திங்கள், 31 ஆகஸ்ட், 2015


பெரியார் 1000 போட்டியினை மாபெரும் வெற்றிபெறச் செய்ய வேண்டும் என்பதற்காக சென்னை மண்டல பகுத்தறிவாளர் கழக கலந்துரையாடல் கூட்டம் சென்னை பெரியார் திடல் அன்னை மணியம்மையார் அரங்கில் நடைபெற்றது. பெரியார் 1000 போட்டியை வெற்றி பெறச் செய்ய பல்வேறு வழிமுறைகளையும் ஆலோசனைகளையம் எடுத்துரைத்து கழகப் பொதுச் செயலாளர் வீ.அன்புராஜ் உரையாற்றினார். நிகழ்ச்சியில் கழகத் துணைத் தலைவர் கவிஞர் கலி.பூங்குன்றன், ப.க. பொதுச் செயலாளர்கள் வீ.குமரேசன், மா.அழகிரிசாமி, ப.க. துணைத் தலைவர் கோ.ஒளிவண்ணன், அமைப்புச் செயலாளர் இரா.தமிழ்ச்செல்வன் மற்றும் சென்னை மண்டல ப.க. பொறுப்பாளர்கள் பங்கேற்றனர். (30.8.2015)
 -விடுதலை,30.8.15











.

சென்னை, செப். 10_ சென்னை மண்டல பகுத் தறிவாளர் கழக கலந்துரை யாடல் கூட்டம் ஆகஸ்ட் 30ஆம் தேதி காலை 11 மணியளவில் பெரியார் திடல் அன்னை மணியம் மையார் அரங்கத்தில் சிறப்பாக நடைப் பெற்றது. மாநில அமைப்புச் செயலாளர் இரா .தமிழ்ச் செல்வன் தலைமையில் கலந்துரையாடல் கூட்டம் நடைபெற்றது. முதலில் திருத்தணி மாவட்ட திரா விடர் கழகத் தலைவரும் செயல் வீரருமான சண் முகம் அவர்களின் மறை வுக்கு வீர வணக்கம் 2 மணித்துளிகள் அமைதி காத்தனர். வட சென்னை, தென் சென்னை, தாம்பரம், கும்மிடிபூண்டி மாவட்ட பகுத்தறிவாளர் கழகப் பொறுப்பாளர்களும், உறுப் பினர்களும் திரளாகக் கலந்துக் கொண்டனர்.
வடசென்னை மாவட்ட பகுத்தறிவாளர் கழகத் தலைவர் கோவி.கோபால் அனைவரையும் வரவேற்று உரையாற்றினார்.
தலைமையுரை ஆற்றிய இரா.தமிழ்ச் செல்வன் கூட்டத்தின் நோக்கத்தை விளக்கிப் பேசினார்.
மாநில பகுத்தறிவாளர் கழகப்  பொருளாளர் முனை வர் சி. தமிழ்ச் செல்வன் அவர்கள் , பகுத்தறிவாளர் கழகத்தின் செயல்பாடு எப்படி இருக்க வேண்டும் என்று விளக்கிக் கூறினார்.
மாநில பகுத்தறிவாளர் கழகப் பொதுச் செயலாளர் வீ. குமரேசன் பகுத்தறிவா ளர் கழகத்தின் செயல் திட் டங்களையும் முக்கியத்து வத்தையும் விளக்கி உரை யாற்றினார்.
மாநில பகுத்தறிவாளர் கழகப் பொதுச் செயலாளர் மா.அழகிரி சாமி அவர்கள் பகுத்தறிவாளர் கழகத் தினை கட்டமைப்பது குறித்து பேசினார்.
திராவிடர் கழகப் பொதுச் செயலாளர் வீ. அன்புராஜ் தனது உரை யில்: பெரியார் 1000 நிகழ் வின் அவசியம் குறித்தும், அதை எப்படி வெற்றியாக் குவது என்பது குறித்தும் விளக்கினார். மேலும் உலகப் பகுத்தறிவாளர்கள் மாநாடு ஜெர்மனியில் நடைபெறுவது பற்றியும் அதில் பகுத்தறிவாளர் கழ கத்தின் பங்கு குறித்தும் விளக்க உரை ஆற்றினார்.
திராவிடர் கழக துணைத்தலைவர் கவிஞர் கலி.பூங்குன்றன் அவர்கள் தனது உரையில்: பகுத்தறி வாளர் கழகத்தின் தோற்றம் வளர்ச்சி அதன் இன்றைய நிலைப பற்றிய தகவல் களை வழங்கினார். தந்தைப் பெரியாரின் நினைவலை களை பகிர்ந்து கொண்ட தோடு அதன் தேவைகளை யும் வலியுறுத்தினார். பெரியாரியம் என்றும் வெல்லும் எனப் பல்வேறு செய்திகளை கூறி , பகுத் தறிவாளர் கழகத்தின் பணி களை பட்டியலிட்டார்.
கூட்டத்தில் கீழ்க் கண்ட தீர்மானங்கள் நிறை வேற்றப்பட்டன.
1. திருத்தணி மாவட்ட திராவிடர் கழகத் தலைவ ரும் செயல் வீரருமான சண்முகம் அவர்களின் மறைவுக்கு ஆழ்ந்த இரங் கலைத் தெரிவித்துக் கொள்கின்றோம்.
2. பெரியார் 1000 நிகழ் வினை சென்னை மண்ட லத்தில் சிறப்பாக நடத்த உதவிட வேண்டும்.
3. கழக வெளியீடுக ளான விடுதலை, உண்மை, தி மாடர்ன் ரேசனலிஸ்ட், பெரியார் பிஞ்சு போன்ற இதழ்களுக்கு உறுப்பினர் சேர்ப்பது,
4. பகுத்தறிவாளர் கழ கத்திற்கு புதிய உறுப்பினர் களை சேர்ப்பது,
5. இரண்டு மாதத்திற்கு ஒருமுறை மாவட்ட கலந்து ரையாடல் கூட்டம் நடத் துவது,
6. பெரியார் பேசுகிறார் நிகழ்வினை மாதமொரு முறை நடத்துவது ,
என்பன போன்ற தீர் மானங்கள் தோழர்களின் ஆதரவுடன் நிறைவேற்றப் பட்டன.
கூட்டத்தில் பகுத்தறி வாளர் கழக மாநில துணைத் தலைவர் கோ.ஒளிவண் ணன், மண்டல திராவிடர் கழகச் செயலாளர் வி. பன்னீர்செல்வம், ஆவடி மாவட்ட திராவிடர் கழ கத் தலைவர் பா.தென்னரசு, தென் சென்னை மாவட்ட பகுத்தறிவாளர் கழகத் தலைவர் மருத்துவர் எஸ்.டி. இரத்தின சபாபதி, செயலாளர் பொறியாளர் திராவிடப் புரட்சி, வட சென்னை மாவட்ட திராவிடர் கழகத் தலைவர் வழக்கறிஞர் சு.குமாரதே வன், தென் சென்னை மாவட்ட செயலாளர் செ.ர. பார்த்தசாரதி, தாம்பரம் மாவட்ட பகுத்தறிவாளர் கழகத் தலைவர் அ.த. சண்முக சுந்தரம், செயலா ளர் ச.கமலக்கண்ணன், எல்.அய்.சி. வளர்ச்சி அதி காரி பெருமாள், வட சென்னை மாவட்ட பகுத் தறிவாளர் கழகச் செயலா ளர் ஆ.வெங்கடேசன், மாவட்ட அமைப்பாளர் பா.இராமு, துணைச் செயலாளர் வீ.இராச சேகர், வீ.இரவிக்குமார், தி. புருனோ, உடுமலை, தோழியர் மணிமேகலை, த. செல்வபாரதி, த.கோ. திலீபன், வேலவன், இர. வெற்றிச்செல்வன், சுழற் சங்கத்தைச் சார்ந்த நண்பர்கள் கார்த்திகேயன், வீ.அரசு, மற்றும் பல நண் பர்கள் கலந்து கொண்டனர்.
தென் சென்னை மாவட்ட பகுத்தறிவாளர் கழகச் செயலாளர் திராவிடப் புரட்சி நன்றி கூறினார்.
-விடுதலை,6.9.15

ஒடிசாவில் நாத்திகர்களின் வளர்ச்சி 280 சதவீதம்


புதுடில்லி, ஆக. 30 சில நாட்களுக்கு முன் இந்திய மக்கள் தெகை கணக்கெடுப்பு ஆணையம், 2011ஆம் ஆண்டு மத அடிப்படையில் எடுக்கப் பட்ட மக்கள் தொகை கணக்கெடுப்பு விவரங் களை வெளியிட்டது. இதில், இந்தியாவின் மக்கள் தொகை 121.09 என தெரிவிக்கப்பட்டுள் ளது.
மேலும், 2001 முதல் 2011 வரையிலான 10 ஆண்டுகளில் வெவ்வேறு மதங்களைச் சேர்ந்தவர் களின் எண்ணிக்கையில் ஏற்பட்டுள்ள மாற்றம் பற்றிய புள்ளி விபரமும் இதில் வெளியிடப்பட்டுள் ளது. இதில் முஸ்லிம் களின் மக்கள் தொகையா னது 0.8 சதவீதம் அதி கரித்து 13.8 கோடியி லிருந்து 17.22 கோடியாக அதிகரித்துள்ளது. அதே சமயம் இந்துகளின் வளர்ச்சி விகிதமானது 0.7 குறைந்துள்ளது என்று தெரியவந்ததால், அது பற்றி பல விவாதங்கள் நடந்து வருகிறது. ஆனால் இதில் ஒடிசா மாநிலம் பற்றி ஒரு சுவராசியமான செய்தி வெளிவந்துள்ளது. 2001 முதல் 2011 வரையிலான 10 ஆண்டுகளில் அந்த மாநிலத்தில் நாத்திகர் களின் வளர்ச்சி 280 சதவீதம் என தெரிய வந் துள்ளது. அம்மாநிலத்தில் நாத்திகர் மக்கள் தெகை 2001-ல் வெறும் 20,195 இருந்துள்ளது. அதே சமயம் 2011-ல் 76,919 ஆக வளர்ந்துள்ளது.
-விடுதலை,30.8.15

பென்சில்வேனியாவில் 3 நாள்கள் நாத்திகர் மாநாடு

பென்சில்வேனியா, ஹாரிஸ்பர்க்கில் கடவுள் நம்பிக்கையற்றவர்களின் 3 நாள்கள் மாநாடு

நாத்திகர்கள், மனிதநேயர் கள் மாநாடு பென்சில்வேனி யாவில் ஹாரிஸ்பர்க்கில் செப்டம்பர் 11 முதல் 13ஆம் தேதி முடிய பெஸ்ட் வெஸ் டர்ன் பிரிமியர் பகுதியில் உள்ள தி சென்ட்ரல் விடுதி யிலும், 800 ஈ பார்க் டிரைவ் கான்பெரன்ஸ் சென்டரிலும் நடைபெறுகிறது.
கடவுள் நம்பிக்கை இல்லாத வர்கள் அல்லது கடவுள் இருக்கிறதா என்று அய்யப்பாட்டில் உள்ளவர்கள்  ஆகியோர் கூடுகின்றனர். அதே நேரத் தில் கடந்த சில ஆண்டுகளில், நாடுமுழுவதும் நாத்திகர்கள், கடவுள் கவலை அற்றவர்களின் எண்ணிக்கை அதிகரித்துவருகிறது.
லாண்ட்காஸ்டர் நகரில் மட்டும் இரண்டு பிரிவினராக நாத்திகர்கள், கடவுள் கவலையற்றவர்கள், கடவுள் நம்பிக்கைகளில் அய்யப்படுபவர்கள் மற்றும் சுதந்திர சிந்தனையாளர்கள் இருக்கிறார்கள். நான்கு ஆண்டு களுக்கு முன் தோற்றுவிக்கப்பட்ட அமைப்புடன் மண்டல மத்திய பென் சில்வேனியா குழு இணைந்து மாதாந் திர சந்திப்பு லாண்ட்காஸ்டரில் நடைபெற்றுவருகிறது.
அந்த சந்திப்புகளைத் தொடர்ந்து மதத் தொடர்பற்றவர்கள், கடவுள் நம்பிக்கையற்றவர்கள் எண்ணிக்கை அதிகரித்து வருகிறது. பியூ புள்ளி விவரத்தின்படி, 2007ஆம் ஆண்டில்   16.1 விழுக்காடாக இருந்தவர்களின் எண்ணிக்கை 2014ஆம் ஆண்டில் 22.8 விழுக்காடாக அதிகரித்தது.
இந்த மாற்றங்கள் நடைபெற்று வரும் அதேநேரத்தில், இரு குழுக் களில் மூத்த குழுவாக உள்ள லாண்ட்காஸ்டர் சுதந்திர சிந்தனைச் சங்கத்தின் நிறுவனத் தலைவர் ஸ்காட் ரொஹோடிஸ் மற்றும் பென்சில்வேனியா கடவுள் நம்பிக்கை யற்றவர்கள் அமைப்பின் தலைவர் பிரெயின் ஃபீல்ட்ஸ் ஏற்பாட்டின்படி, ஹாரிஸ்பர்க் நகரில் 2012 ஆம் ஆண்டு முதல் முறையாக பென்சில் வேனியாவில் கடவுள் நம்பிக்கையற்ற வர்களின் கூட்டம் நடைபெற்றது.
ஹாரிஸ்பர்க்கில் மாநாடு
ஹாரிஸ்பர்க் மாநில அளவிலான மாநாடுகள் 2013ஆம் ஆண்டு பிலடெல்பியாவிலும், 2014ஆம் ஆண்டு பிட்ஸ்பர்க்கிலும் நடை பெற்றது. 2015ஆம் ஆண்டில் மாநில நாத்திகர்கள், மனிதநேயர்கள் மாநாடு பென்சில்வேனியாவில் ஹாரிஸ்பர்க் கில் செப்டம்பர் 11 முதல் 13ஆம் தேதி முடிய பெஸ்ட் வெஸ்டர்ன் பிரிமியர் பகுதியில் உள்ள தி சென்ட்ரல் விடுதி யிலும், 800 ஈ பார்க் டிரைவ் கான் பெரன்ஸ் சென்டரிலும் நடைபெறு கிறது.
மூன்று நாள்கள் நடைபெறுகின்ற மாநாட்டில் செயற்பாட்டாளர்கள், எழுத்தாளர்கள் ஏராளமானவர்கள் பேசுகிறார்கள். இசை, நகைச்சுவை மற்றும் கவிதை உள்ளிட்ட பொழுது போக்கு நிகழ்ச்சிகளும் நடைபெறு கின்றன. லாண்ட்காஸ்டர் நகரில் உருவாகியுள்ள புதிய குழுவான ஏஎஸ்கே   (நாத்திகம், சமய நம்பிக் கையில்லாத அறிவுசார் அமைப்பு) பகுத்தறிவான எதிர்காலத்தை நோக்கி என்கிற தலைப்பில் கருத் தரங்க ஆய்வரங்கம் நடைபெறுகிறது.
மதத்திலிருந்து மீட்சி என்கிற அமைப்பின் செயல் இயக்குநர் சாரா மோர்ஹெட் முக்கிய பேச்சாளராக பேசுகிறார். இவர் வாஷிங்டன் டிசியில் நடத்த உத்தேசித்துள்ள  காரணங் களை ஆராயும் கூட்டத்துக்கான திட்டமிடலில் இணைந்து பணியாற்றி வருபவரும் ஆவார்.
மாநாட்டின் செயல் இயக்குநர் பொறுப்பேற்று  ஃபீல்ட்ஸ் உடன் இணைந்து செயல்பட்டுவருபவரான  ரொஹோடிஸ் கூறுகையில், பென்சில் வேனியாவில் உள்ள நாத்திகர்கள் மற்றும் மனிதநேயர்கள் ஆகியோர் இயக்க செயல்பாடுகள்குறித்து மேலும் அறிந்துகொள்ள வேண்டும் என்பதை நோக்கமாகக் கொண்டதாகும் என்றார்.
ஃபீல்ட்ஸ் கூறுகையில், கல்வி புகட்டல் மற்றும் பொழுதுபோக்கு களுடன் உள்ள கலவையாக, நாத்திக சமூகத்தில் தொடர்புடைய மற்ற பிரச்சினைகள் குறித்து பேசுவார்கள் பேச்சாளர்கள் என்றார்.
அதிகரித்துவரும் வருகைப்பதிவு
கடந்த மூன்று ஆண்டுகளில் நாத் திகர்கள் சந்திப்பு மற்றும் கூட்டங் களில் வருகைதருவோர் எண்ணிக்கை உயர்ந்த வண்ணம் உள்ளது. முதல் மாநாட்டில் 100 பேர் பங்கேற்றனர். இந்த ஆண்டில் இரண்டு மடங்கில் நாத்திகர்கள் பங்கேற்பார்கள் என்று குறிப்பிட்டனர்.
மாநாட்டின் முடிவில் குறிப்பிடத் தக்க நிகழ்வாக ஞாயிறு பிற்பகல் 3 மணியளவில் பட்டினியால் வாடுபவர் களுக்கான நாத்திகர்களின் சேவைத் திட்டம் செயல்படுத்தப்படுகிறது. தொண்டூழியர்கள் 22,818 பிரவுன் பை உணவு உணவுப் பொட்டலப்பைகள் பென்சில்வேனியா மத்திய உணவு வங்கிக்கு அளிக்கப்படுகிறது.
இத்திட்டத்துக்கு ஆதரவளிப்ப வர்கள் அளிக்கும் நிதி 5,700 டாலர் அதிகரித்துள்ளது. நம்பிக்கைகளுக்கு அப்பால் அறக்கட்டளையின் சார்பில் 250 டாலர் அளிக்கப்படுகிறது. 20 ஆயிரம் பேருக்கான உணவுக்கு 5 ஆயிரம் டாலர் என்கிற இலக்கைத் தாண்டி நிதி குவிந்துள்ளது.
அவுட்ரீச் அறக்கட்டளையின்மூல மாக உணவுப்பொட்டலத்தில் சோறு டன் பீன் கேஸ்ரோல்ஸ் வழங்கப்படு கிறது. இத்திட்டம் செயல்படுத்தப் படுவதற்கு முக்கியக் காரணம் பட்டி னிக்கு எதிராக போராட வேண்டும் என்பதையும் தாண்டி, நாத்திகர்கள் அறச்செயல்களை செய்யமாட்டார்கள் என்கிற கருத்துக்கு எதிராகவும் அமைந்துள்ளதாகும்.
ஃபீல்ட்ஸ் கூறுகையில், நாத்தி கர்கள் பலரும் எப்போதுமே பல ருக்கும் சமுதாய ரீதியில் உதவி புரிந்து வருபவர்களாக இருக்கிறார்கள். ஆனால், அதை எப்போதுமே வெளியே அவர்கள் சொல்லிக்கொள்வதில்லை என்றார். மாநாட்டில் பங்கேற்ப வர்கள்தான் உணவுப் பொட்டலங் களை உருவாக்குவார்கள். ஆனாலும், மற்ற தொண்டூழியர்கள் தேவைப்படும் போது ஏற்றுக்கொள்கிறார்கள்.
ரொஹோடிஸ் கூறுகையில், அவர் கள் எங்கள் கருத்துடன் ஒத்துப்போக மாட்டார்கள். என்றாலும், பட்டினிக்கு எதிராக செயல்படுப வர்கள். சர்ச்சுகளிலிருந்து வந்தார்கள் என்றாலும், நாங்கள் மகிழ்வுடன் அவர்களை வரவேற்று அவர்களுடன் இணைந்து மக்களுக்கு உணவளிப் போம் என்று குறிப்பிட்டார். தொண்டு செய்வதில் ஆர்வம் உள் ளவர்கள் அவர்கள் ஆர்வத்தின்படி தொண் டாற்றக் கேட்டுக் கொள்ளப்படு கிறார்கள். பென்சில்வேனியாவில் 3 நாள்கள் நடைபெறக்கூடிய நாத்திகர்கள் மாநாட்டு ஏற்பாடுகளில் நாத்திகர்கள், மனித நேயர்கள் பலரும் ஆர்வத் துடன் பணியாற்றி வருகின்றனர்.
-விடுதலை,31.8.15

ஞாயிறு, 30 ஆகஸ்ட், 2015

பகுத்தறிவாளர் கழகம் தொடக்கம்


-விடுதலை ஞா.ம.,29.8.15

இந்தியாவில் மதம், மதமற்றவர்களின் எண்ணிக்கை

திராவிடர் கழகத் தலைவரின் கருத்து

மின்சாரம்
சமீபத்தில் வெளியிடப்பட்டுள்ள மத ரீதியான கணக்கெடுப்பின்படி மத நம்பிக்கையற்றவர்கள் என்ற பகுதியும் திராவிடர்கழகத் தலைவர் வீரமணி அவர்களின் கோரிக்கைக்கு இணங்க சேர்க்கப்பட்டது.
இந்தியாவில் மத நம்பிக்கையற்ற வர்களின் எண்ணிக்கை மிகவும் வேகமாக அதிகரித்து வருகிறது, தற்போதுள்ள கணக் கெடுப்பின் படி இந்த எண்ணிக்கை குறைவு என்றாலும் வரும் காலங்களில் நான்கில் மூன்று பங்கு மதநம்பிக்கையற்றவர்கள் இந்தியாவில் இருப்பார்கள் என்று சமீபத்திய கணக்கெடுப்பு கூறுகிறது.
மக்கள் தொகைக் கணக்கெடுப்பு 2011-மத ரீதியான ஜாதி ரீதியான வகையில் நடை பெற்றது. திராவிடர் கழகத்தின் கோரிக் கையை ஏற்று ஜாதி மதம் என்ற பகுதியில் மதமறுப்பாளர் என்ற பகுதியும் சேர்க்கப் பட்டது.  121 கோடி மக்கள் தொகை கொண்ட இந்தியாவில் 28.7 லட்சம் நாத் திகர்கள் (கடவுள் மறுப்பாளர்) என்று இந்த பகுதியில் தங்களைப் பதிவுசெய்துள்ளனர்.
இதில் வியப்பிற்குரிய செய்தி நகரங் களை விட கிராமப்புறத்தில் உள்ளவர்கள் தான் அதிகம் கடவுள் மறுப்பாளராக உள்ளனர். கிராமப்புறப்பகுதியில் 16.45 லட்சம் நபர்கள் கடவுள் மறுப்பாளராக உள்ளனர். அதே நேரத்தில் படித்தவர்கள் அதிகம் உள்ள நகரப் பகுதியில் 12.24 லட்சம் பேர்கள் தங்களை கடவுள் மறுப்பாளராக பதிவுசெய்துள்ளனர்.
அதே போல் பெண்களும் ஆண் களுக்கு நிகராக மதமறுப்பாளராக மாறி வருகின்றனர். பெண்களின் 14.04 விழுக்காடு என்றால் ஆண்களில் 14.64 விழுக்காடாக பதிவு செய்துள்ளனர்.
திராவிடர் கழகத் தலைவரின் கருத்து
இதுகுறித்து திராவிடர் கழகத்தலைவர் ஆசிரியர் வீரமணி அவர்கள் மகிழ்ச் சியைத் தெரிவித்துள்ளார்.
அவர் கூறும் போது மதநம்பிக்கை யற்றவர்கள் என்ற கணக்கெடுப்பின் முடிவுகள் மிகவும் மகிழ்வடையச் செய்யும் செய்தியாகும், முதல் முறையாக எங்களது கோரிக்கைகளுக்கு மத்திய அரசு செவிசாய்த்து மதமற்றவர்கள் பிரிவையும் சேர்த்துள்ளது. இதன் பலனாக இன்று இந்தியாவில் மதமறுப்பாளர்களின் உணர்வும் வெளிப்பட்டுள்ளது.
இரு குறைபாடுகள்
மதநம்பிக்கையற்றவர்களின் எண்ணிக்கையில் இரண்டு குறைபாடுகள் உள்ளன. ஒன்று அரசிடம் மதமற்றவர்கள் என்ற பகுதிகுறித்து மக்களிடம் தெளிவாக தெரிவிக்க போதுமான பரப்புரைகள் செய் யப்படவில்லை, மேலும் மதநம்பிக்கை குறித்து மக்கள் வெளியே சொல்ல அஞ்சும் சூழ்நிலை இன்றும் உள்ளது.
எடுத்துக்காட்டாக கணவன் ஒரு மத நம்பிக்கையாளனாக இருந்தால் மனைவி மதநம்பிக்கையற்றவராக இருக்கும் கார ணத்தினால் கணவருக்கு மதிப்பளிக்கும் வகையில் தானும் மத நம்பிக்கையுள்ளவர் என்று பொய் கூறும் ஒரு சூழல் இந்தியா வில் உள்ளது.
இதே நிலைதான் கார்ப்ப ரேட் நிறுவனங்களில் பணிபுரியும் இளை யோரிடமும் உள்ளது. என்னைப் பொறுத்த வரை மதநம்பிக்கை யற்றவர்களின் எண் ணிக்கை மொத்த மக்கள் தொகையில் குறைந்த பட்சம் ஒரு சதவீதம் அல்லது அதற்கு மேல் இருக்கும் என்றும் கூறினார்.
கழகத் தலைவரின் இந்தக் கருத்தினை ‘தி டைம்ஸ் ஆஃப் இந்தியா’ (27.8.2015) வெளியிட்டுள்ளது.
-விடுதலை ஞாயிறு மலர்,29.8.15

திங்கள், 24 ஆகஸ்ட், 2015

நான் பெரியாரிஸ்ட் நடிகை குஷ்பூ


தந்தி தொலைக்காட்சி கேள்விக் கென்ன பதில் நிகழ்ச்சியில் நடிகையும் அகில இந்திய காங்கிரஸ் செய்தி தொடர்பாளருமான திருமதி குஷ்பூ சுந்தர் அவர்களிடம்  நெறியாளர் ரங்கராஜ் பாண்டே கேட்டது
கேள்வி: வடக்கில் இருந்த வந்த நீங்கள் தமிழகத்தில் அரசியலில் இறங்கும்போது ஏன் தி.மு.க.வில் இணைந்தீர்கள்?
திருமதி குஷ்பூ: நான் மத சார்பற்றவள், என்னுடைய கொள் கைகளுக்கு ஒத்துப்போகும் கட்சியாக திராவிட முன்னேற்ற கழகத்தை பார்த்தேன்.
காரணம் நான் பெரியார் பாலோயர், நான் பெரியாரிஸ்ட் எனவே அதில் சேர்ந்தேன். மேலும், எளிதில் சந்திக்கும் தலைமையை கொண்ட இயக்கமாகவும், என் னுடைய திட்டங்களுக்கு செயல் வடிவம் கொடுக்கும் கட்சியாகவும் தி.மு.க.இருந்தது,
(இந்த பதிலை சொல்லியதும் ரங்கராஜ் பாண்டே முகத்தில் ஒரு குத்து விழுந்தது போல இருந்தது)
மேலும் பி.ஜே.பி.யில் சேரப் போவதாக செய்தி உலவிய நேரத் தில் ஏன் காங்கிரஸ் கட்சியில் சேர்ந் தீர்கள்? என்று பாண்டே கேட்டார்.
உடன் சற்றும் தாமதிக்காமல் பதில் சொன்னார் குஷ்பூ,
பி.ஜே.பி. ஒரு மதம் மட்டுமே இருக்க வேண்டும் என்று சொல்கிற கட்சி,அதுவும் இந்து மதம் மட்டுமே இருக்க வேண்டும் என்று சொல்கிற கட்சி, எனக்கு அது ஒத்து வராது, என்னுடைய கொள்கைகளுக்கு உடன்படாத கட்சியில் நான் எப்படி சேர முடியும்.
இவ்வாறு பேசினார்.
(09.08.2015 ஞாயிறு இரவு தந்தி தொலைக்காட்சியில் ஒளிபரப்பான கேள்விக்கென்ன பதில் பேட்டியில்)
தகவல்: தி.என்னாரெசு பிராட்லா, காரைக்குடி
-விடுதலை ஞா.ம.,16.8.15

அயோவா நாத்திகக் குழு


தாவென்போர்ட், நவ.16- தாவென்போர்ட் பகுதி களில் விளம்பரப் பல கைகள் அமைப்பதற்கு இரு குழுக்கள் பொறுப் பேற்றுக் கொண்டுள்ளன.  அயோவா மற்றும் டி மொயின்  நகரங்களில் நாத்திகர்கள், மதம் மற்றும் கடவுள் நம் பிக்கை அற்றவர்களாக உள்ளவர்கள் தங்களை வெளிப்படுத்திக் கொள் ளுவதற்கு வாய்ப்பாக விளம்பர பலகைகள் அமைக்கப்பட்டுள்ளன.
அயோவா நாட்டில் மத்திய அயோவா மற்றும் கிழக்கு அயோவா இணைக் கும் வகையில் கிரேட்டர் குவாட் சிட்டியில் உள்ள மத சார்பற்ற மனித நேயர்கள் மற்றும் மத மற்றவர்களின் 13 குழுக் கள் கூட்டாக இணைந்து செயலாற்றி உள்ளனர்.
விளம்பரப்பலகைகளில் கடவுள் இல்லை, நாம் இருக்கிறோம் என்று வாசகம் இடம் பெற்றுள் ளது. நாத்திகக்குழுக்களின் கிழக்கு அயோவா கூட் டிணைவுக்கான காரணம் குறித்து  பீட்டர் நோத் தனாகிள் என்பவர்  கூறும் போது, விளம்பரப் பலகைகள் அமைப்பதன் நோக்கம் நாத்திகர்களாக, மதமற்றவர்களாக, கடவுள் நம்பிக்கை இல் லாதவர்களாக உள்ளவர் களுடன் ஒத்த சிந்தனை உள்ளவர்கள் தங்களைச் சுற்றிலும் நீண்ட காலமாக இருக்கிறார்கள் என்பதை அறிவிப்பதற்காகவே விளம்பரப்பலகைகள் அமைக்கப்படுகின்றன என்று கூறினார்.
வாஷிங்டனை மய்யமாகக் கொண்டுள்ள நாத்திக அமைப்புகளின் காரணங்களுக்கான கூட்டணிமூலம் விளம் பரப்பலகைகள் அமைப் பதற்காக 10,000 அமெரிக்க டாலர் தொகை ஒதுக்கப் பட்டுள்ளது குறிப்பிடத் தக்கது.
-விடுதலை,16.11.14

.