வியாழன், 12 அக்டோபர், 2017

அமெரிக்கா நியூ ஜெர்சியிலும், தெ.ஆ. கானாவிலும்

கருத்தரங்கம் - கல்விப் பணிகள் கலகலப்பாக...

தந்தை பெரியார் பிறந்த நாள் பெருவிழா கொண்டாட்டங்கள்



நியூஜெர்சி, செப்.26 அமெரிக்காவின் நியூஜெர்சி யிலும், தென்னாப்பிரிக்காவின் கானா நாட்டிலும் தந்தை பெரியார் 139 ஆம் ஆண்டு பிறந்த நாள் பெருவிழாவாகக் கொண்டாடபட்டது.

அமெரிக்கா: நியூஜெர்சியில்...

நியு ஜெர்சி மாநிலத்தில் செப்டம்பர் 23 ஆம் தேதி தந்தை பெரியார் அவர்களின் 139 ஆவது பிறந்த நாள் விழா வெகு சிறப்பாக கொண் டாடப்பட்டது.

நிகழ்ச்சியின் தொடக்கத்தில் ‘நீட்’ எனும் சமூக அநீதியால் உயிரிழந்த மாணவி அனிதா மற்றும் ஆர்.எஸ்.எஸ். மதவெறியால் கொல்லப்பட்ட கவுரி லங்கேஷ் ஆகியோருக்கு அமைதி காத்து மரியாதை செலுத்தப்பட்டது.

சுபாசு சந்திரன் வரவேற்புரை நிகழ்த்தி வந்திருந்தோரை நிகழ்ச்சிக்கு வரவேற்றார். தந்தை பெரியாரின் கருத்துகளை பகிரக்கூடிய கருத்தரங்கை பெரியார் பன்னாட்டு அமைப்பின் தலைவர் மருத்துவர்  சோம.இளங்கோவன் தலைமை ஏற்று தொடங்கி வைத்தார்.

‘பெரியாரும் பெண்ணியமும்’ என்ற தலைப் பில் சுபா செல்லப்பன் தந்தை பெரியார் எவ்வாறு பெண் விடுதலைக்காகப் பாடுபட்டார், தன் வீட்டுப் பெண்களை போராட்டக்களத்திற்கு எவ்வாறு தயார் செய்தார் என பல கருத்துகளை எடுத்துரைத்தார்.

கருத்தரங்கம்

‘பெரியாரும் தமிழ்மொழியும்’ என்ற தலைப் பில் மருத்துவர் சரோஜா இளங்கோவன் தந்தை பெரியாரின் எழுத்துச் சீர்த்திருத்தம் எத்தகைய நன்மையை தமிழ் மொழிக்கு நல்கியது எனவும், பெரியார் தமிழ் மொழியின் வளர்ச்சிக்கு ஆற்றிய பணிகள் குறித்தும் சிறப்புற எடுத்து இயம்பினார்.

‘பெரியாரும் மத எதிர்ப்பும்’ என்ற தலைப்பில் செந்தில்நாதன் எப்படி தந்தை பெரியார் தன் இந்து மத எதிர்ப்பை காசியில் இருந்து தொடங்கினார், எவ்வாறு இந்து மதம் ஜாதியத்தைப் பாதுகாக் கின்றது என எடுத்துரைத்தார்.

‘பெரியாரும் ஜாதி ஒழிப்பும்’ என்ற தலைப்பில் பார்த்திபன் சுந்தரம் ஜாதியின் படிநிலைகள் எவ்வாறு மக்களைப் பிளவுபடுத்தியுள்ளது, சக மனிதனை இழிவாக நடத்துகின்றது என எழுச்சி யாக எடுத்துரைத்தார்.

‘பெரியாரும் பகுத்தறிவும்’ என்ற தலைப் பில் வழக்குரைஞர் கனிமொழி தந்தை பெரி யாரின் பகுத்தறிவில் ஏன் கடவுள் மறுப்பு அணுகுமுறையை கையாண்டார் என்பதை விளக்கி சிறப்பாக உரையாற்றினார். அதே போல் மருத்துவர் சோம.இளங்கோவன் அவர்களும் தந்தை பெரியாரின் ஜாதி ஒழிப்பு உரையை தந்தை பெரியார் அவர்களின் குரலில் பேசினார்.

சென்னையில் இருந்து திராவிடர் கழக அமைப்புச் செயலாளர் நெய்வேலி வெ.ஞான சேகரன் நிகழ்வில் கலந்து கொண்டு தந்தை பெரியாருக்குப் பின் எப்படி திராவிடர் கழக தலைவர் தமிழர் தலைவர் ஆசிரியர் தந்தை பெரியாரை முன்னிலைப்படுத்தி அவர்களை உலகெங்கிலும் கொண்டுச் சென்று வருகிறார் என்பதை எடுத்துரைத்தார். அதே போல பெரியார் பிஞ்சுகள் இனியா பெண்ணுரிமை பற்றியும், இதயா சுயமரியாதை பற்றியும், பிரியன் என் பார்வையில் பெரியார் என்பதை பற்றியும் ஆங்கிலத்தில் உரை நிகழ்த்தினார்கள்.

பெரியார் பிஞ்சுகள் இலக்கணன், எயினி  புரட்சிக்கவிஞர் பாரதிதாசன் கவிதைகளை ஒப்பு வித்தனர்.  சசிக்குமார் நன்றி உரை நல்கினார்.

இந்த நிகழ்ச்சியின் ஒருங்கிணைப்பை நியு ஜெர்சியில் வாழும் பெரியார் அம்பேத்கர் படிப்பு வட்டத் தோழர்கள் ஓம் பிரசாத், பாலா, செந்தில், சுபாசு சந்திரன், தாமஸ் ஆகியோர் சிறப்பாகச் செய்தனர். வந்திருந்த இன உணர்வாளர்கள், பெரியார் பற்றாளர்கள் தந்தை பெரியாரின் பிறந்த நாளை ஒவ்வொரு ஆண்டும் தொடர்ந்து நடத்த வேண்டுகோள் வைத்தனர்.

தெ.ஆ. கானாவில்...

ஆப்பிரிக்காவின் மேற்குப் பகுதியில் ஜனநாயக குடியரசு நாடாக கானா நாடு திகழ்ந்து வருகிறது. கானா நாட்டின் தலைநகராக அக்ரா உள்ளது. அய்க்கியப் பேரரசான இங்கிலாந்திடமிருந்து 1957 ஆம் ஆண்டில் விடுதலை பெற்ற முதல் ஆப்பிரிக்க நாடு கானா ஆகும். தற்போது தந்தை பெரியார் பெயரில் கானா நாட்டு அடித்தட்டு மக்களின் முன்னேற்றத்துக்காக இளைஞர்களின், மாணவர்களின் கல்வி, தொழில்நுட்ப அறிவை மேம்படுத்தும் பணிகளை சிறப்பாக பெரியார் ஆப்பிரிக்கன் பவுண்டேஷன் செய்து வருகிறது.

கானா நாட்டில் பெரியார் ஆப்பிரிக்கன் பவுண்டேஷன் சார்பில் தந்தைபெரியார் 139 ஆம் ஆண்டு பிறந்த நாள் விழா எழுச்சியுடன் கொண்டாடப்பட்டது.

கல்வி உதவித் தொகை

ஆப்பிரிக்க கண்டத்தில் உள்ள கானா நாட்டில் கிராமப்புற இளைஞர்களுக்கான கல்வி மற்றும் அதிகாரத்துவத்துக்கான பயிற்சியை பெரியார் ஆப்பிரிக்கன் பவுண்டேஷன் தொடர்ச்சியாக வழங்கி வருகிறது.

ஆந்திரப்பிரதேச மாநிலத்தில் அமராவதி  எஸ்.ஆர்.எம். பல்கலைக்கழகத்துடன் இணைந்து, இளைஞர்களின்முன்னேற்றத்துக்கானசெயல் பாடுகளில் பெரியார் ஆப்பிரிக்கன்  பவுண்டேஷன் Ôவேற்றுமையில் ஒற்றுமைÕ எனும் கொள்கையை வலியுறுத்தி பரப்பியும் வருகிறது. மேலும், 10 இளைஞர்களைத் தேர்வு செய்து நூறு விழுக்காடு அவர்களின் கல்வி மற்றும் விடுதிக்கான கட்டணங்களை நான்கு ஆண்டுகளுக்கு பொறுப் பேற்று செயல்படுத்தி வருகிறது.

பன்னாட்டளவில் அதிகார மளித்தல் மற்றும் மனிதநேயம், சமத்துவம் வழிகளில் தந்தை பெரியார் கொள்கைகளைப் பின்பற்றி நடப்பதன்மூலமாக, தந்தை பெரியார் 139 ஆம் ஆண்டு பிறந்த நாளில் தந்தை பெரியார் கொள்கைகளைப் பரப்புவதில் பெரியார் ஆப் பிரிக்கன் பவுண்டேஷன் பெருமை கொள்கிறது.

குறுகிய கால அவகாசத்தில் தேர்வுசெய்யப்பட்டமாண வப்பயனாளிகள் 10பேரும் ஒன்றுகூடினார்கள்.அவர்களிடம் பெரியார் ஆப் பிரிக்கன்பவுண்டேஷன்தலை வர் கே.சி.எழிலரசன், துணைத் தலைவர் அலுவலகப் பிரதி நிதிகள், எஸ்ஆர்எம் மேனாள் மாணவரும், அனைத்து நாடு களின் பல்கலைக்கழக கல்லூரி விரிவுரையாளருமாகிய ஓவுசு அன்சா உள்ளிட்டவர்கள்  பெரியார் ஆப்பிரிக்கன் பவுண் டேஷன் நோக்கங்களையும், தந்தை பெரியார் கொள்கை களையும் விளக்கி உரையாற் றினார்கள்.

கானாவில் உள்ள புளூ கிரெஸ்ட் கல்லூரியில் பணி யாற்றும் இந்திய பேராசிரியர்கள், கல்வி மற்றும் மதிப்பீடுகள் தலைவர் முனைவர் பால முருகன், பேஷன் டிசைன் துறைத்தலைவர் ராஜேஷ்குமார், கல்வி விவகாரங்களுக்கான உதவிப்பதிவாளர் சத்தீஷ்குமார் ஆகியோர் மாணவர்களிடையே இந்தியாவின் கலாச்சாரம் மற்றும் கல்வி குறித்துவிரிவாக எடுத்துரைத்தார்கள்.

பெரியார் ஆப்பிரிக்கன் பவுண்டேஷன்வளர்ச்சிப் பணிகளில்பணியாற்றி வருபவரும், பயணத்திட்டங் களுக்கான ஆலோசகருமாகிய டாக்டர் சுலமனா அபுதுலாய் கானா நாட்டில் பெரியார் ஆப்பிரிக்கன் பவுண்டேஷன் துணைத் தலைவர் அலுவலகத்தில் பணியாற்றி வருகிறார்.

பெரியார் ஆப்பிரிக்கன் பவுண்டேஷன் உதவியுடன் பயன்பெற்று பொறியியல் கல்வி பயிலும் அனைத்து மாணவர்களும் பேசுகையில் சிறந்த அளவில் கல்வி பயின்று, நன்கு தேர்ச்சி பெற்று  சிறப்பானதொரு நிலைக்கு உயர்ந்து காட்டுவோம் என்று உறுதிபடப் பேசினார்கள்.



-விடுதலை நாளேடு, 26.9.17

செவ்வாய், 10 அக்டோபர், 2017

எங்கும் பெரியார்! பெரியார்! ஆந்திர மற்றும் தெலுங்கானா மாநிலங்களில் தந்தை பெரியாரின் 139 ஆம் ஆண்டு பிறந்தநாள் விழா!



விசாகப்பட்டினம், அக்.2 ஆந்திர மாநிலத்திலுள்ள ராயல சீமா மற்றும் தெலங்கானா மாநிலத்தில் உள்ள பல பகுதிகளில்  தந்தை பெரியாரின் 139 ஆவது பிறந்த நாள் விழா, பிரஜா நாஸ்திக சமாஜம் சார்பில் மிகச் சிறப்பாகக் கொண்டாடப் பட்டிருக்கிறது.

மண்டைச்சுரப்பை உலகு தொழும் என்று தொலை நோக்குப் பார் வையுடன் எழுதிய புரட் சிக்கவிஞரின் கவிதைக் கேற்ப தந்தை பெரியாரின் பிறந்த நாள் விழா உல கெங்கிலும் கொண்டா டப்பட்டு வருகிறது.

அந்த வகையில் ஆந் திரா, தெலங்கானா மாநி லங்களில் தந்தை பெரியாரின் பிறந்தநாள் விழாவை பிரஜா நாஸ்திக சங் கத்தின் (மக்கள் நாத்திக சங்கம்) சார்பில் செப்டம்பர் 17 ஆம் தேதி அன்று மிகச் சிறப் பாகக் கொண்டாடப்பட்டிருக்கிறது.

தெலங்கானா மாநிலத்திலுள்ள வாரங்கல் மாவட்டத்தில் பிறந்த ஜி.டி. சாரய்யாவை தலைவராகக் கொண்டு இயங்கி வரும் இந்த அமைப்பானது ஆண்டு முழுவதும் தந்தை பெரியாரின் கருத்துக் களை மக்களிடம் கொண்டு செல்லும் பணிகளைச் செய்து வந்தாலும், இந்த ஆண்டு இதுவரையிலும் இல்லாத வகையில் தந்தை பெரியாரின் கருத்துகள் அறிமுகமே இல்லாத குக் கிராமங்களுக்கும் சென்று அங்கி ருக்கும் மக்களுக்கு பாயாசம் கொடுத்து, தெருமுனைக் கூட்டங்களாக ஆங்காங்கே அவரது கொள்கைகளைப் பேசி பிரச்சாரம் செய்திருக் கின்றனர்.

ஆந்திரா, தெலங்கானா கிராமங்களில் பெரியார்!

தெலங்கானா மாநிலம் உள்ள விசாகபட்டினம், கரீம் நகர், உசாரா பாத், பெல்லம்பள்ளி, வாரங்கல் மாவட்டம் கமலாபுரம், ஜெமிகுண்டா, பூபால பள்ளி மாவட்டம் ஏட்டூர் நாகரம் மற்றும் பத்ரதிரி ஜில்லா, கடப்பா, பொத்துட்டூர் மற்றும் கொத்தகுடம் ஆகிய பகுதிகளில் தந்தை பெரியாரின் பிறந்தநாள் விழா கொண்டாடப்பட்டிருக்கிறது.

கரீம்நகர் பகுதியில் நடைபெற்ற விழாவில் அதன் முனிசிபல் சேர்மன் கலந்துகொண்டு சிறப் பித்திருக்கிறார்.

அதேபோல ஜெமிகுண்டாவில் நடைபெற்ற நிகழ்ச்சியில் அங் குள்ள சர்க்கிள் இன்ஸ்பெக்டர் நாராயணன் மற்றும் திருப்பதி அய்யா ஆகியோர் கலந்து கொண்டு சிறப்பித்திருக்கின்றனர்.

இதே பிரஜா நாஸ்திக சங்கம் தன்னுடைய பிரச்சாரத்தை விரிவு படுத்துகிற விதமாக ஆந்திர மாநிலத்திலுள்ள ராயலசீமாவிலும் சென்று பிரச்சாரத்தில் ஈடுபட்டுள்ளது. இந்தப் பிரச்சாரம் கரீம் நகரில் தொடங்கி கொத்தகூடம் வரையிலும் மிகச் சிறப்பாக நடை பெற்றிருக்கிறது.

இவர்களின் பிரச்சாரம் உரைகளோடு கூடிய இசையும், நடனமும் சேர்ந்தாகும். இந்த ஆண்டு பிரச்சாரம் செய்த பகுதிகள் அனைத்தும் பெரியாரைப்பற்றி அறிமுகம் இல்லாத பகுதிகள் என்பது குறிப்பிடத் தக்கது. இந்தப் பிரச்சாரத்தில் பிரஜா நாஸ்திக சமாஜத்துடன் உள் ளூரிலிருக்கும் பல மக்கள் நலப்பணி அமைப்புகளும் கலந்து கொண் டுள்ளன என்பது குறிப்பிடத்தக்கது.

பகுத்தறிவு பிதாமகன்  தந்தை பெரியார்!

கிராமப்பிரச்சாரத்தைத் தொடர்ந்து பிரஜா நாஸ்திக சங்கமானது செப்டம்பர் 20 ஆம் தேதி விசாகபட்டினத்திலுள்ள பத்திரிகையாளர் சங்கக் கட்டடத்தில் (க்ஷியிதி றிக்ஷீமீss சிறீuதீ) நாஸ்திக கேதுவாதி பிதாமகடு (பகுத்தறிவு பிதா மகன் தந்தை பெரியார்) என்ற தலைப்பில், தந்தை பெரியார் பற்றிய ஒரு கருத்தரங்கத்தையும் நடத்தி முடித்திருக்கிறது.

இந்நிகழ்ச்சியில் ஜி.டி. சாரய்யா தலைமையேற்று சிறப்பித்திருக் கிறார்.  நிகழ்வில் பிரகதீசீலா மகிளா சங்கத்தின் (மகளிர் முற்போக்கு அமைப்பு) தலைவர் லட்சுமி, தலித்த விமுக்தி அமைப்பின் தலைவர் ரமணா, ஆந்திர பல்கலைக்கழகத்தின் இணைப்பேராசிரியர் சரோஜா ராஜ் மற்றும் பேராசிரியர் கே.பி.சுப்பாராவ் ஆகி யோரும் ஏராளமான மக்களும் கலந்து கொண்டு சிறப்பித்திருக்கின்றனர். இந்த நிகழ்ச்சியில் கவுரி லங்கேஷ் படுகொலைக்கு கண்டனம் தெரிவித்து தீர்மானம் நிறைவேற்றியுள்ளனர் என்பது குறிப் பிடத்தக்கது. -------
- விடுதலை நாளேடு2.10.17

ஜப்பானில் பெரியார் - அம்பேத்கர் வாசகர் வட்டம் தொடக்கம்!


பலே, பலே!

ஜப்பானில் பெரியார் - அம்பேத்கர்

வாசகர் வட்டம் தொடக்கம்!



கவாசகி, அக்.2 டோக்கியோ அருகில் இருப்பது கனகவா மாவட்டம். இங்குள்ள கவாசகி நகரத்தில், அர்பன்வியூ அரங்கில் நடைபெற்ற நிகழ்ச்சியில் பெரியார் - அம்பேத்கர் வாசகர் வட்டம் தொடங்கப்பட்டது.

இந்த அமைப்பை எழுத்தாளர் வே.மதிமாறன் இணைய வழியில் உரையாற்றி தொடங்கி வைத்தார். மேலும் பங்கேற் பாளர்களின் கேள்விகளுக்கும் பதில் அளித்தார். தொடர்ந்து வி.சி.வில்வம் வாழ்த்துரை வழங்கினார்.

ஜப்பான் வாழ் தமிழக இளைஞர்கள் முழுமதி அறக்கட்டளை எனும் பெயரில் ஒரு அமைப்பு வைத்துள்ளனர். அந்த அமைப்பின் மூலம் அரசு பள்ளிகளுக்கும், மாணவர்களுக்கும் உதவிகள் செய்து வருகின்றனர். அந்த வகையில் திருவண்ணாமலை மாவட்டம் ஜவ்வாது மலை மற்றும் நாமக்கல் மாவட்டம் கொல்லி மலை ஆகிய பகுதிகளில் அரசுப் பள்ளிகளைத் தத்தெடுத்துத் தேவையான உதவிகளை செய்து வருகின்றனர்.

இதுதவிர ஜப்பான் வாழ் தமிழ்க் குழந்தைகளுக்குத் தமிழ்ப் பேச, எழுதக் கற்றுக் கொடுப்பதும், திருக்குறள் வகுப்புகள் நடத்துவதும், மாணவர்களுக்குப் பறைப் பயிற்சிகள் வழங்கியும் பல்வேறு சமூகப் பணிகளை ஆற்றி வருகின்றனர்.

மேலும் தமிழர் திருநாள் பொங்கல் நிகழ்ச்சியை ஆண்டுதோறும் சிறப்பாகக் கொண்டாடி வருகின்றனர். தமிழ்நாட்டின் நீட்டுக்கு எதிரான தமது கண்டனத்தைப் பல்வேறு வழிகளில் இவர்கள் பதிவு செய்துள்ளனர்.

அந்த வகையில் இந்த இளைஞர்களால் பெரியார் - அம்பேத்கர் வாசகர் வட்டம் தொடங்கப்பட்டுள்ளது.  நிகழ்ச்சியில் தமிழக மக்கள் தவிர்த்து மகாராட்டிரா உள்ளிட்ட வட  மாநில இளைஞர்களும் பங்கேற்றது குறிப்பிடத்தக்கது.
- விடுதலை நாளேடு,2.10.17

சிகாகோவில் சிந்தனைக்கு விருந்தான அய்யா, அண்ணா பிறந்த நாள் விழா



சிகாகோ, அக்.7 "திரை கடலோடினும் சுய மரியாதை பயில்" எனும் தமிழர் கூட்டம் தங்களது தலைவர்களின் பிறந்த நாள் விழா எடுக்க சிகாகோ நகரில் இணைந்தது. கடந்த 23 செப்டம்பர்- 2017 அன்று சிகாகோ அருகில் உள்ள ப்ரொசுபெக்ட் அய்ட்ஸ் (Prospect Heights) 
) எனும் நகரில் தந்தை பெரியாரின் 139ஆவது மற் றும் அறிஞர் அண்ணா அவர்களின் 109ஆவது ஆண்டு பிறந்த நாள் விழா கொண்டாடப் பட்டது.

தந்தை பெரியார் பன்னாட்டு மய்யச் செயலர்  அருள்செல்வி பாலு அவர்கள் வந்திருந்த அனைவரையும் வரவேற்றுக்  கலந்துரையாடல் நிகழ்வினை தொடங்கி வைத்தார். தோழர்கள் அனைவரும் தாங்கள் அறிந்திருந்த மற்றும் பயனடைந்த தலைவர் களின் கொள்கைகளைப் பகிர்ந்து கொண் டனர். அவற்றில் சில துளிகள்:

-பெண்கள் முன்னேற்றம் பற்றி அன்றே உரக்க கூறியவர் தந்தை பெரியார். இன்றும் சமூகத்தில் பெண்களுக்கு சம உரிமை அளிக்கப்படுவதில்லை. இந்த நிலை மாற வேண்டும். அதற்குப் பெரியாரின் எழுத்துக் களும், முழக்கங்களும் உதவுகின்றன. -

இன்றும் பல மூட நம்பிக்கைகள் புரை யோடி உள்ளன. பகுத்தறிவினைப் பயன் படுத்துவதன் வழி இதனை நாம் அறியலாம். அத்தகைய மூட நம்பிக்கைகளை திடமாக மறுப்பதுடன், இளையோர் உள்ளம் தெளிவு பட உரைக்க வேண்டியது நமது கடமை.

- மாநில சுயாட்சி, அனைவர்க்கும் சம உரிமை என்று உலகிற்கு உரக்க கூறி வந்தவர் அறிஞர் அண்ணா! அவர்களை நாம் என்றென்றும் நினைத்திட வேண்டும். இந்தி திணிப்பு, கல்வி உரிமை பறிப்பு என இன்றும் நம் மீது திணிக்கும் ஆதிக்க சக்தி களை நாம் அனைவரும் அறிந்திட வேண்டும். அதனை எதிர்த்து வென்றிட என்றும் அறிஞர் அண்ணா அவர்களின் கொள்கைகளை நினைவில் நிறுத்திட வேண்டும்.

சிறப்புப் பேச்சாளர்கள்

இந்த ஆண்டு விழாவினில் சிந்தனையைத் தூண்டும் சிறப்புப் பேச்சாளர்களாக திராவிட இயக்கத் தமிழர் பேரவைப் பொதுச் செய லாளர் பேராசிரியர் சுப. வீரபாண்டியன் அவர்களும், கவிஞர் நந்தலாலா அவர்களும் தங்களது வாழ்த்து செய்திகளையும், உரையினையும் பகிர்ந்து இருந்தனர். அந்த வாழ்த் தும், உரையும் அனைவரின் உள்ளங்களையும் பெரிதும் கவர்ந்தன என்பது குறிப்பிடத் தக்கதாகும்.

பேராசிரியர் சுப. வீரபாண்டியன் அவர்கள், திராவிட கொள்கைகளின் அடிப்படையான "இன, மொழி உணர்வை பாதுகாத்தல்; சமூக நீதியை காத்தல்; பகுத்தறிவினைப் பரப்புதல்" ஆகியவற்றை பற்றி விளக்கமாக மனதில் பதியும்படி கூறினார். மேலும் இன்றைய சூழலை அழகாகப் படம் பிடித்து, எவ்வாறு ஆதிக்க சக்திகள் நம்மை வஞ்சிக்கின்றன; அதனை முறியடிக்க தந்தை பெரியார், அறிஞர் அண்ணா கொள்கைகள் நம்மை வழி நடத்தும் என தனது உரையில் பாடமாக நயம்பட எடுத்துரைத்தார். கவிஞர் நந்தலாலா அவர்கள், தந்தை பெரியார் மற்றும் அறிஞர் அண்ணா அவர்களது வாழ்விலிருந்து நாம் கற்க வேண்டிய பண்புகளைக் கூறினார்கள். தோழர் திருவாட்டிவினோப்ரியா அவர்கள் தாம் படைத்த "எம் மரமண்டைக்கு உரைக்கும் படி ஒன்று போடும் தந்தையே!" என்ற எழுச்சிமிகு கவிதையினை வாசித்தார். கலந்துரையாடல் மட்டும் அல்லாது சிந்தனை சீர்படுத்தும் பயிலரங்கமாக விழா அமைந்தது என்றால் அது மிகையாகாது.

இந்த சீர்மிகு விழாவினில் பங்குபெற்ற தோழர்கள்: வ.ச.பாபு, சோம.வேலாயுதம், கலைச்செல்வி வேலாயுதம், பொன்மலர், தமிழ்மணி, வீரசேகர், ஆனந்தன், ராஜேஷ் சுந்தர்ராஜன், சுதாகர், அறிவரசன், அன்பழ கன், திருமதி. அன்பழகன், ரத்தினகுமார், பாலசுப்ரமணியன் நடராசன், சுரேஷ், சாந்த குமாரி அம்மா, ரவிக்குமார் வைத்திலிங்கம்,  யாழினி, செல்வன் பிரபாகரன், மணி குண சேகரன், ரமேஷ் பாப்பண்ணன், முத்துவேல், ரத்தினசாமி, ஸ்கந்தகுமார்,சரவணக்குமார், பாலு.

இனிதாய் அமைந்த விழாவில் தந்தை பெரியார், அறிஞர் அண்ணா ஆகியோர் இன்றும் என்றும் தேவை என்பதை மனதில் இருத்திக் கொண்டு விடை பெற்றனர் தோழர்கள் - அடுத்த ஆண்டு விழாவினை எதிர் நோக்கியும், அதுவரை தாம் செய்ய வேண்டிய பகுத்தறிவுப் பணியினை எண்ணியும்!

செய்தியாளர் : சரவணக்குமார்

- விடுதலை நாளேடு-7.10.17

அண்ணா போலிட் கோவ்ஸ்கயா விருது கவுரி லங்கேஷ் தேர்வு


பெங்களூரு, அக்.7 ரஷ்ய நாட்டைச் சேர்ந்த அண்ணா போலிட்கோவ்ஸ்கயா பெயரில் லண்டனைச் சேர்ந்த ரீச் ஆல் உமன் இன் வார் (ரா இன் வார்) என்ற அமைப்பு வழங்கும்  விருதுக்கு அண்மை யில் துப்பாக்கிசூட்டில் கொல்லப்பட்ட கவுரி லங்கேஷ் தேர்ந்தெடுக்கப்பட்டிருக்கிறார்.

இதுகுறித்து பெங்களூருவில் வியாழக்கிழமை கவிதா லங்கேஷ், செய்தியாளர்களிடம் கூறிய தாவது:

எனது சகோதரியும், மூத்த பத்திரிகையாளருமான கவுரி லங்கேஷ் கடந்த செப்.5- ஆம் தேதி அடை யாளம் தெரியாத நபரால் துப்பாக்கியால் சுட்டுக் கொலை செய்யப்பட்டார். அவரது கொலை தொடர்பான விசாரணை நடந்து வருகிறது. விசா ரணை திருப்தியாக இருக்கிறது என்பதை காட் டிலும் கொலைக்காரர்கள் யார்? கொலைக்கான காரணம் என்ன? என்பது குறித்து அறிந்துகொள்ளும் ஆர்வம் எங்களுக்கு உள்ளது.

கடந்தாண்டு மாஸ்கோவில் பாகிஸ்தான் செயல்பாட்டாளர் குலாலாய் இஸ்மாயிலுடன் இணைந்து ரஷ்ய நாட்டைச் சேர்ந்த புலனாய்வு பத்திரிகையாளர் அண்ணா போலிட் கோவ்ஸ்கயா நினைவாக அண்ணா போலிட்கோவ்ஸ்கயா விருது நிறுவப்பட்டுள்ளது.

இந்த விருதை லண்டனைச் சேர்ந்த ரீச் ஆல் உமன் இன் வார் (ரா இன் வார்) என்ற அமைப்பு வழங்குகிறது. இந்த விருக்கு கவுரி லங்கேஷ் தேர்ந்தெடுக்கப்பட்டுள்ளதாக எனக்கு மின்னஞ்சல் வந்துள்ளது. இந்த விருதை பெறும் முதல் இந்தியர் கவுரி லங்கேஷ். எனது சகோதரியை போலவே அண்ணா போலிட் கோவ்ஸ்கயாவும் துணிச்சலான செயல்பாட்டு பெண் பத்திரிகை யாளர்.

2006, அக்.7- ஆம் தேதி மின் தூக்கியில் சென்று கொண்டிருந்த போது விஷம் கொடுத்து கொலை செய்யப்பட்டிருக்கிறார். ரஷ்யாவில் உள்ள செச்ன்யா மாகாணத்தில் மனித உரிமை மீறல்கள் குறித்து பேசியதற்காக அண்ணா போலிட் கோவ்ஸ்கயா என்ற பெண் பத்திரிகையாளர் கொலை செய்யப்பட்டிருக்கிறார்.
எனவே, அவரது பெயரில் பெண் பத்திரி கையாளர்களை அடையாளம் கண்டு கவுரவிக்க விருது நிறுவப்பட்டுள்ளது. இந்த விருதுக்கு கவுரி லங்கேஷ் தேர்ந்தெடுக்கப்பட்டுள்ளது மிகவும் பொருத்தமானதாகும் என்றார். பேட்டியின் போது, கவுரி லங்கேஷின் தாய் இந்திரா, சகோதரர் இந்திரஜித் உள்ளிட்டோர் உடனிருந்தனர்.
- விடுதலை நாளேடு,7.10.17

ஞாயிறு, 1 அக்டோபர், 2017

அமெரிக்கா வாசிங்டன் - சிங்கப்பூரில் தந்தை பெரியார் பிறந்த நாள் கோலாகல விழா


வாசிங்டன், செப்.20 அமெரிக்கா, சிங்கப்பூர் முதலிய நாடுகளில் தந்தை பெரியார் 139 ஆம் ஆண்டு பிறந்த நாள் விழா கோலாகலமாக நடைபெற்றது.
பெரியார் பன்னாட்டு மய்யத்தின் சார்பில்,- வாசிங்டன் வட்டாரத்தில் 17.9.2017அன்று தந்தை பெரியாரின் 139 ஆவது பிறந்த நாள் கொண்டாட்டம் சீரும் சிறப்புமாக நடைபெற்றது! தமிழகத்தில் இருந்து விழாவிற்கு வந்திருந்த கவிஞர் நந்தலாலா மிக அருமையாக, ‘‘பெரியார் இன்றும் தேவைப்படுகிறார்’’ என்ற தலைப்பில் பேசினார். - பெரியார், அண்ணா, காமராசர், எம்.ஆர்.ராதாபற்றி ஏராளமான தகவல்களைப் பகிர்ந்துகொண்டார்!
ஜெர்மனியில் சென்ற மாதம் நடைபெற்ற பன்னாட்டு மய்ய பெரியார் விழாப் பற்றி மருத்துவர் சோம.இளங்கோவன் பேசினார்!
நீட் ஏன் தமிழ் நாட்டிற்கு தேவை இல்லை, அது சமூக நீதிக்கு எதிரானது என்பதை முனைவர் சங்கர பாண்டி விளக்கினார்!
‘‘பெரியாரின் தனித்தன்மை, சமூக மாற்றம்’’பற்றி நியுசெர்சி வழக்குரைஞர் கனிமொழி -தனது எழுச்சிமிக்கப் பேச்சால் பார்வையாளர்களை வெகுவாக கவர்ந்தார்! ‘‘பெரியாருக்கு நன்றி கடன்’’ என்ற தலைப்பில் முனைவர் ஜெயந்தி சங்கரபாண்டி பேசினார்! ‘‘பெரியாரின் அறிவும் மானமும்’’ என்ற தலைப்பில் பெங்களூர் குமரன் பேசினார்!
‘‘சமத்துவம்’’ என்ற தலைப்பில் கிளாரா பீட்டர் பேசினார்! ‘‘பெரியாரின் வாழ்க்கை இணையர் அன்னை நாகம்மையார்’’பற்றி நல்ல சுவையான தகவல்களை பகிர்ந்து கொண்டார் மருத்துவர் சரோஜா இளங்கோவன்.
தந்தை பெரியார் சாதி ஒழிப்பு பற்றி பேசியதை, அப் படியே சிறப்பு நடிப்பாக நடித்து காண்பித்தார் மருத்துவர் சோம. இளங்கோவன்.
தோழர் சிவா பாபா சாகேப்பின் ஜாதி அழிக்கப்பட வேண்டும் கட்டுரையின் முக்கிய வார்த்தைகளைப் படித் தார். விழாவை தொகுத்து வழங்கினார் சுந்தர் குப்புசாமி. - இடை இடையே பெரியாரின் சிந்தனைகளை பகிர்ந்து கொண்டார்!  வருடா வருடம் நடக்கும் பெரியார் விழாவை இன்னும் சிறப்பாக,- எண்ணற்ற இளைஞர்களை உள் ளடக்கி மேலும் எப்படி இதனை நடத்தலாம் என்ற கலந்து ரையாடலை பேரவை முன்னாள் தலைவர் நாஞ்சில் பீட்டர் பகிர்ந்து கொண்டார்!
வாசிங்டன் தமிழ்ச் சங்கத் தலைவர் ராஜாராம் கலந்து கொண்டு - அடுத்த ஆண்டு சிறப்பு கூட்டத்திற்கும் அவரின் உதவி உண்டு என்று சொன்னார்! பெரியாரின் பிறந்த நாள் விழாவிற்கு வெர்ஜினியா, மேரிலாந்து, நியுசெர்சி, பென்சில் வேனியா மாநிலங்களில் இருந்து வந்த தமிழ் அன்பர்கள் கலந்துகொண்டார்கள்!
கலிபோர்னியாவில் பெரியார் விழா சிறப்பாக நடந்தது.  இன்னும் நியூஜெர்சி, சிகாகோ, கன்னெக்டிகட் போன்ற இடங்களில் நடக்க இருக்கின்றது.
நாள்: 23.7.2017, இடம்: சாம்பர்க்கு பொது நூலகம், 130, இரோசல் சாலை, சாம்பர்க்கு. 2 ஆவது மாடி கூட்ட அறை. நேரம்: பிற்பகல் 2 மணிமுதல் 4 மணிவரை.
சிங்கப்பூர்
செப்டம்பர் 17 அன்று சிங்கப்பூர் சையத் ஆல்வி சாலையில்  உள்ள ஆனந்தபவன் உணவகத்தின் இரண் டாவது தளத்தில் காலை 10 மணி முதல் 12.30 மணிவரை பெரியார்பிறந்த நாள் விழா மாணவர்கள் பங்குபெற்ற பட்டிமன்றமாக நடைபெற்றது. நிகழ்ச்சிக்கு சிறப்பு விருந் தினராக சிங்கப்பூர் கல்வி அமைச்சகத்தின் தமிழ்த்துறை உதவி இயக்குநர் த.வேணுகோபால் கலந்துகொண்டார்.
நிகழ்ச்சியில் அனைவரையும் வரவேற்று அறிமுக உரையாற்றிய மன்றத்தின் செயலாளர் க.பூபாலன்; பெரியார் அவர்கள் வாழும்போதே அவருக்கு பிறந்த நாள் விழா கொண்டாட தொடங்கிவிட்டார்கள். தமிழகத்தில் மட்டு மல்லாமல் தமிழர்கள் வாழும் மற்ற நாடுகளிலும் பெரியார் பிறந்த நாள் விழா கொண்டாடி வருகிறார்கள். அந்தப் பெருமை தந்தை பெரியார் ஒருவருக்கு மட்டும்தான், மேலும் சிங்கப்பூரில் பெரியாரின் 62 ஆம் ஆண்டு பிறந்த நாள் விழா கொண்டாடி உள்ள செய்தி சிங்கப்பூர் தமிழ்முரசு பத்திரிக்கையில் வெளிவந்துள்ளது என்று கூறினார்.
‘‘பெரியார் விரும்பியபடி பெண்கள் ஆண்களுக்குச் சமமாக எல்லா வகையிலும் உயர்ந்திருக்கிறார்கள்! உயர வில்லை!’’ என்ற தலைப்பில் நடைபெற்ற பட்டிமன்றத்தில் மாணவர்கள் இருஅணியாக பிரிந்து சிறப்பாகப் பேசினார்கள். பெண்கள் கல்வி பெறவேண்டும், ஆண் பெண் சம உரிமை, விதவை மறுமணம், தாலி அடிமை சின்னம், கலப்பு மணம்  போன்ற பல பெண் உரிமைக்கான பெரியாரின் கருத்துகளை இரு அணியையும் சேர்ந்த 8 மாணவர்களும் தங்களின் விவாதத்தில் பேசினார்கள்.
சிறப்பு விருந்தினர் த.வேணுகோபால் அவர்கள் பேசும்போது மாணவர்களின் தமிழ் சொல்லாட்சியை பார்க்கும்போது இனிவரும் காலங்களில் சிங்கப்பூரில் தமிழ் செழித்தோங்கும் என்ற நம்பிக்கையுள்ளது. தந்தை பெரியார் அவர்களை அடிக்கடி நாம் நினைவில் கொள்ள வேண்டும். அந்தக் காலத்தில் தமிழ்நாட்டில் சமூகஅநீதியை தட்டிக்கேட்டு தனி ஒரு மனிதராக ஒரு பெரிய போராளியாக உருவாகியவர். அவர் எழுப்பிய புரட்சிக் குரல் பலரையும் தட்டி எழுப்பி இருக்கிறது. அந்தக் காலத்தில் பெண்களுக்கு கல்வி மறுக்கப்பட்டு வந்த அநீதியை எதிர்த்து போராடியவர் பெரியார். கல்வி எல்லாருக்கும் கிடைக்க வேண்டும் என்ற அவரின் சிந்தனை இன்று நிறைவேறி இருக்கிறது.   சுயமரியாதை இயக்கம் என்று பெரியார் தொடங்கக் காரணம் யாரும் உங்கள் உரிமையை நீங்கள் விரும்பாமல் தட்டிப் பறித்து விடமுடியாது. அதனால் சுயமரியாதை உணர்வு உங்களுக்கே வரவேண்டும். குறிப்பாக பெண் களுக்கு வரவேண்டும், உங்கள் உரிமையை நீங்களே நிலை நாட்ட வேண்டும் அதை ஆண்கள் தருவார்கள் என்று எப்போதுமே எதிர்ப்பார்க்காதீர்கள் என்று கூறினார்.
விழாவின் தலைமை உரையாற்றிய மன்றத்தின் தலைவர் வீ.கலைச்செல்வம் பேசும்போதுமானமும் அறி வும் மனிதனுக்குஅழகு என்ற பெரியாரின் பொன்மொழி எனக்கு பிடித்தமானது, அதன் பொருள் எவ்வளவு ஆழமானது என்பதைப்பற்றிப் பேசினார்.
மேலும் அமெரிக்காவில் அவர் 10 வருடங்களுக்கு மேலாக இருந்தபோது அவருக்குத் தமிழ்மொழி பழக்கத்தில் இருக்க தொடர்ந்து பேசி பயிற்சி எடுத்ததை நினைவு கூர்ந்தார்.   விழாவை பூபாலன் மன்ற உறுப்பி னர்களின் ஆதரவுடன் சிறப்பாக ஒருங்கிணைத்தார். இறுதியாக அனைவருக்கும்  சவுந்தர்ராஜ் நன்றி கூறினார்.
நிகழ்ச்சி மதிய விருந்துடன் நிறைவுற்றது. நிகழ்ச்சி சிங்கப்பூரின் ‘‘ஏ.எம்.பி.எம். ப்ராப்பர்ட்டி கன்சல்ட்டன்ஸ்’’   மற்றும் ‘‘சிறீ விநாயகா எக்ஸ்போர்ட்ஸ்’ நிறுவனத்தின் ஆதரவில் நடைபெற்றது. பட்டிமன்றத்தில் பெண்கள் ஆண்களுக்குச் சமமாக உயர்ந்திருக்கிறார்கள்! என்ற அணியில் விஷ்ணுவர்தினி, முத்துக்குமார், வானதி புகழேந்தி அனிருத், ஆகிய மாணவர்களும். இன்னும் உயரவில்லை! என்ற அணியில் யுவராஜ், ரிஷி பால கிருஷ்ணன், கிருஷ்ணன் சுமன் வேணுகோபால் ரோஷினி, ஆகிய மாணவர்களும் பேசினார்கள்.
பட்டிமன்றத்தை நடுவர் பிமல்ராம் சிறப்பாக நடத்தினார். சிறந்த பட்டிமன்ற பேச்சாளர்கள் மூன்று பேரை தேர்வு செய்து அறிவித்தார். அவர்களுக்கான பரிசுகள் நவம்பர் 12 ஆம் தேதி நடைபெறவுள்ள பெரியார் விழாவில் வழங்கப்படும் என்று அறிவிக்கப்பட்டது.
பங்குபெற்ற மாணவர்களுக்கு சான்றிதழ்களை த. வேணுகோபால் அவர்கள் வழங்கினார்.
நிகழ்ச்சியில் தமிழர் பேரவையின் தலைவர் பாண்டியன், வளர்த்தமிழ் இயக்கத்தின் பொருளாளர் ஜோதி.மாணிக்கவாசகம், ஆசியன் கவிஞர் க.து.மு.இக்பால், சிங்கப்பூர் தமிழர் இயக்கத்தின் செயலவை உறுப்பினர் ஓய்வுபெற்ற ஆசிரியை வே.தமிழ்மணி, தமிழ் பட்டிமன்றக் கழகத்தின் தலைவர் இரஜித், சிங்கப்பூர் தங்கமீன் பதிப்பகத்தின் ஆசிரியர் பாலு மணிமாறன், பெரியார் பெருந்தொண்டர்கள் ஆருர் சபாபதி, இராமசாமி, பெரியார் மணியம்மை பல்கலைக்கழகத்தின் முன்னாள் மாணவர்கள் சங்கம் சிங்கப்பூர் பிரிவின் தலைவர் கமலக்கண்ணன் மற்றும் பல அமைப்புகளை சார்ந்தவர்கள் கலந்துகொண்டு சிறப்பித்தார்கள்.
மன்றத்தின் புரவலர் புதுமைத்தேனி மா.அன்பழகன், மூத்த விரிவுரையாளர் ச.ரத்னக்குமார், எம்.இலியாஸ், பொருளாளர் நா.மாறன், இராஜராஜன், ராமன், திருமதி மலையரசி, திருமதி.தமிழ்ச்செல்வி, திருமதி. கவிதாமாறன், பழனி, சவுந்தர், திருமதி.கவுரி , திருமதி.பர்வீன்பானு, பெரியார் பிஞ்சு ஆதவன், இனியநிலா, கல்லூரி மாணவர்கள் குந்தவி, வளவன், ராஜராஜன் ராஜமகேந்திரன். தோழர்கள் செந்துறை மதியழகன், சேதுஜகதீசன், அறிவரசு. தமிழ்கரிகாலன், ஜகன்தங்கதுரை, நரசிம்மன், கார்த்திக் ராமசாமி, கதிராமங்கலம் கலியபெருமாள், கஸ்தூரிபாய் ஆகியோர் கலந்து கொண்டு விழா சிறப்பாக நடைபெற உறுதுணையாக இருந்தார்கள்.