வெள்ளி, 25 அக்டோபர், 2019

மனிதநேயத்தின் தொடக்க நிலை சுயமரியாதையே!

(பன்னாட்டு மனித நேய

அமைப்பின் தலைவர், நார்வே)

அன்றைக்கு மெட்ராஸ் என அழைக்கப் பெற்ற சென்னைக்குச் சரியாகப் பத்தாண்டு களுக்கு முன்பு முதன்முறையாகச் சென்றேன். பெரியார் இயக்கம் அல்லது சுயமரியாதை இயக்கம் என அழைக்கப்படும் மனிதநேய அமைப்பைப்பற்றி ஏற்கனவே கேள்விப்பட்ட டிருந்தேன். பன்னாட்டு மனிதநேய - அறநெறி ஒன்றியத்தின் தலைவர்களில் ஒருவன் என்ற வகையில், உலகெங்கும் உள்ள ஒத்த மனத் தினரைக் கொண்ட அமைப்பு களுடன் தொடர்பு கொண்டு, எங்களுடைய ஒன்றியத்தில் சேர்க்கும் பொறுப்பு எனக்கு இருந்தது.

சென்னையில் நான் எடுத் துக்கொண்ட முயற்சிகளின் விளைவைக் குறித்துப் பெரு மைப்படுகிறேன். சுயமரியா தைக்காரர்கள் பன்னாட்டு மனித நேயக் குடும்பத்தின் உறுப் பினர் ஆயினர். இந்த உலக ஒன்றியத்தில் சேர்ந்தவர்களில், சுயமரியாதையினரின் அமைப்புத்தான் மிகப் பெரியது ஆகும். புவிக் கோளத்தின் அனைத்துக் கண்டங்களிலும் - இருக்கும் நூற்றுக்கும் மேற்பட்ட துணை அமைப்புகளின் சார்பிலும், லண்டன் தலைமை இடத்தில் உள்ள இப்பன்னாட்டு அமைப்பின் பொதுச்செயலாளர் பாபு கோகினேனி (அவரும் ஓர் இந்தியர்) அவர்களின் சார்பிலும் இங்கு கூடியுள்ளவர்களுக்கு வாழ்த்துக்களை தெரி வித்துக்கொள்கிறேன்.

மேற்கு நாடுகளில் உள்ள மனித நேய அமைப்புகள் பெரியவையென்றும், பொதுவாழ்வில் முக்கிபயப் பங்காற்றுகின் றன என்றும் நீங்கள் நினைக்கலாம். பெர்ட்ரண்ட்ரஸ்ஸல், கார்ல்சாகன் ஆகியோரின் நூல்களை நீங்கள் கற்றிருக்கலாம்.

அந்த அடிப்படையில் மேற்கு நாடுகளில் உள்ள நவீன, வளர்ந்த சமுதாய மக்கள் மனித நேயம், பகுத்தறிவு ஆகியவற்றை முக்கிய மானவை எனக் கருதிப் போற்றுவதாக உங்களுக்குத் தோன்றலாம். ஆனால், நடப்பு அதற்கு மாறாக இருக்கிறது.  கிழக்கு அய்ரோப்பிய நாடுகளில் பொது வுடைமை ஆட்சி வீழ்ந்த பின்பு, அங்கு ரோமன் - கத் தோலிக்க மதமும், கீழைக் கிறித்துவ (ஆர் தொடாக்ஸ்) மதமும் அங்கு நிலை கொண்டுள் ளன. அய்க்கிய மாநில அமெரிக்காவின் குடிய ரசுத் தலைவர்கள் தவறாமல் வழிபாட்டுக் கட்டடங்களுக்குச் செல்கிறார்கள். ஞாயிற்றுக் கிழமை காலையில் விவிலிய நூலைத் தங் களுடைய கைகளில் ஏந்திச் செல்வது தொலைக்காட்சியில் வர வேண்டும் என்பதில் கவன மாக இருக்கிறார்கள்.

பெரும்பாலான மேற்கு நாடு களில் ஒருபகுத்தறிவாளரோ, சமயச் சார்பற்றவரோ, வெளிப்படையான மனித நேயக்காரரோ, அரசியல் பதவிகளில் தலையாய ஓர் இடத் திற்கு வருவதற்குக் கடுமையான சிக்கல்களைச் சந்திக்கவேண்டி யிருக்கிறது.  இந்தப் பின்னணியில் பார்க்கும் பொழுது, பத்து ஆண்டுகளுக்கு முன்பு நிகழ்ந்த எனது சென்னைப் பயணம் என் வாழ்வில் மிகப்பெரும் வியப்பை அளிப்பதாக அமைந்தது. விமான நிலையத்தில் இருந்து டேக்சி ஒன்றில் சென்று கொண்டிருந்தேன்; அது பெரியார் நெடுஞ் சாலையின் வழியே சென்ற பொழுது, அப் பெயருக்கும் அங்கு வாழ்ந்த மனித நேய ருக்கும் தொடர்பு இருக்க முடியுமா என எண்ணி’ னேன். ஆனால், சிறிது நேரத்தில் ஒரு சிலையைக் கடந்து சென்றோம்; அது பெரி யாரின் பெயரைத் தாங்கியிருந்ததையும் படித் தேன். அதை அடுத்து பகுத்தறிவின் “சுவர்க் கம்” எனத் தகும் இடத்தை அடைந்து விட் டேனோ எனச் சில நிமிடங்கள் கழித்து என்னை நானே கேட்டுக் கொண்டேன்,

கல்வி, சுகாதாரம், பகுத் தறிவுப் பண்பாட்டு வளர்ப்பு ஆகியவற்றிற்காக, ஒரு பகுத்தறிவு நாள் இதழ் உட்பட, 40-க்கும் மேற்பட்ட நிறுவனங்களைத் தமிழ்நாட்டின் சுயமரியாதை இயக்கம் நடத்திக் கொண்டிருப்பதைக் கண் டேன். - இஃது உலகிலேயே எங்கும் கேள்விப்படாத. ஒன்று. உலகெங்கும் உள்ள மனித நேய அமைப்புகளின் பன்னாட்டுத் தலைவனாக இருக்கிறேன். இருப்பினும் ஒன்றைப்பற்றி உறுதியாகச் சொல்லமுடியும். பெரியாரின் படம் அஞ்சல் தலையில் இடம் பெற்றது போல் என்னுடையது என்றுமே இடம்பெறாது.

1990-இல் சென்னை சென்றபொழுது, தலைவர் திரு. வீரமணி அவர்களை அவரு டைய இல்லத்தில் கண்டேன். உலகெங்கும் நன்கு விற்பனையாகும் நூல் ஒன்று, அங்கி ருந்த சிறிய மேசையின் மீது இருந்தது. வி.எஸ். நைபால் எழுதிய அப்புத்தகத்திற்கு, “இந்தியா ‘- இப்பொழுதுள்ள பல்லாயிரம் கிளர்சிக்கள்”(India a million mutinies now) என்பது பெயர். .

அப்புத்தகத்தின் 70 பக்கங்கள் பெரியா ரைப் பற்றியும் சுயமரியாதை இயக்கத்தைப் பற்றியும் இருந்ததால் திரு. வீரமணி அதை என்னிடம் ஆர்வத்துடன் காட்டினார்.

அந்நூல் முழுவதும் அடிக்கோடுகள் இட்டு, அவர் படித்திருந்தார். அந்தப் படியையே எனக்கு அன்பளிப்பாகக் கொடுத்தார். இப் பொழுது என் கையில் உள்ள அந்த ஏட்டின் படியை கடந்த பத்து ஆண்டுகளாக என் நண்பர் களுக்குப் பெருமையுடன் காட்டியிருக்கிறேன். திரு வீரமணி அவர்களின் அடிக்கோடுகளைக் காண்பித்து, இந்தியாவில் மனித நேய இயக்கம் சாதித் துள்ளவைகளைக் காணுங்கள் எனச் சொல்லுவேன்.

இந்நூலின் பக்கங்களைப் பலமுறை புரட்டியுள்ளேன். இதை இன்று திரு. வீரமணி அவர் க்ளுக்குத் திருப்பித்தர விரும்புகிறேன்.

புதிய டில்லி பெரியார் மய்யத்தில் உள்ள நூலகத்தில் இந்தப் படியை வைக்க வேண்டும். டில்லியில் உள்ள புத்தகக் கடைகளில் இந் நூலின் புதிய படிகளை நீங்கள் பெறமுடியாது என அய்யப்பட்டு இந்த நூலை இங்கு வைக்க வேண்டும் என நான் கூறவில்லை. இதில் திரு. வீரமணி அவர்களின் சிந்தனையைப் புலப் படுத்தும் அடிக்கோடுகள் இருப்பதாலும், சுயமரியாதை இயக்கத்துடன் பன்னாட்டு மனித நேய அமைப்பு முதன் முதலில் தொடர்பு கொண்டதை இது அடையாளப்படுத்துவதாலும், இந்தப்படி இங்குள்ள நூலகத்தில் இருக்க வேண்டும் என்று விரும்புகிறேன்.

சுயமரியாதை இயக்கம் தனது செயல் களத்தைச் சென்னையிலிருந்து டில்லிக்கு விரிவுபடுத்துகிறது. அதன் பொருள் என்ன? சுயமரியாதைக்கான - அடக்கப்பட்ட மக்களின் விடுதலைக்கான  போராட்டம் தென்னிந்தியாவிற்கு மட்டும் தேவையான ஒன்று அல்ல; நாட்டின் அனைத்துப் பகுதிகளிலும் உள்ள - மனிதா பிமானிகள் அனைவருக்கும் இது ஒரு தேவையான பொறுப்பாகும்.  அதே நேரத்தில் சுயமரி யாதை இயக்கத்தின் பன்னாட்டுத் தாக்கத்திற்கு அது வலிமை சேர்க்கிறது.  முக்கியமான அரசியல் அரங்கங்கள், அயல்நாட்டுத் தூதுக்குழுக்கள், தகவல் தொடர்புச் சாதனங்கள் முதலியவற் றிற்கு நெருக்கமாகப் பெரியார் மய்யம் அமைந்துள்ளது.

பல நாடுகளிலும் உள்ள குழுக்களுடனும், லண்டனில் உள்ள பன்னாட்டு மனித நேய அமைப்பின் தலைமை அலுவலகத்துடனும் நீங்கள் புதிய பாலங் களை அமைத்துக்கொள் ளலாம். எல்லாக் கண்டங்களிலும் சமூகநீதிக் கான போராட்டத்தை நீங்கள் நடத்தவேண்டும். என்பது எமது விருப்பம் ஆகும்.

இந்தியாவைப் பொறுத் தவரை, இந்துச் சமுதாய அமைப்பால் துயரப்படுபவர்கள் தலித்துகளும் பிற்படுத்தப்பட்டவர்களும் ஆவர்; அவர்களுக்காக நாங்கள் ஒன்றுபட்டு நிற்கிறோம்.

அய்க்கிய நாடுகளின் அவையில் எமது பன்னாட்டு மனிதநேய அமைப்பிற்கு, அரசு சாராத அமைப்பிற்குரிய ஆலோசனை கூறும் தகுதி இருக்கிறது. -

அதைப் பயன்படுத்தி, மற்ற குழுக்களுடன், இணைந்து பணியாற்றி, எமது லண்டன், அலுவலகம் ஒரு காரியத்தைச் செய்தது.. அய்க்கிய நாடுகள் (யு.என்.) அவையில் ‘மனித உரிமைகளுக்கான உயர் ஆணையம் திருமதி. மேரி ராபின்சன் அவர்களிடம் மன்றாடி, ஒடுக்கப்பட்டோரின் (தலித்துகளின், பிரச்சினையை, அடுத்து நிகழ இருக்கும் உலக மாநாட்டு நிகழ்ச்சிகளில் ஒன்றாகச் சேர்க்கக் செய் துள்ளோம்.

இன ஒதுக்கல், அயல் இனவெறுப்பு மற்றும் அவற்றுடன் தொடர்புடைய சகிப்புத் தன்மை இன்மை ஆகியனவற்றை எதிர்த்து மேற்படி மாநாடு நடக்கவிருக்கிறது. திருமதி மேல் ராபின்சன் எமது கோரிக்கையை ஏற்று, அதை நிகழ்ச்சி நிரலில் சேர்த்துள்ளார் என்பதை மகிழ்ச்சியுடன் தெரிவித்துக் கொள்கிறேன்.  தலித்துகள் மற்றும் தொடர்புடைய சிக்கல்கள் குறித்து அரசு சாராத அமைப்பும் (என்.ஜி.ஓ) ஒத்த வகையில் அமைந்த ஒரு கருத்தரங்கை தென் ஆஃப்பிரிக்காவில் நடத்த விருக்கின்றன.

நீங்கள் அதில் பங்கேற்பீர்கள் என நம்புகிறோம்.

சுயமரியாதை இயக்கம், பண்பாட்டுச் சமு தாய வாழ்வில் பல துறைகளில் செயலாற்றி வருவதை உணர்கிறேன். இவ்வமைப்பு எவ் வகையில் ஒரு மனிதநேய அமைப்பாக இருக்கிறது என கேட்கலாம். சுயமரியாதை இயக்கத்திற்கும் பன்னாட்டு மனிதநேய அமைப்பிற்கும் இடையே மூன்று பொது நோக்கங்கள் உண்டு. முதல் பொது கொள்கை பகுத்தறிவு நெறியாகும். நடை முறையில் மூட நம்பிக்கை, இயற்கைக்கு அப்பாற்பட்ட சக்தி ஆகியவற்றை விலக்கி பகுத்தறிவு, கல்வி ஆகியவற்றை ஊக்குவிக்கிறோம்.

புதிய கால இயக்கம் எனப்படுவது, சமீப காலத்தில், அறிவுக்குப் புறம்பான உணர்வு. களைப் பெரிதுபடுத்துகிறது. இத்தகைய இருளைப் பரப்பும் சக்திகளை எதிர்த்து, எல்லாக் காலத்திலும் கடமை ஆற்ற வேண்டிய பொறுப்பு மேலைநாடுகளிலும் கீழை நாடுகளி ‘லும் உள்ள மனித நேயர்களுக்கு உண்டு.

இரண்டாவதாக, நாம் சமத்துவ நிலைக்காகப் பொதுவாக உழைக்கிறோம். ஆண் - பெண் பல்வேறு இனங்கள் வெவ்வேறு பண் பாட்டாளர்கள், தனி நபர்கள் இடையே சமத் துவம் நிலவவேண்டும். பெரியார் இயக்கத்தவர்கள், இந்த இலக்கை எட்டுவதற்கு, இந்தியா வின் பெரும் பகுதிகளில் ஆற்றியுள்ள சேவை) வரலாற்று முக்கியத்துவம் வாய்ந்ததாகும்.

இந்த வகையில், பன்னாட்டளவில் மனித நேயர்கள், மதத் தலைவர்களின் எதிர்ப்பை எதிர்கொள்ள வேண்டியிருக்கிறது. பல நூற் றாண்டுகளாக இந் நிலை தொடர்கிறது.

மூன்றாவது பொது நோக்கு, தனிமனித மாண்பு, சுயமரியாதை எனும் சொல்லால் அதைப் பெரியார் சிறப்பாக வெளிப்படுத் தியுள்ளார். மனித நேயத்தின் மய்யக் கருத்து இதுவே. நீங்களும் நானும் நம்மை மதிக்கிறோம். கடவுள் என்று சொல்லப்படும் ஆதிக் கத்தையோ ஆட்சியாளரின் ஆதிக்கத்தையோ ஏற்க மறுக்கிறோம். ஒரு நபர் இன்னொரு வரைவிட மதிப்பில் குறைந்தவர் என்பதை நான் ஒப்புவதில்லை.

பெரியார் சொல்லுகிறார்: “தன்னிடம் உள்ள தாழ்மை உணர்வை ஒவ்வொரு மனிதரும் தானே போக்கிக்கொள்ள வேண்டும். மற்றவரை விடப் பிறப்பிலே தாழ்ந்தவர் என்ற உணர்வைப் போக்கி, தன் நம்பிக்கையையும் சுயமரி யாதையையும் வளர்த்துக்கொள்ள வேண்டும்.”

பெரியாரின் இந்தக் கருத்து எனக்கு முற்றிலும் உடன்பட்டதாகும். மனித நேயத்தின் தொடக்க நிலையாகச் சுயமரியாதை உணர் வைத் தவிர வேறொன்றை என்னால் எண்ணிப் பார்க்க முடியவில்லை. மாந்தர்களுக்கான மதிப்பு வீட்டிலே தொடங்குகிறது. ஒவ்வொரு மனிதரிடத்தும் இருந்து தொடங்குகிறது.

இந்த மூன்று கொள்’ கைகளும், உலக மனித நேய ஒன்றியத்தில் இணைந்துள்ள பிற இந்திய அமைப்புகளுக்கும் பொதுவான தாகும். அக்குழுக்களின் தலைவர்களில் சிலர் இங்கு வந்திருப்பதைக் காண மகிழ்கிறேன்.

நைபால் எழுதிய புகழ்வாய்ந்த நூலின் 237ஆம் பக்கத்தில் உள்ளதைப் படித்து என்னு டைய உரையை முடிக்க விரும்புகிறேன். அவருடைய சொற்கள் என்னுடைய கருத்தை யும் பிரதிபலிக்கின்றன.

“சென்னைக்குச் செல்லும்வரை பெரியார் பெயரை மட்டுமே நான் கேள்விப்பட்டிருந்தேன். திரு. வீரமணி அவர் களைப்பற்றி எனக்கு எது வும் தெரியாது. ஆனால், அவர் அப்பகுதியில் கடந்த 40 ஆண்டுகளாக நடைபெற்றுவரும் பெரும் புரட்சியின் மய்யத்தில் இருந்திருக் கிறார். சுதந்திரம் இந்தியாவின் பொருளாதார அறிவு மேம்பாட்டுடன் இந்தப் புரட்சி ஒரு சிறிய போரின் இயல்பைப் பெற்றிருக்கிறது. இது வரை திரு. வீரமணி அவர்கள் வெற்றிப் பாதை யில் செல்லுகின்றவராகவே இருக்கிறார்.”

நைபாலின் மேற்படிக் கருத்துடன் எனது கருத்தையும் சேர்த்துச் சொல்ல விரும்புகிறேன். சமூக நீதிக்கான போர் முற்றுப் பெறவில்லை. மனித மாண்பு, உரிமை, சமத்துவம், சகோதரத் துவம் ஆகியவற்றிற்காக ஒவ்வொரு மனித நேயக்காரரும் உலகின் ஒவ்வொரு பகுதி யிலும் இன்னும் போராட வேண்டியிருக்கிறது.

இழிவு, அடக்குமுறை, மனிதனை மனிதன் சுரண்டல் ஆகியவற்றை எதிர்த்து உலகளாவிய வகையில் நடக்கும் போராட்டத்திற்குப் பெரி யார் மய்யம் ஒரு வலிய அரண் ஆகும். இந்தியாவிலுள்ள சுயமரியாதைக் காரர்களும், திரு. வீரமணி அவர்களும் இன்னும் வெற்றிப்பாதை யில்தான் பயணம் செய்கிறார்கள்.

மனித நேயத்தின் கோட்டையாகத் திகழும் இந்தப் பெரியார் மய்யத்தைத் திறப்பதில் மகிழ்கிறேன்; அதனால் பெருமை அடைகிறேன்.

- இவ்வாறு லெவில் பிராகல் உரையாற் றினார்.

 - விடுதலை ஞாயிறு மலர், 19.10.19

வெள்ளி, 4 அக்டோபர், 2019

ஆஸ்திரேலியாவில் தந்தை பெரியார் பிறந்த நாள் விழா



பிரிஸ்பென், அக்.4 ஆஸ்திரேலியா வில் 29.9.2019 அன்று தந்தை பெரியார் 141ஆவது பிறந்த நாள் விழா எழுச்சி யுடன் கொண்டாடப்பட்டது.

விழாவில் பத்மாலட்சுமண் தொகுத்து வழங்கினார்.  தமிழர்களின் முன்னேற்றத் துக்காக பாடுபட்ட தந்தை பெரியாருக்கு நன்றி காட்டும் விழாவாக பெரியார் 141ஆவது பிறந்த நாள் கொண்டாடப்படுகிறது என்ப தைக் குறிப்பிட்டு முகுந்தராஜ் அனைவரையும் வரவேற்று விழாவைத் தொடங்கி வைத்தார்.

தந்தை பெரியார் ஆற்றிய பகுத்தறிவு, அரசியல், சமூக நீதிப் பணி களை இருட்டடிப்பு செய்து, வதந் திகள் எவ்வாறு பரப்பப்படுகிறது என்பதை விளக்கி பல்வேறு வரலாற்று உண்மைத் தகவல்களைக் கொண்ட காணொலி (விகடன் தொலைக்காட்சி தயாரித்தளித்த) காட்சிப்பதிவை லெனின் திரையிட்டு விளக்க உரையாற்றினார். கவிஞர் இரவிச்சந்திரன் சிறப்புரையாற்றினார்.

புதுக்கோட்டை எம்.எம்.அப்துல்லா சிறப்பு விருந்தினராக விழாவில் இணையம் வாயிலாக உரையாற்றினார்.

இணைய வழி உரையாடலில் சிறப்பு விருந்தினராக ராஜாத்தி சல்மா இணைந்து பெரியாரும், பெண்ணியமும் தலைப்பில் உரை யாற்றினார். விழாவில் பார்வை யாளர் வரிசையிலிருந்து ஜான்சி ராணி என்பவர் தம்முடைய கருத்துகளைப் பகிர்ந்து கொ ண்டார்.  இரண்டு ஆண்டுகளுக்கு முன்பு கடந்த 2017ஆம் ஆண்டில் பெரியார் அம்பேத்கர் சிந்தனை வட்டம் தொடங்கப்பட்டு தந்தை பெரியார் பிறந்த நாள் சிறப்பாக கொண்டா டப்பட்டது.

ஆஸ்திரேலியா பிரிஸ்பெனில் 29.9.2019 அன்று நடைபெற்ற பெரியார் 141ஆவது பிறந்த நாள் விழாவில் குழந்தைகளுடன் தமிழ்க் குடும்பங்கள், நட்புரிமைகொண்ட அம்பேத்கர் சிந்தனையாளர்கள், குயின்ஸ் லாந்து தமிழ் மன்றம், தமிழ் ஒலி உள்ளிட்ட பல தரப்பிலிருந்தும் விழாவில் பலரும் பங்கேற்றனர்.

- விடுதலை நாளேடு, 4. 10 .19

சனி, 28 செப்டம்பர், 2019

அய்தராபாத் உஸ்மானியா பல்கலைக்கழகத்தின் மாணவ அமைப்புகளின் சார்பில் தந்தை பெரியார் 141ஆவது பிறந்தநாள் விழா சிறப்பாக கொண்டாட்டம்



தெலங்கானா மாநிலத்தில் அய்தராபாத் உஸ்மானியா பல்கலைக்கழகத்தில் பகுஜன் மாணவர் அமைப்பின் ஏற்பாட்டில் மாணவ அமைப்புகளின்  முயற்சியால் செப்டம்பர் 17 அன்று தந்தை  பெரியாரின் 141 ஆவது பிறந்த நாளை சிறப்பாக கொண்டாடினார்கள்.

- விடுதலை நாளேடு, 28 .9. 19

புதன், 25 செப்டம்பர், 2019

தமிழர் தலைவர் ஆசிரியருக்கு ‘‘மனிதநேய வாழ்நாள் சாதனையாளர்'' விருது

விருது தனிப்பட்ட முறையில் வழங்கப்படவில்லை;

பெரியாரின் தொண்டன் என்பதால்தான் வழங்கப்பட்டுள்ளது-பெரியார்தாம் விருதுக்கு உரியவர்

இயக்கத்தின் தூண்களாக விளங்கிடும் கருப்புச் சட்டைத் தோழர்களின் ஒத்துழைப்பிற்குக் கிடைத்த விருது

விருதினை பெற்றுக்கொண்ட தமிழர் தலைவர் நெகிழ்ச்சியுரை


வாஷிங்டன், செப்.23 ‘‘மனிதநேய சாதனையாளர் விருது'' தனிப்பட்ட முறையில் எனக்கு வழங்கப்படவில்லை. பெரியாரின் தொண்டன் என்பதனால்தான் வழங்கப்பட் டுள்ளது; பெரியார்தாம் விருதிற்கு உரியவர். இயக்கத்தின் தூண்களாக விளங்கிடும் கருப்புச் சட்டைத் தோழர்களின் ஒத்துழைப்பிற்குக் கிடைத்த விருது என்றார் திராவிடர் கழகத் தலைவர் தமிழர் தலைவர் கி.வீரமணி அவர்கள்.

அமெரிக்கத் தலைநகர் வாஷிங்டன் மேரிலாந்தில், அமெரிக்க மனிதநேயர் சங்கம் நடத்திய மாநாட்டில் திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்களுக்கு 2019 ஆம் ஆண்டிற்கான ‘‘மனிதநேய வாழ் நாள் சாதனையாளர் விருது'' வழங்கப்பட்டது. அவ்விழாவில் தமிழர் தலைவர் ஆசிரியர் உரை நிகழ்த்தினார்.

அவரது உரையின் சுருக்கம் வருமாறு:

விருதினை பெற்றுக்கொண்ட தமிழர் தலைவர் தமது ஏற்புரையில், ‘‘விருது தனிப்பட்ட முறையில் வழங்கப்பட வில்லை; பெரியாரின் தொண்டன் என்பதால்தான் வழங்கப் பட்டுள்ளது. பெரியார்தாம் விருதுக்கு உரியவர். இத்தகைய விருது மேலும் பணியாற்றுவதற்கு - இயக்கத்தின் தூண்களாக விளங்கிடும் கருப்புச் சட்டைத் தோழர்களின் ஒத்துழைப் பிற்குக் கிடைத்த விருது'' எனக் குறிப்பிட்டு மிகவும் நெகிழ்ச்சி கரமாகப் பேசினார். உலகளாவிய அளவில் ‘‘சுயமரியாதை மனித நேயம்'' பற்றிய நீண்டதொரு ஆழமான உரையினை வழங்கினார்.

அதற்கு முன்னதாக,  கலிபோர்னியா பெர்க்லிபி பல்கலைக் கழக தமிழ்ப்புல மேனாள் தலைவரும், சமஸ்கிருத அறிஞரு மான பேராசிரியர் ஜார்ஜ் எல் ஹார்ட்  ‘‘செவ்வியல்,  தமிழி லக்கியங்களில் மனிதநேயக் குறிப்புகள்'' எனும் தலைப்பில் ஓர் ஆய்வுரையினை வழங்கினார்.


அடுத்து தமிழர் தலைவர் ஆசிரியர் அவர்களுக்கு 2019 ஆம் ஆண்டுக்கான மனிதநேய வாழ்நாள் சாதனையாளர் விருதினை அமெரிக்க மனிதநேயர் சங்கம் வழங்கிடும் நிகழ்வு நடைபெற்றது. விருது வழங்கிடும் நிகழ்வின் வரவேற் புரையினை பேராசிரியர் முனைவர் அரசு செல் லையா வழங்கினார். அமெரிக்கா மனிதநேயர் சங்கத்தின் செயல் இயக்குநர் ராய் ஸ்பெக்ஹார்ட் விருது பெறவுள்ள தமிழர் தலைவர்பற்றிய சிறப்பினை எடுத்துரைத்து விருதினை தமிழர் தலைவருக்கு வழங்கி சிறப்பித்தார்.

முனைவர் கண்ணபிரான் ரவிசங்கர் ‘மனிதநேயமும் திராவிட இயக்கமும்' எனும் தலைப்பில் திராவிட இயக்க சாதனைகள்பற்றி உரையாற்றினார்.

அடுத்து ஜெர்மனி - கொலோன் பல்கலைக் கழக தென் ஆசிய & தென்கிழக்கு ஆசியப் புலம் பேராசிரியர் முனைவர் ஸ்வென் வொர்ட்மென் ‘பரிணாமம் மனிதநேயம்' எனும் தலைப்பில் உரையாற்றினார். எழுத்தாளர் ஊடகவியலாளர் ப.திருமாவேலன், ‘பெரியாரும் மனிதநேயமும்' எனும் தலைப்பில் உரையாற்றினார்.

அடுத்து ‘மாற்ற அறிவியல் - ஆதாரம் அடிப்படையிலான செயல்பாடு' எனும் தலைப்பில் டெப்பி கோடார்டு உரை யினை வழங்கினார்.

நண்பகல் உணவிற்குப் பின்னர் தமிழ் நிகழ்ச்சிகள் தொடங்கின. கருத்துகள நிகழ்ச்சியினை ஊடகவியலாளர் ப.திருமாவேலன் முகவுரையாற்றி தொடங்கி வைத்தார்.

கருத்துக் களத்தில் மருத்துவர் சரோஜா இளங்கோவன், ‘பெண்ணின் நிலை: பெரியாருக்கு முன், பெரியாருக்குப்பின்' எனும் தலைப்பிலும்,

அகத்தியன் பெனடிக்ட், ‘கைம்மாறு வேண்டா கடப்பாடு..... தந்தை பெரியார்' எனும் தலைப்பிலும்,

பெனிசில்வேனியா பன்னீர்செல்வம் இராஜமாணிக்கம், ‘வைகறை - வைக்கம் பெரியார்' எனும் தலைப்பிலும், சிகாகோ செல்வி அகிலா செல்வராஜ், ‘இன்றைய கல்வியும், கேள்விக் குறியாகும் சமூகநீதியும்' என்ற தலைப்பிலும் உரையாற்றினர்.

கருத்துக் களத்தில் அடுத்து எம்.வி.கனிமொழி, ‘திராவிட இயக்கம் பதித்த தடங்களும் இன்று சந்திக்கும் பிரச்சினை களும்' எனும் தலைப்பிலும்,

துரைக்கண்ணன் சுந்தரக்கண்ணன், ‘உயர்ஜாதி ஒதுக்கீடும் சமூகநீதியும்' எனும் தலைப்பிலும்,

சிகாகோ சரவணக்குமார், ‘அறிவியக்கத்தின் தேவை' எனும் தலைப்பிலும்,

வேல்முருகன் பெரியசாமி, ‘பெரியாரைத் துணைக்கோடல் இன்றைய தேவை' எனும் தலைப்பிலும்,

மேரிலாந்து மணிக்குமார், ‘ஒரு நாடு, ஒரு மொழி, ஒரே மதம் - பொய்' எனும் தலைப்பிலும் கருத்துகளை வழங்கி னார்கள்.

அடுத்து ஊடகவியலாளர் ப.திருமாவேலன், ‘தமிழ்த் தேசியமும், பெரியாரும்' எனும் தலைப்பில் உரையாற்றினார். திராவிடம் என்பதில் தமிழ்த் தேசியம் அடங்கும் என்று ஆதாரங்களைச் சுட்டிக்காட்டி உரையாற்றினார்.

விடுதலை சிறுத்தைகள் கட்சியின் தலைவர் எழுச்சித் தமிழர் தொல்.திருமாவளன், ‘மனிதநேயமும் சமூகநீதியும்' எனும் தலைப்பில் உரையாற்றினார்.

எழுச்சித் தமிழர் உரையாற்றுவதற்கு முன்பாக, திராவிடர் கழகத்தின் துணைத் தலைவர் கவிஞர் கலி.பூங்குன்றன், பொருளாளர் வீ.குமரேசன், பொதுச்செயலாளர் முனைவர் துரை.சந்திரசேகரன், துணைப் பொதுச்செயலாளர் ச.இன்பக் கனி, வெளியுறவுச் செயலாளர் கோ.கருணாநிதி ஆகியோர் மாநாடு நடந்த விதம்பற்றி சுருக்கமாக உரையாற்றினர்.


மாநாட்டு நிறைவு அமர்வில் அமெரிக்க மனிதநேயர் சங்கத்தின் மேனாள் செயல் இயக்குநரும், ‘தி ஹியூமனிஸ்ட்'  (The Humanist) ஆங்கில ஏட்டின் மேனாள் ஆசிரியருமான பிரட் எட்லர்ட்ஸ், ‘மகிழ்ச்சியான வாழ்வு' என்பதுபற்றி உரையாற்றினார்.

மாநாட்டின் நிறைவுரையாக தமிழர் தலைவர் ஆசிரியர் அவர்கள் ‘எதிர்காலம்' எனும் தலைப்பில் செய்யவேண்டிய பெரியார் பணிகள்பற்றி அரியதொரு உரையினை ஆற்றினார்.

அமெரிக்க தமிழர்கள் மத்தியில் தொடர்ந்து சிறப்பாகப் பணியாற்றி வருவதற்கான ‘சேவை விருது'களை மருத்துவர் சரோஜா இளங்கோவன், குழந்தைவேலு ராமசாமி, ஜெயந்தி ஆகியோருக்கு தமிழர் தலைவர் பரிசினை வழங்கினார்.

இரண்டாம் பன்னாட்டு மாநாடு முதலாம் பன்னாட்டு மாநாட்டைவிட  ஏற்பாட்டிலும், பேராளர்கள் பங்கேற்பிலும் வெகுசிறப்பாக நடந்தேறியது. முதல் நாள் மாநாட்டை பெரியார் பன்னாட்டு மய்யம் மட்டும் நடத்தியிருந்தது. இரண்டாம் நாள் மாநாட்டை அமெரிக்க மனிதநேயர் சங்கத்துடன் இணைந்து நடத்தியது மாநாட்டு சிறப்பிற்கு முக்கிய காரணமாக அமைந்துவிட்டது. இரண்டு நாள் மாநாட் டிலும் சிறப்பாகப் பங்கேற்று, 2021  ஆம் ஆண்டு நடை பெறவுள்ள பன்னாட்டு மாநாட்டிலும் பங்கேற்றிட வேண்டும் என்ற உறுதிப்பாட்டுடன் பேராளர்கள் விடைபெற்றனர். பெரியார் கொள்கைகளை உலக மயப்படுத்துதலில் பன்னாட்டு மனிதநேய சுயமரியாதை மாநாடு ஒரு சாதனை மைல் கல்லாகும்.

- விடுதலை நாளேடு, 23. 9. 19

செவ்வாய், 24 செப்டம்பர், 2019

அமெரிக்கா - வாஷிங்டன் நகரில் பன்னாட்டு மனிதநேய சுயமரியாதை மாநாடு கோலாகலமாகத் தொடங்கியது


வரவேற்புரை என்னும் தலைப்பில் உரையாற்றிய அமெரிக்க மேரிலாண்ட் மாகாணத்தின் 8-ஆம் மாவட்டத்தின் மக்கள் பிரதிநிதி ஜாமி ரஸ்கின் அவர்களுக்கு தமிழர் தலைவர் ஆசிரியர் நினைவுப்பரிசாக புத்தகங்கள் வழங்கினார். உடன் அமெரிக்க மனிதநேயர் சங்கத்தின் இயக்குநர் ராய் ஸ்பெக்ஹார்ட், பெரியார் பன்னாட்டு மய்யத்தின் இயக்குநர் டாக்டர் சோம.இளங்கோவன், முனைவர் கண்ணபிரான் ரவிசங்கர் ஆகியோர் உள்ளனர்.
வாஷிங்டன், செப். 22 அமெரிக்காவில் உள்ள பெரியார் பன்னாட்டு மய்யமும், அமெரிக்க மனிதநேயர் சங்கமும் இணைந்து நடத்திடும் வாஷிங்டன் நகர் - மேரிலாந்துப் பகுதியில் பன்னாட்டு மனிதநேய சுயமரியாதை மாநாடு வெகு சிறப்பாகத் தொடங்கியது.
அமெரிக்கா, ஜெர்மனி, மலேசியா மற்றும் உலக நாடுகள் பலவற்றிலிருந்தும் மனிதநேயர்கள், பெரியார்தம் சுயமரியாதைக் கருத்தாளர்கள் மாநாட்டு நிகழ்ச்சியில் பங்கேற்றிட வருகை தந்தனர்.
இரு நாள்கள் நடைபெறும் மாநாட்டின் தொடக்க விழா செப்டம்பர் 21ஆம் நாள் தொடங்கியது. மேரிலாந்து பகுதியில் அமைந்துள்ள மாண்ட்கோமரி கல்லூரியின் கலாச்சார கலை மய்யத்தில் மாநாடு நடைபெற்று வருகிறது.
தொடக்க விழாவில் பெரியார் பன்னாட்டு மய்யத்தின் இயக்குநர் டாக்டர் சோம. இளங்கோவன் முகவுரை வழங்கிட, அமெரிக்க மனிதநேய சங்கத்தின் செயல் இயக்குநர் ராய் ஸ்பெர்க்ஹார்ட் வரவேற்புரை ஆற்றினார்.
புத்தக வெளியீடு
பன்னாட்டு மாநாட்டின் தொடக்க விழாவில் பெரியார் சுயமரியாதைப் பிரச்சார நிறுவனத்தின் வெளியீடுகளான இரண்டு புத்தகங்கள் வெளியிடப்பட்டன. தந்தை பெரியாரின் 'பெண் ஏன் அடிமையானாள்?' - ஜெர்மன் மொழி பெயர்ப்பு (மொழி பெயர்ப்பாளர் டாக்டர் உல்ரிக் நிக்லஸ்) நூலும், பெரியாரின் வழித் தடமும் அவரது சீடர் ஆசிரியர் (Periyars Footprints and His Disciple Asiriyar) ஆங்கில மொழி பெயர்ப்பாளர் பேராசிரியர் அ. அய்யாசாமி - மூலநூல் மஞ்சைவசந்தன் எழுதிய 'வியப்பின் மறுபெயர் வீரமணி' ஆகிய நூல்கள் வெளியிடப்பட்டன.
அமெரிக்க மனிதநேய சங்கத்தின் ராய் ஸ்பெக்ஹார்ட் புத்தகங்களை வெளியிட்டார். தமிழர் தலைவர் ஆசிரியர்
கி. வீரமணி புத்தகங்களை வெளியிட்ட ராய் ஸ்பெக்ஹார்ட் அவர்களுக்கு நினைவுப் பரிசாக 'தந்தை பெரியாரின் பணிகள்'(COLLECTED WORKS OF PERIYAR E.V.R.) நூலினை வழங்கினார்.
தொடக்க விழாவினைத் தொடர்ந்து பல்வேறு அமர்வுகளில், பல்வேறு தலைப்புகளில் மனிதநேய அறிஞர்கள் கருத்துரை வழங்கிட உள் ளனர்.
பெரியார் அம்பேத்கர் படிப்பு வட்டத்தின் சார்பில் ஒருங்கிணைக்கப்பட்ட ”அமெரிக்கத் தமிழர்கள் மத்தியில் மனிதநேயமும் சுயமரியாதையும்” என்ற தலைப்பிலான கலந்தாய்வு அமர்வில்  தமிழர் தலைவர், திராவிடர் கழகத் தலைவர், ஆசிரியர் கி.வீரமணி அவர்கள் வாழ்த்துரை வழங்கினார்.
மாநாட்டின் துவக்க முதல் அமர்வில் தமிழ்ப் பேராசிரியர் முனைவர் கண்ணபிரான் ரவிசங்கர் அறிமுக உரையாற்றினார். முதல் அமர்வில் 'மதமின்மையே சிறப்பு' எனும் தலைப்பில் ஜெர்மனியைச் சார்ந்த  பிலிப் மொல்லர் கருத்துரை வழங்கினார். 'வரவேற்புரை' எனும் தலைப்பில் மாநாட்டிற்கு வந்திருந் தோரை வரவேற்கும் வகையில் அமெரிக்கா - மேரிலாந்து 8ஆம் மாவட்டத்தின் மக்கள் பிரதிநிதி ஜாமி ரஸ்கின் உரையாற்றினார்.
தேநீர் இடைவேளைக்குப் பின் தொடங்கிய இரண்டாம் அமர்வில், 'மனிதநேயர் கண்ணோட்டத்தில் பெண்ணியம்' எனும் தலைப்பில் பெண்ணுரிமைப் போராளி டோனி வான் பெல்ட் உரையாற்றினார். அடுத்து திராவிடர் கழகத்தின் பொருளாளர் வீ. குமரேசன், 'தந்தை பெரியாரும், மார்ட்டின் லூதர் கிங் ஜூனியரும்' எனும் தலைப்பில் தமது ஆய்வுரை யினை வழங்கினார். பின்னர் 'மனிதநேயப் பணியில் இளைஞர் களை எப்படி பங்கேற்றிட செய்வது?' எனும் தலைப்பில் ரியான் பெல் உரையாற்றினார்.
சிறார் பங்கேற்பு
அடுத்த அமர்வு சிறார் பங்கேற்கும் நிகழ்ச்சியாக நடைபெற்றது. 'மனித நேயம்' எனும் தலைப்பில் யாழினியும், 'மனிதநேயமும் பருவ நிலை மாற்றமும்' எனும் தலைப்பில் மோனா சந்திரசேகரன் உரையாற்றிய பின்னர் 'பெரியாரும் கடந்த காலத் தலைவர்களும்' எனும் தலைப்பிலும் உரை யாற்றினர்.
அம்பேத்கர், நாகம்மையார், மணியம்மையார், ரோசா பார்க் ஆகியோர் போல் வேடமணிந்து சிறார்கள் அரங்கத்திற்கு வந்து  அனைவரின் கரவொலியினைப் பெற்றனர்.  போட்டியில் பங்கேற்ற சிறார்களுக்கு திராவிடர் கழகத்தின் துணைத் தலைவர் கவிஞர் கலி. பூங்குன்றன் சான்றிதழினையும், பரிசுப் பொருள்களையும் வழங்கினார்.
மாநாட்டில் புதிய புத்தகங்களை வெளியிட்ட அமெரிக்க மனிதநேய சங்கத்தின் செயல் இயக்குநர் ராய் ஸ்பெக்ஹார்ட் அவர்களுக்கு தந்தை பெரியாரின் புத்தகங்களையும், நினைவுப்பரிசினையும் தமிழர் தலைவர் ஆசிரியர் கி.வீரமணி வழங்கினார்.
அடுத்து நடைபெற்ற அமர்வில் பெரியார் பன்னாட்டு மய்ய ஜெர்மனி கிளையின் தலைவர் பேராசிரியர்
மனிதநேயக் கண்ணோட்டத்தில் பெண்ணியம் என்னும் தலைப்பில் உரையாற்றிய டோனிவான் பெல்ட் அவர்களுக்கு தமிழர் தலைவர் நினைவுப் பரிசினை வழங்கினார்.
முனைவர் உல்ரிக் நிக்லஸ் 'உலக மனிதநேயம்' எனும் தலைப்பில் உரையாற்றினார். தமது உரையினை நிறைவு செய்து 'புதிய வானம், புதிய பூமி,  எங்கும் தமிழ் மொழி பரவுகிறது' எனப் பாடி அனைவரது பாராட்டுதலைப் பெற்றார். பின்னர் நடைபெற்ற அரங்கில் அறிமுக உரையினை குழந்தைகள் மருத்துவ நிபுணர் டாக்டர் சித்தானந்தம் ஆற்றிட கனடா வான்கூவர் நகரிலி ருந்து வருகை தந்திருந்த தென் ஆசிய மனிதநேயர் சங்கத்தின் வெளியுறவுச் செயலாளர் டாக்டர் மாத்வி போட்லூரி 'ஜாதி அமைப்பும் டி.என்.ஏ. பரிசோதனையும்' எனும் தலைப்பில் உரையாற்றினார். நண்பகல் உணவிற்குப் பின்னர் நடைபெற்ற அமர்வின் ஒருங்கிணைப்பாளரான திராவிடர் கழகத்தின் வெளியுறவுச் செயலாளர் கோ. கருணாநிதி 'சமூகநீதி' பற்றி உரையாற்றித் தொடங்கி வைத்தார். பெண்ணியலாளரும், உளவியல் நிபுணருமான கிளாரா ஆர்தரும், கருப்பினர் அமைப்பின் தலைவர் நார்ம் ஆர் ஆலனும் 'சமூகநீதியும் விளிம்பு நிலை மனிதரும்' எனும் தலைப்பில் உரையாற்றினார்கள்.
தமிழர் தலைவர் ஆசிரியர் அவர்கள்  சிறப்பு விருந்தினர்களுக்கு பகுத்தறிவு நூல்களை அளித்தார்
பின்னர் நடைபெற்ற அமர்வில் வாஷிங்டன் தமிழ்ச்சங்கத்தின் மேனாள் தலைவர் ராமசாமி அறிமுக உரையாற்றிட, கலிபோர்னியா பெர்க்லி பல்கலைக் கழகத்தின் தமிழ்க் கல்விப் புலத்தின் மேனாள் பேராசிரியர் ஜார்ஜ் எல் ஹார்ட் சிறப்புப் பேச்சாளரான டாக்டர் ஆர். பிரபாகரன் பற்றிய குறிப்பினை வழங்கினார். 'திருக்குறளில் மனிதநேயம்' எனும் தலைப்பில் டாக்டர் ஆர். பிரபாகரன் ஆழ்ந்த ஆய்வுரையினை வழங்கினார். 'மனித நேயர்களின் பொறுப்புகள்' எனும் தலைப்பில் அமெரிக்க மதச்சார்பற்ற கூட்டணி அமைப்பினைச் சார்ந்த டெப்பி ஆலன் சிறப்புரை ஆற்றினார்.

- விடுதலை நாளேடு, 25.9.19

ஞாயிறு, 18 ஆகஸ்ட், 2019

நவம்பர் 16 இல் விருதுநகரில் பகுத்தறிவாளர் கழக பொன்விழா (50 ஆண்டு) மாபெரும் மாநாடு!

* சமுக ஊடக பிரச்சாரத்திற்கான  பயிற்சிப் பட்டறை
* அறிவியல் மனப்பான்மை வளர்க்க பிரச்சாரம்
மாநில ப.க. கூட்டத்தில் முக்கிய தீர்மானங்கள்
சென்னை, ஆக.18 விருதுநகரில் வரும் நவம்பர் 16 அன்று பகுத்தறிவாளர் கழகத்தின் பொன்விழா மாநாட்டைச் சீரும் சிறப்புமாக நடத்துவது உள்பட பல முக்கிய தீர்மானங்கள் நிறைவேற்றப் பட்டன.
சென்னை - பெரியார் திடலில் 17.08.2019 (சனிக் கிழமை) அன்று பகுத்தறிவாளர் கழகப் புரவலர் தமிழர் தலைவர் ஆசிரியர் அவர்களது தலைமையில் நடைபெற்ற பகுத்தறிவாளர் கழக, பகுத்தறிவு ஆசிரியரணி பொறுப்பாளர்களின் மாநில கலந்துரையாடல் கூட்டத்தில் நிறை வேற்றப்பட்ட தீர்மானங்கள்:
இரங்கல் தீர்மானம்
பகுத்தறிவாளர் கழகத்தின் துணைத் தலைவர் புதுவை மானமிகு மு. ந. நடராசன் 24.07.2019 அன்று வாகன விபத்தில் சிக்கி மருத்துவ சிகிச்சை அளிக்கப்பட்டு வந்த நிலையில் எதிர்பாராமல் காலமானார். பகுத்தறிவாளர் கழகத்திற்கு புதுவை மு.ந. நடராசன் அவர்கள் ஆற்றிய நீண்ட கால களப்பணி - குறிப்பாக தந்தை பெரியார்தம் கருத் துகளை சிறுசிறு பிரசுரங்களாக பொதுமக்களுக்கு தொடர்ந்து வழங்கிய பணி போற்றுதலுக்குரியது. அவரது மறைவிற்கு இந்தக் கூட்டம் ஆழ்ந்த இரங்கலை தெரிவித்து வீரவணக்கத்தினை செலுத்துகிறது.
தீர்மானம் எண் 1:
தேசிய கல்வி கொள்கைக்கு எதிர்ப்பு
பன்னெடுங்காலமாக கல்வி மறுக்கப்பட்டு வந்த ஒடுக்கப்பட்ட சமுதாயத்தினர் கடந்த சில ஆண்டு களாகத்தான் தந்தை பெரியார் ஆற்றிய சமுதாயப் பணியினால் கல்வி கற்று முன்னேறி வருகின்றனர். ஒடுக்கப்பட்டோர் சமத்துவ நிலை யினை எட்டுவதற்குத் தடங்கலாகவும், மீண்டும் வேதகால பாரம்பரியக் கல்வி முறையினை நுழைக்கும் விதமாகவும், கல்வி கற்றிடும் மாணவர்களைப் பாகுபடுத்தி மீண்டும் குடும்பத் தொழி லையையே மேற்கொள்ளும் வகையிலும் குலக்கல்விக்கு வித்திடுவதற்கு ஏதுவாக மத்திய அரசு கொண்டு வந்துள்ள தேசிய கல்விக் கொள்கை (2019) யினை இந்தக் கூட்டம் கடுமை யாக எதிர்க்கிறது. ஏற்கெனவே கல்விக் கொள்கை குறித்து கருத்துகளை மய்ய அரசுக்கு தெரிவித்த நிலை யிலும், கல்விக் கொள்கை நடைமுறையினால் வரும் ஆபத்தினை, கல்விப் புல பேரழிவினை விளக்கி மாவட்டம் தோறும் கருத்தரங்கங்களை உரிய கல்வி யாளர்களது, கருத்தாளர் களது பங்கேற்புடன் நடத்திட இந்தக் கலந்துரையாடல் கூட்டத்தில் முடிவு செய்யப் படுகிறது.
தீர்மானம் எண் 2:
பள்ளிக்கூடங்களில் மாணவர்கள் கையில் கயிறு கட்டிக் கொள்ளும்  வழக்கத்தினை நீக்குதல்
பள்ளிக் கூடங்களில் பயிலும் மாணவர்களி டையே ஜாதி அடையாளத்தைத் தூண்டுகின்ற வகையில் பல வண்ணங்களில் கயிறு கட்டிக் கொள்ளும் வழக்கத்தை தடுத்திட தமிழக அரசின் பள்ளிக் கல்வித்துறையே சுற்ற றிக்கை அனுப்பியது. தனக்குத் தெரியாமல் சுற்றறிக்கை வெளிவந்து விட்டது என துறையின் அமைச்சர் கூறியது ஜாதி பாகுபாட்டை கடைப்பிடித்திட வலியுறுத்துவதாகவே உள்ளதை இந்தக் கூட்டம் கண்டிக்கிறது.
இந்திய அரசியலமைப்புச் சட்டம் ‘தீண்டாமை ஒழிக்கப்பட்டு விட்டது’ என பறைசாற்றி வரும் நிலையில் ஜாதிமுறையே ஒழிக்கப்பட வேண்டும்; அதுதான் மக்களிடம் சமத்துவத்தை உருவாக் கிடும் எனும் தந்தை பெரியாரின் ஜாதி ஒழிப்புப் பற்றிய பிரச்சாரத்தை மேலும் வலுவாக நடத்திட இந்தக் கூட்டம் முடிவு செய்கிறது.
மேலும் பள்ளி மாணவர்கள் கையில் கயிறு கட்டுவதால் அந்த இடங்களில் கிருமிகள் தங்கி உடல் நலத்தை பாதித்துவிடும் என்பது அறிவியல் ஆய்வுகள் மூலம் தெரிய வந்துள்ளது. எனவே கையில் கயிறு கட்டுவது ஜாதி ஒழிப்பு, அறிவியல் விழிப்புணர்வு சார்ந்தவை என்ற நிலைகளில் அதுகுறித்து தீவிரப் பிரச்சாரம் மேற்கொள்ளப் பட வேண்டும்.
தீர்மானம் 3:
மூடநம்பிக்கை ஒழிப்பு
தீவிரப் பிரச்சாரம்
மூடநம்பிக்கை என்பது முளையிலேயே கிள்ளி எறியப்பட வேண்டியதாகும். மானுட முன் னேற்றத்திற்கு பெரும் தடையாக உள்ள மூட நம்பிக்கை ஒழிப்பு பற்றி தொடர் பிரச்சாரம் மேற்கொள்ளப்பட வேண்டும். குறிப் பாக மாண வர்கள், இளைஞர்கள் மத்தியில் மூடநம்பிக்கை ஒழிப்புப் பிரச்சாரம் முழுவீச்சில் நடைபெற வேண்டும். மூடநம்பிக்கை ஒழிப்புப் பிரச்சாரத் தில் அறிவியல் சார்ந்த கருத்துகளை எடுத் துரைத்து கேட்பவர் மனம் ஏற்றுக் கொள்ளும் வகையில் பிரச்சாரம் செய்திட வேண்டும். பகுத் தறிவு ஆசிரியரணியினர் மூடநம்பிக்கை ஒழிப் புப் பிரச்சாரத்தில் பெரும் கவனம் செலுத்திட முன்வர வேண்டும்.
அந்தந்தப் பகுதியில் நிலவிடும் மூடநம்பிக் கைகளை எதிர்த்து அறிவுப் பூர்வ பிரச்சாரத்தினை பகுத்தறிவு ஆசிரியரணி முதன்மைப் பணியாக ஏற்று நடத்திட வேண்டும் என இக்கூட்டம் முடிவு செய்கிறது.
தீர்மானம் எண் 4:
அறிவியல் மனப்பான்மையினை வளர்த்திட,
அறிவியல் சார்ந்த அணுகுமுறைக்கான
பிரச்சாரம்
இந்திய அரசியலைமைப்புச் சட்டம் அறிவியல் மனப்பான்மையினை வளர்ப்பதையும், எதையும் கேள் விக்கு உட்படுத்திப் பார்க்கும் அணுகுமுறையினையும் ஒவ்வொரு குடிமகனின் அடிப்படைக் கடமைகளுள் ஒன்றாகக் கூறுகிறது. அடிப்படைக் கடமையானது நடைமுறையாகிட மக்களிடம் அறிவியல் கண்ணோட்டம் பெருகிட வேண்டும். பழக்க வழக்கங்கள் நம்பிக்கை சார்ந்தது எனும் பழமைவாதம் மக்கள் மனதிலிருந்து நீக்கப்பட வேண்டும். மானுடம் வளர்ந்து முன்னேறியது நம்பிக்கை சார்ந்தவைகளால் அல்ல; அறிவியல் வளர்ச் சியே அதற்கு அடிப்படை எனும் உண்மை விளக்கப்பட வேண்டும். பகுத்தறிவாளர் கழகமும், ஆசிரி யரணியும் இணைந்து அறிவியல் அரங்கினை நடத்திடவும் சிறிய அளவில் அறிவியல் உண்மைகளை செயல் விளக்கங்கள் மூலமும் எடுத்துக் காட்டவும், சூரிய கிரகணம், சந்திர கிரகணம் பற்றிய நம்பிக்கை சார்ந்த மனநிலையினை வான அறிவியல் உண்மை கொண்டு விளக்கிடவும் அறிவியல் அறிஞர்களின் பிறந்த நாள்களை அறிவியல் மனப்பான்மை வளர்த் திடும் நிகழ்ச்சியாக நடத்திடவும் முன்வர வேண்டும்.
இந்தியாவிலிருந்து சந்திரனில் இறங்கிட ஆளில்லாத விண்கலமான சந்திராயான் 2 ஏவப்பட்டு வெற்றிகரமாக விண்வெளியில் பய ணித்து வருகிறது. சந்திராயன் 2 விண்கலம் சந்திரனில் இறங்கிடும் அந்த நிகழ்வினை வெற்றி விழாவாக அறிவியல் மனப்பான்மையினை வளர்த்திடும் விழாவாக நடத்தி பிரச்சாரப் பணியினை பகுத்தறிவு ஆசிரியரணி மேற்கொள்ள இந்தக் கூட்டத்தில் முடிவு செய்யப்படுகிறது.
தீர்மானம் எண் 5:
‘பெரியார் 1000’ வினா-விடை போட்டி நடத்துதல்
கடந்த காலங்களில் பகுத்தறிவாளர் கழக முன்னெ டுப்பில் ‘பெரியார் 1000’ வினா - விடை போட்டி தமிழகம் முழுவதிலும் உள்ள பல்வேறு பள்ளி மாணவ மாண வியர்க்கு நடத்தப்பட்டு ரொக்கப் பரிசுகள் வழங்கியதும், வெற்றி பெற்ற முதன்மையரை டில்லி வரை அறிவியல் சுற்றுலாவிற்கு அழைத்துச் சென்றதும் உண்டு. இந்த ஆண்டும் ‘பெரியார் 1000’ போட்டி நிகழ்ச்சிகளை பகுத் தறிவாளர் கழகமும், தஞ்சை-வல்லம் பெரியார் மணி யம்மை அறிவியல் தொழில்நுட்ப நிகர்நிலைப் பல்கலைக் கழகத்தின் பெரியார் சிந்தனை உயராய்வு மன்றமும் இணைந்து தமிழகமெங்கும் உள்ள பள்ளி மாணவர்களுக்கு நடத்திட திட்டமிடப்பட்டுள்ளது. 2019 அக்டோபர் 14-21 நாள்களில் தமிழகம் முழுவதும் போட்டியினை நடத்திடவும் முடிவு செய்யப்பட்டுள்ளது. பகுத்தறிவாளர் கழகப் பொறுப்பாளர்கள் அனைவரும் ‘பெரியார் 1000’ போட்டியினை அதிகமான அளவில் மாணவ மாணவியர் பங்கேற்றிடும் வகையில் நடத்தி முடித்திட இந்தக் கூட்டத்தில் தீர்மானிக்கப்படுகிறது.
தீர்மானம் எண் 6:
பகுத்தறிவாளர் கழக
பொன்விழா மாநாடு (1970-2019)
மிகவும் தொலைநோக்குடன் அலுவலகப் பணிபுரி வோரும் பகுத்தறிவு, அறிவியல் மனப்பான்மை வளர்ச்சிப் பணிகளில் ஈடுபட என 1970 ஆம் ஆண்டு நவம்பர் 20 ஆம் நாள் மாநில அரசு அங்கீகாரத்துடன் பகுத்தறிவாளர் கழகத்தினை தந்தை பெரியார் தொடங்கினார். தொடக்க நாள் முதற்கொண்டு பகுத்தறிவாளர் கழகத்தின் புரவலராக இருந்து தமிழர் தலைவர் ஆசிரியர் அவர்கள் வழிகாட்டி நடத்தி வருகிறார். அரசு உயர்நிலைப் பணிக்கு வந்த பல அய்.ஏ.எஸ். அதிகாரிகள், துணைவேந்தர் பொறுப்பிற்கு வந்த கல்வியாளர்கள், அறிஞர் பெருமக்கள் உறுப்பி னர்களாகவும் பொறுப்பாளர்களாகவும் இருந்து பணி யாற்றிய அமைப்பு பகுத்தறிவாளர் கழகமாகும். பிற மாநி லங்களோடு ஒப்பிடும்பொழுது பகுத்தறிவு, மூடநம்பிக்கை ஒழிப்பு ஆகிய தளங்களில் தமிழ்நாடு மட்டும் முன்ன ணியில் இருப்பதற்கு பகுத்தறிவாளர் கழகம் ஆற்றிவரும் பணியும் ஒரு முக்கிய காரணமாகும். அத்தகைய கழகம் அய்ம்பதாவது ஆண்டில் அடிஎடுத்து வைக்கிறது.
பகுத்தறிவாளர் கழகத்தின் பொன் விழாவினை விருதுநகரில் இந்த ஆண்டு நவம்பர் 16 ஆம் நாள் நடத்திட முடிவு செய்யப்படுகிறது. பகுத்தறிவாளர் கழகத்தின் அய்ம்பது ஆண்டுகால சாதனைகளை பறைசாற்றும் நிகழ்ச்சியாக பொன்விழா நடைபெற உள்ளது. பகுத்தறி வாளர் கழகம், பகுத்தறிவு ஆசிரியரணி, பகுத்தறிவு எழுத்தாளர் மன்றம் ஆகிய மூன்று அணியினைச் சார்ந்தோர் முழுமையான ஈடுபாட்டுடன் குடும்ப விழா போல பொன்விழாவினை சிறப்பாக நடத்திட வேண்டும் என இந்தக் கூட்டத்தில் தீர்மானிக்கப்படுகிறது.
தீர்மானம் எண் 7:
அமெரிக்கா - வாஷிங்டன், மேரிலேண்டில்
சுயமரியாதை மனிதநேய பன்னாட்டு மாநாடு
தந்தை பெரியாரின் கொள்கைகளை உலகமயப் படுத்திடும் பணிகளுள் ஒன்றாக பன்னாட்டு பெரியார் சுயமரியாதை இயக்க மாநாடுகள் இரண்டு ஆண்டுகளுக்கு ஒருமுறை நடத்தப்பட்டு வருகின்றன. 2017 ஆம் ஆண்டு ஜெர்மனி-கோலோன் பல்கலைக் கழகத்தில் முதலாம் பன்னாட்டு மாநாடு நடைபெற்றது. இரண்டாம் பன்னாட்டு மாநாடு அமெரிக்கத் தலைநகர் வாஷிங்டன் D.C. - மேரிலாந்தில் 2019 செப்டம்பர் 21 & 22 ஆகிய நாள்களில் நடைபெற உள்ளது. ‘மனிதநேயமும் சுயமரியாதையும்’ என்பதை மய்யக் கருத்தாகக் கொண்டு நடைபெறும் அமெரிக்க மாநாட்டினை அமெரிக்க மனிதநேயர் அமைப் பும் (American Humanist Association), பெரியார் பன்னாட்டு மய்யமும் (Periyar International, USA) இணைந்து நடத்திட உள்ளன. ‘சுயமரியாதைமிகு மனிதநேயம்’ (Self Respective Humanism) உலகமெலாம் பரவிட வகை செய்திடும் வகையில் மாநாட்டு ஏற்பாடுகள் நடைபெற்று வருகின்றன. அமெரிக்க பன்னாட்டு சுயமரியாதை மனிதநேய மாநாடு வெற்றிகரமாக நடைபெற இந்தக் கூட்டம் ஆதரவினையும், வாழ்த்துகளையும் தெரிவித்துக் கொள்கிறது.
தீர்மானம் எண் 8:
ஜனவரி 2020 இல் விஜயவாடாவில்
நாத்திகர் உலக மாநாடு
ஆந்திர மாநிலம் விஜயவாடாவில் உள்ள நாத்திகர் மய்யத்தினர் தொடர்ந்து உலக நாத்திகர் மாநாட்டை நடத்தி வருகின்றனர். திராவிடர் கழகம், பகுத்தறிவாளர் கழகத்துடன் இணைந்து திருச்சியில் 2011 & 2019 ஆம் ஆண்டுகளில் உலக நாத்திகர் மாநாடு வெகுசிறப்பாக நடத்தப்பட்டது. அடுத்த உலக நாத்திகர் மாநாடு ஜனவரி 4-5, 2020 ஆகிய நாள்களில் விஜயவாடாவில் நடை பெறவுள்ளது. நமது புரவலர் தமிழர் தலைவர் 2020 - உலக நாத்திகர் மாநாட்டை தொடங்கி வைத்து உரையாற்றுகிறார். பகுத்தறிவாளர் கழகம், பகுத்தறிவு ஆசிரியரணி மற்றும் பகுத்தறிவு எழுத்தாளர் மன்றம் ஒவ்வொரு முறையும் விஜயவாடாவில் நடைபெறும் உலக நாத்திகர் மாநாட் டிற்கு பெரும் எண்ணிக்கையில் பேராளர்களாக பங் கேற்பது வழக்கமே. வர இருக்கின்ற உலக நாத்திகர் மாநாட்டிலும் தோழர்கள் பெருமளவில் பங்கேற்று பல் வேறு நாடுகளிலிருந்து வருகை தரவுள்ள நாத்திகர் அமைப்பினருடன் கலந்துறவாடும் வகையில் இப்பொழு திருந்தே ஆயத்தப் பணிகளைத் தொடங்கிடவும் இந்தக் கூட்டம் முடிவு செய்கிறது.
தீர்மானம் எண் 9:
‘மந்திரமா? தந்திரமா?’
பயிற்சிப் பட்டறை
பகுத்தறிவுப் பிரச்சாரத்தினை நேரடியான கருத்தியல் அழுத்தத்துடன் மேற்கொள்வதோடு, நடைமுறை பழக் கத்தினை சுட்டிக் காட்டி மக்களிடம் பகுத்தறிவு உணர் வினை மேம்படச் செய்யும் பிரச்சார அணுகுமுறைகளுள் ஒன்று, ‘மந்திரமா? தந்திரமா?’ நிகழ்ச்சி ஆகும். ‘மந்திரமா? தந்திரமா?’ நிகழ்ச்சியினை நடத்திட ஒவ்வொரு மாவட்டத்திலும் மாஜிக் நடத்திடும் நிபுணர்களை உருவாக்கிட வேண்டும். ‘மந்திரமா? தந்திரமா?’ நிகழ்ச்சியினை நடத்திடுவதற்கு முறையான பயிற்சியினை வழங்கிட மாநில அளவில் பட்டறை நடத்தப்படவுள்ளது. அந்தப் பயிற்சிப் பட்டறையில் பங்கேற்றிட உரியவர்களை அந்தந்தப் பகுதியில் உள்ள பொறுப்பாளர்கள் தெரிந் தெடுத்து அனுப்பிடவும், பயிற்சி பெற்றோரை தொடர்ந்து பழக்கப்படுத்தி அதன் மூலம் ‘மந்திரமா? தந்திரமா?’ நிகழ்ச்சி அந்தப் பகுதியில் நடைபெறும் பிரச்சாரக் கூட்டத்திலும் தவறாமல் இடம்பெற வேண்டும் என இந்தக் கூட்டத்தில் முடிவு செய்யப்படுகிறது.
தீர்மானம் எண் 10:
போலி அறிவியலை தூக்கிப் பிடிக்கும்
காவிக்கட்சி ஆட்சியாளர்கள்
சங்கப் பரிவாரக் கட்சியினைச் சார்ந்த அமைச்சர்கள் - மத்திய அரசிலும் மாநில அரசுகளிலும் இன்று உள்ளோர், நேற்று இருந்தோர் எனப் பலரும் அறிவியலுக்குப் புறம் பாக வெறும் புராண அடிப்படையில், வெறும் நம்பிக்கை சார்ந்த, தாம் பழக்க வழக்கத்தில் கடைப்பிடிக்கிறோம் என்பதற்காக பல்வேறு போலி அறிவியல் (pseudo science) கருத்துகளை அவ்வப்போது வெளிப்படுத்தி வருகின்றனர். அண்மையில் ராஜஸ்தான் மாநில பா.ஜ.க. மேனாள் அமைச்சர் அறிவியலுக்குப் புறம்பாக பசுமாடு மூச்சை வெளிவிடும் பொழுது ஆக்ஸிஜனை அளிக்கிறது என்ற கருத்தினை வெளியிட்டுள்ளார். மத்தியப் பிரதேச மாநில பா.ஜ.க. நாடாளுமன்ற உறுப்பினர் பிரக்யாசிங் தாகூர், ‘பசு மூத்திரம்’, மகளிரின் மார்பகப் புற்றுநோயை குணப்படுத்தக் கூடிய மருத்துவப் பண்பு உடையது என கூச்சமில்லாமல் கூறிவருகிறார்.
இவர்களது ஒரே நோக்கம் ‘பசுமாட்டு’ மகாத்மியத்தை தூக்கிப் பிடித்து ‘இந்துத்துவா’ கருத்திற்கு வலுசேர்த்திட வேண்டும் என்பதே. இத்தகைய போலி அறிவியல் கருத்துகளை எதிர்த்துப் பிரச்சாரம் செய்து, மக்களிடம் எடுத்துச் சென்று அறிவியல் சார்ந்த சிந்தனைகளை பெருக்கிடவும், ஆட்சியாளர்களிடம் குடிகொண்டுள்ள பிற்போக்குத் தனமான கருத்துகளை முறியடித்திடவும் இந்தக் கூட்டம் முடிவு செய்கிறது.
தீர்மானம் எண் 11:
சமுக ஊடக வழி பிரச்சாரத்திற்கான
பயிற்சிப் பட்டறை:
சமுக ஊடகங்களில் உடனுக்குடன் செய்திகளைச் சென்று சேர்த்திடும் வழிமுறைகள் பல பெருகிவருகின்றன, முகநூல், சுட்டுரை, கட்செவி என பலதரப்பட்ட சமுக ஊடகங்களில் பகுத்தறிவாளர் கழகத் தோழர்கள் கருத்துப் பதிவினை மேற்கொண்டு வருகின்றனர். இத்தகைய தோழர்களை நெறிப்படுத்திடவும், புதிய தோழர்கள் பங்கேற்று பிரச்சாரம் செய்திடவும் சமுக ஊடகப் பயிற்சி பட்டறையினை நடத்துவது என இந்தக் கூட்டம் முடிவு செய்கிறது. ஒவ்வொரு பகுதியிலும் ஈடுபாடு கொள்ளச் செய்திடும் வகையில் பயிற்சியாளரைத் தெரிந்தெடுத் திடவும், பயிற்சிப்பட்டறையினை இவ்வாண்டு இறுதிக் குள் நடத்திடவும் இக்கூட்டத்தில் முடிவு செய்யப்படுகிறது.
தீர்மானம் எண் 12:
இயக்க ஏடுகளுக்கு சந்தா சேர்த்தல்,‘The Modern Rationalist’
ஏடு சந்தா சேர்ப்பு இயக்க நிறைவு
தந்தை பெரியார் நிறுவிய இயக்கத்திற்கு உள்ள பிரச்சாரப் பலங்களுள் முதன்மையானது பத்திரிகைக் கட்டமைப்பு ஆகும் - நாளிதழ், மாதமிருமுறை, மாத ஏடுகள் நடத்துவது. ‘விடுதலை’, ‘உண்மை’, ‘பெரியார் பிஞ்சு’ என ஒவ்வொரு ஏடும் பிரச்சாரத் தன்மையில் தனித்துவம் கொண்டவை; நீடித்த, நிலைந்த பகுத்தறிவுக் கருத்தியலை உருவாக்கிட வல்லவை. பெரியார் சுயமரி யாதைப் பிரச்சார நிறுவனம் சார்பாக வெளியிடப்படும் இந்த ஏடுகளுக்கு சந்தா சேர்க்கும் பணியினை இயல்பான தொடர்பணியாக பகுத்தறிவாளர் கழக, ஆசிரியரணி பொறுப்பாளர்கள், தோழர்கள் மேற்கொள்ள வேண்டும். நம் இயக்கத்தின் ஒரே ஆங்கில ஏடான ‘The Modern Rationalist’ க்கு சந்தா சேர்த்திடும் சிறப்புப் பணி ஏற்கனவே தொடங்கப்பட்டு விட்டது. அந்தந்தப் பகுதியில் எட்டப்பட வேண்டிய சந்தா அளவும் தெரிவித்தாகிவிட்டது. தொடர்ந்து விஸி சந்தா சேர்க்கும் பணியினைச் செய்து தந்தை பெரியாரின் 140-ஆம் பிறந்த நாளில் (செப்டம்பர் 17, 2019) நிறைவாக முடித்து தலைமையிடத்தில் சந்தா சேர்த்த விவரங்களை அளித்திட இந்தக் கூட்டத்தில் முடிவு செய்யப்படுகிறது.
தீர்மானம் எண் 13:
மோடி அவர்களின் மக்கள் தொகைக் கட்டுப்பாட்டை வலியுறுத்திடும் உரை
எந்த ஒரு பொருளாதார வளர்ச்சித் திட்டமும் மக்கள் தொகை கட்டுக்குள் இருக்கும் நிலையில்தான் முழு அளவில் பலனளிக்கும். இதை தொலைநோக்குப் பார் வையுடன், அன்றைய பிரிட்டிஷ் ஆட்சி கவனம் செலுத் தாத காலத்திலேயே மக்கள் தொகையினை கட்டுக்குள் வைத்திருக்க வேண்டும்; அதைவிட பெண்களின் விடுதலைக்கு ‘கர்ப்ப ஆட்சி’ என்பது அவர்களை முன்னேற்ற வாழ்விற்கு பயன்பட வேண்டும்; என குடும்பக்கட்டுப்பாட்டினை வலியுறுத்தி 1930-களிலேயே தந்தை பெரியார் தமது கூட்டங்களிளெல்லாம் பிரச்சாரம் செய்து வந்தார். அதன் முழுப் பலனை இப்பொழுது தமிழ்நாடு பெற்று வருகிறது.
இருப்பினும் மத அடிப்படையில் மக்கள்தொகைப் பெருக்கம் வேண்டி இந்துத்துவவாதிகள் இந்துக்கள் அதிக எண்ணிக்கை அளவில் குழந்தைகளைப் பெற்றுக் கொள்ள வேண்டும் என வெளிப்படையாக பேசி வருகின்றனர். மத்திய அரசு எடுத்துவரும் பொருளாதார வளர்ச்சித் திட்டங்களின் முழுப்பயன் நாட்டு மக்களுக்கு கிடைக்காத வகையில் தடைபோட்டு வருகிறார்கள்.
மதவாதிகளின் இந்தப் பிரச்சாரத்திற்கு எதிராக தந்தை பெரியார் வலியுறுத்தி வந்த மக்கள் தொகை கட்டுப்பாட்டை ஆதரிக்கும் வகையில் நாட்டின் பிரதமர் நரேந்திரமோடி அவர்கள் இந்த ஆண்டு விடுதலை நாளில் டில்லி செங்கோட்டையில் தேசியக்கொடியினை ஏற்றி வைத்து உரையாற்றிடும் பொழுது ‘மக்கள் தொகை கட்டுப்பாடு முன்னுரிமை அளிக்கப்பட வேண்டியது’ என்பதாகக் குறிப்பிட்டுள்ளார்.
பிரதமர் மோடி அவர்களின் மக்கள் தொகைக் கட்டுப் பாட்டை வலியுறுத்திடும் பேச்சினை இந்தக் கூட்டம் பெரிதும் வரவேற்கிறது.
அந்த வகையில் மத்திய அரசின் குடும்பக்கட்டுப்பாடு உள்ளிட்ட மக்கள் நல்வாழ்வுத் திட்டங்கள் வலுவாக நடைமுறைப்படுத்தப்படவேண்டும் என்றும் இந்தக் கூட்டம் கேட்டுக் கொள்கிறது.

பகுத்தறிவாளர் கழக, பகுத்தறிவு ஆசிரியரணி மாநில கலந்துரையாடல்

சென்னை, ஆக. 18- பகுத்தறி வாளர் கழகம், பகுத்தறிவு ஆசிரியரணி மாநில அள விலான கலந்துரையாடல் கூட்டம் 17.8.2019 அன்று முற்பகல் 11 மணிக்கு சென்னை, பெரியார் திடலில் பகுத்தறிவாளர் கழகப் புர வலர் தமிழர் தலைவர் ஆசிரி யர் கி.வீரமணி அவர்கள் தலைமையில் நடந்தது.
ஆசிரியரணி மாநில அமைப்பாளர் எஸ்.அருள் செல்வன் வரவேற்புரையாற் றினார். கூட்டத்தில் பழனி மாவட்ட ப.க தலைவர் ச.திராவிடச்செல்வன், வட சென்னை மாவட்ட தலைவர் கோவி.கோபால், தென் சென்னை மாவட்ட தலைவர் மு.இரா.மாணிக்கம், தாம் பரம் மாவட்ட செயலாளர் அ.சிவக்குமார், தென் சென்னை மாவட்ட செயலா ளர் பா.வேணுகோபால், திரு வள்ளூர் மாவட்ட செயலா ளர் சி.நீ.வீரமணி, தலைவர் கி.எழில், புதுச்சேரி தலைவர் கு.ரஞ்சித்குமார், செயலாளர் நெ.நடராசன், மேட்டூர் தலைவர் கோவி.அன்புமதி, கும்மிடிப்பூண்டி செயலாளர் டி.இருதயராஜ், மயிலாடு துறை செயலாளர் அ.சாமி துரை, திருவாரூர் மாவட்ட தலைவர் இரா.சிவக்குமார், திருவாரூர் நகர தலைவர் சு.ராஜேஷ், ஆவடி மாவட்ட அமைப்பாளர் இரா.பகுத்த றிவு, திருவண்ணாமலை மாவட்ட தலைவர் பா.வெங் கட்ராமன், செய்யாறு மாவட்ட தலைவர் வி.வெங் கட்ராமன், ஈரோடு தலைவர் ப.மோகனசுந்தர்ராஜ், லால் குடி மாவட்டம் மு.முத்து சாமி, ஆசிரியரணி தருமபுரி மாவட்ட தலைவர் இரெ.கிருட்டிணகிரி, லால்குடி தலைவர் அ.சண்முகம், பகுத் தறிவாளர் கழக மாநிலத் துணைத் தலைவர்கள் கா.நல்லதம்பி, கே.டி.சி.குருசாமி, அண்ணா.சரவணன், அ.தா. சண்முகசுந்தரம், அ.சரவ ணன், ச.மணிவண்ணன், தரும.வீரமணி ஆகியோர் பேசினார்கள். பகுத்தறிவா ளர் கழக மாநில பொருளாளர் சி.தமிழ்ச்செல்வன் உரையாற் றினார். மாநில பகுத்தறிவா ளர் கழக பொதுச் செயலாளர் இரா.தமிழ்ச்செல்வன் நிகழ்ச் சியை ஒருங்கிணைத்தார்.
மாநில பகுத்தறிவாளர் கழகத் தலைவர் மா.அழ கிரிசாமி தீர்மானங்களை முன்மொழிந்தார். திராவிடர் கழக பொருளாளர் வீ.குமரே சன், திராவிடர் கழக பொதுச் செயலாளர் வீ.அன்புராஜ், திராவிடர் கழகத் துணைத் தலைவர் கவிஞர் கலி.பூங் குன்றன் உரையாற்றினர். பகுத்தறிவாளர் கழகப் புர வலர் தமிழர் தலைவர் கி.வீர மணி அவர்கள் வழிகாட்டுதல் உரை வழங்கினார். மாநிலத் துணைத் தலைவர் கே.டி.சி. குருசாமி நன்றி கூறினார்.
பெரியார் ஆசிரியர் பயிற்சி நிறுவன மேனாள் மாணவர் ந.அண்ணாதுரை தலைமை ஆசிரியர் பதவி உயர்வு பெற்றதன் மகிழ்வாக தமிழர் தலைவர் ஆசிரியரவர் களுக்கு பயனாடை அணி வித்தார். கூட்டத்தில் அறிவிக் கப்பட்ட பொறுப்பாளர்கள்
புதுவை மாநிலம்
மாநில பகுத்தறிவாளர் கழகத் துணைத் தலைவர்: கு.ரஞ்சித் குமார் (புதுச்சேரி), புதுச்சேரி ப.க தலைவர்: நெ.நடராசன், புதுச்சேரி ப.க செயலாளர் கே.எம்.ராஜன்
சிதம்பரம் கழக மாவட்டம்
ப.க மாவட்ட தலைவர்: பூ.வே.அசோக்குமார், செய லாளர்: கே.செந்தில்குமார், அமைப்பாளர் ப.முனுசாமி
அரியலூர் மாவட்டம்
ப.க மாவட்ட தலைவர்: தங்க.சிவமூர்த்தி, செயலாளர்: துரை.சுதாகர், ஆசிரியரணி மாவட்ட தலைவர்: இரா.இராசேந்திரன், செயலாளர்: சீ.நீதிபதி
விழுப்புரம் மாவட்டம்
மாவட்ட ப.க தலைவர்: வே.ரகுநாதன், கல்லக்குறிச்சி மாவட்ட தலைவர்: பெ.எழி லரசன், மாவட்ட செயலாளர்: வீர.முருகேசன்
தென்சென்னை மாவட்டம்
மாவட்ட தலைவர்: மு. இரா.மாணிக்கம், செயலா ளர்: பா.வேணுகோபால்
ஆவடி மாவட்டம்
பகுத்தறிவாளர் கழக அமைப் பாளர்: இரா.பகுத்தறிவு
விடுதலை நாளேடு, 18.8.19