய விழாக்கள் நாகபுரி, நேஷனல் கல்லூரி வளாகத்தில் அமைக்கப்பெற்ற டாக்டர் பஞ்சாப் ராவ் தேஷ்முக் உள்ளரங்கத்தில் மிகச் சிறப்பான முறையில் 9.1.1990 அன்று காலை 10:00 மணியளவில் துவங்கியது.
மாநாட்டில் கலந்துகொள்ள சென்னை-யிலிருந்து ராஜதானி ரயில் மூலம் 9.1.1999 அன்று அதிகாலை 3:45 மணிக்கு நாகபுரி ரயில் நிலையத்திற்குச் சென்று சேர்ந்தேன். சத்திய சோதக் சமாஜ் சங்க முக்கிய நிருவாகி டாக்டர் காம்ப்ளே மற்றும் உறுப்பினர்கள் என்னை அன்புடன் வரவேற்றனர். பின்னர் நாகபுரியில் உள்ள சட்டமன்ற உறுப்பினர்கள் விருந்தினர் மாளிகைக்கு அழைத்துச் செல்லப்பட்டேன். நடக்கவிருக்கும் இரண்டு நாள் மாநாடுகள் பற்றி அச்சங்கத்தின் தலைவர் நாகேஷ் சவுத்ரி விளக்கமாகக் கூறிச் சென்றார்.
முதல் நாள் மாநாட்டுக்குத் தலைமை விருந்தினராக, மாநாட்டின் அரங்கிற்கு அழைத்துச் செல்லப்பட்டேன். அரங்கினுள் நுழையும்போது அரங்கத்தில் கூடியிருந்த அனைவரும் எழுந்து வரவேற்றது அவர்கள் நம் இயக்கத்தின் மீது கொண்ட மரியாதையை உணர்த்தியது.
சமூகநீதி முன்னோடித் தலைவர்கள் மகாத்மா ஜோதிபா பூலே, தந்தை பெரியார் மற்றும் பாபாசாகேப் அம்பேத்கர் ஆகிய தலைவர்களின் படங்களுக்கு நாகபுரி பல்கலைக்-கழகத் துணைவேந்தர் டாக்டர் பேரா.பால்சந்திர-சோப்னேவும் நாகேஷ் சவுத்ரியும் மலர் தூவி, வீர வணக்கம் செய்தனர். மாநாட்டின் முதல் நிகழ்ச்சியாக வரவேற்புப் பாடல் அங்குள்ள மாணவிகளால் பாடப்பட்டது.
பின்னர் மாநாட்டின் வரவேற்புரையை சங்கத்தின் தலைவர் திரு. நாகேஷ் சவுத்திரி ஆற்றினார். சங்க உறுப்பினர் பேராசிரியர் சுதாகர் மொக்டே, தலைமை விருந்தினரான ‘எனது வாழ்க்கைக் குறிப்பினை’ மிகத் தெளிவாகவும், விவரித்தும் மாநாட்டுப் பேராளர்கள் அனைவரின் கரவொலிக்கிடையே வழங்கி, ஆங்கிலத்திலும் மராட்டியத்திலும் மொழிபெயர்த்து பெருமைப்படுத்தினார்கள்.

பின்னர் மாநாட்டில் கலந்துகொண்ட விருந்தினர்களுக்கு மாணவிகள் பூச்செண்டு கொடுத்துச் சிறப்பித்தார்கள். ஆங்கிலம் மற்றும் மராத்தியில் தயாரிக்கப்பட்ட, ‘எனது வாழ்க்கைக் குறிப்பை’ உள்ளடக்கிய கண்ணாடிப் பேழையினையும் அளித்து சிறப்பித்தார்கள்.
அதையடுத்து மாநாட்டின் தலைவர் பேரா.சோப்னே துவக்க உரையாற்றினார். அவர் தமது உரையில், “மகாத்மா ஜோதிபா பூலே, தந்தை பெரியார், டாக்டர் அம்பேத்கர் ஆகியோரின் அளப்பரிய பணிக் கொடை-களைப் பாராட்டி, அவர்களின் உழைப்பினால்-தான் இந்த அளவிற்கு சமுதாய மாற்றம் ஏற்பட்டு உயர்வடைந்திருக்கிறது. திரு.வீரமணி அவர்கள் இந்தியத் துணைக் கண்டத்திலேயே தலைசிறந்த சமூகநீதித் தலைவர்களில் முதல் இடத்தைப் பெற்றுத் திகழ்கிறார்கள் என்று சொன்னால், அது ஏதோ வார்த்தைக்காக அல்ல. அதற்கு அவர் முழுத் தகுதியும் பெற்றிருக்கிறார் என்றே நான் பொருள் கொள்கிறேன்.
அவருடைய இடைவிடாத நன்றி பாராத உழைப்புக்குக் காரணம், அவர் நம்முடைய சமூகநீதிப் போராளிகளான ஜோதிபா பூலே, தந்தை பெரியார், அம்பேத்கர் ஆகியோரின் தத்துவங்களிலிருந்தும், கொள்கைகளிருந்தும் எள் முனையளவுகூட பிறழாமல் தன் பணியினைச் செய்து வருவதால்தான். தலைவர் வீரமணி அவர்கள் இந்த நிலைக்கு உயர்ந்திருக்கிறார் என்றால் அதற்கும் இவையே காரணம் என்றவர், பெரியார் சுயமரியாதை அறக்கட்டளையின் கீழ் இயங்கிவரும் 44 நிறுவனங்களைக் கூறி, மிகவும் பெருமைப்-படுகின்ற அளவுக்கு அவை சிறப்பாக வளர்க்கப்பட்டுள்ளன என்று சொன்னால், அதற்குக் காரணம் தலைவர் வீரமணியே ஆவார்கள் என்பதை இந்த நேரத்தில் பெருமையோடு தெரிவிப்பதில் மிக்க மகிழ்ச்சியடைகிறேன் என்று கூறி தனது தலைமை உரையை நிறைவு செய்தார். தலைமையுரையைத் தொடர்ந்து நான் துவக்க உரையை ஆங்கிலத்தில் ஆற்றினேன். அதை மராட்டியத்தில் சிறப்பாக தோழர் ஒருவர் மொழிபெயர்த்தார்.

மும்பையில் நடைபெற்ற உலக மனிதநேய மாநாடு!

 

அய்யாவின் அடிச்சுவட்டில்… : இயக்க வரலாறான தன் வரலாறு (293)

2022 அய்யாவின் அடிச்சுவட்டில் ஜூன் 1-15 2022


கி.வீரமணி


மும்பையில் நடைபெறும் உலக மனிதநேய மாநாட்டில் கலந்துகொள்வதற்காகச் சென்னையிலிருந்து துணைப் பொதுச் செயலாளர் கோ.சாமிதுரை அவர்கள் தலைமையில் நாற்பத்தோரு பேர் கொண்ட குழு ஒன்று 10.1.1999 அன்று மும்பை வந்தடைந்தனர். மும்பையில் தந்தை பெரியாரைத் தம் ஆசான் என்று 50 ஆண்டுகளுக்கு முன்னரே ஏற்றுக் கொண்ட மனிதநேய மாண்பாளர் எம்.என்.ராய் பெயரால் அமைந்த சமூக மாற்ற மய்ய மாளிகையில், மனிதநேய மாநாடு ஜனவரி 10 முதல் 15 வரை நடைபெற்றது.
நான் 11.1.1999 அன்று பல்வேறு அறிஞர்களின் கருத்தரங்க நிகழ்வு நடைபெற்றது. அதில் கழகத்தின் சார்பில் வழக்குரைஞர் அருள்-மொழியும், திருச்சி திலகவதியும் உரை-யாற்றினார்கள். 12.1.1999இல் நடைபெற்ற கருத்தரங்க ஆய்வுரையில் கு.வெ.கி.ஆசான் உரையாற்றினார். அதற்கு அடுத்த நாள், 13.1.1999 அன்று மாநாட்டில் நான் உரையாற்றுகையில், “எம்.என்.ராயுடன் தந்தை பெரியார் கொண்டிருந்த தொடர்பு பற்றிக் குறிப்பிட்டேன். தென்னாட்டில் ஒரு மாபெரும் மக்கள் இயக்கத்தைத் தோற்றுவித்துப் போராடிய மனிதநேய மாண்பாளர்களில் முதல் இடம் தந்தை பெரியாருக்கு உண்டு என்பதை விளக்கினேன்.
மாநாட்டின் நிறைவு நாளில் திராவிடர் கழகத்தின் சார்பில் முனைவர் பு.இராசதுரை கொண்டுவந்த ஜாதி ஒழிப்புத் தீர்மானம் செயற்குழுவால் விவாதிக்கப்பட்டு ஏற்றுக் கொள்ளப்பட்டது. அதேபோல் பாண்டியனின் மின்தொலைத் தொடர்பு சாதனங்களை பகுத்தறிவுக்குப் பயன்படுத்த வேண்டும் என்பதையும், அ.மணிநிலவனின் கட்சிப் பொறுப்பில் உள்ளவர்கள் சாமியார்களைப் பார்க்கப் போகக் கூடாது என்பதையும் தீர்மானங்-களாகக் கழகத்தின் சார்பில் கொண்டுவரப்பட்டு நிறைவேற்றப்பட்டன.
தந்தை பெரியாரின் கருத்துகள், உலக மனிதநேய நன்னெறி மாநாட்டில் தீர்மானங்-களாக இடம்பெற்ற மகிழ்ச்சியில் மாநாட்டில் கலந்துகொண்ட நமது கழகக் குடும்பத்தினர் 16.1.1999 அன்று சென்னை திரும்பினர்.

நான் மும்பையில் இருக்கும்-போது, சென்னை மாவட்டப் பகுத்தறிவாளர் கழகத் தலைவர் ‘எமரால்டு’ கோபாலகிருஷ்ணன் அவர்கள் 12.1.1999 அன்று மரண-மடைந்தார் என்னும் செய்தி கேட்டு அதிர்ச்சியடைந்தேன். மும்பையில் இருந்து விடுத்த இரங்கல் செய்தியில், “தோழர் எம்.டி.கோபாலகிருஷ்ணனின் பகுத்தறிவுப் பிரச்சாரப் பணியும், பெரியார் திடலுக்கு நாளும் வந்து, அதன் பணிகளில் ஈடுபட்டு அதன் சாதனைகளை, பெருமைகளை உலகறியச் செய்ய, தமது உடல் உபாதைகளையெல்லாம் பொருட்படுத்தாது, அஞ்சா நெஞ்சத்துடன் பணியாற்றினார். அவரது துணைவியார் பேராசிரியை தவமணி அவர்களது சீரிய ஒத்துழைப்போடும், அவரது குடும்பத்துச் செல்வங்களின் அரவணைப்போடும், அதே
நல்லெண்ணத்துடனும் (மகன், மகள், மருமக்கள்) செய்து வந்த பாங்கை எண்ணி எண்ணிப் பெருமைப்பட வேண்டும்.
மும்பை, உலக மனித நேய மாநாட்டில் கலந்து கொள்ளவிருந்தார். அவரது உடல்நிலை கடுமையாகப் பாதிக்கப்பட்டதன் விளைவாக அவர் மருத்துவமனைக்குச் செல்லும்படி நேரிட்டது.
அவரது தெளிவு, துணிவு, பொதுத்தொண்டு செய்யும் உள்ளம் பற்றி எவ்வளவோ எழுதலாம். பாழும் சாவு _ இந்தச் சொத்தை நம் இயக்கத்திடமிருந்து பறித்துவிட்டதே! என்ன செய்வது? நாம் பகுத்தறிவாளர்கள் என்பதால் ஒருவருக்கொருவர் ஆறுதல் கூறித் தேற்றிக் கொள்ள வேண்டும்.
அவரின் துணைவியார் _ குடும்பத்தார் அனைவருக்கும் திராவிடர் கழகம் சார்பில் ஆழ்ந்த இரங்கலைத் தெரிவித்துக் கொள்-கிறோம். அவரின் தொண்டுக்கு நம் வீர வணக்கத்தைச் செலுத்துகிறோம். அவர் “மறையாத வாழ்வு பெற்ற மாவீரர்’’ என இரங்கல் அறிக்கை வெளியிட்டோம். அப்போது மும்பையில் கலந்துகொண்டிருந்த மனிதநேய மாநாட்டில், “உலகின் பல்வேறு நாடுகளில் இருந்து வந்துள்ள அனைத்துப் பேராளர்களும் இத்துயரச் செய்திக்கு தமது ஆழ்ந்த இரங்கலைத் தெரிவித்து ஒரு நிமிடம் எழுந்து நின்று ‘எமரால்டு’ கோபாலகிருஷ்ணன் அவர்களுக்கு மரியாதை செலுத்தி _ வீரவணக்கம் தெரிவித்தனர்.

- கட்டுரையின் ஒரு பகுதி...

சனி, 18 மார்ச், 2023

சமூகநீதிக்கான டாக்டர் கலைஞர் மு. கருணாநிதி பன்னாட்டு விருது வழங்கப்பட்டது

 கயானா மேனாள் பிரதமர் & அதிபர் டாக்டர் மோசஸ் வீராசாமி நாகமுத்து, மொரிசியஸ் மேனாள் பிரதமர் டாக்டர் பரமசிவம் பிள்ளை வையாபுரி இருவருக்கும் சமூகநீதிக்கான டாக்டர் கலைஞர் மு. கருணாநிதி பன்னாட்டு விருது வழங்கப்பட்டது

"தமிழ்நாட்டில் ஆழமாக வேரூன்றிய பெரியாரது சிந்தனைகள் வளர்ந்து பரவி 

வெளிநாடுகளில் விழுதுகளாக சிறப்புடன் விளங்குகின்றனர்" 

விருதுகளை வழங்கி தமிழர் தலைவர் பாராட்டுரை 

பெரியார் மணியம்மை அறிவியல் மற்றும் தொழில் நுட்ப நிறுவனத்தின் (நிகர் நிலைப் பல்கலைக் கழகம்) டாக்டர் கலைஞர் மு.கருணாநிதி அரசியல் அறிவியல் ஆய்வு மய்யம்  சார்பில் டாக்டர் கலைஞர் மு.கருணாநிதி பன்னாட்டு சமூக நீதி விருது வழங்கும் விழா சென்னை பெரியார் திடலில் நடிகவேள் எம்.ஆர.ராதா மன்றத்தில் 10.11.2023 அன்று மாலை நடைபெற்றது. 

பெரியார் மணியம்மை அறிவியல் மற்றும் தொழில் நுட்ப நிறுவனத்தின் (நிகர் நிலைப் பல்கலைக் கழகம்) டாக்டர் கலைஞர் மு.கருணாநிதி அரசியல் அறிவியல் ஆய்வு மய்யம்  மற்றும் சென்னை வளர்ச்சி கழகம் இணைந்து நடத்தப்பட்ட விழாவுக்கு தமிழ்நாடு அரசின் சிறுபான்மைத் துறை நலன் மற்றும் வெளிநாடு வாழ் தமிழர் நலத்துறை அமைச்சர் கே.எஸ்.மஸ்தான் தலைமை வகித்தார்.

விருது பெற்றவர் பற்றிய குறிப்புகள்

விழாவில் 2020ஆம் ஆண்டுக்கான சமூகநீதிக்கான டாக்டர் கலைஞர் மு.கருணாநிதி விருதினை பெறும் மொரிசியஸ் நாட்டு மேனாள் பிரதமர் டாக்டர் பரமசிவம் பிள்ளை வையாபுரி அவர்களது வாழ்க்கைக் குறிப்புகளை பெரியார் மணியம்மை பல்கலைக் கழக ஆட்சி மன்றக் குழு உறுப்பினரும், திராவிடர் கழகப் பொதுச் செயலாளருமான வீ.அன்புராஜ் வாசித்தார்.

2021 ஆண்டுக்கான சமூகநீதிக்கான டாக்டர் கலைஞர் மு. கருணாநிதி விருதினைப் பெறும் கயானா நாட்டு மேனாள் பிரதமர் மற்றும் பொறுப்பு அதிபர் பதவி வகித்தவருமான டாக்டர் மோசஸ் வீராசாமி நாகமுத்து அவர்களது வாழ்க்கைக் குறிப்புகளை திராவிடர் கழகப் பொருளாளர் வீ. குமரேசன் வாசித்தார்.

விருந்தினர்களுக்கு தமிழர் தலைவர் சிறப்பு

விழாவிற்குத் தலைமைவகித்த அமைச்சர் செஞ்சி கே.எஸ்.மஸ்தான் அவர்களுக்கு வேந்தர் ஆசிரியர் அவர்கள் பயனாடை அணிவித்து சிறப்பு செய்தார்.

விருதாளர்களுக்கு வேந்தர் ஆசிரியர் அவர்கள் பயனாடை அணிவித்து விருதுடன் நினைவுப்பரிசு மற்றும் இயக்க வெளியீடுகளை வழங்கி சிறப்பு செய்தார்.

வேந்தர் ஆசிரியர் அவர்களுக்கும், விருதாளர்களுக்கும் தமிழ்நாடு அரசின் சார்பில் அமைச்சர் செஞ்சி கே.எஸ்.மஸ்தான் பயனாடை அணிவித்து சிறப்பு செய்தார்.

டாக்டர் வி.ஆர்.எஸ். சம்பத்

விருதினை உருவாக்கி ஒவ்வொரு ஆண்டும் வழங்கி வரும் சென்னை வளர்ச்சி மன்றத்தின் தலைவர் டாக்டர் வி.ஆர்.எஸ். சம்பத் அவர்கள், "சமூகநீதிக்கான டாக்டர் கலைஞர் மு. கருணாநிதி" விருதுபற்றிய உருவாக்கம், கடந்த காலத்தில் விருது வழங்கப்பட்ட பெருமக்கள் பற்றி அறிமுக உரையாற்றினார். 2020ஆம் ஆண்டுக்கான விருது மொரிசியஸ் நாட்டு மேனாள் தலைவர் டாக்டர் பரமசிவம் பிள்ளை வையாபுரி அவர்களுக்கும், 2021ஆம் ஆண்டுக்கான விருது கயானா  நாட்டு மேனாள் பிரதமர் பொறுப்பு அதிபர் டாக்டர் மோசஸ் வீராசாமி நாகமுத்து அவர்களுக்கும் வழங்கப்படவிருப்பதாக அறிவித்தார். விருதுகளை பெரியார் மணியம்மை நிகர் நிலைப் பல்கலைக் கழகத்தின் வேந்தர் ஆசிரியர் டாக்டர் 

கி.வீரமணி அவர்கள் வழங்கி பெருமைப்படுத்துவார்கள் எனக் கூறினார்.

விருது வழங்கிடும் நிகழ்ச்சியின் தலைவர் மாண்புமிகு அமைச்சர் கே.எஸ். மஸ்தான்

விருது வழங்கிடும் நிகழ்ச்சிக்கு தமிழ்நாடு அரசின் சிறுபான்மையினர் நலம் மற்றும் அயலகத் தமிழர் நல்வாழ்வு அமைச்சர் மாண்புமிகு கே.எஸ். மஸ்தான் அவர்கள் தலைமை வகித்து உரையாற்றினார். அவர் உரை ஆற்றுகையில் குறிப்பிட்டதாவது: 

அமைச்சர் என்கிற நிலையை உயர்த்திக்கொடுத்து இந்த நிகழ்ச்சியில் உங்களோடு கலந்துகொள்கிற வாய்ப்பினை உருவாக்கிக்கொடுத்த தமிழ்நாட்டின் முதலமைச்சர் மக்கள் முதல்வர் முத்துவேல் கருணாநிதி ஸ்டாலின் அவர்களுக்கு இந்த நேரத்தில் நன்றிகலந்த வணக்கத்தைத் தெரிவிக்கக் கடமைப்பட்டிருக்கிறேன்.

இந்த அரங்கத்தினுள் வரும்போது எங்களுக்குள் இருக்கின்ற உணர்வுகள், சிறிய வயதில் படிக்கிற காலத்தில் பள்ளிப்படிப்பு படிக்கின்ற காலத்தில், தந்தைபெரியார் அவர்கள் தமிழ்நாடு முழுவதும் தம்முடைய பயணத்தை மேற்கொள்கிற நேரத்தில், நான் செஞ்சிக் கூட்டத்தில், அவர் வாகனத்திலிருந்து பேசுகின்ற நேரத்தில் மண் தரையில் அமர்ந்து அவர் பேசியதை முதலிலே மனதிலே பதியவைத்தவன். நல்ல வெய்யில் நேரம். மதிய நேரத்தில் வந்துவிட்டார். அப்போது எல்லாரும் நிழலுக்காக ஓரம் ஒதுங்கி நிற்கிறார்கள். பிள்ளைகளெல்லாம் நாங்கள் எதிரில் உட்கார்ந்துவிட்டோம்.

அன்று ஒரு வார்த்தை சொன்னார் தந்தை பெரியார். இன்றைக்கும் அது நினைவில் இருக்கிறது.

என்னுடைய பேச்சை ஏற்கெனவே கேட்டு செயல் படுத்துவதற்கு தயாராக இருப்பவர்கள், நேரத்தை வீணாக்க வேண்டாம். உங்களுடைய வேலைகளை போய்ப்பார்க்கலாம். 

என்னுடைய பேச்சைக் கேட்டு எதிர்காலத்தில் செயல்படுத்துபவர்கள் மட்டும் இங்கே இருந்தால் போதும் என்றார்.

அந்த வெய்யிலில் ஓரம்பாரம் இருந்தவர்கள் எல்லோரும் விழுந்தடித்துக் கொண்டு பள்ளிப் பிள்ளைகளுடன் சேர்ந்து பெரியவர்கள் எல்லாரும் உட்கார்ந்து தந்தைபெரியார் பேச்சைக் கேட்டார்கள். இன்றைக்கும் அது மனதிலே அப்படியே இருக்கிறது.

ஒரு மனிதன் எந்தக்காலத்திலும், எந்த செயலில் ஈடுபட்டாலும், ஏன், எதற்கு என்று சிந்தித்து செயல்படச் சொல்லி அவருடைய தலைமையுரையைத் துவக்கினார்.

ஒரு மனிதனுக்கு எந்தக் காலக்கட்டத்திலேயும் சலிப்பு இருக்கக்கூடாது, அது தற்கொலைக்கு சமம் என்றும் அங்கே எடுத்துரைத்தார்.

மனிதனுக்கு அழகு மானமும் அறிவும் என்றும் அங்கே தந்தை பெரியார் தனது உரையில் சொன்னார்.

இதெல்லாம் மனதிலே பதிந்த காரணத்தினால், எதைப்பற்றியும் எப்போதும் கவலைப்படாமல், இன் றைக்கு வரையிலும் அந்த சுயமரியாதை கருத்துகளை ஏற்று தன்மானத்தைக் காக்கக்கூடிய - எந்த நிலையில் அந்தக் கூட்டங்கள் இருந்தாலும், அதில் கலந்து கொள்கின்ற ஓர் உணர்வோடு என்னை அதில் ஈர்ப்புடன் இணைத்துக்கொள்கிறேன்.

நம்முடைய ஆசிரியர் அவர்கள் ஒரு காலக் கட்டத்திலே தென்னார்க்காடு ஒன்றுபட்ட மாவட்டத்தில் பிரச்சாரப் பயணத்தை மேற்கொண்டார். 

அப்போது எங்களுக்கு மாவட்டச்செயலாளர் செஞ்சி இராமச்சந்திரன். நான் செஞ்சி பேரூர் தி.மு.கழகத்தி னுடைய செயலாளர். 

விழுப்புரத்திலிருந்து வளவனூர் பகுதியில் நம் முடைய ஆசிரியர் அவர்கள் பிரச்சாரத்தை மேற் கொள்கிற நேரத்தில், அப்போது அந்தக் கூட்டத்துக்கு நாங்கள் போகவில்லை, விழுப்புரத்தில் இருக்கிறோம். விழுப்புரம் பயணியர் விடுதியில் ஆசிரியர் அவர்களை சந்தித்தோம். அந்த கூட்டம் சிறிது தடைபட்டது என்பதை கேள்விப்பட்டதும், நாங்கள் சென்றோம். சென்றவுடன் ஆசிரியர், ‘இல்லை, நான் பேசிவிட்டுத் தான் செல்வேன் என்று பிடிவாதமாக சொல்லும்போது, நாங்கள் அன்புக்கட்டளை இட்டோம். பேசினால் ஒரு இடம்தான் பேசப்போகிறீர்கள், நாளை மாலை இதே நேரத்திலே ஆரம்பித்து வளவனூர் முழுக்க நீங்கள் சுற்றி பேசிவரலாம் என்று சொன்னவுடனே - எந்த காலக்கட்டத்திலேயும் ஒத்துக்கொள்ளவே மாட்டார் என்று கூட இருந்தவர்கள் எல்லாம் சொன்னார்கள் - எப்படி நீங்கள் சொன்னீங்க, ஒத்துக்கொண்டார் என்றார்கள்.

அன்று இரவு இருந்து மறுநாள் மாலை 3 மணிக்கு ஆரம்பித்து இரவு 10 மணி வரையிலும் எந்த ஊரிலே அந்த பிரச்சாரத்துக்கு தடை ஏற்பட்டதோ, அந்த ஊரிலே ஒரு நபர்கூட வீட்டுக்குள்ளே இல்லாமல், வீட்டு வாசலில் நின்று, ஒவ்வொரு வீதியாக சென்று குறைந்தது 5 இடத்திலே பேசினார். அது ஒரு பேரூராட்சிதான் சின்ன ஊருதான்.

அங்கே பேசும்போது, ஒட்டுமொத்த கிராமத்திலிருப்பவர்களும் அவர் பேச்சைக் கேட்கின்ற நிலை.

அப்போது பெண் அடிமைத்தனம் பற்றி பேசினார். பெண் அடிமைத்தனம் ஒழிக்கப்பட வேண்டும். பாரதி கண்ட புதுமைப்பெண்களைப் படைக்க வேண்டும். ஆணும் பெண்ணும் சமம் என்ற நிலையை நீங்கள் உருவாக்க வேண்டும்.

நம்வீட்டில் பிறக்கின்ற பெண் குழந்தைகளை பெற்ற தாய் தந்தையே உதாசீனப்படுத்துவது எந்த விதத்திலே நியாயம் என்றெல்லாம் பல்வேறு கருத்துகளை அங்கே வலியுறுத்திப் பேசினார்.

இதற்கெல்லாம் உங்களுக்கு விடை காண வேண்டும் என்று சொன்னால், நம்வீட்டு பிள்ளைகளை நீங்கள் கல்வி கற்கச் செய்ய வேண்டும். 

படித்தால்தான் இந்த சமுதாயத்தில் சம நிலைக்கு சம தகுதியைப் பெற முடியும் என்று இந்த தத்துவத்தினுடைய பேச்சுகள் எல்லாம் இன்றைக்கு தமிழ்நாட்டில் தமிழன்  தன்மானத்தோடு தலைநிமிர்ந்து வாழ்வதற்காக இன்றைக்கு உருவாக்கப்பட்டிருப்பதன் அடித்தளம்தான் தந்தை பெரியாருடைய கருத்துகள், பெரியாருடைய பயணம். அதைத்தொடர்ந்து நம்முடைய ஆசிரியர்  90 வயதிலும் விடா முயற்சியாக அவருடைய பயணம் உள்ளது.

எனவே, இந்த நிகழ்ச்சியில் கலந்துகொண்டு முத் தமிழறிஞர் கலைஞரின் பெயரில் விருது வழங்குகின்ற விழாவில் ஒரு சாதாரண தொண்டனான எனக்கு அந்த வாய்ப்பினை வழங்குகின்ற நேரத்தில், உண்மையிலேயே இதுதான் கொள்கைக்கும், இலட்சியத்துக்கும் கிடைத்த ஒரு மாபெரும் வெற்றி என்பதை நான் உணர்ந்து இவர்களை வாழ்த்த வயதில்லாவிட்டாலும், சுயமரியாதை கருத்துகளோடு சொல்லும்போது, வாழ்த்துவதற்கு வயது தேவையில்லை, மனதுதான் தேவை என்று நம்முடைய கருத்துகள் சொல்லப்படுகின்ற அந்த நிலையில், நம்முடைய விருதுகளை பெறுபவர் களை, டாக்டர் பரமசிவம் பிள்ளை வையாபுரி அவர்களையும், டாக்டர் மோசெஸ் வீராசாமி நாகமுத்து அவர்களையும் தமிழ் இனத்தின் சார்பாக, தமிழ்நாடு முதலமைச்சர் சார்பாக உங்கள் அனைவரையும் வாழ்த்தி, உங்களுடைய பணிசிறக்க வாழ்த்துகிறோம். 

தமிழர்கள் உலகமெங்கும் வாழ்கிற நிலையில், பல்வேறு பொறுப்புகளில் அங்கே தலைசிறந்து வாழு கின்ற ஒரு மாபெரும் பொறுப்பினை தமிழர்கள் ஏற்றிருக்கிறார்கள் என்பதை நாம் உணர்கிறோம்.

இவ்வாறு அமைச்சர் கே.எஸ். மஸ்தான் தனது உரையில் குறிப்பிட்டார்.   

மொரிசியஸ் நாட்டு 

டாக்டர் பரமசிவம் பிள்ளை வையாபுரி

இந்தச் சிறப்பு மிக்க நிகழ்வில் கலந்து கொள்வதில் நான் பெரு மகிழ்ச்சியடைகிறேன். இது என் மூதாதை யர்கள் வாழ்ந்த மண். இங்கே திரு. வீரமணி அவர்களின் கரங்களால் "டாக்டர் கலைஞர் மு.கருணாநிதி பன்னாட்டு சமூகநீதி 2020" ஆண்டுக்கான விருதைப் பெறுவது எனக்கு பெருமைக்குரிய விஷயம். இந்த அங்கீகாரத் திற்கும் கவுரவத்திற்கும் என் மனமார்ந்த நன்றியை அரசியல் அறிவியல் ஆய்வு மய்யத்திற்கும் சென்னை வளர்ச்சிக் கழகத்திற்கும் தெரிவித்துக் கொள்கிறேன். உங்கள் அனைவருடனும் என் தொடர்பும், நல்லுறவும் நீடித்து நிலைக்க வேண்டும் என்பது என் விருப்பம்.

தமிழ் மொழிக்கும், தமிழ்ப் பண்பாட்டிற்கும் பெரியார் மணியம்மை நிகர் நிலை பல்கலைக் கழகம் ஆற்றி வரும் நற்பணிகள் பாராட்டுக்குரியவை. கலைஞர் கருணாநிதி அவர்களும் பொது மக்கள் வாழ்வில் வளம் பெற்று முன்னேற பாடுபட்டதை எவராலும் மறக்க முடியாது. சமூகநீதிக்காக மேலும் கடுமையாக உழைத்து பொதுப் பணி புரிய உங்கள் மூலமாக எனக்கு அதிக உற்சாகம் ஏற்படுகிறது. ஒடுக்கப்பட்ட சகோதர, சகோதரிகளின் நல்வாழ்வுக்காக போராட நீங்கள் அனைவரும் என்னை ஊக்குவித்துள்ளீர்கள்.

 கயானா நாட்டின் மேனாள் பிரதம அமைச்சர் மோசஸ் வீராசாமி நாகமுத்து அவர்களுக்கு 2021 ஆண்டுக்கான சமூகநீதி விருது வழங்கப்பட்டுள்ளது எனக்கு அளவற்ற மகிழ்ச்சி தருகிறது.

உங்கள் அனைவருக்கும் என் இனிய பொங்கல் வாழ்த்துகள். இந்த 2023 புத்தாண்டில் உங்கள் அனை வரின் வாழ்விலும் மகிழ்ச்சி பொங்கட்டும். இனிவரும் நாட்களில் நாம் அனைவரும் இணைந்து சிறப்பாகப் பணியாற்றி சமூகநீதியை நிலைநாட்ட உறுதியளிப்போம். நன்றி.

கயானா நாட்டு 

டாக்டர் மோசஸ் வீராசாமி நாகமுத்து

2021ஆம் ஆண்டுக்கான விருதினைப் பெற்றுக் கொண்ட கயானா நாட்டு மேனாள் பிரதமரும்  அந்த நாட்டு பொறுப்பு அதிபர் பதவியில் இருந்தவருமான டாக்டர் மோசஸ் வீராசாமி நாகமுத்து தமது உரையில் குறிப்பிட்டதாவது:

டாக்டர் கலைஞர் மு.கருணாநிதி சமூகநீதிக்கான விருதினை பெறும் வேளையில் மாபெரும் தலைவரும், கொள்கையாளரும், தனித்துவமிக்க பெருந்தகையாள ருமான ஆசிரியர் டாக்டர் கி.வீரமணி அவர்களைச் சந்தித்து உரையாடுவதை மிகப் பெருமையாகக் கருதுகிறேன். ஆசிரியரைச் சந்தித்து உரையாடிய நேரம் - சில நிமிடங்களே என்றாலும், எனது வாழ்வில் இருந்த ஒரு வெற்றிடம் நீங்கியதாக - நிரப்பப்பட்டதாக உணர் கிறேன்.

ஒடுக்கப்பட்ட மக்களுக்காக, சமூகநீதிக்காக, பெண்கள் விடுதலைக்காக பாடுபட்ட பெரிய தலைவர் தந்தை பெரியார் என்பதை அறிவேன்.

1860களில் - அன்றைய சென்னை ராஜதானியில் இருந்த மலபார் பகுதியிலிருந்து கயானா சென்றனர் எனது மூதாதையர்கள். என்னுடைய தந்தையார் பெயரும் இராமசாமி ஆகும். இன்று அனுபவ பூர்வமாக ஏழை, எளிய, ஒடுக்கப்பட்ட மக்களுக்காக தந்தை பெரியார் எந்த அளவிற்கு உழைத்திருக்கிறார் என்பதை இங்கு வருகை தந்து உணர முடிகிறது; அறிய முடிகிறது.

1971ஆம் ஆண்டில் ஒரு செய்தியாளராகப் பொது வாழ்க்கையில் ஈடுபட்டேன். போராட்ட வாழ்வையே பொது வாழ்க்கையாக அமைத்துக் கொண்டேன். பொது வாழ்க்கையாக போராட்ட வாழ்வு எனும் பொழுது ஆசிரியர் கி. வீரமணி அவர்களைத்தான் நினைவுபடுத்திக் கொள்ள வேண்டும். அவரைப் போல பொது வாழ்க்கையில் இழிவைச்  சந்தித்தவர்கள் யாருமில்லை என்றுதான் கூற வேண்டும்! அப்படிப்பட்டவர் இன்று மக்களால் போற்றப்படும் உயர்நிலையில் இருக்கிறார்.

பெரியார் ஜாதி அமைப்பு முறைக்கு எதிராக போராடினார். ஜாதி அமைப்பு என்பதே நாகரிக உலகில் ஒருவித நோய் போன்றது. அப்படிப்பட்ட தலைவரிடம் பாடம் பயின்றவர் ஆசிரியர் அவர்கள். ஆசிரியர் அவர்களிடமிருந்து நாங்கள் கற்றுக் கொள்வதற்கு ஏராளம் இருக்கிறது. சந்தித்த வேளையில் கற்றுக் கொள்கின்றோம்.

கயானாவில் ஏழை மக்களுக்கு, ஒடுக்கப்பட்டோருக்கு வாதிடும், போராடும் பணியை மேற்கொண்டேன். அந்த மக்களுக்கு  ஓரளவு நம்பிக்கையையுடன் பணி செய்து வருகிறோம். உங்களது போராட்ட வரலாறு குறித்து அறியும் பொழுது நான் மிகவும் எளிமையாளனாகி விடுகிறேன்.

உலகம் மாறி வந்தநிலையில் 1961 ஆம் ஆண்டு முதல் அரசியல் வாழ்க்கையில் தீவிரமாக பங்கேற்றேன். புரட்சியாளர்களெல்லாம் ஜனநாயகப் பாதையை தெரிவு செய்து கொண்ட காலம். கயானா நாடு எண்ணெய் வளமும், எரிவாயு வளமும் மிக்க நாடு. வனவளமும் மிகுதியாகக் கொண்ட நாடு. எனவே வெளிநாடுகளுக்கு அரிய பொருள்களை ஏற்றுமதி செய்து வருவாய் ஈட்டும் நிலையில் உள்ள நாடு. ஆப்பிரிக்க வழி சமுதாயத்தினரும் இந்திய வழி சமுதாயத்தினரும் பெரும்பான்மையாக வாழும் நாடு - கயானா. இரண்டு பிரிவினருக்கும் மோதல் ஏற்பட்டு சமுதாய ஒற்றுமை இல்லா நிலைமை நிலவி வந்தது. இடதுசாரி சிந்தனைக்கு ஆட்பட்ட நான் இந்திய வாழ் சமுதாயத்தினருக்காக - அவர்தம் உரிமைக்காகப் பாடுபட்டு செடி ஜாகன் (Cheddi Jagan)  தலைமையில் அரசியல் தலைமை ஆட்சி அதிகாரத் தலைமையில் பங்கேற்றேன். பின்னர் கூட்டணி அரசிலும் அங்கம் வகித்தேன். பின்னர் வெளிநாட்டு ஆதிக்க சக்திகளின் ஊடுருவலால் அதிகாரத்தை இழந்தாலும், மக்களின் உரிமைக்காக களத்தில் நிற்கிறோம்; போராடிக் கொண்டும் இருக்கிறோம். எங்களது வாழ்க்கையில் மதம் மாறும் நிலைமை ஏற்படாது. பின்னாளில் மத உணர்வு நம்மை - மனிதரைப் பிரிக்கிறது என அறிந்து கொண்டோம். கூட்டுறவால் பண்பாடு காக்கப்படும். கூட்டாட்சியால் பண்பாட்டில் பல தரப்பட்ட பண்பாட்டு ஒருமைப்பாட்டால் ஒரு குறிப்பிட்ட வளர்ச்சியை காண முடியும் என்ற நிலையில் உள்ளோம்.

பெருமை மிக்க, சமூகநீதிக்கான டாக்டர் கலைஞர் மு. கருணாநிதி விருது பெற்றதை பெருமையாகக் கருதுகிறோம். தந்தை பெரியாரைப் பின்பற்றுவோம். தவறான வழியில் நிச்சயம் பயணிக்க மாட்டோம்.  விருதினை வழங்கிய ஆசிரியர் அவர்களுக்கு நன்றி; அனைவருக்கும் நன்றி.

இவ்வாறு டாக்டர் மோசஸ் வீராசாமி நாகமுத்து தமது உரையில் குறிப்பிட்டார்.

தமிழர் தலைவர் 

வாழ்த்து - பாராட்டுரை

'சமூகநீதிக்கான டாக்டர் கலைஞர் மு. கருணாநிதி'  விருது' வழங்கப்படும் நிகழ்வினை ஏற்பாடு செய்துள்ள பெரியார் மணியம்மை பல்கலைக் கழகம் 25 ஆண்டுகளுக்கும் மேலான பாரம்பரியத்தை உடையது. தொடக்கத்தில் பெண்களுக்கான முதல் பொறியியல் கல்லூரி எனும் சிறப்பினை உலக அளவில் பெற்ற கல்வி நிறுவனம் அது. அப்பொழுது கனடா, அமெரிக்கா ஆகிய நாடுகளில் உள்ள உயர்கல்வி நிறுவனங்களுடன் பெரியார் மணியம்மை பல்கலைக் கழகம் மேற்கொண்ட புரிந்துணர்வு ஒப்பந்தங்களின் (Memorandum of Understanding)  பொழுது 'பெண்களுக்கு மட்டுமான  பொறியியல் கல்லூரியா? என வியப்புடன் வெளிநாட்டவர் அதன் சிறப்புக் குறித்து கேட்டறிவார்கள்.

தந்தை பெரியார், அவருக்குப்பின், அன்னை மணியம்மையார், அவர்களுடைய சொந்த  நிதி, சொத்து ஆதாரங்களைக் கொண்டும், பொது மக்களிடமிருந்து பெற்ற நன்கொடையைக் கொண்டும் தொடங்கப்பட்ட கல்லூரி அது. பின்னாளில் நிகர்நிலைப் பல்கலைக் கழகமாக உருவெடுத்தது.

விருதுப் பெயரான 'டாக்டர் கலைஞர் மு. கருணாநிதி', அவர்கள் தந்தை பெரியாரால் கொள்கை வடிவமாக வார்த்து எடுக்கப்பட்டவர். அதற்கு  முன்னர் அறிஞர் அண்ணா, தந்தை பெரியாரிடம் கொள்கை மாணாக்கராக இருந்த முதற் சீடர். பெரியாரிடம் கொள்கைப் பாடம் பயின்றவர்கள் பின்னாளில் 'முதல் அமைச்சர்' எனும் அரசியல் ஆட்சி அதிகார உயர்நிலைக்குச் சென்றார்கள். ஆனால் தந்தை பெரியார் ஆட்சி, அதிகாரத்தை தான் அடைய விரும்பவில்லை. ஆட்சி, அதிகாரம் பலமுறை அவரிடம் வந்து நின்ற வேளைகளிலும் அதை மறுத்தவர் பெரியார். அன்றாடம் மக்களைச் சந்தித்து, கருத்துரு வாக்கத்திற்கு பரப்புரை செய்து அதிகாரம் மிக்க மக்களை நாளெல்லாம் ஆட்சி செய்தவர்;  வழி நடத்தியவர் தந்தை பெரியார்.

மேற்கத்திய நாடுகளில் ஏற்பட்டுள்ள முன்னேற்றம் பெரிதும் பொருளாதாரத் தளத்தில் ஏற்பட்டவையே. ஆனால் இந்த மண்ணில் ஏற்பட்டுள்ளது சமூக முன்னேற்றத்துடன் கூடிய பொருளாதார முன்னேற்றம்.

விருது பெற்றுள்ள வெளிநாட்டு வாழ் பெரு மக்களாகிய நீங்கள் பல்வேறு உயர் பொறுப்புகளில், உங்கள் நாடுகளில் இருந்தாலும், பண்பாட்டுப் பாரம் பரியத்தில் நீங்கள் எங்களது சொந்தங்கள்; உறவுக் குரியவர்கள். பெரியார் மாபெரும் மனித மாண்பாளர். அவர் பள்ளிக்கூட வாசலை முழுமையாக சென்றடைந்த தில்லை. ஆனால் அவரது பெயரால் பெரும் கல்வி நிறுவனங்கள், உயர் கல்வி நிலையங்கள், பல்கலைக் கழகங்கள் இன்று உருவாகியுள்ளன. பெரியாரது சிந்தனைகள் சுய சிந்தனைகள், சுதந்திர சிந்தனைகள் - அவை குறித்து உயர்நிலை ஆராய்ச்சிகள் இந்தியாவிலும் வெளிநாடுகளிலும் நடைபெற்று வருகின்றன. ஆய்வுப் புத்தகங்கள் வெளி வந்துள்ளன.

பெரியார், சிந்தனையோடு நின்றவரில்லை; சிந்தித் ததை மக்களிடம் எடுத்துச் சொன்னார். பரப்புரை செய்த தோடு மட்டும் நிறுத்திக் கொண்டவரல்ல; சிந்தனைகளை செயல்பாட்டிற்கு கொண்டு வந்தவர். தானே முன்வந்து நடைமுறையாக்கியவர்.

இந்த மண்ணில் மனிதநேயத் தலைவர்கள் களம் கண்டாலும் அவரது சிந்தனைகள் உலகளாவியவை. உலக மக்களை மேன்மைப்படுத்திடும் மனிதநேயம் சார்ந்தவை. இங்கு பெரியாரின் சிந்தனை வேர்கள் ஆழமாகச் சென்று நிலைத்து பரவியதால் அந்த மரத்தின் விழுதுகள் உலகெங்கும்  உள்ளன. பயனளித்து வருகின்றன. அப்படிப்பட்ட விழுதுகளின் வெளிப்பாடாக அடையாளச் சின்னமாக இன்று விருது பெற்ற நீங்கள் விளங்குகின்றீர்கள்.

1929களின் தொடக்கத்தில் தந்தை பெரியார், அன்றைய மலேயா நாட்டிற்குச் (இன்றைய மலேசியா, சிங்கப்பூர் நாடுகள்) சென்றிருந்தார். மலேய மண்ணில் கொத்தடிமைத் தொழிலாளர்களாக, ரப்பர் மலைத் தோட்டங்களில் உழைத்த மக்களாக தமிழர்கள் வாழ்ந்து வந்தனர். அவர் களையெல்லாம் தேடிச் சென்று சந்தித்து உறவாடினார்; அறிவுரை வழங்கினார். "நீங்கள் சம்பாதிக்கும் பணத்தை சிக்கனமாகச் செலவழியுங்கள்; உங்களது பிள்ளைகளுக்கு கல்வி புகட்டுங்கள்; அதுதான் நிலையானது; உயர்வானது. எந்த நாட்டில் வாழ்கின்றீர்களோ அந்த நாட்டிற்குச் சொந்தமானவர்கள் நீங்கள்; நீங்கள் வாழும் நாட்டிற்கு விசுவாசமாக இருக்க வேண்டும்" என்று தமிழர்களுக்கு பாடம் போன்று எடுத்துரைத்தார். அதன் விளைவு இன்று மலேசியா, சிங்கப்பூர் பலவிதங்களில் முன்னேற்றம் கண்டு உலகளாவிய வளர்ச்சி பெற்றுள்ளது. அங்கு வாழும் தமிழர்களும் உயர்ந்த நிலையில் உள்ளனர்.

விருதினைப் பெற்றுள்ள கயானா நாட்டு மேனாள் பிரதமர் நாகமுத்து அவர்கள் ஒரு சிறந்த சமூகப் போராளி; மாணவப் பருவம் தொட்டு போராளியாக இருந்தவர்; இன்றைக்கும் போராளியாக தொடர்பவர்; வாழ்ந்து வருபவர். நாடுகள் நம்மைப் பிரிக்கலாம்; நாடுகளுக்கிடையே நிலவிடும் அரசியல் சூழல்கள் நம்மை இடைவெளிப்படுத்தலாம். ஆனால் நம்முடைய பண்பாடு என்றென்றைக்கும் நம்மை இணைத்திடும்; பிணைத்திடும்; உறவுகளை நீடிக்க - நிலைத்திருக்க வைத்திடும்.

விருது பெற்ற மற்றொரு அரசியல் ஆளுமை டாக்டர் பரமசிவம் பிள்ளை வையாபுரி  மொரிசியஸ் நாட்டின் தலைமைப் பொறுப்பில் இருந்தவர். அரசியல் சூழலில் தனித்துவத்துடன் விளங்கிடும் தமிழர் பாரம்பரியத்தில் வந்த தகைமையாளர். பண்பாட்டை மறக்காத பண்பாளர். வேர்களைத் தேடி, உறவு காட்டி வரும் விழுது போன்றவர் - இன்று சமூகநீதிக்கான டாக்டர் கலைஞர் மு. கருணாநிதி விருதினைப் பெற்றுள்ளார். எப்பொழுதும் போல் உறவுகள் தொடர்ந்திட வேண்டும். 

பெரியார் திடல் உங்களுக்கான வீடு. எப்பொழுது வந்தாலும் தமிழ்நாடு உங்களது முன்னோர்கள் தடம் பதித்து வாழ்ந்த தாயகம் - தாய்வீடு போன்றது பெரியார் திடல். 

சமூகநீதி விருதினை உருவாக்கி ஒவ்வொரு ஆண்டும் உரியவர்களுக்கு வழங்கிடும் அரும் பணியினைச் செய்து வரும் வி.ஆர்.எஸ். சம்பத் அவர்கள் ஒரு பாலம் போன்றவர். நல்ல தொடர்பாளர் பெரும் ஒருங்கிணைப்பாளர், உலகெங்கிலும் வாழும் தமிழ் வழிச் சமுதாயச் சொந்தங்களை பிணைக்கும் ஆற்றலாளர்; விளம்பரமில்லாமல் சமுதாயப் பணியினைச் செய்து வரும் சிறப்புக்குரியவர். தொடர்ந்து இந்தப் பணியினைப் பரந்துபட்டு உலகம் முழுவதும் கொண்டு செல்ல வேண்டும் என வாழ்த்துகிறோம்.

பெரியார் மணியம்மை பல்கலைக் கழகத்திற்கு இந்தி யாவின் மேனாள் குடியரசுத் தலைவர் டாக்டர் அப்துல் கலாம் அவர்கள் ஆறு முறை வருகை தந்துள்ளார். குடியரசுத் தலைவராக இருந்த பொழுதும் வருகை தந்துள்ளார்.

பெரியார் மணியம்மை பல்கலைக் கழகம் ஒரு உயர் கல்வி நிறுவனம் மட்டுமல்ல; பொது மக்களுக்கு தேவையான பல அடிப்படை வசதிகளை வழங்கி வரும் மக்கள் பல்கலைக் கழகமுமாகும். பல்கலைக் கழகத்தை சுற்றியுள்ள 69 கிராமங்களில் பொது மக்களுக்கு தேவையான அடிப்படை வசதிகளான குடிநீர், மருத்துவம், கல்வி சார்ந்த அடிப்படைக் கட்டமைப்புகளை  வழங்கிடும் புரா  (Providing Urban Amenities to Rural Areas - 'PURA') எனும் வளர்ச்சித் திட்டத்தை பல ஆண்டுகளாகச் செயல்படுத்தி வருகிறது. நகர்ப்புறத்தில் வாழும் மக்களுக்குக் கிடைக்கும் வசதிகள் ஊரகப் பகுதியில் வாழ்பவர்களுக்கும் கிடைத்திட வேண்டும் என்பதே புரா (PURA)  திட்டத்தின் நோக்கம்.  

பல்கலைக் கழகத்திற்கு வருகை தந்த கலாம் அவர்கள் இப்படிப்பட்ட சிந்தனையைக் கொண்டு பல இடங்களில் தான் பேசி வந்துள்ளதாகவும் - தற்பொழுது பெரியார் மணியம்மை பல்கலைக் கழகத்தின் மூலம் அந்த சிந்தனைகள் நடைமுறை கண்டு வருவதை பார்த்து மகிழ்ச்சியடைந்ததாகத் தெரிவித்தார். மேலும் வரும் காலங்களில் இந்த புரா திட்டத்தினை - 'பெரியார் புரா'  - திட்டத்தினை நாட்டின், உலகின் பல பகுதிகளுக்கும் எடுத்துச் செல்லும்  தூதுவராக இருக்க விரும்பினார் - பெரியார் புரா தூதுவராகவும் விளங்கினார்.

அனைவருக்கும் அனைத்தும்; அனைவரும் சமம்; அனைவருக்கும் சம வாய்ப்பு; சம வசதி இருப்பதே பெரியார் புராவின் கோட்பாடு. பெரியார் 60 ஆண்டு களுக்கு முன்பு கூறிய இந்த நிலையை இன்று 'திராவிட மாடல்' ஆட்சி நடத்தி வரும் மாண்பமை முதலமைச்சர் மு.க. ஸ்டாலின் நடைமுறைப்படுத்தி வருகிறார்.

பெரியார் மணியம்மை பல்கலைக் கழகத்தில் பயின்ற மாணவ மாணவியர் 10,000க்கும் மேற்பட்டோர் உலகின் பல பகுதிகளில் பல நிறுவனப் பொறுப்புகளில் உள்ளனர், சிறந்து விளங்குகின்றனர். கல்வி, சமத்துவம் மட்டுமல்ல; கல்வியின் மூலம் உயர்நிலை, குறிப்பாக பெண்களுக்கு அதிகாரமளித்திடும் நிலையினை உருவாக்கியதில் பெரியார் மணியம்மை பல்கலைக் கழகத்திற்கு பெரும் பங்கு உண்டு.

அரசியல் அடிமைத்தனம் பல நாடுகளில் உண்டு. சமூக அடிமைத்தனமும் மிகப் பல நாடுகளில் நிலவுகிறது. பண்பாட்டு அடிமைத்தனத்தினைத் தகர்த்து, வெளிக்கிளம்பிய, மனிதநேயம் புகட்டிய பெரியாரின் தத்துவம் வளர்ந்து வரும் நிலையில் உள்ளோம் தமிழ் நாட்டுக்கு மட்டுமல்ல, சமத்துவ பண்பாட்டை பிரதிபலித் திட, நடைமுறையாக்கிட பெரியார் சிந்தனைகளை உலகெங்கிலும் பரப்பிட வேண்டும். இன்றைக்கு விருது பெற்ற பெரு மக்கள் உறுதுணையாக இருக்க வேண்டும்; நிச்சயம் இருப்பார்கள் என்று நன்றி கூறி அப்பெருமக்களைப் பாராட்டி வாழ்த்தி மகிழ்கிறேன்.

- இவ்வாறு தமிழர் தலைவர் தமது வாழ்த்துரையில் குறிப்பிட்டார்.

நிகழ்ச்சியின் நிறைவாக பெரியார் மணியம்மை நிகர்நிலை பல்கலைக் கழகத்தின் துணைவேந்தர் பேராசிரியர் டாக்டர் எஸ். வேலுசாமி நன்றி கூறினார்.

விருது வழங்கிடும் நிகழ்வில் 

கலந்து கொண்டோர்

ரஷ்ய தூதரக அலுவலர் திமித்ரி ஏ.ஷெசெர்பினின், மேனாள் துணைவேந்தர் திருவாசகம், பகுத்தறிவாளர் கழக மாநிலத் தலைவர் இரா.தமிழ்செல்வன், மாணவர் கழக மாநில செயலாளர் ச.பிரின்சு என்னாரெசு பெரியார், பேராசிரியர் ந.க.மங்களமுருகேசன், புலவர் பா.வீரமணி, வழக்குரைஞர்கள் த.வீரசேகரன், சு.குமாரதேவன், 

பா.மணியம்மை, பொறியாளர் ச.இன்பக்கனி, தே.செ.கோபால், ஜெயராமன், சோ.சுரேஷ், பெரியார் மாணாக்கன், தொண்டறம், உடுமலை வடிவேல், அன்பு செல்வன், சா.தாமோதரன் மற்றும் பலர் கலந்து கொண்டனர்.

தொகுப்பு: வீ.குமரேசன்

(விருது பெற்ற பெருமக்கள் மற்றும் அந்த நாட்டு தமிழ்வழி சமுதாயத்தைச் சார்ந்தோர் தமிழ் மொழியை முழுமையாகப் புரிந்து பேசிட, இயலாத நிலையில் அவர்களுக்கு விளங்கிடும் வகையில், 75 விழுக்காடு நிகழ்ச்சி நிரல் ஆங்கிலத்திலேயே நடந்தேறியது. அந்த உரைகளின் தமிழாக்கச் சுருக்கமே இது)


விஜயவாடா நாத்திகர் மய்யத்தின் ஏற்பாட்டில் பன்னாட்டு மாநாடு

 

 

"நாத்திகம் - எதிர்மறையான கருத்தல்ல; மனிதரின் 

முன்னேற்றம் - வளர்ச்சிக்கான ஒரு வாழ்வியல் முறை" 


தமிழர் தலைவர் ஆசிரியர் காணொலி வழி நிறைவுரை ஆற்றினார்

ஆந்திர மாநிலம் - விஜயவாடாவில் அமைந்துள்ள நாத்திகர் மய்யத்தின் ஏற்பாட்டில் அதன் நிறுவனர் நாத்திக அறிஞர் கோரா அவர்களின் 120ஆம் ஆண்டு மற்றும் சரஸ்வதி கோரா அவர்களின் 110ஆம் ஆண்டு பிறந்த நாள்களை போற்றும் விதமாக பன்னாட்டு மாநாடு விஜயவாடாவில் நடைபெற்றது. 

2023 ஜனவரி 7, 8 & 9 ஆகிய மூன்று நாள்கள் நாத்திகர் மய்ய வளாகத்தில் நடைபெற்ற மாநாட்டின் நிறைவு நிகழ்ச்சியில் திராவிடர் கழகத் தலைவர் பகுத்தறிவாளர் கழகத்தின் புரவலர் தமிழர் தலைவர் ஆசிரியர் கி.வீரமணி அவர்கள் காணொலி மூலம் உரை நிகழ்த்தினார். ஜனவரி  7ஆம் நாள் தொடங்கிய மாநாட்டு நிகழ்ச்சியில் திராவிடர் கழகப் பொருளாளர் வீ. குமரேசன் சிறப்பு விருந்தினராகப் பங்கேற்றார். நாட்டின் பிற மாநிலங்களி லிருந்தும், வெளிநாடுகளிலிருந்தும் நாத்திக அமைப் பினர் மாநாட்டு நிகழ்ச்சியில் பங்கேற்றுச் சிறப்பித்தனர். தமிழ்நாட்டிலிருந்து திராவிடர் கழக பகுத்தறிவாளர் கழகத் தோழர்கள் மாநாட்டிற்கு வருகை தந்திருந்தனர்.

தொடக்க நிகழ்ச்சி

மாநாட்டு தொடக்க நிகழ்ச்சிக்கு நாத்திகர் மய்யத்தின் தலைவர் டாக்டர் கோ. சமரம் தலைமை வகித்தார். "நாத்திகம் - மதச் சார்பின்மை சிந்தனை  & சமூகச் செயல்பாடு" எனும் மாநாட்டின் நோக்கம் குறித்து நாத்திகர் மய்யத்தினைச் சார்ந்த விகாஸ் கோரா விளக்க வுரை ஆற்றினார். மாநாட்டின் தொடக்க நிகழ்ச்சியில் ஆந்திர மாநில சட்டமன்றத்தின் மேனாள் பேரவை துணைத் தலைவர் மண்டலிபுத்தபிரசாத், சட்டமன்ற உறுப்பினர் கட்டே ராமமோகன், அமெரிக்க நாட்டு - மதத்திலிருந்து விடுதலைக்கான நிறுவனத்தின் இணை நிறுவனர் டான் பார்க்கர் மற்றும் அமித்பால், ஜெர்மனி நாட்டு - அய்யுறும் உளப்பாங்கிற்கான (ஷிளீமீஜீtவீநீ) அய்ரோப்பிய மன்றத்தின் தலைவர் அமர்தேவ் சர்மா, இந்திய பகுத்தறி வாளர் சங்கக் கூட்டமைப்பின் தலைவர் பேராசிரியர் நரேந்திர நாயக், மராட்டிய மாநில மகாராட்டிரா அந்த ஸ்ருத நிர்மூலன் சமிதியின் தலைவர் அவினாஷ் பாட் டில், இங்கிலாந்துநாட்டு மனிதநேயர் பன்னாட்டமைப்பின் உத்தம் நிருலா, பஞ்சாப் மாநில தர்கச்சீல சங்கத்தின் சுமீத் சிங், ஒடிசா பகுத்தறிவாளர் மன்றத்தின் தலைவர் பேராசிரியர் தானேஸ்வர் சாகு, டில்லியிருந்து பத்திரிகை யாளர் சக்தி எடமருகு மற்றும் விடுதலை  வீராங்கனையும், காந்திய நாத்திகருமான திருமதி  மனோரமா ஆகியோர் உரையாற்றினர். 

கருத்து அமர்வுகள்

முதல் நாள் பிற்பகல் தொடங்கி 'ஊடகமும், மதச் சார்பின்மையும்', "நாத்திகமும் அரசியலும்", "மதச்சார் பற்ற சமூகப் பணிகள்", "பன்னாட்டு மனிதநேயர் இயக் கம்" ஆகிய நான்கு தலைப்புகளில் உரை வீச்சு  & கலந்து ரையாடல் நடைபெற்றது. மாலையில் கோரா - சரஸ்வதி கோரா ஆகியோரது வாழ்க்கை பற்றிய நாட்டிய நிகழ்ச்சி நடைபெற்றது.

இரண்டாம் நாள் நிகழ்ச்சிகள்

ஜனவரி 8ஆம் நாளன்று கருத்து அமர்வுகள் இரண்டு அரங்குகளில் தொடர் நிகழ்வுகளாக நடைபெற்றன. 'அறி வாய்வு சிந்தனையும் தடையற்ற விளக்க விசாரணையும்', 'மனித உரிமையும் நாத்திகமும்', 'நாத்திகம் ஒரு வாழ்க்கை முறை'', 'கல்வியும் அறிவியல் பார்வையும்', 'மதவாத உச்சக்கட்டமும் மதவெறியும்', 'புத்துலகில் சமூகச் செயல்பாடும், சீர்திருத்தமும்' ஆகிய தலைப்புகளில் உரைவீச்சும், விவாத விளக்கங்களும் நிகழ்ந்தன.

நிறைவு நிகழ்ச்சி

மாலையில் நடைபெற்ற மாநாட்டு நிறைவு நிகழ்ச்சி யில் திராவிடர் கழகத் தலைவர் ஆசிரியர் கி. வீரமணி அவர்கள் காணொலி வாயிலாக நிறைவுரை ஆற்றினார். மாநாட்டுப் பேராளர்கள், பார்வையாளர்கள் மற்றும் நாத்திகர் மய்யத்தினர் நிறைவு நிகழ்ச்சியில் ஆசிரியர் அவர்களின் உரையினை செவிமடுத்தனர்.

ஆசிரியர் அவர்களின் நிறைவுரை

தமிழர் தலைவர் ஆசிரியர் அவர்கள் தமது நிறைவு ரையில் பேசியதன் சுருக்கம்:

அண்மையில் நாத்திகர் மய்ய தொடக்க கால செயல் பாட்டாளரும், கோரா - சரஸ்வதி கோரா அவர்களின் முதல் மருமகனுமான அர்ஜூன் ராவ் (வயது 105) அவர்களின் மறைவிற்கு ஆழ்ந்த இரங்கலைத் தெரிவித்துக் கொள்கிறோம்.

நாத்திகர் மய்யத்தை நிறுவிய கோரா அவர்கள் சமூக மாற்றங்களை உருவாக்கிய நாத்திகராக வாழ்ந்து மறைந் தார். அவர் நினைத்ததை, லட்சியத்தை எட்டு கின்ற வகையில் அவருக்குப் பின்னர் பணியாற்றிய  காலம் சென்ற லவனம், விஜயம் மற்றும் கோரா குடும்பத்தைச் சார்ந்த மறைந்த பெருமக்கள் அனைவரும் போற்றுதலுக் குரியவர்கள். இன்றைய பொறுப்பாளர்களும் தொடர்ந்து கோரா காட்டிய வழியில் செயல்பட்டு வருகின்றனர். அவர்களது நாத்திகம் பரப்பிடும் பணி தொடர வேண்டும் என்பது எமது விருப்பம்.

தந்தை பெரியார் 1925ஆம் ஆண்டில் சுயமரியாதை இயக்கத்தைத் தொடங்கிய பொழுது கோரா அவர்கள் கல்லூரியில் அறிவியல் பேராசிரியராக பணியாற்றி வந்தார். 'கடவுள் எனும் கோட்பாடு' எனும் தலைப்பில் ஒரு கட்டுரை எழுதிய கோரா, பலவித கண்டனங்களுக் கும், கல்லூரி நிர்வாகத்தின் நடவடிக்கைகளுக்கும் ஆளானார். சுதந்திரப் போராட்டத்தோடு நாத்திகம் பரப்பிடும் பணியிலும் கோராவும், அவரது இணையரான சரஸ்வதி கோராவும் ஈடுபட்டு வந்தனர். ஒடுக்கப்பட்ட மக்களுக் காகப் பணி யாற்றிய அவர்தம் பாங்கு, அதனால் பயன் பெற்ற மக்களாலேயே தொடக்கத்தில் ஏற்றுக் கொள்ளப்படவில்லை.

நாத்திகம் என்பது எதிர்மறையான கோட்பாடு அல்ல; நேர்மறையானது; மனிதரை மேம்படுத்திட வல்லது என எடுத்துரைத்தார்; சென்ற இடமெல்லாம் கொள்கை முழக்கம் புரிந்தார்.

இந்த மாநாட்டின் நோக்கம் நாத்திகம், மதச்சார் பின்மையை வலியுறுத்துவதாக உள்ளது.  இந்திய அரசமைப்புச் சட்டத்தின் முகப்புரையிலேயே 'மதச் சார்பின்மையைக் கொண்ட நாடு' என பிரகடனப் படுத்தப்பட்டுள்ளது. எந்த அளவிற்கு அந்தக் கோட்பாடு நடைமுறையில் உள்ளது என்பது கேள்வியே. இந்தக் கோட்பாட்டையே பொருளற்றதாக்கும் வகையில், அனைத்து அரசியல் கட்சிகளும் 'கடவுள் காப்பாற்றுவார்' என்று குரல் எழுப்புபவர்களாக உள்ளனர். ஏன் அமெ ரிக்க நாட்டில்  'புழக்கத்தில் உள்ள பண நோட்டில்கூட 'கடவுளின் மீது நம்பிக்கை வைத்துள்ளோம்' (மிஸீ நிஷீபீ ஷ்மீ  ஜிக்ஷீust) என்று அச்சடிக்கப்பட்டுள்ள அளவில் மதச் சார்பின்மையை பொருளற்றதாக்கி வருகின்றனர்.

இறையாண்மை மக்கள் வசமே

இறையாண்மை என்பது 'இறைவன்' என்று சொல்லப் படுகின்றவரிடம் இல்லை; இந்திய அரசமைப்புச் சட் டத்தை நாட்டுக்கு, தமக்குத்தாமே வழங்கிக் கொண்டுள்ள இந்த நாட்டு மக்களிடம்தான் இறையாண்மை உள்ளது. இதை மறுக்கின்ற வகையில் 'கடவுளிடம்தான் அனைத் தும் உள்ளது' என்பது தவறானது மட்டுமல்ல; அரசமைப் புச் சட்டத்தினையே அவமதிக்கும் செயலாகும்; அரச மைப்புச் சட்டம் உருவான பொழுது அந்த அவையிலே, முதுபெரும் சமதர்மக் கொள்கையாளர் என்று அறியப் பட்ட எச்.வி. காமத் தனது கூற்றாக - முகப்புரையிலே 'கடவுளின் பெயராலே' என்ற வாசகங்கள் இடம் பெற வேண்டுமென வாதிட்டார். பகவத் கீதையின் உள்ளீடாக 'கடவுளுக்கு அர்ப்பணிக்கப்படுவதாகவும் இருந்திட வேண்டும்' எனக் கூறினார். ஆனால் அவரை ஆதரித் தோர் வெகு சிலரே - எதிர்த்தோர் மிகப் பலர். இதுதான் அரசமைப்புச் சட்டம் உருவான வரலாறு.

அந்த நேரத்தில் அத்தகைய எதிர்ப்பு நிலவி, அரச மைப்புச் சட்டம் உருவானதில் டாக்டர் பி.ஆர்.அம் பேத்கர் அவர்களின் பங்குபெரிதானதாகும்.

ஆனால், இன்று அத்தகைய நிலைமைகள் தலைகீழாக மாறிப் போயுள்ளன. அயோத்தியில் ராமர் கோயில் கட்டி, நாட்டு பிரதமர் அடிக்கல் நாட்டுகிறார் என்பது மதச்சார்பின்¬யை கேலிக் கூத்தாக்குகிறது.

சமூகத்தில் நியாயமாக நடைபெற வேண்டிய செயல்பாடுகள் தாமதமாவதைப் பொறுத்துக் கொள்ள லாம்; முரண்பாடானவை நடைபெறும்பொழுது எப்படி பொறுத்துக் கொள்ள முடியும்? அன்றாடம் மக்கள் நேர்கொள்ளும், அவதிப்படும் பிரச்சினைகளான வேலையின்மை, விலைவாசி ஏற்றம், அத்தியாவசியப் பொருள்கள் கிடைப்பதில் தடை என்று உள்ள நிலையில், மக்களை திசை திருப்பிட கோயில்கட்டும் பணியில் கவனம் செலுத்தி 2024ஆம் ஆண்டு நடைபெறவுள்ள தேர்தலுக்குள் கட்டி முடித்திட வேண்டும் என்பதில் முனைப்பாக உள்ளனர்.

சேது சமுத்திரத் திட்டம் - மதவாத முடக்கம்

தமிழ்நாட்டின் - இந்திய நாட்டின் பொருளாதார மேம்பாட்டிற்கு, கடல்வழி வர்த்தக வளர்ச்சிக்கு உதவிடும் சேதுக் கால்வாய் திட்டம் முறையாக ஆய்வு செய்து அரசு அனுமதி பெற்று அரசே தொடங்கிய திட்டம். இதனை புராணப் புனைவான இராமன் கட்டிய பாலம் பாதுகாக்கப்பட வேண்டும் என்பதாக அரசியல் வாதிகள் போர்வையில் உள்ள மதவாதிகள் உச்சநீதிமன் றத்திற்குச் சென்று தடையாணை பெற்றுள்ளனர். உலகில் பனாமா கால்வாய், சூயஸ் கால்வாய் போன்று வரவிருந்த சேது  சமுத்திர திட்டம் கிடப்பில் போடப்பட்டு விட்டது.

இத்தகைய மனித முன்னேற்றத்தை மறந்து, மதத் தைத் தூக்கிப் பிடித்து மனிதத்தை மறுக்கும் செயல்கள் முறியடிக்கப்பட வேண்டும். இவை குறித்தெல்லாம் இந்த மாநாடு கலந்து பேசி, விவாதம் மேற்கொண்டு ஆக்கரீதியாக தீர்மானங்களை நிறைவேற்றிட வேண்டும். நாத்திக அடிப்படையில் மதச்சார்பின்மை உலகெங்கும் வலியுறுத்தப்பட வேண்டும். மாநாட்டு நிகழ்ச்சிகள் அதன் நோக்கத்தினை நிறைவேற்றிடும் வகையில் வெற்றிகரமாக நடைபெற வாழ்த்துகிறோம். 

                         இவ்வாறு தமிழர் தலைவர் உரையாற்றினார்.

கழகப் பொருளாளரின் உரை

மாநாட்டினை தொடங்கி வைத்து திராவிடர் கழகப் பொருளாளர் வீ.குமரேசன் ஆற்றிய உரையின் சுருக்கம்:

நாத்திகத்தினை நோக்கமாகக் கொண்டு மாநாடு நடைபெறுகின்றது. சமூக பொருளாதார ஏற்றத் தாழ்வுகள் நிலவிடும் சூழலில் - கடவுள்கள் பெயரால் பேதம், பிரிவினை, உரிமை மறுப்பு நடைபெறும் சூழலில் நாத்திகம் என்பது கடவுள் மறுப்போடு மட்டுமல்ல; கடவுள் எதிர்ப் பாகவும் களம் காண வேண்டும். இது யாரையும் புண் படுத்திட அல்ல; மனிதனை - ஒடுக்கப்பட்ட மக்களை ஏற்றம் காணச் செய்திடும் செயல். இதுதான் நேர்மறை நாத்திகம் (றிஷீsவீtவீஸ்மீ கிtலீமீவீsனீ) ஆகும்.

மேற்கத்திய நாடுகளில் மனித உரிமைக்காகப் போராடியவர்கள் பலர் மத நம்பிக்கை உள்ளவர்களாக இருந்தனர். காரணம் அந்த மதங்களின் கடவுளர்கள் மனிதரைப் பேதப்படுத்திடவில்லை; ஒடுக்கப்படுவதை வலியுறுத்திடவில்லை. ஆனால் இந்த நாட்டில் உள்ள பெரும்பான்மை மதம் கடவுளின் பெயரால் மனிதரை பிளவுபடுத்தியுள்ளது. எனவே மனிதரை ஒன்றுபடுத்திட, ஒற்றுமைப்படுத்திட கடவுள் மறுப்பு - கடவுள் எதிர்ப்பு அவசியமாகியது. இதைத்தான் தந்தை பெரியார் 'கடவுள் மற - மனிதனை நினை' என சமூகச் செயல்பாட்டுக்கான முழக்கமாக வழங்கினார்.

மேற்கத்திய நாடுகளில் மதம் குறுக்கிடாத மதச் சார்பின்மைக்கு அறைகூவல் வந்துள்ளது. மத உணர் வாளர்களின் ஆதிக்கம் - அரசின் மீதான ஆதிக்கம் வெளிப்படத் தொடங்கியுள்ளது. மதவாதிகளின் குறுக் கீட்டால் - ஆதிக்கத்தால் மனித சமுதாயம் இழந்தவை ஏராளம்; கண்ட பின்னடைவுகள் பலப்பல.

கடந்த கால வரலாற்றை இளம் தலைமுறையினருக்கு எடுத்துச் சொல்ல வேண்டிய மிகப் பெரும் பொறுப்பு உள்ளது. இந்தியநாடு மதச் சார்பின்மையற்ற அரசு ஆளும் நாடு என அறிவிக்கப்பட்டாலும், மதத்தின் பிடியிலிருந்து விலகிய பாடில்லை. மதம் நீங்கிய மனித வாழ்க்கைதான் உண்மையான வாழ்வாகும்; உன்னத மான வாழ்வாகும் எனக் கூறி மாநாட்டினை தொடங்கி வைக்கிறோம்.

இவ்வாறு வீ.குமரேசன் தனது தொடக்க உரையில் குறிப்பிட்டார்.

மாநாட்டின் மூன்றாம் நாள் நிகழ்வாக, நாத்திகர் மய்யத்தின் களப் பணிகளைப் பார்வையிட பேராளர்கள் அழைத்துச் செல்லப்பட்டனர்.

பன்னாட்டு மாநாட்டில் 

கலந்து கொண்ட கழகத்தினர்

விஜயவாடாவில் நடைபெற்ற பன்னாட்டு மாநாட்டில் தமிழ்நாட்டிலிருந்து பகுத்தறிவாளர் கழக மாநிலத் தலைவர் இரா.தமிழ்ச்செல்வன், பி.சி.ஜெயராமன், திரா விடர் கழகப் பொறுப்பாளர்கள் தாம்பரம் ப.முத்தையன், சு.மோகன்ராஜ், அ.கருப்பையா, நாத்திகன் - மீனாம்பாள் இணையர்; கோ.தங்கமணி - இரா.தனலட்சுமி இணையர், இளைஞரணி பார்த்திபன், வழக்குரைஞர் பன்னீர் செல்வம் ஆகியோர் பங்கேற்று, கலந்துரையாடலிலும் கருத்துரைகளை வழங்கினர்.

தொகுப்பு: வீ.குமரேசன்

புரட்சி வீரர் சேகுவேராவின் மகள் டாக்டர் அலெய்டா குவேராவுக்கு வரவேற்பு விழா!

 

உடல்நலன் பாராமல் கொள்கை சமரசமின்றி உழைத்த மாபெரும் புரட்சியாளர்கள் தந்தை பெரியாரும் - சேகுவேராவும்!

இந்தியா - கியூபா ஒருமைப்பாட்டுக் குழுவுக்கும் - 

சி.பி.எம். கட்சிக்கும் பாராட்டுகள்: தமிழர் தலைவர் ஆசிரியர்

சென்னை, ஜன.19 தந்தை பெரியாரும், சேகுவேராவும் கொள்கையில் சமரசமின்றி உழைத்த மாபெரும் புரட்சியாளர்கள்; பொதுவுடைமை இயக்கத்துக்கும், திராவிட இயக்கத்துக்கும் தொடர்பு எப்பொழுதும் உண்டு என்று திராவிடர் கழகத் தலைவர் தமிழர் தலைவர் ஆசிரியர் கி.வீரமணி முழங்கினார்.

அகில இந்திய கியூபா ஒருமைப்பாட்டுக் குழு

நேற்று (18.1.2023) சென்னை ராஜா அண்ணாமலை மன்றத்தில் அகில இந்திய கியூபா ஒருமைப்பாட்டுக்குழு சார்பில் நடைபெற்ற புரட்சியாளர் சேகுவேராவின் மகள்  டாக்டர் அலெய்டா குவேரா, பேத்தி டாக்டர் எஸ்டெஃபானி குவேரா ஆகியோருக்கு மாபெரும் வரவேற்பு மற்றும் சோசலிச கியூபாவுக்கு தமிழ்நாட்டு மக்களின் பேராதரவைத் தெரிவிக்கும் சிறப்பு நிகழ்ச்சி யில் திராவிடர் கழகத் தலைவர் தமிழர் தலைவர் ஆசிரியர் கி.வீரமணி சிறப்புரையாற்றினார்.

அவரது சிறப்புரை வருமாறு:

எல்லையற்ற மகிழ்ச்சிக்குரிய ஓர் அருமையான விழா!

மகிழ்ச்சியோடு தமிழ்நாட்டில், தமிழ்நாட்டில், தமிழ் நாட்டில் நாம் பெருமையடையக் கூடிய மகிழ்ச்சிக்குரிய, எல்லையற்ற மகிழ்ச்சிக்குரிய ஓர் அருமையான விழா - இந்த விழாவில், வழமையான பொங்கல் திருநாளில், உழைக்கின்ற பாட்டாளி மக்களுக்கு மட்டுமல்ல, உழைக்கின்ற பேச முடியாத ஜீவன்களுக்குக்கூட விழா எடுக்கக்கூடிய அறுவடைத் திருநாள் என்ற உழவர் திருநாள் முடிந்து, அந்த விழாவின் தொடர்ச்சி யாக, நேற்று காணும் பொங்கல் - இன்றைக்குக் காண வேண்டியவரை காணும் பொங்கலாகவே வந்திருக்கக் கூடிய மிக அருமையான  ஒரு நிகழ்ச்சியை ஏற்பாடு செய்த மார்க்சிஸ்ட் கம்யூனிஸ்ட் கட்சி நண்பர்களுக்கும், அவரை ஒருங்கிணைத்து அழைத்து வந்த பேபி அவர்களின் அமைப்பிற்கும் முதலில் எங்களுடைய நன்றியைத் தெரிவித்துக் கொள்கிறோம்.

பெரியார் மண்ணைச் சார்ந்த, சமதர்ம மண்ணைச் சார்ந்த, சுயமரியாதை மண்ணைச் சார்ந்த, தமிழ்நாட்டு மண்ணிற்கு, அம்மையார் அவர்களை அழைத்து வந்தமைக்கு நன்றி!

‘‘தோழர், தோழர்’’ என்று அழையுங்கள் என்றார் தந்தை பெரியார்!

புரட்சியாளர் சேகுவேரா - 'சே' என்றால், தோழர் என்று அர்த்தம். ‘‘தோழர்; தோழர்’’ என்று அழையுங்கள் என்று தந்தை பெரியார் அவர்கள், எங்களைப் போன்ற, உங்களைப் போன்ற இளைஞர்கள் பிறக்காத காலத்திற்கு முன்பே, தமிழ்நாட்டில் ‘‘தோழர், தோழர்’’ என்பதை வலியுறுத்தியிருக்கிறார்.

பெருமலையை, சிறு உளி தகர்ப்பதுபோல...

‘‘காம்ரேட்’’ என்று சொல்லக்கூடிய அந்த அற்புத மான பொதுவுடைமைத் தத்துவம். அந்தப் பொது வுடைமைத் தத்துவத்தைப்பற்றி சிறப்பாக உலகம் முழுவதும் பரவச் செய்து வெற்றி பெறும் நல்வாய்ப்பு - ஏகாதிபத்தியங்கள் எவ்வளவுதான் எதிர்த்தாலும், எங்களால் பெருமலையை, சிறு உளி தகர்ப்பதுபோல, கியூபா போல நின்று வெற்றி பெற முடியும் என்று காட்டுவதற்கு, அந்தப் புரட்சியாளருடைய வரிசையில் சிறந்தவராக சேகுவேரா அமைந்திருக்கிறார்.

அப்படிப்பட்ட அருமையான புரட்சியாளர் சேகுவேராவின் மகள்  டாக்டர் அலெய்டா குவேரா அவர்களுக்கும், அவருடைய பேத்தி டாக்டர் எஸ்டெஃபானி குவேரா அவர்களுக்கும் மாபெரும் வரவேற்பு - சோசலிச கியூபாவிற்கு வரவேற்பு என்ற இந்த அருமையான நிகழ்ச்சிக்கு தலைமை ஏற்றிருக் கின்ற மார்க்சிஸ்ட் கம்யூனிஸ்ட் கட்சியின் 

தமிழ்நாட்டினுடைய செயலாளர் கே.பாலகிருஷ்ணன் அவர்களே,

‘தமிழ்நாடு’ என்று சொல்லும்பொழுது இப்பொழுது எவ்வளவு பூரிப்படைகிறீர்கள்; இந்த பூரிப்பு மட்டுமல்ல நண்பர்களே, இங்கே எழுப்பப்படும் கரவொலி சாதாரணமான கரவொலி அல்ல - இது எங்கெங்கோ போய் ஒலித்து, யார் யாரையோ குடைந்து கொண் டிருக்கின்ற கரவொலியாகவும் இருக்கின்றது என்று சொல்லக்கூடிய மிகப்பெரிய ஒரு வாய்ப்பைப் பெற்றிருக்கிறீர்கள்.

இந்நிகழ்ச்சிக்கு வரவேற்புரையாற்றியுள்ள அரு மைத்தோழர் குணசேகரன் அவர்களே, முன்னிலை ஏற்றிருக்கக் கூடிய தோழர் சுந்தரராஜன் அவர்களே, வேல்முருகன் அவர்களே, செல்வா அவர்களே, வர வேற்புப் பாடல் பாடிய டி.எம்.கிருஷ்ணா அவர்களே,

விருந்தினர் அறிமுக உரையை மிக உணர்ச்சிப் பூர்வமாக இங்கே நிகழ்த்திய நம்முடைய கேரளத்துத் தோழர் சகோதரர் எம்.ஏ. பேபி அவர்களே,

கலைஞர் தந்த பகுத்தறிவுச் செல்வம், அறிவுச் செல்வம், கொள்கைச் செல்வம் - 

அருமைத் தோழர் கனிமொழி

எங்கள் தனித்தமிழ்ச் செல்வம், திராவிட முன் னேற்றக் கழகத்தின் துணைப் பொதுச்செயலாளர் என்பதெல்லாம் பிறகு, எந்நாளும் பகுத்தறிவுச் செல்வம், கலைஞர் தந்த பகுத்தறிவுச் செல்வம், எங்கள் அறிவுச் செல்வம், கொள்கைச் செல்வம் - அருமைத் தோழர் கனிமொழி அவர்களே,

இந்நிகழ்ச்சியில் கலந்துகொண்டு சிறப்பிக்கின்ற எங்கள் ஆருயிர் தோழர், நாங்கள் பிரிய முடியாத தோழர் என்றால், அவர் தோழர் முத்தரசன்தான் - சி.பி.அய்.யின் தமிழ்நாட்டுச் செயலாளர் அவர்களே,

அதேபோல, தமிழ்நாட்டில் யாரையெல்லாம் ஒரு காலத்தில் ஒடுக்கி வைத்திருந்தோம் என்று ஆணவக் காரர்கள் நினைக்கின்றார்களோ, அந்த ஒடுக்குமுறை யாளர்கள் எல்லாம் இன்றைக்கு அலறக்கூடிய அள விற்கு ஒருவர் இருக்கிறார் என்றால், அவர்தான் எங்கள் எழுச்சித் தமிழர் சகோதரர் தொல்.திருமாவள வன் என்று சொல்லக்கூடிய பெருமைமிகு தோழரே!

இந்நிகழ்ச்சியில், மறுமலர்ச்சி திராவிட முன்னேற்றக் கழகத்தின் சார்பாக கலந்துகொண்டுள்ள கொள்கை விளக்க அணியின் செயலாளர் ஆ.வந்தியத்தேவன் அவர்களே,

காங்கிரஸ் பேரியக்கம் - அந்தப் பேரியக்கம் - இலட்சியத்தில் தமிழ்நாடு வழிகாட்டுகிறது. அரசியல் ரீதியாகப் பார்க்கும்பொழுது, மற்ற மாநிலங்களில் இருக்குமா இதுபோன்ற கூட்டணி என்பது வேறு; ஆனால், இது தமிழ்நாடு - எங்களை இலட்சியங்கள் ஒன்றிணைக்கும் - எதுவும் எங்களைப் பிரிக்காது என்று காட்டுவதற்காக வந்திருக்கின்ற அருமைச் சகோதரர் தமிழ்நாடு காங்கிரஸ் கமிட்டியின் துணைத் தலைவர், செய்தித் தொடர்பாளர் அருமைத் தோழர் கோபண்ணா அவர்களே,

இவர்கள் எல்லாம் உறவுக்காரர்கள்தான்!

மார்க்சிஸ்ட் கம்யூனிஸ்ட் கட்சியின் மகளிரணி தலைவர் - நம் குடும்பத்து உறுப்பினர் என்று அவரையும் அழைக்கலாம். பல பேர் நினைக்கலாம், இவர் என்ன, எல்லோரையும் உறவு  கொண்டாடுகிறாரே என்று - ஆம்!  இவர்கள் எல்லாம் உறவுக்காரர்கள்தான். அவருடைய தாய் - தந்தையாருடைய திருமணமே, தந்தை பெரியாருடைய தலைமையில்தான் நடைபெற்றது என்கிற வரலாறு இருக்கிறதே, அது இளைய தலைமுறையினருக்குத் தெரிவிக்கப்படவேண்டிய வரலாறாகும்.

அதுபோலவே, தோழர் இராமகிருஷ்ணன் அவர்கள். நாங்கள் ஒரே ஊரைச் சார்ந்தவர்கள்; ஒரே தெருவைச் சார்ந்தவர்கள். அதுதான் மிகவும் முக்கியமானது.

நம்முடைய நாராயண ஆறுமுக நாயனார் அவர்களே,

பேராசிரியர் ஹாஜாக்கனி அவர்களே,

தமிழ்நாடு பெற்றிருக்கின்ற பெருமைமிகுந்த நாடாளுமன்ற உறுப்பினர்

ஒரு நாடாளுமன்ற உறுப்பினர் என்றால், எவ்வளவு சுறுசுறுப்பாக, எவ்வளவு ஆவேசமாக, எல்லா உரிமைகளையும் எவ்வாறு கேட்கவேண்டுமோ அவ்வாறே கேட்கிறார் என்று சொன்னால், தமிழ்நாடு பெற்றிருக்கின்ற பெருமைமிகுந்த நாடாளுமன்ற உறுப்பினர் தோழர் வெங்கடேசன் அவர்களே,

இந்த மேடையைப் பார்க்கிறேன்; இந்த மேடையில் பேசவேண்டிய அவசியமில்லை. இந்த மேடையில் அமர்ந்திருக்கின்றவர்களும் சரி; மேடைக்கு எதிரில் அமர்ந்திருக்கின்ற நீங்களும் சரி; யாருக்கு என்ன பதில் வேண்டுமோ - அவர்களுக்குப் பதில் சொல்லக்கூடிய அற்புதமான வாய்ப்புப் பெற்றுள்ள உணர்வாளர்கள்.

இங்கேயே ஒரு கியூபா புரட்சி ஏற்பட்டு இருக்கிறது என்று சொல்லக்கூடிய அளவிற்கு, மிகப்பெரிய ஒரு வாய்ப்பாக இந்நிகழ்ச்சி அமைந்திருக்கிறது.

ஒன்றை மட்டும் எடுத்து நான் இங்கே சுட்டிக்காட்ட விரும்புகிறேன்.

என்ன இவர்களுக்கு இவ்வளவு உறவுகள் என்று நினைக்கலாம். நான் இங்கே வந்தவுடன், புரட்சியாளர் சேகுவேராவின் மகள்  டாக்டர் அலெய்டா குவேரா, பேத்தி டாக்டர் எஸ்டெஃபானி குவேரா ஆகியோரிடம் என்னை அறிமுகப்படுத்தினார் தோழர் பாலகிருஷ்ணன் அவர்கள்.

அருகிலிருந்த மொழி பெயர்ப்பாளர் சிறப்பான முறையில் மொழி பெயர்த்து அவர்களுக்குச் சொன்னார்.

கம்யூனிஸ்ட் கட்சியின் மேனிஃபேஸ்டோ அறிக்கையை தமிழில் மொழி பெயர்த்தவர்!

அந்த வகையில், தந்தை பெரியார் அவர்களின் புரட்சிகரமான  சாதனைகளைப்பற்றியெல்லாம் நம்முடைய தோழர் சேகுவேராவின் மகளுக்குச் சொல்லிக் கொண்டிருந்த நேரத்தில், தோழர் பேபி அவர்கள், ஒரு முத்தாய்ப்பான செய்தியை சொன்னார்.

அது என்னவென்றால், தந்தை பெரியார் அவர்கள்தான், கம்யூனிஸ்ட் கட்சியின் மேனிஃபேஸ்டோ அறிக்கையை இந்தியாவில் தமிழில் மொழி பெயர்த்து வெளியிட்டு, அதற்காக சிறைச்சாலைக்குச் சென்றவர் என்று சொன்னார்.

புதுப்பிக்கவேண்டிய உறவல்ல; 

தொடர்கின்ற உறவு - இருக்கின்ற உறவு

இந்த அறிமுகம் போதும்; நம் உறவு என்பது எப்பொழுதும் புதுப்பிக்கவேண்டிய உறவல்ல; தொடர்கின்ற உறவு - இருக்கின்ற உறவு என்பதுதான் மிகவும் முக்கியம்.

இது ஒரு பெரிய நிகழ்ச்சி. காண வேண்டியவர்களை காணும் பொங்கல் நாளின் மீட்சியாக இருக்கக்கூடிய நிகழ்ச்சி.

உலகளாவிய மனிதப் பார்வை சேகுவேரா அவர்களுக்கும், தந்தை பெரியார் அவர்களுக்கும் இருந்தது என்பதை இளைஞர் உலகம் பார்த்து உணர்ந்து கொள்ளவேண்டும்.

இன்றைய இளைஞர்கள் எல்லாம் சேகுவேரா படத்தையும், இன்னொரு பக்கம் தந்தை பெரியாரின் படத்தையும் போட்டிருப்பார்கள்.

சமுதாயத்தை மாற்றிப் புரட்டிப் போடக்கூடிய மிக முக்கியமான புரட்சி!

ஏனென்றால், இரண்டு பேரும் புரட்சியாளர்கள். அவர்கள் செய்த புரட்சி என்பது சமுதாயத்தை மாற்றிப் புரட்டிப் போடக்கூடிய மிக முக்கியமான புரட்சியாகும்.

‘‘இனிவரும் உலகம்’’

பெரியார் பேசுகிறார் கேளுங்கள்:

‘‘ஒரு மனிதன் தன்னுடைய காலுக்கோ, காதுக்கோ, நாசிக்கோ, நயனத்துக்கோ, வயிற்றுக்கோ, எலும்புக்கோ வலி இருந்தாலும், அவன் எனக்கு வலிக்கிறது என்று சொல்வதுபோல, உலகில் வேறு எந்தத் தனிப்பட்ட மனிதனுக்கும் ஏற்படும் சங்கடத்தையும், குறைபாடுகளையும் ஒவ்வொருவரும் தங்களுக்கு ஏற்பட்டதுபோல நினைக்கும்படியாக அனுபவிப்பதுபோல் துடிக்கும்படியும், அவ்வளவு கூட்டு வாழ்க்கையின் ஒற்றுமையும், உணர்ச்சியும் உள்ள சமுதாயம் ஏற்படும்’’ என்று தந்தை பெரியார் 1943 இல், ‘இனிவரும் உலகம்’ என்ற உரையின்மூலம் சொன்னார்கள்.

அந்த உரையைக் கேட்ட அண்ணா அவர்கள், ‘‘இனிவரும் உலகம்‘‘ என்ற தலைப்பில் எழுதி, நூலாக வந்திருக்கிறது.

இது பெரியாருடைய கருத்து 1943 ஆம் ஆண்டு.

வண்ணங்கள் மாறுபடலாம்; ஆனால், எண்ணங்கள், புரட்சியை நோக்கியே, எல்லா சாலைகளும் அங்கு நோக்கியே என்று சொல்லக்கூடிய அளவிற்கு உணர்ச்சி வந்திருக்கிறது.

சேகுவேரா பேசுகிறார்!

இப்பொழுது சேகுவேரா பேசுகிறார் கேளுங்கள்:

‘‘If you tremble with indignation at every injustice, then you are a comrade of mine.’’

‘‘ஒவ்வொரு அநீதியைப் பார்க்கும்பொழுது, உங்களுடைய கைவிரல்கள், உங்கள் உடல்கள் நடுநடுங்கி கோபதாபங்களை உருவாக்கக் கூடிய அந்த சூழ்நிலையில் இருந்தால், நீ என்னுடைய தோழன்.’’

"Yes. We are the Comrades of the Cuba's humanists

We are the Comrades of Working Class

We are the Comrades of oppressed, depressed and suppressed

We oppose tooth and nail - fundamentalists and facists"

எனவே, இந்த நாள் ஓர் இனிய நாள். 

இரு தலைவர்களும் உடல் நோய் பாராமல் உழைத்தவர்கள் இறுதி வரையில்!

அதுபோல நண்பர்களே, இரு தலைவர்களும் உடல் நோய் பாராமல் உழைத்தவர்கள் இறுதி வரையில் - தந்தை பெரியாரும் சரி; சேகுவேரா அவர்களும் சரி.

அவருடைய மகளையும், பேத்தியையும் அவ்வளவு அன்போடு வரவேற்கிறோம். இது ஒரு சம்பிரதாய உறவல்ல.

நீங்கள் கியூபாவின் மகள் மட்டுமல்ல; இந்த நாட்டின் மகள். இந்த நாட்டின் மகள். இங்கே வந்திருக்கின்ற பேத்தி, எங்கள் பேத்தி.

நீங்கள் தமிழ்நாட்டு மகள்!

இந்த நாட்டு மகள் என்பதைவிட, அதிகமாக ஒருபடி மேலே சொல்கிறேன். நீங்கள் தமிழ்நாட்டு மகள். அதுபோல, கேரளத்தின் மகள். அதுபோல, வங்கத்தின் மகள்.

எங்கே இருந்தாலும், நீங்கள் எங்கள் செல்வம்; எங்கள் உறவு - இந்த உறவு நீடிக்கவேண்டும். 

தந்தை பெரியார் அவர்கள், தன்னுடைய உடலில் இயற்கை வழியிலே சிறுநீர் பிரியாத நேரத்தில்கூட வயிற்றில் துளை போட்டு, ஒரு குழாயை இணைத்து, அந்தக் குழாயின் மறுபகுதியை ஒரு பாட்டிலினுள் வைத்து, அந்தப் பாட்டிலை ஒரு வாளியில் வைத்து, அதைத் தூக்கிக்கொண்டு 5 ஆண்டுகாலம் நடந்தார் என்பது மிகப்பெரிய வரலாறு.

பதவி மோகமற்ற போராளிகள்

அதேநேரத்தில்தான், கியூபா புரட்சியில் வென்று, அமைதியை நிலவ வைத்து, பொறுப்பைத் துறந்து சென்றவர், நம்முடைய சேகுவேரா அவர்கள். அவருடைய உடல் நலத்தைப் பொருட்படுத்தாமல், பதவி மோகமற்ற போராளியாக -எங்கெல்லாம் அநீதிகள் நடைபெறுகின்றனவோ - எங்கெல்லாம் சமூக அநீதிகள் நடைபெறுகின்றனவோ அங்கெல்லாம் எனக்கு வேலை இருக்கிறது; அங்கெல்லாம் நான் செல்வேன் என்று சொன்னவர்தான் காமரேட் என்ற உணர்வுபடைத்த சேகுவேரா அவர்களுடைய பணி.

அதனால்தான், இன்னொரு மகளைப் பார்த்துச் சொன்னார், நீங்களும் குடும்பத்தோடு இருக்கவேண்டும் என்று நினைக்காதீர்கள். கொள்கைப் பணிக்கு வாருங்கள் என்று சொன்னார்.

அது வாரிசு முறையல்ல நண்பர்களே - புரட்சியின் தொடர்ச்சி அது!

பொதுவுடைமைதனைக் 

காப்போம்! காப்போம்!!

‘‘இதயமெலாம் அன்பு நதியினில் நனைப்போம் 

இது எனது என்ற கொள்கையை உடைப்போம் 

உலகமெங்கும் புதிய சமுதாயத்தைப் படைப்போம்

பொதுவுடைமைதனைக் காப்போம்! காப்போம்!!’’

இதுதான் உறுதி என்று சொல்லி, உங்களை வரவேற்கிறோம்!

வாழ்க புரட்சி!

வளர்க புரட்சி!

வாழ்க தமிழ்நாடு!

வளர்க பொதுவுடைமைத் தத்துவம்!

நன்றி, வணக்கம்!

- இவ்வாறு திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள் ஏற்புரையாற்றினார்.

.,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
‘‘தமிழ்நாடு, தமிழ்நாடு, தமிழ்நாடு’’ எனும் முழக்கம்!
‘‘தமிழ்நாடு, தமிழ்நாடு, தமிழ்நாடு’’ எனும் முழக்கம்!

புரட்சியாளர் சேகுவேராவின் மகள் டாக்டர் அலெய்டா குவேரா, பேத்தி டாக்டர் எஸ்டெஃபானி குவேரா ஆகியோருக்கு நடைபெற்ற வரவேற்பு விழாவில் உரையாற்றிய தமிழர் தலைவர் ஆசிரியர் கி.வீரமணி அவர்கள் - ‘’மகிழ்ச்சியோடு தமிழ்நாட்டில், தமிழ்நாட்டில், தமிழ்நாட்டில் (மூன்று முறை) நாம் பெருமை யடையக் கூடிய விழா’’ என்று உரைத்தபோது, கூடியிருந்த ஆயிரக்கணக்கான பொதுமக்களும் சேர்ந்து விண்ணைப் பிளக்கும் வகையில்,
‘‘தமிழ்நாடு வாழ்க!’’,  ‘‘தமிழ்நாடு வாழ்க!’’, ‘‘தமிழ்நாடு வாழ்க!’’ என்று பலத்த கைதட்டலுடன் முழக்கமிட்டது மெய்சிலிர்க்கச் செய்தது. 
குறைந்த நேரம் பேசினாலும், கலகலக்கச் செய்தார் ஆசிரியர்!