திங்கள், 10 ஜூன், 2019

2020 ஆம் ஆண்டு பகுத்தறிவாளர் கழகத்தின் பொன்விழா ஆண்டு மூன்று நாள்கள் மிக விரிவாக நடத்திடத் திட்டமிடுவோம்!

பகுத்தறிவாளர் கழகப் புரவலர் ஆசிரியர் அறிவிப்பு




தஞ்சை, ஜூன் 10   பகுத்தறிவாளர் பயிற்சிப் பட்டறைக்கு 70 பேர் வந்துள்ளீர்கள் பயிற்சிக்கு என்றால், தலா 10 பேர் என்று கணக்கிட்டு அதனை 700 ஆக வளர்க்கவேண்டும் என்றார் திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள்.

பகுத்தறிவாளர் கழகக் கலந்துரையாடல்


19.5.2019 அன்று  தஞ்சையில் நடைபெற்ற பகுத்தறி வாளர் கழகக் கலந்துரையாடல் கூட்டத்தில் திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள் உரையாற்றினார்.  7.6.2019 அன்று விடுதலை'யில்  வெளிவந்த அவரது  உரையின் தொடர்ச்சி வருமாறு:

12 மாதங்களுக்கும் 12 நிகழ்ச்சிகள் தொடர்ச்சியாக இருக்கவேண்டும்


மாதம் மாதம் ஏதாவது ஒன்றைச் சொல்லி மதநம் பிக்கையை ஊட்டுகிறார்கள். இப்பொழுது அட்சய திருதியை என்று சொல்கிறார்கள். இதே முறையை நாம் செய்யவேண்டும். இந்த மாதம் இந்தக் கலந்துரையாடல், அடுத்த மாதம் அந்தக் கலந்துரையாடல் என்று ஒவ்வொரு மாதமும் ஒவ்வொரு கலந்துரையாடலை, சந்திப்பிற்கான ஏற்பாடுகளை செய்யவேண்டும். ஒவ்வொரு மாதமும், ஒவ்வொரு நிகழ்ச்சிகள் - 12 மாதங்களுக்கும் 12 நிகழ்ச்சிகள் தொடர்ச்சியாக இருக்கவேண்டும். ஒரு இயக்கம் என்றால், இயங்கிக் கொண்டே இருக்கவேண்டும்.

உங்களுக்கு ஒரு கேள்வி எழும் - என்னங்க தொடர்ந்து இயங்கிக் கொண்டே இருக்க முடியுமா? எங்களுக்கும் வேலையில்லையா? வியாபாரம் இல்லையா? உத்தி யோகம் இல்லையா? என்று நீங்கள் நினைக்கலாம். தயவு செய்து நீங்கள் நினைத்துப் பாருங்கள், இந்த வேலையை செய்வது மிகவும் சுலபம். எப்படி என்று கேட்டால், நெட் ஓர்க்கிங் - ஒருவரே எல்லோரையும் அழைத்துக் கொண் டிருக்கக்கூடாது. உதாரணத்திற்கு அண்ணா சரவணனிடம் சொல்லிவிட்டால், அவர் தருமபுரி மாவட்டம் முழுவதும், கிருஷ்ணகிரி மாவட்டம் முழுவதும் சொல்லி விடுவார். அதுபோன்று செய்வது சுலபம். இன்னொருவரிடம் சொன் னால், அவர் நான்கு மாவட்டங்களுக்குச் சொல்லி விடுவார்.

நம்முடைய அமைப்பை பலப்படுத்தி, நெட் ஒர்க்கிங் போன்று அமைக்கவேண்டும்!


முதலில் நம்முடைய அமைப்பை பலப்படுத்தி, நெட் ஒர்க்கிங் போன்று அமைத்துவிட்டால், இயங்குவது சுலபமாகிவிடும். ஒருவருடைய வீட்டில் அய்ந்து பேரை, 10 பேரை அழைத்து விவாதம் செய்கிறோம் என்றால், அடுத்த நாள் இன்னொருவருடைய வீட்டில், அதற்கடுத்த நாள் இன்னொருவருடைய வீட்டில் என்று நிகழ்ச்சிகளை ஏற்பாடு செய்தீர்கள் என்றால்,  அந்த 5 பேருக்கோ, 10 பேருக்கோ தேநீர் வழங்குவதிலோ, சிற்றுண்டி வழங்கு வதிலோ சிரமமாக நினைக்காமல், மகிழ்ச்சியாக நினைப் போம். இதுபோன்று நிகழ்ச்சிகளை ஏற்பாடு செய்து அமைப்புகளை அமைத்தால்தான், இயக்கம் பலப்படும்.

என்னங்க, ஒருவர், இருவர்தான் இருக்கிறோம். யாரும் வரவில்லை என்று சொல்லக்கூடாது. ஒருவர்தான் இருக் கிறார் என்று சொல்பவர்கள், கொஞ்சம் திரும்பிப் பாருங் கள். அய்யா தன்னந்தனியராகத்தான் ஆரம் பித்தார்.

தந்தை பெரியாரின் துணிச்சல், வைராக்கியம் உங்கள் ஒவ்வொருவரிடமும் இருக்கவேண்டும்!


என்னையே நம்பி, இப்பெரும் பணியை ஏற்றேன் என்றார் அய்யா.

நான் யாரைப்பற்றியும் கவலைப்படவில்லை. யார் இயக்கத்திற்கு வருகிறார்கள்; யார் இயக்கத்தைவிட்டுப் போகிறார்கள் என்பதைப்பற்றி எனக்குக் கவலையில்லை. நான் ஒருவனே போதும். குடிஅரசு' பத்திரிகையா? விற்பனையாகிறதா? இல்லையா? என்பதைப்பற்றி எனக்குக் கவலையில்லை. நான் ஒருவனே எழுதி, நானே அச்சடித்து, நானே படிப்பேன். விற்கவில்லை என்பதற்காக, அதனை நிறுத்த மாட்டேன்'' என்பார்.

அதேபோன்று, ஒவ்வொருவரிடமும் அந்த வைராக் கியம், அந்தத் துணிச்சல் இருக்கவேண்டும்.

பெரியாருக்கு எவ்வளவு தொல்லைகள், துரோகங்கள் இருந்தன. அதை நினைத்துக்கொண்டு அவர் விரக்தி யடைந்து போயிருந்தார் என்றால், இன்றைக்கு இந்த நாடு முன்னேறி இருக்க முடியுமா? இந்த சமுதாயம் மாற்றம் அடைந்திருக்குமா? என்பதை நன்றாக நீங்கள் எண்ணிப் பாருங்கள்.

அய்யாவினுடைய வாழ்க்கை நமக்கு ஓர் எடுத்துக்காட்டு


அய்யாவை எண்ணிப் பாருங்கள். அய்யாவினுடைய வாழ்க்கை நமக்கு ஓர் எடுத்துக்காட்டு. அனுபவங்களை நாம் இரண்டு வகையாக வாழ்க்கையில் தெரிந்து கொள்ளலாம். ஒன்று, நாம் செய்கின்ற தவறுகளின் மூலமாகப் படிப்பினைப் பெறலாம். இரண்டாவதாக அடுத்தவர்கள் செய்கின்ற தவறுகளின் மூலமாகவும் படிப்பினைப் பெறலாம். அதேபோன்று நாம் செய்கின்ற சாதனை, மற்ற வர்களுக்கு எடுத்துக்காட்டாக இருக்கும். மற்றவர் களுடைய சாதனை நமக்கு உற்சாகத்தை ஊட்டக்கூடி யதாக இருக்கும். ஆகவேதான், சிறப்பான வகையில் அதுபோன்ற முறையில் ஒரு அமைப்பை உருவாக்க வேண்டும்.

பகுத்தறிவாளர் கழகம் என்பது திராவிடர் கழகத்தினுடைய ஒரு பெரிய இணை அமைப்பு


பகுத்தறிவாளர் கழகம் என்பது திராவிடர் கழகத் தினுடைய ஒரு பெரிய இணை அமைப்பு என்றுதான் சொல்வேன். துணை அமைப்பு என்றுகூட சொல்ல மாட்டேன்.

ஒன்றுக்கொன்று அவை இணை அமைப்புகள். இந்த அமைப்பிற்கு அந்த அமைப்பு தேவை. அந்த அமைப் பிற்கு இந்த அமைப்பு தேவை.

நேரிடையாக திராவிடர் கழகத்தில் இருக்கக்கூடிய வர்கள் எல்லோரும் பகுத்தறிவாளர்கள்தான். பகுத்தறி வாளர்களாக இருந்தால்தான், திராவிடர் கழகத்தில் இருக்க முடியும்.

ஆனால், எல்லா பகுத்தறிவாளர்களும், திராவிடர் கழகத்தில் உறுப்பினர்களாக இருக்கவேண்டிய அவசியம் கிடையாது. அதுதான் மிகவும் முக்கியம். காரணம் என்னவென்றால், அவர்கள் திராவிடர் கழகத்திற்கு அப்பாற்பட்டவர்களாக இருப்பார்கள். கண்ணுக்குத் தெரிந்த உறுப்பினர்கள்; கண்ணுக்குத் தெரியாத உறுப்பினர்கள் என்பதுபோன்று இருப்பார்கள்.

பகுத்தறிவாளர் கழகத்தில் ஒரு பேம்லட் தயாரிக்கவேண்டும்


ஆனாலும், பகுத்தறிவாளர் கழகம் என்ன செய்ய வேண்டும் என்றால், ஒரு யூனிட் - ஒரு  அலகுக்குகீழ் அவர்கள் எல்லோரையும் கொண்டு வரவேண்டும். அப்பொழுதுதான் செயல்படுத்த முடியும். அப்போதுதான் அதற்குப் பலம் வரும். ஆகவே, அந்தப் பலத்தை நீங்கள் எல்லோரும் தயார்படுத்திக் கொடுக்கக் கூடிய அந்த வாய்ப்பை இதன்மூலம் உருவாக்கிக் கொள்ளவேண்டும். பகுத்தறிவாளர் கழகத்தின் சிறப்பு என்பது அதுதான்.

இதை நாம் பதிவு செய்வது மட்டுமல்ல; பல பேருக்கு எப்பொழுது பதிவு செய்யவேண்டும் என்பதுகூட தெரி யாதவர்கள் இருப்பார்கள். அதற்கான புத்தகங்கள் எல்லாம்கூட இருக்கிறது.

பகுத்தறிவாளர் கழகத்தில் ஒரு பேம்லட் தயாரிக்க வேண்டும். ஆங்கிலத்திலும், தமிழிலும் ஒரு போல்டர் தயாரிக்கவேண்டும். ஆற்றல் ரீதியாக அது இருக்க வேண்டும். அதில், இதுவரை நாம் என்னென்ன சாதனை களை செய்திருக்கிறோம் என்று சொல்லவேண்டும். பகுத்தறிவாளர் கழகம், இவ்வளவு கிளைகள் இருக்கின்றன, இன்னின்ன சாதனைகளை செய்திருக்கிறோம் என்று தெரியப்படுத்தவேண்டும்.

மாதம் ஒருமுறை சந்திக்கவேண்டும்!


மாதம் ஒருமுறை, ரோட்டரி கிளப் போன்று, லைன்ஸ் கிளப் போன்று சந்திக்கவேண்டும். வியாழக்கிழமை தோறும் சந்திக்கவேண்டும் என்று வருகைப் பதிவேடு வைத்திருக்கிறார்கள். அதற்காகவே எல்லோரும் செல் கிறார்கள். போகவில்லை என்றால், அட்டெண்டன்ஸ் குறைந்துவிடும் என்கிறார்கள். ஆனால், இங்கே பகுத்தறி வாளர் கழகம்தானே, பிறகு பார்த்துக் கொள்ளலாம் என்று நினைக்கிறார்கள். நமக்கு ஒரு கட்டுப்பாடு வேண்டும், அந்தக் கட்டுப்பாட்டை நாம் உருவாக்கினோம் என்றால், மிகத் தெளிவாக இருக்கும்.

1920 ஆம் ஆண்டு பகுத்தறிவாளர் கழகத்தின் 50 ஆம் ஆண்டு விழா


1970, நவம்பர் 20 ஆம் தேதி பகுத்தறிவாளர் கழகத்தை ஆரம்பித்திருக்கின்றோம். 1920 ஆம் ஆண்டு பகுத்தறிவாளர் கழகத்தின் 50 ஆம் ஆண்டு விழா. இது 49 ஆம் ஆண்டாகும். 50 ஆம் ஆண்டு விழாவினை மிகச் சிறப்பாக நடத்தவேண்டும். அந்த விழாவினை இரண்டு, மூன்று  நாள்களாக நடத்தவேண்டும். வெளிநாட்டுக்கார்கள், வெளி மாநிலக்காரர்களுக்காக ஒரு நாள் விழாவும், அதுபோலவே, அடுத்த நாள் உள்நாடுகளில் இருப்ப வர்களுக்கு இரண்டாவது நாள்; மூன்றாவது நாளில், மகளிரணி, மாணவரணி போன்றவர்களுக்கு என்று அந்த விழாக்களை சிறப்பாக நடத்தவேண்டும்.

பகுத்தறிவு சிந்தனை, விஞ்ஞான கண்காட்சி போன்ற வற்றை அந்த விழாக்களில் சிறப்பாக நடத்தவேண்டும்.

இன்னும் ஒன்றரை ஆண்டுகள்தான் இருக்கின்றன. அதற்குள்ளாகவே நாம் என்ன திட்டமிடுகிறோம் என்பதுதான் மிகவும் முக்கியம்.

பகுத்தறிவாளர் கழக  கருத்தரங்கத்தின்மூலமாக....


இந்தக் கூட்டத்தில் நாம் இறுதி முடிவு எடுப்பது ஒரு முடிவானதாக இருக்கவேண்டும். எப்படி திராவிடர் கழகத்தினுடைய பவள விழா மாநாடு சேலத்தில் வருகின்ற ஆகஸ்ட் 27 ஆம் தேதி நடத்துவோம் என்று  அறிவித்தோமோ, அதுபோன்று நீங்கள் என்ன முடி வெடுக்கவேண்டும் என்றால், 1920 ஆம் ஆண்டு நவம்பர் மாதம் பகுத்தறிவாளர் கழகத்தின் பொன் விழா மாநாட்டினை மிகப்பெரிய அளவிற்கு நடத்துவதற்கு முடிவு செய்தோம் என்று இந்த பகுத்தறிவாளர் கழக கருத்தரங்கத்தின்மூலமாக உருவாக்கிக் கொண்டு, அதை நோக்கி சென்று கொண்டிருக்கவேண்டும்.

அந்த மாநாட்டிற்காக மலர் தயார் செய்வது, விளம் பரங்களை வாங்குவது என்பது போன்ற பணிகளை செய்யவேண்டும். இது ஒரு சிறிய உதாரணம்.

ஆக, பகுத்தறிவாளர் கழகம் 1970 ஆம் ஆண்டில் தொடங்கி தொடர்ச்சியாக நடைபெற்றுக் கொண்டி ருக்கிறது.

நன்மையும் இருந்தது; தீமையும் இருந்தது!


ஒரு செய்தியை இடைச்செருகலாக உங்களுக்குச் சொல்லவேண்டும். அது என்னவென்றால்,

பகுத்தறிவாளர் கழகம் தொடங்கியபொழுது, அதற்குத் தலைவரை நியமிக்கும்பொழுது, பதவியில் இருந்தவர் களை நியமித்தோம். அய்.ஏ.எஸ். அதிகாரிகள் தலைவராக இருந்தார்கள். அதில், நன்மையும் இருந்தது; தீமையும் இருந்தது.

என்ன நன்மை? என்ன தீமை? என்று நீங்கள் கேட்கலாம். இது நம்முடைய கலந்துரையாடல், இங்கே மனம் திறந்து பேசவேண்டும்.

அய்.ஏ.எஸ். அதிகாரிகள் எல்லாம் பகுத்தறிவாளர் கழகத்தில் தலைவராக இருந்தார்களா என்று நீங்கள் வியப்படையலாம். நம்முடைய ஆட்கள் இவ்வளவு பேர் படித்தவர்கள் இருக்கிறார்களா? இவ்வளவு பேர் பெரியார் சிந்தனையோடு இருக்கிறார்களா? என்று நிறைய பேர் அதிசியப்படுகின்ற அளவிற்கு இருந்தது.

அரசு ஊழியர்களும், மற்றவர்களும் பகுத்தறிவாளர் கழகத்தில் உறுப்பினர்களாக சேரவேண்டும் என்று வந் தார்கள். பகுத்தறிவு எல்லோருக்கும் உண்டு. ஆறறிவு உள்ள மனிதர்கள் எல்லோரும் பகுத்தறிவுவாதிகள்தான். ஆனால், பகுத்தறிவு ஆளவேண்டும். ஒருமுறை அகில இந்திய வானொலியில், மாணவர்கள், இளைஞர்களுக்காக பேசவேண்டும் என்று என்னை அழைத்திருந்தார்கள். அப்பொழுது இரண்டு கல்லூரி மாணவிகளை என்னிடம் கேள்வி கேட்கச் சொல்லியிருந்தார்கள்.

நீங்கள் மட்டும் பகுத்தறிவாளர்கள் என்று சொன்னால், மற்றவர்களுக்குப் பகுத்தறிவு இல்லையா?


ஒரு கல்லூரி மாணவி என்னைப் பார்த்து, ஏங்க, எல்லோருக்கும்தான் பகுத்தறிவு இருக்கிறதே? நீங்கள் மட்டும் பகுத்தறிவாளர்கள் என்று சொன்னால், மற்றவர் களுக்குப் பகுத்தறிவு இல்லையா?'' என்று கேட்டார்.

நான் உடனே, இந்தக் கேள்வியை வரவேற்கிறேன். நல்ல கேள்வி, பாராட்டவேண்டிய கேள்வி. எல்லோரும் பகுத்தறிவு உள்ளவர்கள்தான். நாங்கள் ஏன் பகுத்தறி வாளர்கள் என்று சொல்கிறோம் என்றால், அதற்குத் தனித்தன்மை உண்டு.

ஒருவர் சாலையில் சென்று கொண்டிருக்கும்பொழுது, மலத்தையோ அல்லது சாணியையோ மிதித்துக் கொண்டால், அவன் என்ன நினைக்கிறான், அய்யய்யோ, இதை மிதித்துவிட்டோமே உடனே காலை கழுவிக் கொண்டு செல்லவேண்டும் என்று நினைத்து காலை கழுவிக் கொண்டு சென்றால், அது பகுத்தறிவு.

இதற்கு முன் மிதித்ததும் சாணிதான், இதுவும் சாணிதான் என்று சொல்லக்கூடிய துணிச்சல்!


இன்னும் கொஞ்ச தூரம் சென்றதும், அதே ஆள், சாணியைப் பிடித்து, அதற்கு மேல் கொஞ்சம் அருகம் புல்லை வைத்து, இதுதான் பிள்ளையார் என்று சொல்லி, தோப்புக் கரணம் போடுகிறாரே, அவர் பகுத்தறிவாளர் அல்ல. அந்த இடத்தில் தோப்புக் கரணம் போடாமல், அந்த சாணியைப் பார்த்தும், இதற்கு முன் மிதித்ததும் சாணிதான், இதுவும் சாணிதான் என்று சொல்லக்கூடிய துணிச்சல் யாருக்கு இருக்கிறதோ, அவர்தான் பகுத்தறிவாளர்'' என்று சொன்னேன்.

நன்றாக புரிந்தது என்று அந்த மாணவிகள் சொன் னார்கள்.

போலி பகுத்தறிவாளர்களை வடிகட்டக் கூடிய வாய்ப்பு தானாகவே கிடைத்தது


அதுபோன்று, நாம் பகுத்தறிவாளர் என்று வருகின்றபொழுது, பகுத்தறிவாளர் கழக உறுப்பினர்களில் சில பேர், அய்.ஏ.எஸ். அதிகாரி தலைவராக இருந்த பொழுது, அவரிடம் பதவி உயர்வு கேட்பதற்காகவும், மாறுதல் கேட்பதற்காகவும் வந்துவிட்டார்கள். நல்ல வாய்ப்பாக எமர்ஜென்சி வந்தது - என்னடா, நல்ல வாய்ப்பு என்ற சொல் சரியா என்று நீங்கள் எல்லாம் நினைக்கலாம். என்ன நல்ல வாய்ப்பு என்று சொன்னேன் என்றால், யார் உண்மையான பகுத்தறிவாளர்களோ, அவர்கள் மட்டும் அந்த அமைப்பில் இருந்தார்கள். யார் போலி பகுத்தறிவாளர்களோ, அவர்களை வடிகட்டக் கூடிய வாய்ப்புத் தானாகவே கிடைத்தது.

பெரியார் இல்லை என்றால், நாம் மானமும், அறிவும் பெற்றவராக இருக்க முடியாது!


நாம் ஆளுங்கட்சியாகவோ, எதிர்க்கட்சியாகவோ இல்லை. இவ்வளவு பேர் இங்கே வந்திருக்கிறீர்கள் என்றால், அது இயல்பான சிந்தனையால்தான். பெரியார் இல்லை என்றால், நாம் மனிதனாக இருக்க முடியாது. பெரியார் இல்லை என்றால், நாம் மானமும், அறிவும் பெற்றவராக இருக்க முடியாது என்ற எண்ணத்தோடு நீங்கள் எல்லாம் வந்திருக்கிறீர்கள்.

ஆகவே, நம்முடைய பணிகள் என்பது இருக்கிறதே, திட்டமிட்டு செயலாற்றவேண்டும். அமைப்புகளை பலப்படுத்தவேண்டும். இந்த 70 பேரும் ஊருக்குச் சென்ற வுடன், குறைந்த பட்சம் 70 கிளைகளை நாங்கள் உருவாக் குவோம் என்று நீங்கள் தெளிவாக செயல்படவேண்டும்.

ஒவ்வொருவரும் நேரிடையாக ஒரு நகலை பகுத் தறிவாளர் கழகத் தலைவர் அழகிரிசாமிக்கு அனுப்பி விட்டு, இன்னொரு நகலை பகுத்தறிவாளர் கழகப் புரவலருக்கு அனுப்பவேண்டும்.

70 பேர் வந்தார்கள், 70 கிளைகளை ஆரம்பித் திருக்கிறார்கள் என்று நவம்பர் மாதத்திற்குள் செய்ய வேண்டும். ஏன் நவம்பர் மாதத்திற்குள் என்று சொல்கி றோம் என்றால், நவம்பர் மாதத்தில்தான் பகுத்தறிவாளர் கழகத்தைப் பதிவு செய்தோம். நவம்பர் புரட்சி' என்றே சொல்லலாம்.

வைதீகர்கள் செய்வதுபோன்றே நாமும் மாதம்தோறும், டிசம்பர் மாதத்தில் ஒரு வேலை - ஜனவரி மாதம் பொங்கல் விழா கொண்டாடுகின்ற வேலை. 12 மாதமும் 12 வேலைகள். ஒவ்வொரு ஊரிலும் ஒவ் வொரு விழாக்கள். அதுபோன்று, போட்டி போட்டுக் கொண்டு செயல்படவேண்டும்.

பிரச்சார யுக்தி;  கொள்கைப் பிரச்சாரம் என்பது இதுதான்!


பக்தர்களைப் பாருங்கள், ஏகாதேசி, தூவாதேசி, மார்கழி திருவிழா என்று ஏதாவது ஒன்றை சொல்லி விழாக்களை வைக்கிறார்கள்.  ஏனென்றால், அய்யாதான் சொல்வார், சர்வ வல்லமை படைத்த கடவுளுக்கே ஏன் ஒவ்வொரு மாதமும் ஒவ்வொரு விழா வைத்து கும்பிடவேண்டுமென சொல்கிறார்கள் என்றால், அப்படி விழா எடுக்கவில்லையென்றால், மக்கள் கடவுள்களை' மறந்துவிடுவார்கள். அதுதான் பிரச்சார யுக்தி.  கொள்கைப் பிரச்சாரம் என்பது இதுதான்.

உங்களுக்கு சுருக்கமாக சொல்கிறேன், திராவிடர் கழகத் தோழர்களிடம் கூடுமானவரையில் இணைந்து பணியாற்றுங்கள். சில இடங்களில் திராவிடர் கழகத் துக்காரர்கள், எங்களை மீறி எப்படி அமைப்பு வைக்க லாம்; நாங்கள்தானே எல்லாம்'' என்று சொல்வார்கள். அதைப்பற்றி நீங்கள் கவலைப்படவேண்டாம், எங்களு டைய கவனத்திற்கு அதைக் கொண்டு வாருங்கள்.

இணை கோடுகள் நாம்; இரண்டு தண்டவாளத்தின்மேல் ரயில் செல்வதுபோன்று, இணை அமைப்புகள் என்று நம் தோழர்களோடு இணைந்து உற்சாகமாக செயல்படலாம்.

பகுத்தறிவாளர் கழகத் தோழர்களுக்கும் - திராவிடர் கழகத் தோழர்களுக்கும் உள்ள வித்தியாசம்!


ஒரே வித்தியாசம் என்னவென்றால், திராவிடர் கழகத் தோழர்கள் கருப்புச் சட்டை அணிந்திருப்பார்கள். ஆனால், பகுத்தறிவாளர் கழகத் தோழர்கள் கட்டாயமாக கருப்புச் சட்டை போடவேண்டிய அவசியமில்லை.

அடுத்தாக, திராவிடர் கழகத்துக்காரர்கள் போராட்டம் என்றால், சிறைச்சாலைக்குச் செல்வதற்குத் தயாராக இருப்பார்கள். ஆனால், நீங்கள் யாரும் சிறைச்சாலைக்குச் செல்லவேண்டிய அவசியம் இல்லை. ஆனால், இப் பொழுது ஆசிரியர்கள், அரசுத் துறையைச் சார்ந்தவர்கள் போராட்டம் நடத்தி, சிறைச்சாலைக்குச் செல்வது என்பது சாதாரணமாகப் போய்விட்டது. அது வேறு விஷயம். அதோடு உங்களை ஒப்பிடத் தயாராக இல்லை.

நீங்கள் எந்த அளவிற்கு உங்கள் எல்லைக்குள் நின்று உதவி செய்ய முடியுமோ, அந்த உதவியை அதிக பட்சம் திராவிடர் கழகம் உங்களிடமிருந்து எதிர்பார்க்கிறது.

உதாரணமாக நேரிடையாக ஒருவரால் வர முடியாது. ஆனால், நேரிடையாக வர முடியாவிட்டாலும், ஒரு நூறு ரூபாயை செலவு செய்யலாம் என்று நினைத்தால், விடுதலை பத்திரிகையில் தலையங்கம், சமுகநீதியைப் பற்றியோ, மூடநம்பிக்கையைப்பற்றி, பகுத்தறிவைப்பற் றியோ வந்திருக்கிறது என்றால், அந்தத் தலையங்கத்தையே துண்டறிக்கையாக நாம் அடித்து வெளியிடுகிறோம் என்றால், அந்தத் துண்டறிக்கையை நீங்கள் வாங்கி விநியோகம் செய்யலாம். திராவிடர் கழகத்துக்காரர்கள் போராட்டம் நடத்தி சிறைக்குச் செல்கிறார்களோ அந்தத் தோழர்களுக்குத் தேநீர் வாங்கிக் கொடுத்தால்கூட, அது உங்களுடைய பங்களிப்பாக இருக்கும்.

தவறாமல் நம்முடைய ஏடுகளுக்கு சந்தாதாரர்களாக ஆவது என்பது மிகவும் முக்கியம்!


ஆகவே, இணைந்து பணியாற்றுதல். கட்டாயம், தவறாமல் நம்முடைய ஏடுகளுக்கு சந்தாதாரர்களாக ஆவது என்பதை பகுத்தறிவாளர்கள் ஒரு கட்டாயக் கடமையாக நினைக்கவேண்டும்.

விடுதலை', உண்மை', தி மாடர்ன் ரேசனலிஸ்ட், பெரியார் பிஞ்சு' ஆகிய இதழ்கள் உங்கள் இல்லத்திற்கு கட்டாயமாக வரவேண்டும்.

சில பேர் இவ்வளவு தொகை கட்டுவதற்கு என்னுடைய பட்ஜெட்டில் இடமில்லை என்று சொல்லக்கூடியவர்களும் இருக்கலாம்.

அப்படி முடியாது என்று சொல்பவர்கள், ஒரு ஊரில் நான்கு  குடும்பங்கள், நான்கு தோழர்கள் சேர்ந்து ஒவ் வொருவரும் ஒவ்வொரு இதழ்களுக்கு சந்தாக்களைக் கட்டி, ஒவ்வொருவரும் எக்ஸ்சேஞ்ச் செய்துகொள்ளலாமே!.

(தொடரும்)

-  விடுதலை நாளேடு, 10.6.19

வெள்ளி, 7 ஜூன், 2019

பெரியார் மருந்தியல் கல்லூரி தாளாளரும் பெரியார் பெருந்தொண்டருமான ஞான.செபஸ்தியான் மறைவு: உடலை தோளில் சுமந்து ஆம்புலன்சில் அனுப்பி வைத்தார் தமிழர் தலைவர்



திருச்சி, ஜூன் 5 திருச்சி பெரியார் மருந்தியல் கல்லூரி தாளாரும், முதுபெரும் பெரி யார் பெருந்தொண்டருமான ஞான.செபஸ்தியான் (வயது 101) நேற்று (ஜூன் 4) அதி காலை உடல் நலக்குறை வால் மறைவுற்றார்.

தகவலறிந்து கழகத் தலை வர் ஆசிரியர் கி.வீரமணி அவர்கள் இரங்கல் அறிக்கை  அனுப்பி வைத்தார்.

அதில்   இலங்கையில் திரா விடர் கழக தோழர்களோடு இணைந்த கழக தொண்டாற் றிய ஞான.செபஸ்தியான் திருச்சி பெரியார் மருந்தியல் கல்லூரியில் கண்ணியமிக்க தாளாளராக பணியாற்றி யவர் என்று  குறிப்பிட் டுள்ளார்.

திருச்சி பெரியார் கல்வி நிறுவனங்களின் முதல்வர்கள், தலைமை ஆசிரியர்கள் பணி யாளர்கள் மற்றும்  மாணவ, மாணவிகள் மற்றும் பெரியார் மணி யம்மை பல்கலைக்கழக துணை வேந் தர், பதிவாளர் பணியாளர்கள் மறைந்த ஞான.செபஸ் யான் உடலுக்கு  மாலை அணிவித்து மரியாதை செலுத்தினர்.

தமிழர் தலைவர்


மரியாதை


இன்று காலை 10 மணி யளவில் தமிழர் தலைவர் ஆசிரியர் அவர்கள் சுந்தர் நகரிலுள்ள அவரது இல்லத் திற்கு சென்று மறைந்த அய்யா ஞான.செபஸ்தியான் உடலுக்கு தமிழர் தலைவர் ஆசிரியர் மற்றும் மோகனா வீரமணி ஆகியோர்  மாலை வைத்து இறுதி மரியாதை செலுத்தினர்.

பின்னர் அவரது பிள் ளைகள் டாக்டர் ஞான திலகம், கருணாகரன், மகள் கள் மாதரசி, மங்கையர்க் கரசி, மருமகன்கள் தாமஸ், தமிழரசன் மற்றும் மருமகள், பேரன் பிள்ளைகளுக்கு ஆறு தல் கூறினார்.

பின்னர் பெரியார் பெருந் தொண்டர் ஞான.செபாஸ்தி யான் உடலை தமிழர் தலை வர் தோளில் சுமந்து சென்று ஆம்புலன்சில் அனுப்பி வைத் தார்.

முன்னதாக பெரியார் சுயமரியாதை பிரச்சார நிறு வனத் தலைவர் பொத்தனூர் சண்முகம், பொதுச் செய லாளர் தஞ்சை ஜெயக்குமார், பொறியார் சுந்தரராஜூலு, தஞ்சை மண் டல செயலாளர் அய்யனார், ப.க. மாநில துணைத் தலைவர் கோபு.பழனிவேல், மாநில கலைத்துறை செயலாளர் தெற்கு நத்தம் சித்தார்த்தன், தஞ்சை மாவட்ட தலைவர் வழக்குரைஞர் அமர்சிங்,  திருச்சி மாவட்ட தலைவரும், பெரியார் தொடக்கப்பள்ளி தாளாளருமான

ஞா.ஆரோக்கியராஜ், மாநில தொழிலாளரணி செயலாளர் மு.சேகர், வல்லம் பெரியார் பாலிடெனிக் முதல்வர் மல்லிகா, துணை முதல்வர் பர்வீன்,  இலால்குடி மாவட்ட தலைவர்  வால் டேர், செயலாளர் அங்க முத்து, கலைச்செல்வி அமர்சிங், ஈரோடு சண்முகம், வேணுகோபால், பேராசிரியர் ப.சுப்ரமணியன், பெரியார் நூற்றாண்டு கல்வி வளாக ஒருங்கிணைப்பாளர் ஆர்.தங்காத்தாள், மருந்தியல் கல்வி முதல்வர் இரா.செந் தாமரை, பெரியார் மெட்ரிக் பள்ளி முதல்வர் க.வனிதா, நாகம்மையார் ஆசிரியர் பயிற்சி நிறுவன முதல்வர் செண்பகவள்ளி, பெரியார் மணியம்மை பெண்கள் மேனிலைப்பள்ளி தலைமை யாசிரியை (பொ) விஜய லட்சுமி, பெரியார் தொடக் கப்பள்ளி தலைமையாசிரியை விஜயலட்சுமி மற்றும் கல்வி நிறுவனங்களின் ஆசிரி யர்கள், அனைத்து பணியா ளர்கள் மற்றும் திராவிடர் கழக பொறுப்பாளர்கள்    மண்டல செயலாளர் ப.ஆல் பர்ட், மாநகர அமைப் பாளர் காட்டூர் காமராஜ், தமிழக முற்போக்கு எழுத் தாளர் சங்க துணை தலைவர் கவிஞர் நந்தலாலா  ஆகியோர் மாலை அணிவித்து மரி யாதை செலுத்தினர்.

மேலும் கொளத்தூர் மணி உள்ளிட்ட பலரும் மாலை அணிவித்து மரி யாதை செலுத்தினர்.
- விடுதலை நாளேடு 5. 6 .2019

பகுத்தறிவாளர்கள் செயல் கூட்டத்தில் தமிழர் தலைவர் உரை

70 பேர் வந்துள்ளீர்கள் பயிற்சிக்கு என்றால் தலா 10 பேர் என்று கணக்கிட்டு அதனை 700 ஆக வளர்க்கவேண்டும்!
பகுத்தறிவாளர்கள் செயல் கூட்டத்தில் தமிழர் தலைவர் உரை
தஞ்சை, ஜூன் 7   பகுத்தறிவாளர் பயிற்சிப் பட்டறைக்கு 70 பேர் வந்துள்ளீர்கள் பயிற்சிக்கு என்றால், தலா 10 பேர் என்று கணக்கிட்டு அதனை 700 ஆக வளர்க்கவேண்டும் என்றார் திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள்.
பகுத்தறிவாளர் கழகக் கலந்துரையாடல்
19.5.2019 அன்று  தஞ்சையில் நடைபெற்ற பகுத்தறி வாளர் கழகக் கலந்துரையாடல் கூட்டத்தில் திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள் உரையாற்றினார். அவரது  உரை வருமாறு: ஒரு குறுகிய கால அறிவிப்பு செய்யப்பட்டாலும், பெரியாரியல்  பகுத்தறிவாளர் கழக பயிற்சிப் பட்டறையில் கலந்துகொள்கின்ற அருமை பகுத்தறிவாளர் கழகப் பொறுப்பாளர்களே,
மாநில பகுத்தறிவாளர் கழகத் தலைவர் ஓய்வு பெற்ற கல்வி அதிகாரி தோழர் அழகிரிசாமி அவர்களே,
அதேபோல, பெரியாரியல் பயிற்சிப் பட்டறையை நடத்துவதற்குப் பொறுப்பும், கவலையும் எடுத்துக் கொண்டு எல்லாத் தோழர்களையும் ஒருங்கிணைத்த பகுத்தறிவாளர் கழகப் பொதுச்செயலாளர் அருமை நண்பர் தமிழ்ச்செல்வன் அவர்களே,
திராவிடர் கழகத் துணைத் தலைவர் கவிஞர் கலி.பூங்குன்றன் அவர்களே, கழகப் பொருளாளர் அருமை நண்பர் குமரேசன் அவர்களே, தஞ்சை மாவட்டத் தலைவர் வழக்குரைஞர் அமர்சிங் அவர்களே, மகளிரணி பொறுப்பாளர் தோழர் கலைச் செல்வி அவர்களே, மாணவரணி பொறுப்பாளர் தோழர் கண்மணி அவர்களே
மற்றும் பெரியாரியல் பயிற்சிப் பட்டறைக்கு வந்தி ருக்கக்கூடிய அருமைத் தோழர்களே, உங்கள் அனை வருக்கும் என்னுடைய அன்பான வணக்கத்தினைத் தெரிவித்துக் கொள்கிறேன்.
முதலாவது, இந்த முயற்சி ஒரு நல்ல வெற்றியைத் தந்திருக்கிறது என்கிற மகிழ்ச்சியோடு நான் உங்களைப் பாராட்டுகின்றேன்.
ஒருங்கிணைக்காதது  பொறுப்பாளர்களுடைய  குற்றமா?
தெரிந்துகொள்ளாதது எங்களுடைய குற்றமா?
ஏனென்றால், அருமையான தோழர்கள்; இவ்வளவு தோழர்கள் இருந்தும் ஏன் பளிச்சென்று தெரியவில்லை என்பதுதான் நமக்கு வியப்பு. புதைபொருள் இலாகாவில், கீழடி அகழாய்வில் தோண்டி எடுத்ததுபோன்று இருக் கிறது. திராவிடர் நாகரிகம், சிந்துவெளி நாகரிகம் மிகப்பெரிய அளவில் பழைமை வாய்ந்தவை என்பதைக் கண்டுபிடித்தவுடன் நமக்கு எவ்வளவு மகிழ்ச்சியாக இருக்கிறதோ, அதைவிட மகிழ்ச்சியாக இருக்கிறது - இவ்வளவு தோழர்கள் இங்கே வந்திருக்கிறார்கள். இவ் வளவு பேரையும் ஒருங்கிணைக்காதது தலைவர்களு டைய, பொறுப்பாளர்களுடைய குற்றமா? அல்லது இவ்வளவு பேர் நீங்கள் இருக்கிறீர்கள் என்பதைத் தெரிந்து கொள்ளாதது எங்களுடைய குற்றமா? என்று எனக்கே புரியவில்லை.
எல்லா பகுதிகளிலிருந்தும் இந்தப் பட்டறைக்கு வந்திருக்கிறீர்கள். அதுவும் ஒரு குறுகிய முயற்சியில். இங்கே வந்திருக்கின்ற ஒவ்வொருவரும் மிகத் தெளிவானவர்கள். பொறுப்பாளர்களுக்கான பட்டறை யாகும் இது. பகுத்தறிவாளர் கழக உறுப்பினர்களின் கூட்டமல்ல; பொதுக்குழு கூட்டமல்ல; முழுக்க முழுக்க பொறுப்பாளர்களாக இருந்து இன்றைக்குப் பயிற்சியா ளர்களாக உங்களை ஆக்கிக் கொண்டிருக்கக்கூடிய ஒரு அருமையான நிகழ்ச்சி இந்த நிகழ்ச்சி.
எல்லோரும் பகுத்தறிவாளர்கள்,
எல்லோரும் பெரியாரிஸ்ட்!
இதிலிருந்து ஒன்றை தெளிவாகத் தெரிந்துகொள்ள வேண்டும். 70 பேர் இங்கே வந்திருக்கிறீர்கள், மிகவும் மகிழ்ச்சியாக இருக்கிறது. இந்த 70 பேரையும் பார்த்தீர் களேயானால், ஒவ்வொருவரும் 10 பேருடைய, 15 பேருடைய, 20 பேருடைய பிரதிநிதி. அப்படித்தான் நான் கருதுகிறேன்.
முதல் பயிற்சியில் நீங்கள் தெரிந்துகொள்ளவேண்டிய விஷயமே அதுதான். நீங்கள் உங்களுடைய ஊருக்குத் திரும்பியவுடன், உடனடியாக செய்யவேண்டிய பணி என்னவென்றால், நம்மிடையே 10 கூட்டுத் தோழர்கள் இருக்கிறார்கள். நம்மில் மேல், கீழே என்றெல்லாம் கிடை யாது. எந்தப் பொறுப்பைக் கொடுத்தாலும் செய் பவர்கள். எல்லோரும் பகுத்தறிவாளர்கள், எல்லோரும் பெரியா ரிஸ்ட் இதுதான் அடிப்படையான ஒரு பெரு மையான விஷயமாகும்.
ஆக, நாம் குறைந்தது 10 பேரையாவது அமைப்பில் இணைத்து பலப்படுத்தவேண்டும். அந்தந்தப் பகுதியில் ஏற்கெனவே அமைப்புகள் இருக்கும். உடனடியாகக் கலந் துரையாடல் நடத்தி இந்தப் பணியை செய்ய வேண்டும்.
இரண்டாவதாக மிக முக்கியமான ஒரு அம்சம் என்னவென்றால், இங்கே 70 பேர் வந்திருக்கிறீர்கள். அதில் மூன்று பேர்தான் மகளிர். இந்த நிலைமை முற்றிலும் மாற்றி அமைக்கப்படவேண்டும்.
சமுதாயத்தில் ஒரு பெரிய மாறுதலை
செய்யவேண்டும்!
நாம் மதவாதிகளைப் பார்க்கவேண்டும்; அவர்கள் கோவிலுக்குச் செல்லுகையில், மூடத்தனமான ஒரு செயலாக இருந்தாலும், இது சரியான உவமையல்ல என்றாலும், உங்களுக்குப் புரிவதற்காகச் சொல்லுகிறேன், மதவாதிகள் எப்படி குடும்பத்தோடு கோவிலுக்குச் செல்லுகிறார்களோ, அதிலும் ஆண்கள் செல்வதைவிட, பெண்கள் அதிகமாகப் போவார்கள். அதேபோன்று ஞாயிற்றுக்கிழமைகளில் சர்ச்சுகளுக்குக் குடும்பம் குடும் பமாகச் செல்லுகிறார்கள். வெறும் நம்பிக்கையை அடிப் படையாகக் கொண்டதற்கே இதுபோன்று இருக்கிறது என்றால்,  நாம் பகுத்தறிவாளர்களாக இருந்துகொண்டு, சமுதாயத்தில் ஒரு பெரிய மாறுதலை செய்யவேண்டும் என்று நாம் நினைக்கும்பொழுது, நம்முடைய தோழர்கள் குறைந்தபட்சம், அடுத்து கமிட்டிகள் போன்றவைகளில் இதை ஒரு கடமையாகக் கருதவேண்டும்.
குறைந்தபட்சம் ஒரு குடும்பத்திலிருந்து இரண்டு, மூன்று பேராவது பங்கேற்கவேண்டும்
பயிற்சிப் பட்டறைகள் மட்டுமல்லாமல், கூட்டங்கள் நடைபெறும்பொழுதும் அவர்கள் பங்கேற்கவேண்டும். சரி பகுதி பெண்கள் என்று சொன்னால், நம் வீட்டில் எத்தனை பேர் இருக்கிறார்கள்? நம்முடைய பிள்ளைகள், துணைவியார், சகோதரி என்று வருகிறபொழுது, குறைந்தபட்சம் ஒரு குடும்பத்திலிருந்து இரண்டு, மூன்று பேராவது பங்கேற்கவேண்டும். நம்முடைய அமைப்பை அப்படி நீங்கள் பலப்படுத்திவிட்டீர்கள் என்றால், இரண்டு வகையில் லாபம். இயக்கத்திற்கும் லாபம்; அதைவிட உங்களுக்கும் லாபம். எப்படியென்றால், என்னங்க, இவர் எப்பொழுது பார்த்தாலும் கூட்டங்களுக்கோ, கலந்துரையாடல் களுக்கோ சென்றுவிடுகிறரே என்று உங்களுடைய துணைவியாரோ, மகளோ நினைப்பார்கள். ஆனால், இதனுடைய பெருமை என்ன? இதனுடைய லாபம் என்ன? இதனுடைய முக்கியத்துவம் என்ன? இதனால் ஏற்படுகின்ற சிறப்பு என்ன? என்று தெரியாத பெண் களுக்கு, இதுபோன்ற கூட்டங்களில் கலந்துகொண்டால், பல பேருடைய அறிமுகம் கிடைக்கும். பல பேருடைய உறவுகள் மிஞ்சும்.
அதற்காக தோழர்கள் குடும்பம் குடும்பமாக வர வேண்டும். அது திராவிடர் கழகமாக இருந்தாலும் சரி, பகுத்தறிவாளர் கழகமானாலும் சரி - இனி ஒரு விதி செய்வோம், அதை எந்த நாளும் காப்போம் என்று சொல்வதுபோன்று,
பெண்கள் கட்டாயமாக பங்கேற்கவேண்டும்
மிகத் தெளிவாக செய்யவேண்டிய பணி என்னவென் றால், குடும்பம் குடும்பமாக கலந்துரையாடலில் பங்கேற்க வேண்டும் என்கிற நிலையை நாம் உருவாக்க வேண்டும். பெண்கள் கட்டாயமாக பங்கேற்கவேண்டும். அந்த நிலை வந்தால்தான், நம்முடைய கொள்கையை நிலைக்க வைக்க முடியும். இல்லையென்றால், நம்மோடு சரி என்கிற நிலை வரும்.
அதுமட்டுமல்ல, அதனால் ஏற்படுகின்ற விளைவுகளை நீங்கள் நினைத்துப் பார்க்கவேண்டும். நம் வீட்டில் மணவிழாக்கள் நடைபெறும், நம்முடைய வீட்டில் இறப்புகள் ஏற்படும் - நல்லது கெட்டது; இன்பம் - துன்பம் எல்லாம் ஏற்படும். இவை எல்லாம் ஏற்படும்பொழுது சில சிக்கல்கள் வரும். பகுத்தறிவாளர்களாக குடும்பத்தையே நாம் ஆக்கிவிட்டோம் என்றால், நம்முடைய அப்பா - அம்மா வைதீர்களாக இருந்தால், அவர்களை விட்டு விடலாம். அவர்கள் எல்லாம் எக்ஸ்பியரி டேட் நெருங்கிக் கொண்டிருக்கின்ற மருந்து மாதிரி. அவர்களைப்பற்றி நாம் கவலைப்படவேண்டிய அவசியமில்லை.
மருத்துவ ஆராய்ச்சிகளுக்கு மனித உடல்கள் கிடைக்கவில்லை
ஆனால், நாம் அடுத்து வரப் போகின்றவர்களுக்கு வாய்ப்புகளை ஏற்படுத்தவேண்டும். அப்படி மாறினால், பகுத்தறிவாளர் குடும்பத்தில் ஒருவர் இறந்தால், அவரது உடலை மருத்துவக் கல்லூரியில் வழங்கலாம்; சடங்கு சம்பிரதாயங்கள் இல்லை, செலவில்லை. இறந்தாலும் சமுதாயத்திற்கு பகுத்தறிவாளர்கள் பயன்படுகிறார்கள் என்பதுதான் மிகவும் முக்கியம். ஏனென்றால், மருத்துவ ஆராய்ச்சிகளுக்கு மனித உடல்கள் கிடைக்கவில்லை. ஆகவே, இதுபோன்ற பக்குவத்தை நம் குடும்பத்தாருக்குப் புரிய வைக்கவேண்டும்.
உங்களுடைய துணைவியாரையோ, மகளையோ வீட்டிலேயே விட்டுவிட்டு, நீங்கள் மட்டும் கலந்துரை யாடல் கூட்டங்களுக்கு வருகிறீர்கள். அப்படி அவர்களை  விட்டுவிட்டு வராமல், அவர்களை கொஞ்சம் வற்புறுத்தி, நம்முடைய கலந்துரையாடல் கூட்டங்களுக்கு அழைத்து வாருங்கள். அவர்களை அறிமுகப்படுத்தி வையுங்கள். இதுபோன்ற நிலைகள் வந்தால்தான், பகுத்தறிவாளர்கள் குடும்பம் என்று வரும். குடும்பம் என்று வந்துவிட்டால், குடும்ப உறவுகள் வரும். உறவுகள் வந்தால், அதில் ஏற்படுகின்ற விளைவுகள் உண்டு.
நம்முடைய பலம் எதிரிகளை திகைக்கச் செய்யும்
ஆகவே, முதற்கண் நாம் எல்லோரும் தெளிவாக இருக்கவேண்டிய விஷயம். குடும்பம், குடும்பம், குடும்பம் - கொள்கைக் குடும்பம், உறவுக்குடும்பம் - அதுமட்டுமல்ல, நாம் 10 பேர் பகுத்தறிவாளர்கள் சேர்ந்து ஒரு அமைப்பு வைத்திருக்கிறோம் என்றால், அந்த 10 பேரும் 10 குடும்பங்களாக மாறிவிட்டால், அது ஒரு தனி பலமாகும். எந்தக் காரியமாக இருந்தாலும், அந்த 10 குடும்பங்கள் டக்கென்று வந்து நிற்கும் என்ற நிலை வந்தால், அந்த பலம் எதிரிகளை திகைக்கச் செய்யும்.
கான்ஷிராம் தொடங்கிய பாம்செஃப் அமைப்பு
கான்ஷிராம் அவர்கள், பாம்செஃப் என்ற ஒரு அமைப்பை உருவாக்கினார். அந்த அமைப்பில் உள்ள வர்கள் எல்லோரும் அரசாங்கத் துறையில் பணியாற் றுபவர்கள். ஆண்டு தவறாமல் அந்த அமைப்பினர் சந்திப்பார்கள். அந்த அமைப்பிலிருந்துதான் கான்ஷி ராமே வந்தார். அவரே ஓய்வு பெற்ற அரசு அதிகாரிதான்.
அந்த அமைப்பின் சார்பில் நடைபெற்ற பல மாநாடுகளுக்கு என்னை அழைத்திருக்கிறார்கள். அந்த அமைப்பிலிருந்துதான் அரசியலுக்கு வந்து ஒரு கட்சியை தொடங்கி, பகுஜன் சமாஜ் கட்சி என்று பெயர் வைத்தார். உங்களுக்கெல்லாம் நான் சொல்கின்ற விஷயம் ஆச் சரியமாக இருக்கும். அந்த அமைப்பின் சார்பில் பெங் களூருவில் மாநாடு போடுவார்கள். அவர்கள் எல்லாம் பஞ்சாபில் இருப்பார்கள்; அப்படி இருந்தாலும், அவர்கள் குடும்பம் குடும்பமாக அந்த மாநாட்டில் கலந்துகொள் வார்கள். சுற்றுலா போன்று அந்த வாய்ப்பைப் பய ன்படுத்திக் கொள்வார்கள்.
அந்த அமைப்பு வளர்ந்து, ஒரு கெட்டியான அமைப் பாகி, அதிலிருந்து சிலர் வந்தார்கள். அதிலேயே சில கருத்து மாறுபாடுகள் வந்தன. அது என்னவென்றால், அரசியலுக்கு இந்த அமைப்பு சென்றால், அதனுடைய அடிக்கட்டுமானம் போய்விடும் என்று நினைத்து, அமைப் பாகவே அது இருந்தாலே போதும் என்று நினைத்தார்கள்.
பார்ப்பனர்களை சேர்த்ததால் கோளாறுகள் ஏற்பட்டன
பாம்செஃப் அமைப்பிலிருந்து சிலர் அரசியலுக்குப்  போனார்கள்; பகுஜன் சமாஜ், சர்வ ஜன் ஆகி, அந்த அமைப்பில்  பார்ப்பனர்களையும் சேர்த்துக் கொள்ளலாம் என்று ஆகி, அதற்குப் பிறகு கோளாறுகள் ஏற்பட்டன.
அந்த பாம்செஃப் அமைப்பைச் சார்ந்தவர்கள் குடும்பம் குடும்பமாக நிகழ்ச்சிகளில் கலந்துகொள்வார்கள்.
அதுபோன்றதுதான் திராவிடர் கழகமும். பொதுவாக வெளியில் இருந்து பார்ப்பவர்களுக்கு திராவிடர் கழக மாநில மாநாட்டிற்கு, குடும்பம் குடும்பமாக பங்கேற்கி றார் களே, குடும்பம் குடும்பமாக அய்யாவிடம் இருக்கி றார்களே - பெரியாரின் பெருங்குடும்பம் என்று சொல் வதற்கு நாமெல்லாம் பெருமைப்படவேண்டும். அந்தக் குடும்பத்துப் பிள்ளைகள், அந்தக் குடும்பத்துப் பேரப் பிள்ளைகள் என்கிற பெருமையோடு இருக்கின்ற வாய்ப்புகளை முதலில் பகுத்தறிவாளர்களாக இருக்கின்ற நாம் உருவாக்கவேண்டும்.
பகுத்தறிவாளர் கழகத்திற்கான செயல் திட்டங்கள்!
அடுத்ததாக, பகுத்தறிவாளர் கழகம் வேகமாக செயல் படுவதற்காக சில திட்டங்களை வகுத்திருக்கின்றோம். புதிதாக வந்தவர்களுக்கு பல செய்திகளை நினைவூட்ட வேண்டும்.
ரேசனலிஸ்ட் ஃபாரம் என்பதை அய்யா அவர்கள், 1971 ஆம் ஆண்டு காலகட்டத்தில் சென்னையில் தொடங் கினார். அதுவும் திராவிடர் கழகத்தில் நேரிடையாக சேருவதற்கு யாருக்கு வாய்ப்பில்லையோ, அவர்களுக் காக ஒரு அமைப்பை உருவாக்கினார், அதுதான் பகுத்தறி வாளர் கழகம்.
ஆர்.எஸ்.எஸை எடுத்துக்கொண்டால், 1925 ஆம் ஆண்டு உருவானது. அப்பொழுது அந்த அமைப்பில் பெண்களுக்கு இடமே இல்லை.
நமக்கு நேர் எதிரான கொள்கைதான் ஆர்.எஸ்.எஸ். கொள்கையாகும்.
திராவிடர் கழகத்தினுடைய கொள்கை என்னவென்று சொன்னால், ஜாதி ஒழிப்பு, பிறவி பேதம் ஒழிப்பு, பெண் ணடிமை ஒழிப்பு, பெண்ணுரிமை, பகுத்தறிவு, மூடநம்பிக் கைகளை களைதல், சம வாய்ப்பு, சமுகநீதி, வகுப்புரிமை, அறிவியல் மனப்பான்மையை வளர்த்தல் என்று எழுதினால்,
இதற்கு நேர் எதிரானது என்னவோ, அதுதான் ஆர்.எஸ்.எஸ். கொள்கையாகும்.
ஆர்.எஸ்.எஸ். கொள்கை என்னவென்று கேட்டால், திராவிடர் கழகத்தின் கொள்கைக்கு நேர் எதிரான கொள் கைகள்தான்.
ஆக, திராவிடர் கழகம் வெளிப்படையானது.
ஆர்.எஸ்.எஸ். ரகசிய இயக்கம்.
திராவிடர் இயக்கம் வன்முறையில் நம்பிக்கை இல்லாத இயக்கம்.
ஆர்.எஸ்.எஸ். அமைப்பில் பயிற்சி எடுத்தவர்தான் காந்தியாரை சுட்டுக்கொன்ற கோட்சே!
ஆர்.எஸ்.எஸ். வன்முறையை நம்புவது. காந்தியாரை சுட்டுக்கொன்ற கோட்சேகூட அந்த அமைப்பில்தான் பயிற்சி எடுத்தவர். ஆனால், அதை சாமர்த்தியமாக மறுப்பார்கள். 1925 ஆம் ஆண்டில்தான் ஆர்.எஸ்.எஸ். அமைப்பு வருகிறது
1925 ஆம் ஆண்டில்தான் சுயமரியாதை இயக்கம் வருகிறது.
1925 ஆம் ஆண்டில்தான் பொதுவுடைமை இயக்கம் வருகிறது.
ஆக, இந்த மூன்று அமைப்புகளும் ஒரே ஆண்டில்தான் தொடங்கப்பட்டன.
ஆர்.எஸ்.எஸ். அமைப்பில் பெண்களுக்கு இடம் கிடையாது என்று சொன்னவுடன், பிரச்சினை ஏற்பட்டது. 11 ஆண்டுகள் கழிந்த பிறகுதான், ராஷ்ட்ரீய சேவிகா கமிட்டி என்ற அமைப்பு ஆரம்பிக்கப்பட்டது. அதிலும் தந்திரமாக அந்தப் பெயரை வைத்திருக்கிறார்கள்.
ஆர்.எஸ்.எஸ். அமைப்பில் பெண்களுக்குப் பொறுப்பு கிடையாது
ஆர்.எஸ்.எஸ். என்றால், ராஷ்ட்ரிய சுய சேவக் சங்கம் என்பதன் சுருக்கம்தான்.
ராஷ்ட்ரீய சேவிகா கமிட்டி என்றால், அதுவும் ஆர்.எஸ்.எஸ். என்றுதான் வரும். இரண்டும் ஆர்.எஸ்.எஸ்தான். ஆனால், பெயர் வேறுபாடாகத் தெரியும்.
ஆர்.எஸ்.எஸ். அமைப்பில் பெண்களுக்குப் பொறுப்பு கிடையாது. ஆனால், திராவிடர் கழகத்தில் மண்டல செயலாளர்களாக, மாநில பொறுப்பாளர்களாக மாவட்டத் தலைவர்களாக பெண்கள் இருக்கிறார்கள்.
நாட்டில் நிறைய பழங்குடி மக்கள் இருக்கிறார்கள். ஆனால், அவர்கள் பழங்குடி மக்கள் என்று சொல்வ தில்லை. வனவாசி கல்யாண் ஆஸ்ரம் என்ற அமைப்பை ஏற்படுத்தினார்கள். அதாவது, காட்டு மனிதர்கள் என் கிறார்கள்.
ஒருமுறை கருநாடகாவில் உள்ள தலித் தோழர்கள் நடத்திய மாநாட்டிற்கு என்னை அழைத்திருந்தார்கள். இதுபோன்ற பெயர்களை நீக்குவதற்காகவே. வனவாசி என்று சொல்லக்கூடாது. வனவாசி என்றால், காட்டுப்பயல் என்று அர்த்தம். ஆகவே, அதுபோன்ற பெயர்களை நீக்கவேண்டும் என்பதற்காகத்தான் அந்த மாநாடு.
வனவாசி கல்யாண் ஆஸ்ரம் அமைப்பை ஏற்படுத்தி, அந்த சமுதாய மக்களை ஈர்க்கவேண்டும். அவர்களுக்கு சமஸ்கிருதம், அவர்களுக்குப் படிப்பு என்று அவர்க ளுடைய நலனுக்காகப் பாடுபடுவது போன்று காட்டுவது.
அதற்கடுத்தாக, மாணவர்கள் மத்தியில் செல்வாக்கு வரவேண்டும் என்று நினைத்து, அகில பாரத் வித்யார்த்தி பரிஷத் - ஏபிவிபி என்ற அமைப்பை உருவாக்கினார்கள்.
முதலில் சாதாரண அமைப்பு - இரண்டாவது மகளிர் அமைப்பு -
அதற்கொரு துணை அமைப்புப் போன்று, அதற்கடுத்து வனவாசி கல்யாண் ஆஸ்ரம் அமைப்பு, அதற்குப் பிறகு ஏபிவிபி அமைப்பு.
அடுத்ததாக, வெளிநாட்டில் இருக்கின்றவர்களையெல் லாம் ஒன்று சேர்க்கவேண்டும். மத மாற்றங்களைத் தடுக்க வேண்டும் என்று நினைத்து, விசுவ இந்து பரிஷத் அமைப்பை உருவாக்கினார்கள்.
அதற்குப் பிறகு தொழிலாளர்களை எல்லாம் ஒன்று சேர்க்கவேண்டும் என்று சொல்லி, பாரதீய மஸ்தூர் சங் - பிஎம்எஸ் என்ற அமைப்பை உருவாக்கினார்கள்.
இப்படியாக இன்னும் சில அமைப்புகளை உருவாக் கினார்கள். சமஸ்கிருத பாரதி, வித்யா பாரதி, சிஷு பந்தன் என்று நிறைய அமைப்புகளை ஏற்படுத்தினார்கள்.
நம்முடைய அமைப்புகள் ஒவ்வொன்றையும் நீங்கள் பலப்படுத்தவேண்டும்!
எதற்காக இதனை உங்களுக்கு எடுத்துச் சொல்கிறேன் என்று சொன்னால், ஆர்.எஸ்.எசைப்பற்றி நீங்கள் தெரிந்துகொள்ளவேண்டும் என்பதற்காக மட்டுமல்ல, ஒரு மரத்தினுடைய வேர் எப்படி ஆணி வேர், சல்லி வேர் என்று பலமாக இருக்கின்றவோ - அதுபோல நம்முடைய அமைப்புகள் ஒவ்வொன்றையும் ஒவ்வொரு வகையில் நீங்கள் பலப்படுத்தும் பணிகளை செய்தீர்கள் என்றால், அந்தப் பணி நிறைவாக இருக்கும்.
பெரியாருடைய தத்துவங்கள், பெரியாருடைய கொள் கைகள், பெரியாருடைய லட்சியங்கள், பெரியாருடைய வாழ்நாள் பணிகள், பெரியாருடைய இலக்குகள் என்று வரக்கூடிய அளவிற்கு வரும்பொழுது, அந்த வாய்ப்பு களை நாம் நிலைநாட்டி, உலகளாவிய நிலைக்குச் செல்லவேண்டும்.
பிரச்சாரம் என்பது மிகவும் முக்கியம்!
நிச்சயமாக, நம்முடைய இந்தக் காலகட்டம்தான் மிகவும் முக்கியமானது. நான் பல கூட்டங்களில் அடிக்கடி சொல்வதையே இங்கேயும் நினைவூட்டுகிறேன். கொள் கைகளை உருவாக்கியவர்களைவிட, யார் மிகவும் முக்கியம் என்றால், கொள்கையை உருவாக்கியவர்கள் கொடுத்துவிடுகிறார்கள் - கஷ்டப்படுகிறார்கள், எதிர் நீச்சல் அடிக்கிறார்கள் - எல்லாவற்றையும் செய்து அதை நிலைநாட்டுகிறார்கள். ஆனால், அந்தக் கொள்கைகள் பரவவேண்டும். அப்படி பரவுவதுதானே மிக முக்கியம். ஒரு பொருளை ஒருவர் கண்டுபிடித்தால், அந்தப் பொருள் மிகப்பெரிய அளவிற்கு மக்களுக்குப் பயன்பட்டால்தானே நல்லது. ஆனால், அந்தப் பொருளை மார்க்கெட்டிங் இல்லாமல் மக்களுக்குத் தெரியப்படுத்த முடியாதல்லவா! மார்க்கெட்டிங் செய்வது மிகவும் முக்கியம்.
கிறித்துவ மதத்தை எடுத்துக்கொண்டீர்களேயானால், அப்போசல்ஸ் என்று சொல்லக்கூடியவர்கள் இருப் பார்கள். அதேமாதிரி நபிகள் நாயகம். என்னடா, மத உதாரணம் சொல்கிறாரே என்று நினைக்காதீர்கள். ஏனென்றால், அவ்வளவு ஆழமாக அவர்கள் அதை செய்து வைத்திருக்கிறார்கள். அது மனதில் ஊடுருவுகிற அளவிற்கு.
அதனால், நாம் என்ன செய்யவேண்டும் என்றால், மத நம்பிக்கைக்காரர்களின் பிரேமை அப்படியே எடுத்துக் கொண்டு, அதனுள் நம்முடைய சரக்கை வைத்தீர் களேயானால், மிகவும் சுலபமாக இருக்கும்.
ஒரு சிறிய உதாரணத்தை சொல்கிறேன் உங்களுக்கு. திருவிழாக் காலம் என்று கோடைகாலத்தைத்தான் தேர்ந் தெடுத்து இருக்கிறார்கள். ஏனென்றால், கோடை காலத் தில்தான் விடுமுறைக்காக ஊருக்கு வருவார்கள். கோடை காலத்தில்தான் சுற்றுப்பயணம் செய்யவேண்டும் என்று நினைப்பார்கள். வெளியூரில் உள்ள அனைவரும் சொந்த ஊருக்கு திருவிழாவிற்கு வருவார்கள். பெருமளவு கூட்டம் சேர்கிறது.
(தொடரும்)
- விடுதலை நாளேடு,7.6.19

புதன், 29 மே, 2019

பகுத்தறிவாளர் கழக பொறுப்பாளர்களுக்கான இரண்டு நாள் பயிற்சிப்பட்டறை



வல்லம், மே 28- பகுத் தறிவாளர் கழக பொறுப்பா ளர்களுக்கான பயிற்சிப் பட்டறை 2019 மே திங்கள் 18, 19 ஆகிய இரு நாட்களும் தஞ்சாவூர் வல்லத்தில் நடை பெற்றது.

துவக்க நாளன்று காலை 9 மணிக்கெல்லாம் மாநிலம் முழுமையுமிருந்து பொறுப் பாளர்கள் கலந்து கொண்டு பதிவை தொடங்கினார்கள். முற்பகல் நிகழ்வு அறிவித்தபடி காலை 10 மணிக்கு தொடங்கியது. மாநில பகுத்தறிவாளர் கழகத் துணைத் தலைவர் கோபு.பழனிவேல் வரவேற்புரை யாற்றினார். பயிற்சி பட்ட றையின் நோக்கம் பற்றியும், நடைபெற உள்ள வகுப்புகள் பற்றிய முன்னோட்டத்தி னையும் பயிற்சி நாட்களில் பொறுப்பாளர்கள் எப்படி கட்டுப்பாடுடன் நடந்து கொள்ள வேண்டும் என்பதை பற்றியும், பகுத்தறிவாளர் கழக பொதுச் செயலாளர் இரா. தமிழ்ச்செல்வன் உரை யாற்றினார்.

முற்பகல் 11 மணியளவில் திராவிடர் கழகத் தலைவர் பகுத்தறிவாளர் கழகப் புர வலர் தமிழர் தலைவர் ஆசி ரியர் கி.வீரமணி அவர்கள் பகுத்தறிவாளர் கழக பொறுப்பாளர்கள் பயிற்சிப் பட்டறையில் பயிற்சி பெற்ற ஒவ்வொருவரும் 10 புதிய  அமைப்புகளை உருவாக்கி 700 புதிய அமைப்புகள் தொடங்கப்பட வேண்டும் என்று கேட்டுக்கொண்டார். தாங்கள் சார்ந்துள்ள ஆசி ரியர் அமைப்புகளில் பரப் புரை மேற்கொள்ள வேண் டும் எனவும், பொதுவான வர்களை ஆதரவாளராக மாற்றும் பயிற்சியில் ஈடுபட வேண்டும் எனவும் கேட்டுக் கொண்டார். எது நம்மைப் பிரிக்கிறதோ அதை அலட்சியப் படுத்த வேண்டும், எது நம்மை இணைக்கிறதோ அதை பலப்படுத்த வேண்டும். சாதனையாளர்களை ஆங்காங்கு பாராட்டிட தயங் கக்கூடாது.

குழந்தைகளுக்கு தமிழ் பெயர்களை சூட்ட வேண்டும். வடமொழி பெயர்களை தமிழ்ப்படுத்திப் பார்த்தால் அசிங்கமாக இருக்கும். வட மொழிப் பெயர்களை மாற்றம் செய்வதை இயக்க மாகவே செய்யலாம். எழுதக் கூடியவர்கள் எழுதுங்கள். பேச வாய்ப்பு கிடைத்தவர்கள் பேச்சாளர்களாக வாருங்கள். கோபம் ஏற்படவே கூடாது. அன்பு செய்ய வேண்டும். பொதுவானவர்களை கருத்து  தெரிவித்து, கருத்தால் ஒத் திசைய வைத்து ஆதரவாள ராக கொண்டு வர வேண்டும். (சிஷீஸீஸ்வீஸீநீமீ ணீஸீபீ சிஷீஸீஸ்மீக்ஷீ) என சிறப்புரையாற்றினார்கள், பயிற்சியாளர்கள் கேள்விகள் கேட்க தமிழர் தலைவர் ஆசிரியர் அய்யா அவர்கள் பதிலளித்தார்கள். முற்பகல் அமர்வு பகல் ஒரு மணிக்கு நிறைவு பெற்றது.

பிற்பகல் நிகழ்ச்சியில் 2.15 மணி அளவில் திராவிடர் கழகத் துணைத் தலைவர் கவிஞர் கலி.பூங்குன்றன் அவர்கள் "பகுத்தறிவு ஓர் வாழ்க்கை நெறி" என்ற தலைப்பில் உரையாற்றினார். பகுத்தறிவாளர்கள் கழகத் தினை தந்தை பெரியார் தோற்றுவித்ததைப் பற்றியும் அதன் செயல்பாடுகள் பற்றி யும் பேசினார்.

தொடர்ந்து பேராசிரியர் தேவதாஸ் அவர்கள் பகுத் தறிவாளர் கழகத்தில் புதிய உறுப்பினர்களை சேர்த்தல், தக்க வைத்தல் பற்றி உரை யாற்றினார்.

தொடர்ந்து திராவிடர் கழகப் பொருளாளர் வீ.கும ரேசன்  அவர்கள் "பகுத்தறி வாளர் கழகம் சிறப்பாக எப்படி செயல்பட வேண்டும்" என்ற தலைப்பில் அமைப் பியல் உரை வழங்கினார். தேநீர் இடைவேளைக்குப் பின் மாலை 4.30 மணி அளவில் மகேந்திரா சிட்டி, இன்ஃபோசிஸ் நிறுவன ஜோஸ்பின் சாந்தி "நேர மேலாண்மை" என்ற தலைப்பிலும், "பேச்சுக்கலை" என்ற தலைப்பிலும் பொறுப் பாளர்கள் நேரத்தை எப்படி சிறப்பாக மேலாண்மை செய்து, வெற்றிகரமான பேச் சாளராக  ஆவது எப்படி என்றும், வெற்றியாளர்கள் பின்பற்றவேண்டியவைகள் பற்றியும் விளக்கி பேசி னார்கள்.  பயிற்சியாளர்களின் கேள்விகளுக்கு விடையளித் தார்கள். பிற்பகல் நிகழ்ச்சி மாலை 6 மணிக்கு அரங்கத்தில் நிறைவடைந்தது.

இரவு நிகழ்ச்சி மாலை 7 மணிக்கு புல்வெளியில் தொடர்ந்தது. வேலை வாய்ப்பு மற்றும் பயிற்சித் துறை மேனாள் இணை இயக்குநர் க.பன்னீர் செல்வம் "சாதித்துக் காட்டும் குழுவை உருவாக்குவது எப் படி என்ற தலைப்பில் பயிற்சி அளித்தார். 8.30 மணிக்கு முதல் நாள் நிகழ்ச்சி நிறை வடைந்த உடன் பயிற்சியா ளர்கள் இரவு உணவுக்கு சென் றார்கள்.

19.5.2019 அன்று இரண் டாம் நாள் நிகழ்ச்சி காலை 9.30 மணிக்கு தஞ்சாவூர் மாவட்ட பகுத்தறி வாளர் கழக அமைப்பாளர் பா.ராசு அவர்களின் பகுத் தறிவு பாடலுடன் தொடங் கியது. பகுத்தறிவாளர் கழக தலைவர் மா.அழகிரிசாமி "பகுத்தறிவாளர் கழக பொறுப்பாளர்கள் அமைப்பு ரீதியாக செயல்படுவது எப் படி" என்ற தலைப்பில் உரை யாற்றினார். தொடர்ந்து பயிற்றுநர் டாக்டர் கணேஷ்வேலுச்சாமி அவர்கள் "அறிவியல் சந்தே கங்கள்" என்ற தலைப்பில் கணினி திரை வழியே பல்வேறு அரசியல் சந்தேகங் களுக்கு விளக்கம் அளித்து பேசினார். தேநீர் இடை வேளைக்கு பின்னர் திராவிடர் கழகப் பொதுச் செயலாளர் வீ.அன்புராஜ் அவர்கள், "நமது அணுகுமுறை பற்றியும் அமைப்பாக (நெட் வொர்க்) இணைந்து செய லாற்றுவது பற்றியும்" விளக்கிப் பேசி னார்கள். அவரது உரைக்கு பின்னர் பயிற்சி யாளர்களின் கேள்வி களுக்கு விடையளித்தார்கள். தொடர்ந்து பயிற்சியா ளர்கள், பொறுப்பாளர்கள் குழு ஒளிப்படம் எடுத்துக் கொண்டார்கள். முற்பகல் அமர்வு நிறை வடைந்தது.

மதிய உணவு இடை வேளைக்குப் பின்பு "மக்களை ஈர்ப்பதற்கான தலைமைப் பண்புகள்" என்ற தலைப்பில் வேலைவாய்ப்பு மற்றும் பயிற்சித் துறை மேனாள் இணை இயக்குநர் தி.க.பன் னீர்செல்வம் அவர்கள் உரை யாற்றினார்கள்.

பங்கேற்ற பயிற்சியாளர் களுக்கு கருத்துக் கேட்பு படிவங்களை மாநிலத் துணைத் தலைவர் கா.நல்ல தம்பி வழங்கினார். பயிற்சி பற்றிய கருத்துக் களை மாநில பகுத்தறிவாளர் கழக துணைத் தலைவர்கள் ராயகிரி கே.டி.சி.குருசாமி, அண்ணா சரவணன், ச.மணி வண்ணன், அ.தா. சண்முக சுந்தரம், அ.சரவணன், காரைக்குடி மு.சு. கண்மணி, திருவண்ணாமலை பா.வெங்கட்ராமன், வட சென்னை கோவி.கோபால், மறைமலை நகர் அ.சிவக் குமார், மதுக்கூர் ஆ.இரத் தினசபாபதி, கல்லக்குறிச்சி ம.சுப்பராயன், புதுச்சேரி கு.இரஞ்சித்குமார், தஞ்சாவூர் ச.அழகிரி, உசிலம்பட்டி அ.மன்னர்மன்னன், பகுத்தறிவு ஆசிரியர் அணி மாநில அமைப்பாளர் ஆத் தூர் வா.தமிழ் பிரபாகரன், லால்குடி மு.செல்வி, திருச்சி மதிவாணன் ஆகியோர் வழங்கினார்கள்.

பயிற்சியாளர்களுக்கு பெரியார் மணியம்மை பல் கலைக்கழக துணைவேந்தர் டாக்டர் எஸ்.வேலுச்சாமி சான்றிதழ்களை வழங்கி பாராட்டுரை வழங்கினார். பயிற்சியாளர்களுக்கு  சான்றிதழுடன் இரண்டு நூல்கள் நினைவுப் பரிசாக வழங் கப்பட்டன. பகுத்தறிவு ஆசிரியர் அணி மாநில அமைப் பாளர் எஸ்.ரமேஷ் நன்றி கூறினார். மொத்தம் 72 பேர் கலந்து கொண்டனர்.

- விடுதலை நாளேடு, 28 .5 .2019

பகுத்தறிவாளர் கழகப் பயிற்சிப் பட்டறையில் பங்கு பெற்றோர்

தஞ்சை வல்லத்தில் மே மாதம் 18, 19 தேதிகளில்  நடைபெற்ற பகுத்தறிவாளர் கழகப் பொறுப்பாளர் களுக்கான பயிற்சிப் பட்டறையில் திராவிடர் கழகப் பொதுச்செயலாளர் வீ.அன்புராஜ், பொருளாளர் வீ.குமரேசன், பகுத்தறிவாளர் கழகத் தலைவர் மா.அழகிரிசாமி, பகுத்தறிவாளர் கழகத் துணைத் தலைவர்கள், பகுத்தறிவு ஆசிரியரணி அமைப்பாளர்கள் பயிற்சியாளர்கள் உள்ளனர்.

 - விடுதலை நாளேடு, 24 .5 .2019

திங்கள், 20 மே, 2019

பகுத்தறிவாளர் கழகப் பயிற்சிப் பட்டறை தொடங்கியது



தஞ்சை வல்லத்தில் பகுத்தறிவாளர் கழகப் பொறுப்பாளர்களுக்கான 2 நாள் பயிற்சிப் பட்டறை இன்று (18.5.2019) தொடங்கியது. பகுத்தறிவாளர் கழகப் புரவலர் திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள் பயிற்சிப் பட்டறையைத் தொடங்கி வைத்து உரையாற்றினார். திராவிடர் கழகத் துணைத் தலைவர் கவிஞர் கலி.பூங்குன்றன், பொருளாளர் வீ.குமரேசன், பகுத்தறிவாளர் கழகத் தலைவர் மா.அழகிரிசாமி, பகுத்தறிவாளர் கழகப்  பொதுச் செயலாளர் இரா.தமிழ்செல்வன்  மற்றும் பகுத்தறிவாளர் கழகப் பொறுப்பாளர்கள் உள்ளனர்.



-  விடுதலை நாளேடு, 18.5.19