செவ்வாய், 31 ஜனவரி, 2017

மதமற்றவர்  என்று தம்மை அறிவித்துக்கொள்ளும் உரிமை

மதமற்றவர்  என்று தம்மை அறிவித்துக்கொள்ளும் உரிமை தனி மனிதனுக்கு உண்டு;  அதில் அரசு தலையிட முடியாது!

மும்பை உயர்நீதிமன்றத்தின் முற்போக்கான தீர்ப்பு

தமிழர் தலைவர் வரவேற்று அறிக்கை!

மும்பை, செப்.24- தன்னை மதமற்றவர் என்று அறிவித்திட தனி மனிதனுக்கு உரிமை உண்டு; அதில் தலை யிட யாருக்கும் உரிமை கிடையாது என்று மண்டையில் அடித்ததுபோல மும்பை உயர்நீதிமன்றம் தீர்ப்பு அளித் துள்ளது.

இந்தியாவில் உள்ள எவரிடமும் அவர் தனது மதம்பற்றிக் குறிப்பிடவேண்டும் என்று கட்டாயப்படுத்தும் உரிமை எந்த அரசுக்கும் கிடையாது என்ற திட்டவட்ட மான தீர்ப்பு ஒன்றை மும்பை உயர்நீதிமன்றம் நேற்று (23.9.2014) அளித்து வரலாறு படைத்துள்ளது!

இயேசுவை நம்புபவர்கள் - ஆனால் கிறித்துவ மதத்தை நம்பாதவர்கள்

கிறித்துவ மதப் பிரிவில் ஒன்றான Full Gospel Church of God என்ற அமைப்பில் உள்ள சில உறுப்பினர்கள், அவர் கள் ஏசு கிறிஸ்துவை நம்புகிறவர்கள்தான்; ஆனால், கிறித்துவ மதத்தை நம்பாதவர்கள் என்ற நிலைப்பாடு உடையவர்கள்!

அம்மூவர் (டாக்டர் ரஞ்சித் மொய்ட்டி, கிஷோர் நசாரே, சுபாஷ் ரணவேர் என்பவர்கள்) மராத்திய அரசின் அச்சகப் பதிவிதழில் (கெசட்டில்) நாங்கள் கிறிஸ்துவர்கள் அல்ல; எந்த மதத்தையும் சேராதவர்கள் என்று வெளியிட (கட்டணம் கட்டி) விண்ணப்பித்திருந்தார்கள்.

நீதிமன்றத்தில் மனு

அவர்களது விண்ணப்பங்களை மராத்திய அரசும், அச்சகத் துறையும் ஏற்று வெளியிட மறுத்துவிட்டன. அவர்களது மனு நிராகரிக்கப்பட்டது.

எனவே, அவர்கள் மும்பை உயர்நீதிமன்றத்தில் பொதுநல வழக்கு (PIL) ஒன்றினைத் தாக்கல் செய்து, நீதி கேட்டனர். இந்த வழக்கை விசாரித்த நீதிபதிகள் ஜஸ்டீஸ் அபய் ஒக்கா, ஜஸ்டீஸ் ஏ.எஸ்.சந்துர்கர் ஆகிய இரு நீதிபதிகளைக் கொண்ட அமர்வு மேற்கூறியவாறு, அரசு யாரையும் மதத்தைப் போடவேண்டும் என்று கட்டாயப் படுத்த முடியாது, தங்களுக்கு மதமில்லை (‘‘No Religion’’) என்று  அறிவிப்பதற்கு எவருக்கும் முழு உரிமை உண்டு என்று தீர்ப்பளித்து விட்டனர்!

மதம் என்ற கேள்விக்கு நேராக அரசின் எந்த மனுவையும், பூர்த்தி செய்யும்போது மதமற்றவர் எனக் குறிப்பிடலாம் - இத்தீர்ப்பின்மூலம் என்பது சட்டப்படி தெளிவாக்கப்பட்ட தனி மனித உரிமையாகிவிட்டது!

ஆணித்தரமான தீர்ப்பு!

எனக்கு எந்த மதத்தின்மீதும் நம்பிக்கை இல்லை; நான் எந்த மதத்தையும் சேர்ந்தவனல்ல என்று கூறும் உரிமை ஒவ்வொரு தனி மனிதருக்கும் உண்டு என்று ஆணியடித்த தீர்ப்பை மிகச் சிறப்பாக நாட்டோருக்கு அளித்துள்ளது!

மதச்சார்பற்ற (செக்குலர்) அரசின் கீழுள்ள மக்கள் மதங்களைச் சாராதவராகவோ, மதம் பிடிக்காதவர் களாகவோ இருக்க முழு உரிமையுடையவர்கள் ஆவார் கள் என்பது உறுதி செய்யப்பட்டு விட்டது - இத்தீர்ப்பின் மூலம்.

இந்திய அரசியல் சட்டத்தின் 25 ஆம் பிரிவின்கீழ் இவ் வுரிமை - அடிப்படை உரிமையாக பாதுகாக்கப்பட்டுள்ளது என்று நீதிபதிகள் சுட்டிக்காட்டியுள்ளனர்!

நாட்டில் மதங்களால் ஏற்பட்ட நன்மைகள் ஏதாவது இருப்பின், அது துளியளவே; ஆனால் தீமைகளோ மலையளவு!

வரலாற்றில் ரத்த ஆறு எப்பொழுதெல்லாம் ஓடியதாகக் கூறப்படுகிறதோ, காட்டப்படுகிறதோ அவை மதங்களால் உருவான சண்டைகளால்தானே!

மதங்களால் ஏற்படும் வன்முறைகள்!

புனிதப் போர்கள், சிலுவைப் போர்கள் எல்லாம் நல்ல எடுத்துக்காட்டுகள் அல்லவா? மதங்களைப் பரப்பிட வாள் முனையைத்தானே பல மதங்கள் இன்றளவும் நம்புகின்றன?

ஈராக்மீது போர் தொடுத்து சதாம் உசேனை அழித்த (ஜூனியர்) ஜார்ஜ் புஷ் - கடவுள் தான் இந்தப் போரை நடத்தும்படி தனக்குக் கட்டளையிட்டார் என்று புளுகவில்லையா? கடவுள், மதத்தினால் மனிதகுலம் பெற்ற நன்மைகள் இவை!

மதங்களின் அடிப்படைவாதிகள் (Fundamentalists) என்ற வெறியர்கள் தலிபான் போன்றவர்கள் - மற்ற பிரிவினர், கிறித் துவ, ஹிந்துமத சாமியார், சாமியாரிணிகளும் எவ்வளவு வன்முறை வெறியாட்டங்களை நடத்தியுள்ளனர்!

பாபர் மசூதி இடிப்பும், அதன் எதிர்விளைவுகள் எவ்வளவு கொலை, கொள்ளைகள், உயிர்ச்சேதங்கள், அமைதியற்ற கொடுமைகளை இன்றளவும் உருவாக்கிக் கொண்டுள்ளன!
இந்து மதம் சகிப்புத் தன்மையுடைய மதமாம்! நேற்று முன்தினம் வந்த நீதிமன்ற வழக்கு என்ன? அதே மதத்தின் ஒரு பிரிவினர் ஊர்வலம் போனால், வைணவப் பிரிவின் மற்றொரு கடவுள் சிலையை திரை போட்டு மூடி, கதவை சாத்திய கேலிக் கூத்தைப் பார்க்கவில்லையா? அடிதடி நடக்கவில்லையா? வழக்கு மன்றத்தில் நிலுவையில் இப்பிரச்சினை இருக்கிறதே! இதுதான் சகிப்புத்தன்மையின் அடையாளமா? வெட்கமாக இல்லையா?

உண்ணுதலில், உடுத்துவதில், எண்ணுதலில் எல்லாம் அன்றாட வாழ்க்கையில்கூட மதம் புகுந்து மனிதர்களி டையே வேற்றுமையைத்தானே உருவாக்கியுள்ளது!

யானைக்குப் பிடிக்கும் மதத்தைவிட ஆபத்தானது!

யானைக்கு மதம் பிடித்தால் ஏற்படும் கேட்டைவிட, மக்களுக்கு மதம் பிடித்தால் ஏற்படும் கேடுகளை, கலவரங்களை நாடு அன்றாடம் பார்த்துக்கொண்டுதானே இருக்கிறது!

எனவே, மதமற்ற மக்களாக வாழுங்கள், மதம் பிடிக்காத மனிதநேயம் உள்ளவர்களாக மாறுங்கள் தோழர்களே, தோழியர்களே!

கி.வீரமணி    
தலைவர்,
திராவிடர் கழகம்

சென்னை
24.9.2014

-விடுதலை

திங்கள், 30 ஜனவரி, 2017

மௌலான முகம்மதலி




மௌலான முகம்மதலி அவர்கள் லண்டனில் காலமாய் விட்டதைக் கேட்டு வருந்தாதார் யாருமே இருக்க மாட்டார்கள்.  அவர் ஒரு உண்மையான வீரர்.  தனக்குச் சரியென்று பட்டதைத் தைரியமாய் வெளியில் சொல்லு பவர்களில் அவரும் ஒருவர், ஏழை மக்களை ஏமாற்றி பணக்காரர்களும், படித்தவர்களும் அனுபவிக்கும் போக்கிய மாகிய சுயராஜ்யம் அவருக்கு எப்போதுமே பிடிக்காது.
தேசியப் பிரபலத்துக்காக தனது சமூக நலனை விட்டுக்கொடுக்கும் கொலைபாதகத்தனம் அவரிடம் கிடையவேகிடையாது.  தான் சாகப்போவது உறுதி யென்று தெரிந்தே சீமைக்குப் போய் தனது கட்சித் தொண்டை ஆற்றிவிட்டு சாகத் துணிந்தவர். அவர் சீமைக்குப் போகாமல் இந்தியாவில் இருந்திருந்தால் இவ்வளவு சீக்கிரம் செத்திருக்க மாட்டார்.
அவர் ஈரோட்டிற்கு வந்திருந்த போது சொன்ன ஒரு வாக்கியம் நமக்கு நன்றாய் ஞாபகமிருக்கின்றது அதாவது,
நேற்று இருந்தவர்கள் இன்றைக்கு இல்லாமல் போவதைச் சிலர் ஆச்சரியமாய் கருதுகிறார்கள்.  ஆனால் நானோ, நேற்று இருந்தவர்கள் இன்றைக்கும் இருக்கிறார்களே! என்பதை ஒரு ஆச்சரியமாய்க் கருதுகிறேன். என்று சொன்னார்.
சாவது அதுவும் எந்த நிமிஷத்திலும் சாவது தான் கிரமம் என்றும் உண்மையென்றும் முடிவு செய்து கொண்டு சாகாமல் இருக்கும் ஒவ்வொரு வினாடியையும் லாபமாய் கருதிக்கொண்டு சாவதற்கு வருத்தப்படாமலும், கவலைப் படாமலும் இருக்கவேண்டும் என்கின்ற இயற்கையைக் கண்டுபிடித்து கவலையற்றிருந்தவர் அவரேயாவர்.  வகுப்புவாரிப் பிரதிநிதித்துவம் வேண்டும் என்பதில் மிக்க பிடிவாதமும் உறுதியும் கொண்டவர்.
அன்றியும் முதலில் நான் முஸ்லீம், பிறகுதான் நான் இந்தியன் என்று அடிக்கடி சொல்லுபவர்.  தன்னைப்பற்றி தனது எதிரிகள் எவ்வளவோ பழிகளைக்கட்டிவிட்டும் அவற்றிற்குப் பதில் சொல்ல வேண்டுமே என்கின்ற லட்சியம் கூட இல்லாமல் மற்றவர்கள் என்ன நினைப் பார்கள் என்று கூட லட்சியம் செய்யாமல் தன் இஷ்டப்படி நடக்கும் வீரகுணமுடையவர்.  இவ்வருங் குணங்கள் கொண்ட ஒரு கலங்கா வீரர் மாண்டது உலக இயற்கையே யாயினும் வருந்தாமல் இருக்க முடியாது.
குடிஅரசு -  துணைத்தலையங்கம் - 11.01.1931
விடுதலை.27.9.14

வெள்ளி, 27 ஜனவரி, 2017

ரசல்




பெர்ட்ரண்டு ஆர்தர் வில்லியம் ரசல், 3ஆவது "ஏர்ல்" ரசல் (Bertrand Arthur William Russell, 3rd Earl Russell,1872-1970) ஒரு பிரித்தானிய மெய் யியலாளர், கணித மேதை, ஏரணவியலர் (தருக்க வாதி), சமூக சீர்திருத்த வாதி, அமைதிவாதி ஆவார். வேல்சில் பிறந்த இவர் பெரும்பாலும் இங்கி லாந்தில் தன் வாழ்க் கையைக் கழித்தாலும், வேல்சில் மறைந்தார்.

ரசல் போர் மற்றும் காலனியத்தின் எதிர்ப் பாளர், தடையிலா வணி கத்தின் ஆதரவாளர் முதலாம் உலகப் போரின் போது தனது போர் எதிர்ப்புச் செயல்களால் சிறையில் தள்ளப் பட்டார். இட்லருக்கு எதிராகப் பிரச்சாரம் நடத்தினார், சோவியத் ஒன்றியத்தின் வரம்பற்ற அதிகாரத்தை எதிர்த்தவர். அணுகுண்டு கைவிடுதலை ஆதரித் தவர், அமெரிக்காவின் வியட்நாம் தலையீட்டை எதிர்த்தவர்.

ரசலுக்கு, "அவருடைய பலதரப்பட்ட, முக்கியமான எழுத்துகளில் மானுட இலட்சியங்களுக்காகவும், கருத்து சுதந்திரத்திற்காக வும்" 1950 இல், இலக்கியத் திற்கான நோபல் பரிசு கிடைத்தது".

ரசலின் மதம் பற்றிய கருத்துகள் `நான் ஏன் கிறிஸ்துவன் இல்லை` `மதம், இத்தியாதி ,பற்றிய இதர கட்டுரைகள்` என்ற இரு நூல்களில் காணப் படும். நான் ஏன் கிருஸ் துவன் இல்லை என்கிற தலைப்பில் 1927ல் மார்ச் மாதம் ஆறாம் நாளில் பாட்டர்சீ நகர மாளி கையில் தேசீய மதசார்பற்ற சங்கத்தின் தெற்கு லண் டன் கிளையின்சார்பில் உரை ஆற்றினர், ஓராண்டு கழித்து அது துண்டு வெளியீடாக வந்தது. அதில் கடவுள் நம்பிக்கை யின் பல வாதங்களை அலசி, கிறிஸ்தவ இறையி யல் பற்றியும் பேசுகிறார்.

(தமிழில் மொழிபெயர்த்து பெரியார் சுயமரியாதைப் பிரச்சார நிறுவனம் வெளி யிட்டது) நான் மரணத்திற்குப் பின் வாழ்க்கை இல்லை என்பதை உறுதியாக நம்பி னாலும், கடவுள் உண்டு என நம்பினேன் , ஏனெனில் முதல் காரணி வாதம் கிழிக்க முடியாத தாக தோன்றியது.

18ஆம் வயதில், கேம்ப்ரிட்ஜ் செல்லும் முன்பு, மில்லின் சுயசரிதையை படித்தேன், அதில் அவர் தந்தை `என்னை செய்தவர் யார்` என்பதற்கு பதில் இல்லை, ஏனெனில் அது `கடவுளை யார் செய்தனர்` என்ற கேள்விக்கு அழைத்துச் செல்லும் என சொல்வதாக படித்தேன். அதிலிருந்து முதல் காரணி வாதத்தை கைவிட்டு, நாத்திகனா னேன்.

(பெர்ட்ரண்டு ரசல் - சுயசரிதை - ப 36) (இன்று ரசல் பிறப்பு -1872)

- மயிலாடன்
-விடுதலை,18.5.14

வியாழன், 26 ஜனவரி, 2017

நேருவின் பஜனை?

நேருவைப் பொறுத்தவரையில் அவர் முழுக்க முழுக்க ஒரு பகுத்தறிவு வாதியாகவே கடைசிவரை வாழ்ந்து மறைந்தார். சந்தர்ப்பங்கள் நேரும் போதெல்லாம், தான் ஒரு கடவுள் மறுப்பாளர் - மதவெறுப்பாளர் என்பதை முத்தி ரைப்படுத்தியே காட்டி வந்தார். தான் எழுதி வைத்த உயிலில் கூட அதை உறுதிப்படுத்தி இருந்தார்.
ஆனால் நேரு இறந்த பிறகு என்ன நடந்தது? அவர் சாவுமாட்டில் பஜகோவிந்தங்கள் என்ன - வேதப் பாரா யணங்கள் என்ன - கொஞ்ச நஞ்சமல்ல.
ஆச்சாரியார் அவர்களோ நேருவைவிட ஒரு பக்தி மானைக் காண்பதரிது என்று எழுதினார்.
அகில இந்திய வானொலியோ ‘நேரு தினமும் பஜனை செய்வார் என்றும், தனக்கு மனநிம்மதி இல்லாத போதெல்லாம் பஜனையில் ஈடுபடுவார்' என்றும் ஒலி பரப்புச் செய்தது.
இதை வானொலியில் கேட்ட ‘பிளிட்ஸ்’ ஏடு தனது நிருபரை அனுப்பி, நேருவின் பேரர்களான ராஜிவ், சஞ்சய் ஆகியவர்களுடன் தொடர்பு கொண்டு விளக்கம் கேட்டபோது, அவர்கள் அதை வன்மையாக மறுத்து இருக்கிறார்கள்.
‘‘எங்கள் தாத்தாவுக்கு கடவுள், மதம் என்றால் அறவே பிடிக்காது என்று பதில் கூறி இருக்கிறார்கள்.’’
தங்கள் முகத்தை இப்போது எங்கே கொண்டு போய் வைக்கப்போகிறார்கள் இந்தப் புனைசுருட்டுப் பூசுரர்கள்?
கேவலம் இப்படியும் ஒரு பிழைப்பு நடத்திட வேண்டுமா இந்தக் கேடுகெட்ட மதவாதிகள்?

கடவுள் காப்பாற்றமாட்டார்!
சோமநாதபுரத்தில் இருந்த மிகப்பெரிய கோயிலில் பல நூற்றாண்டுகளாகப் பக்தர் களால் அளிக்கப்பட்ட செல்வம் குவிந்து கிடந்தது. கஜினி முகம்மது அங்குச் சென்ற காலத்தில் ஆயிரக்கணக்கான மக்கள் கோவிலுக்குள் சென்று ஒளிந்து கொண்டார் களாம்.
ஏதாவது அற்புதம் நிகழும், தாங்கள் வழிபடும் தெய்வம் தங்களைக் காப்பாற்றும் என்று அவர்கள் நம்பினார்கள். ஆனால் பக்தர்களின் கற்பனையாலன்றி மக்கள் உலகில் அற்புதம் நிகழ்வது அபூர்வமாகத் தானே இருக்கிறது. ஆகவே அற்புதம் ஒன்றும் நிகழவில்லை. முகம்மது கோயிலை இடித்துப் பாழாக்கினான். பொருளைச் சூறையாடினான். நிகழாத அற்புதம் நிகழும் என்று நம்பியிருந்த 50,000 பேர் அவனால் கொல்லப் பட்டனர்.
நேரு எழுதிய
உலக வரலாறு


நேருபற்றி... 

இந்துக்கள் தங்களுடைய மதமே சிறந்தது எனக் கருது கிறார்கள். முஸ்லீம்களும், கிறிஸ்துவர்களும் தங்கள் தங்கள் தர்மமே மேலானது என்று கூறுகிறார்கள். இந்த நிலையில் நாம் எந்த மதத்தைத் தழுவுவது என்று அக்பர் ஒருமுறை கேட்டதாக கிறிஸ்துவப் பாதிரிகள் சொல்லுகிறார்கள். அக் பருடைய கேள்வி நியாயமானது. ஆனால் அது கிறிஸ்தவ பாதிரிகளுக்கு பிடிக்கவில்லை. தங்கள் குறிப்பேட்டில்,
“எல்லா நாத்திகர்களுக்குரிய பொதுவான குற்றம் அக்பரிடத்தும் காணப்படுகிறது நாத்திகர் தங்கள் பகுத்தறிவை மதநம்பிக்கைகளுக்கு கீழ்ப்படுத்த மறுக்கிறார்கள்” என்று கூறுகிறார்கள். ஒரு நாத்திகனுக்குரிய லட்சணம் இதுவாயின் இத்தகைய நாத்திகர்களின் தொகை பெருகுவதால் நாட்டுக்கு நன்மையே தவிர வேறில்லை.
- ஜவகர்லால் நேரு (உலக சரித்திரம் - பக்கம் 157)
காந்தியார் புகுத்திய குழப்பம்!
ஒத்துழையாமை இயக்கத்தில் காந்தியார் மதத்தைப் புகுத்தினார். ஆனால் எனது தந்தை, தேச பந்துதாஸ், லாலாஜி ஆகியோர் அரசியல் பிரச்சினைகளை மதச் சார்பற்ற முறை யில் தான் அணுக வேண்டும் என்று வற்புறுத்தினார்கள். அவர்கள் பொது வாழ்வில் மதத்தைப் புகுத்தியதே இல்லை.
நமது அரசியலில் இந்த மதம் புகுந்து வளர்வது கண்டு எனக்குக் கவலை ஏற்பட்டது. அரசியலில் மதம் புகுவது எனக்குப் பிடிக்கவே இல்லை. மவுல்விகளும், மவுலானாக் களும், சுவாமிகளும் மேடைப் பேச்சில் பரப்பிய கருத்துகள் கெடுதியை உண்டாக்கக் கூடியவை. அவர்கள் நாட்டின் சரித்திரம். பொருளாதாரம், சமூக அமைப்பு பற்றிய உண்மை களைத் திரித்துக் கூறி மக்களைக் குழப்பி தெளிவான சிந்தனைக்கு இடமில்லாமல் செய்துவிட்டார்கள்.
- ஜவகர்லால் நேரு (உலக சரித்திரம் - பக்கம் 139)

-விடுதலை,19.11.16

சனி, 7 ஜனவரி, 2017

ஆந்திராவில் பெரியார் கொள்கை முழக்கம்

ஆந்திர மாநில தலைநகர் அமராவதி புத்தர் சிலை வளாகத்தை
‘பெரியார் உலகம்’ பணிக் குழுவினர் பார்வை
ஆந்திராவில் பெரியார் கொள்கை முழக்கம்
புத்தர் பற்றிய வரலாற்றுச் சிறப்பு மிக்க அமராவதியில் ஆந்திர மாநில தலைநகர் உருவாகி வருகிறது. அதற்கு முன்பே பிரம்மாண்டமான 130 அடி உயரமுள்ள புத்தர் சிலை கிருஷ்ணா ஆற்றங்கரையில் அமைக்கப் பட்டு அந்த வளாகம் புத்தர் பற்றிய செய்திகளை விளக்கும் கூடமாக விளங்கி வருகிறது.
திருச்சி - சிறுகனூரில் அமைக்கப்பட வுள்ள ‘பெரியார் உலகம்’ பற்றிய அமைப்புக்காக உதவிடும் குறிப்புகள் மற்றும் அவை தொடர் பான பணிகள் பற்றி அறிந்து ஆய்ந்திட திரா விடர் கழகப் பொதுச் செயலாளர் வீ.அன்பு ராஜ் தலைமையில், குழுவினர் விஜய வாடா - அமராவதிக்கு 4.1.2017 அன்று சென்றிருந்தனர். குழுவில் பொறியாளர் மற்றும் கட்டட கலை நிபுணர் முனைவர் சுந்தரராசுலு அங்கம் வகித்தார்.
புத்தர் சிலை மற்றும் வளாகத்
தினை பார்வையிட்டு அவை பற்றிய
செய்திகளை,  சிலை அமைப்பதற்கு அங்கிருந்த ஆய் வாளர்கள் எடுத்திட்ட முயற்சிகள் பற்றியும் அறிந்து வந்தனர்.
புத்தர் சிலை அமைப்பின் பொறுப் பாளராக, தனிப்பட்ட முயற்சி மேற் கொண்ட ஆந்திர மாநில சுற்றுலாத் துறையின் துணை இயக்குநர் மல்லிகார்ஜூன் அவர்கள், பொதுச் செயலாளர் மற்றும் குழுவினருக்கு சிலை அமைப்பு தொடக்கம் முதல் நிறைவு வரை  அவரால் எடுத்திட்ட முயற்சிகள் மற்றும் விளைவுகள் பற்றி எடுத்துரைத்தார்.
‘பெரியார் உலகம்’ அமைத்திடுவதில் தமக்கும் ஆர்வம் உள்ளதைத் தெரிவித்த அவர் ‘பெரியார் உலகம்’ நிறுவிடும் பணியில் தொழில் நுட்ப அடிப்படையில் ஆலோசனை வழங்கிட அணியமாக இருப்பதாகவும் மகிழ்ச்சியுடன் உறுதியளித்தார்.
அமராவதி சென்ற ‘பெரியார் உலகம்’ நிறுவிடும் ஆயத்தக் குழு வினை, சமூகநீதி அமைப்பின் தேசியத் தலைவர் சங்கர்ராவ் மற்றும் வழக் குரைஞர் ராமகோடீஸ்வர ராவ் வர வேற்று ஆவன உதவி அளித்தனர்.
மேலும் இந்திய நாத்திக சங்கத்தின் துணை அமைப்பான மாணவர் அறி வியல் மன்றத்தின் தலைவர் நரேஷ் பைரி மற்றும் அவரது அமைப்பினர் விஜயவாடாவில் குழுவினரை வர வேற்று பணிமுடித்துக் கிளம்பும் வரை உதவிகரமாக உடனிருந்தனர்.
அமராவதியில் அமையப்பெற்ற புத்தர் சிலை அமைப்பில் கிடைத்த பட்டறிவினை அறிந்து ‘பெரியார் உல கம்’ பல மடங்கு சிறப்புடன் அமைத்திடும் எண்ணம் மேலோங்கிடும் வகையில் அரிய ஆலோசனைகள் மற்றும் நேரடி செய்திகளுடன் குழு வினர் சென்னை திரும்பினர்.
இந்த பயணத்தில் கிடைத்த ஒரு மணிநேரத்தில் விஜயவாடாவில் அமைந்துள்ள அரசு சமூகநலத்துறை பெண்கள் இல்லப் பள்ளிகளில் சுமார் 500 மாணவியர்களிடையே உரையாடி பெரியார் பற்றி கூறி அவர்களுக்கு மன எழுச்சியை ஊட்டி வரும் பெரியார் வினா - விடைப் போட்டியில் கலந்து கொள்ள ஏற்பாடு செய்து விட்டு வந்தார்கள்.
-விடுதலை,7.1.17

வெள்ளி, 23 டிசம்பர், 2016

மதத்துக்கும் - கடவுள் நம்பிக்கைக்கும் புதைகுழி சுவீடனில் நாத்திகர்களுக்கெனத் தனிக் கல்லறைத் தோட்டம்!

ஸ்டாக்ஹோம்,அக்.28நாத்திகக் கருத்துகள்அதிகம்ஏற்றுக் கொண்டவர்கள் சுவீடன் நாட் டவர் என்பது அனைவருக்கும் தெரிந்ததே! அந்த நாட்டில் கடவுள் மறுப்பு சிந்தனை உள்ளவர்கள் இறந்து போனால், அவர்களுக்கு என்று தனிகல்லறைத்தோட்டம் திறக் கப்பட்டுள்ளது. இதன்மூலம் உலக நாடுகளுக்கு முன்மாதிரி யாக சுவீடன் திகழ்கிறது.

சுவீடனில் உள்ள பொர் லங்கே என்ற பகுதியில் தான் உலகில் முதல்முதலாகநாத் திகர்களுக்கென்று  கல்லறைத் தோட்டம் ஒன்றை சுவீடன் அரசு திறந்துள்ளது. இந்தக் கல்லறைத்தோட்டம்புகழ் பெற்றஸ்டோராடூனாதேவா லயத்திற்குஅருகில்உள்ளது. இந்தக் கல்லறைத் தோட்டத் திற்குநாத்திகர்களுக்கானகல் லறை என்றே பெயர் சூட்டப் பட்டுள்ளது. நாத்திகக் கொள் கையில் ஈடுபட்ட ஒருவர் மரணமடைந்தால் அவரது குடும்பத்தினர்எவ்விததயக் கமும் இன்றி அவரது உடலை இங்கே புதைக்கலாம். புதைப்பதற்கான அனைத்து செலவுகளையும்அரசுஏற்றுக் கொள்ளும்.நாத்திகக்கொள் கையில்நம்பிக்கைஉடையவர் களின்உடலைஎவ்விதமதச் சடங்குகள் இன்றிப் புதைக்க லாம். மேலும் கல்லறையின் எந்தஒருஇடத்திலும்,மத அடையாளங்களோ அல்லது மதத்தைக் குறிக்கும் வார்த் தைகளோ இருக்காது.

ஆசிரியர் ஒருவரின் சிந்தனைக்குச் செயல்வடிவம்!

சுவீடன் நாட்டின் அரசுக்கு இப்படி ஒரு கல்லறைத் தோட்டம் குறித்த திட்டத்தை முன் வைத்தவர் ஜோசஃப் எர்டன் ஒரு ஆசிரியர் என்பது இங்கே குறிப்பிடத்தக்கதாகும். துருக்கியிலிருந்து குடிபெயர்ந்து தற்போது சுவீடனில் வசிக் கும் இந்த ஆசிரியர் மதக் கட்டுப்பாடுகளை ஒழிக்கும் அமைப்பு ஒன்றை நடத்தி வருகிறார். இவர் தன்னைப் பற்றிக்கூறும்போது,மனி தன் இயற்கையாக இருக்க வேண்டும்; இயற்கையாக என்றால் மத ரீதியான அடிமை காரணிகளை விட்டு இயற்கையான சிந்தனையோடு வாழவேண்டும்என்றுகூறிய இவர் கடவுள் மறுப்பாளர் களுக்கு ஒரு கல்லறைத் தோட் டம் ஏன் இருக்கக் கூடாது என்று கேள்வி எழுப்பினார்.

சுவீடனுக்கு வந்து குடி யேறிய பெரும்பாலான பிற நாட்டு மக்கள் நாத்திகக் கருத்து களைக் கொண்டவர்கள். இவர்களின் மரணத்திற்குப் பிறகு அவர்களின் கலாச்சார வழக்கப்படிநல்லடக்கம்செய் யப்படுகின்றனர்.எந்தஒரு கலாச்சார, மத பழக்கவழக்கங்க ளுக்கும் கட்டுப்படாமல் வாழ்ந்த ஒருவர் இறந்த பிறகு அவரது கொள்கைகள் புறந்தள் ளப்பட்டு, கலாச்சாரம், மதம் என்ற வரையறைக்குள் வந்து அவரைப் புதைக்கின்றனர்.

மேலும் இந்த நாட்டில் ஒருவர் இறந்துவிட்டால் தேவா லயங்களுக்குச் சொந்தமான கல்லறைத் தோட்டத்தில் தான் புதைக்க வேண்டியுள்ளது. அப்படி இருக்கும்போது தானாகவே அவருக்கு மத அடையாளம் வந்துவிடுகிறது. இதைக் கண்ட ஆசிரியர் கடந்த கோடைக்காலத்தில் இந்தத் திட்டத்தை அரசுக்கு முன்மொழிந்திருந்தார். அவரது இந்தக் கோரிக்கையை ஏற்று அரசு தனியாக நாத்தி கர்களுக்கு என்று ஒரு கல்லறைத்தோட்டம் உருவாக்கி பிற நாடுகளுக்கு எடுத்துக்காட்டாக திகழ்கிறது.

சுவீடன் நாத்திகக் கருத்து களை உள்வாங்கிக் கொண்ட நாடாகும். இங்கு கடவுள் நம்பிக்கை, மற்றும் பாரம்பரிய பழக்கவழக்கம் போன்றவைகள் இல்லை,இங்குள்ளவர்களில் மிகவும் குறைந்த விழுக்காட் டினரே கடவுள் நம்பிக்கை கொண்டவர்களாக உள்ளனர். அவர்களின் வாழ்விலும் மதங் களின் தாக்கம் அன்றாட வாழ் வில் மிகவும் குறைந்த அளவே உள்ளது.

சுவீடனைச்சேர்ந்ததத்து வவியலாளர்கரி கிட்டெல்மான் என்பவர் சுவீடன் நாட்டுத் தேசிய தொலைக்காட்சி ஒன் றில் பேசும் போது சுவீடனின் நாத்திகம் பற்றி கூறும்போது,

இந்தநாடுநாத்திகக்கருத் துகள்நிறைந்தநாடு,இங் குள்ளமக்கள்மதம்,அதன் கொள்கைகளைக் கடைபிடிப் பது ஒருவித மனநோய் என்று நினைக்கின்றனர்.உண்மை யில் கூறப்போனால் எங்க ளின் ஒருவித மனநோய்கூற்று  மெய்ப்பிக்கும் ஓர் உண்மையா கும், என்று கூறியிருந்தார்.

 -விடுதலை,28.10.16

சனி, 3 டிசம்பர், 2016

மனிதநேயத்திற்கான போராட்டத்தைத் தொடர்ந்து முன்னெடுத்துச் செல்லும் கி.வீரமணி



கிருஷ்ணசாமி வீரமணி அவர்கள் ஒரு வழக்கறிஞராக இருந்து சமூகச் சீர்திருத்தவாதியானவர். (ஆசிரியர் பத்து வயதிலேயே சமூகச் சீர்திருத்தம் பேசிய வர் - ப.கா.) தென்னிந்தியாவில் மனிதப் பொதுமை நலத்திற்காகப் போராடி வருபவர் ஆசிரியர் வீரமணி. தற்போது அவர் திராவிடர் கழகத்தின் தலைமை ஏற்று அதனை வழிநடத்தி வருகிறார். திராவிடர் கழகம் விடுதலை வேட் கையை மக்களிடையே விதைத்து வளர்த்து ஊக்கப்படுத்தி வரும் இயக்க மாகும். மேலும் சாதிய - பாலியல் ஏற்றத் தாழ்வுகளை எதிர்த்துப் போராடி வரும் இயக்கம் அது! மூடநம்பிக்கைகளை ஒழிப்பதற்காக அவ்வியக்கம் அரும் பணி ஆற்றி வருகிறது. திராவிடர் கழகத் தின் தலைவர், பெரியாரின் (1879-1973) அடியொற்றித் தடம் பிறழாது பணியாற்றி வருகிறார்.
ஏழுகோடிப் பேருக்கு மேல் உள்ள தற்காலத் தமிழ்நாட்டைத் தற் போதுள்ள நிலைக்குச் செம்மைப்படுத்திக் கொண்டு வந்தவை பெரியாரின் கொள் கைகளும் அவருடைய இயக்கமும் தாம்! 1967 முதற்கொண்டு தமிழ்நாட்டை ஆண்டு வரும் இரண்டு அரசியல் கட்சி களுமே பெரியார்தான் தங்களுக்குச் சமூக அரசியல் தூண்டுணர்வு தரும் ஆசான் என்று இன்றுவரை கூறி வருகின்றன. 1973இல் பெரியார் இயற்கை எய்திய பின்னர் அவர்தம் வாழ்விணையர் இயக்கத்தின் தலைமை ஏற்றார். அவருக்குப் பின் ஆசிரியர் வீரமணி அவர்கள் தலைமைப் பொறுப் பினை ஏற்றுக் கொண்டார்.
தற்போது வீரமணி அவர்கள் பெரியார் மணியம்மை பல்கலைக் கழ கத்தின் வேந்தராகவும் பல பள்ளிகளை யும், கல்லூரிகளையும் ஊர்ப்புற மேம் பாட்டு மய்யங்களையும் ஆறு மருத்துவ மனைகளையும் உள்ளடக்கிய அய்ம் பதிற்கும் மேற்பட்ட நிறுவனங்களை இயக்கி வரும் ஒரு மாபெரும் இயக்கத் தின் தலைவராகவும் இருந்து வருகிறார். அவர் பல்வேறு நூல்களின் ஆசிரியர். பல புத்தகங்களைப் பதிப்பித்து வெளி யிட்டவர்;‘The Necessity of Scientific Temper எனும் அவரு டைய புத்தகம் குறிப்பிடத்தக்கதாகும். அறிவியல் மனப்பான்மை பெறுவதில் தான் நம் எதிர்காலம் அடங்கி இருக் கிறது என்று கருத்துரைத்து வருபவர் ஆசிரியர் கி.வீரமணி அவர்கள்.
1933இல் பிறந்த ஆசிரியர் வீரமணி அவர்கள் தமது பத்தாம் அகவை யிலேயே இயக்கத்தில் இணைந்து துடிப்புடன் பணியாற்றி வந்தார்.
பின்னர் எண்பது ஆண்டுகளுக்கும் மேலாக வெளிவந்து கொண்டிருக்கும் திராவிடர் கழகத்தின் பகுத்தறிவுத் தமிழ் நாளே டான விடுதலை நாளிதழின் ஆசிரியர் பொறுப்பை ஏற்றுக் கொண்டார். அதன் பதிப்பாசிரியராகவும் அவர் தொடர்ந்து இருந்து வருவதோடு (உண்மை) எனும் கிழமை இதழின் ஆசிரியராகவும், ‘The Modern Rationalist  எனும் ஆங்கில மாத இதழின் ஆசிரியராகவும் அவர் இருந்து வருகிறார். அவருடைய வயதோ (எண்பதற்குமேல் ஆகி விட்டது) அவர்மீது எதிரிகள் தொடுத்த கொலை வெறி வன்முறைத் தாக்குதல் களோ அவருடைய தொண்டறப் பணிகளின் வேகத்தைத் தடுக்க முடியவில்லை.
ஓர் ஆய்வு நூலகம், அருங்காட்சி யகம், புத்தக விற்பனை நிலையம், ஆசிரியர் அலுவலகம், அச்சகப் பணி மனை, திருமண அரங்கு, பெரியார் நினைவிடம் என்று பரந்து விரிந்து கிடந்த ஒரு வளாகத்தில் 2014 பிப்ரவரி யில் ஆசிரியர் வீரமணி அவர்களைச் சந்தித்தேன். இந்த இயக்கத்தின் தோற் றத்தைப் பற்றியும் அதன் தற்போதைய தொண்டறப் பணிகளைப் பற்றியும் அவருடன் நான் கலந்துரையாடினேன். பெரியாரைப் பற்றி அவர் தெளிவாக எடுத்துரைத்தார். பெரியார் ஒரு மாபெரும் சமூகப் புரட்சியாளர்; தற்காலத் தமிழ் நாட்டின் தந்தை அவர்; இங்குள்ள பெரும்பாலான அரசியல் கட்சிகளின் அறிவு ஆசான் பெரியார் தான் என்று ஆசிரியர் விளக்கினார்.
ஆசிரியர் வீரமணி அவர்கள் பகுத் தறிவுப் பணியைத் தொடர்ந்து முன் னெடுத்துச் செல்கிறார். சாதிய அமைப் பின் உருவாக்கமான சமூக ஏற்றத் தாழ்வுகளை - முரண்பாடுகளைக் கொண்டுள்ள இந்துத்துவத்தை அவர் எள்ளி நகையாடுகிறார். பல ஆண்டு களுக்கு முன்பு கீழ்ச்சாதியில் பிறந்த வர்கள் புனிதமான ஓர் இந்துக் கோயில் உள்ள தெருக்களில் நடப்பதற்குக்கூட அனுமதிக்கப்படவில்லை. சாதி என்பது நம் சமுதாயத்தின் மேல் படர்ந்த நஞ்சு; ஏனெனில் ஒருவரது தகுதி நிலையும் சிறப்புரிமையும் அவரது பிறப்பினால் முடிவு செய்யப்படுகின்றன. ஆப்பிரிக்க நிற வேற்றுமையைவிட இது மிகவும் கொடுமையானது. நிற வேற்றுமையில் கருப்பின மக்களுக்குக் கல்வி உரிமை மறுக்கப்படவில்லை. அவர்களுக்குத் தனிப்பள்ளிகள் ஒதுக்கித் தரப்பட் டிருந்தன. ஆனால் இங்கே சாதிய அமைப்பின் மிகக் கொடுமையான செயல் என்னவென்றால், ஒரு சாதியில் நீங்கள் பிறந்துவிட்டால் அந்தச் சாதி யிலேயே நீங்கள் வாழ்கிறீர்கள்; அந்தச் சாதியிலேயே நீங்கள் சாகிறீர்கள். ஆகவே சாதிய அமைப்பு முறையே இங்கு எல்லாவற்றையும் முடிவு செய் கிறது. நீங்கள் கல்வி பெறுவதற்கு உரிமை உடையவரா இல்லையா என்பதைச் சாதிதான் முடிவு செய்கிறது. நீங்கள் தாழ்ந்த சாதியைச் சேர்ந்தவராக இருந் தால் உங்களுக்குக் கல்வி பெறும் உரிமை கிடையாது என்று ஆசிரியர் வீரமணி தெளிவாக விளக்கினார். பெரியார் தொண்டினால் சமூகம் எப்படிப்பட்ட மாற்றத்தை அடைந்திருக்கிறது என்பதை எடுத்துரைக்கும் போது, பெரியார் தம் பணியைத் தொடங்கிய காலத்திலிருந்த நிலையை இப்போது நாம் கற்பனை செய்து பார்ப்பது கூடக் கடினமாக இருக்கிறது. அடிப்படையாக - இந்து மதம் மட்டுமே சாதிய அமைப்பினைக் கட்டிக் காத்துப் பேணி வருகிறது என்றார் அவர். நாங்கள் மக்களுக்கு அறிவியல் மனப்பான்மை வரவேண்டும் என்று விரும்புகிறோம். குறிப்பாக மனித நேயம் மிக்கவர்களாகவும் பகுத்தறிவாளர்களாக வும் மக்கள் வளர்ச்சி பெற வேண்டும் என்று நாங்கள் விரும்புகிறோம் என்று ஆசிரியர் கூறி முடித்தார்.
மக்கள், உரிமை, சமத்துவம், உடன் பிறப்பொற்றுமை (சகோதரத்துவம்) ஆகியவற்றைப் பெறவேண்டும் என்பது திராவிடர் இயக்கத்தின் மனித நேயப் பார்வை என்று ஆசிரியர் வீரமணி விளக்கினார். ஒரு வழக்கறிஞர் என்ற முறையிலும், ஒரு பல்கலைக்கழகத்தின் வேந்தர் என்ற முறையிலும் இந்த இயக் கத்திற்கு அவர் நன்றி செலுத்துகிறார். ஏனென்றால் கீழ்ச்சாதி உறுப்பினர் ஆனபடியால் இதற்கு முன்னர் கல்வி பெறும் வாய்ப்புக் கிடைக்கவில்லை. இந்த இயக்கத்தினால் தான் தம்முடைய தலைமைப் பண்புகளும், திறன்களும் மதிக்கப்படுகின்றன என்றார்.
கடந்த பல ஆண்டுகளாகச் சமூக வாழ்க்கையில் பல மாற்றங்கள் ஏற்பட்டி ருக்கின்ற. அவற்றுள் சமஸ்கிருத மந் திரங்களை ஓதி நடத்தப்பெறும் இந்துத் திருமணங்களை விட்டு விலகி மதச் சார் பற்ற திருமணங்களுக்கு மக்கள் மாறி வந் துள்ளமை குறிப்பிடத்தக்கதாகும். (இம் மந்திரங்களை அவர் பெரும் பித்தலாட் டம் என்று குறிப்பிடுகிறார். ஏனென்றால் மக்களுக்கு இவற்றின் பொருள் என்ன வென்று தெரியாது). மதச்சார்பற்ற திரு மணங்களை அவர் ஊக்கப்படுத்தி வரு கிறார். ஆயிரக்கணக் கான சுயமரியா தைத் திருமணங்களை அவர் தலைமை தாங்கி நடத்தி வைத்துள்ளார்.
அவருடைய இயக்கத்தின் இயல் பினையும் அரசியலையும் ஒப்பிட்டுக் கூறுகையில் ஒவ்வொருவருக்கும் ஒரு ஓட்டு என்ற முறையில் எந்த அரசும் வரலாம்; போகலாம். ஆனால் சமு தாயத்தில் அனைவரும் ஒரே மாதிரி இருப்பதில்லை. திராவிடர் கழகம், அரசியல் கட்சிகள் உள் நுழைந்து சிக்கலை உண்டு பண்ணவியலாத சமூகச் சமத்துவத்தையும் அதிகாரத்தையும் விரும்புகிறது. திராவிடர் கழகம் சாதி ஒழிப்பிற்காகவும் பெண் உரிமை பெறு வதற்காகவும் போராடும் இயக்கம் என்றார் ஆசிரியர் கி.வீரமணி. கிறித்துவ மதத்தில் ஒருவர் பாதிரியாக (புரோகி தராக) வேண்டுமென்றால் அதற்குரிய கல்வித் தகுதியை அவர் பெற்றிருந்தால் அப்பணியில் அவர் அமர்த்தப்படுகிறார். அதைப் போலவே ஒரு முசுலீம் முல்லா வாக வேண்டுமென்றால் அதற்குரிய கல்வியைப் பெற்று அப்பணியில் அமர லாம். ஆனால் இந்து மதத்தில் இது போன்று நடப்பதற்கு வாய்ப்பில்லை. ஏனென்றால் இந்து மதத்தில் பரம் பரையாக இந்து மதத்தின் மொழியாகிய சமஸ்கிருதத்தைப் பயின்று பயிற்சி பெற்ற உயர்சாதியினர் (பார்ப்பனர்) மட்டுமே அத்தகைய பணிகளைப் பெறமுடியும், என்று ஆசிரியர் வீரமணி குறிப்பிட்டார்.
திராவிடர் கழகத்தின் தனிச் சிறப்பி னைப் பற்றி விளக்கிய ஆசிரியர், பெரியார் பகுத்தறிவையும் சமூகநீதியை யும் முன்னெடுத்துச் செல்வதற்காகத் தம்முடைய செல்வம் அனைத்தையும் ஒரு பொது அறக்கட்டளையாக உரு வாக்கினார். பள்ளிகள், மருத்துவமனை கள், குழந்தைகள் காப்பகங்கள் என்று இந்த இயக்கம் மனிதநேயச் செயல் திட்டங்களை நடைமுறைப்படுத்தி வருகின்றது. அனைத்துலக அளவில் இது தெரிந்த செய்தியே. 2014இல் மேரிலேண்ட் மாநிலத்தின் மேனாள் ஆளுநர் பாரிஸ் கிளிண்டெனிங் அவர் களுக்கு இங்கு வரவேற்பளிக்கப்பட்டது. இயக்கத்திற்கு வழங்கப்பெறும் நன் கொடைகள், மதவாதிகளிடமிருந்து வரும் எதிர்ப்பினைப் புந்தள்ளி இவர் களின் தொண்டறம் தொடர்வதற்குப் பெரிதும் துணை செய்கின்றன.
என்மீது நான்கு முறைக்கு மேல் கொலை வெறித் தாக்குதல் நடத்தப் பெற்றது. இந்துத்துவத் தேசிய முன்னணி யினரும் ஆர்.எஸ்.எஸ். அமைப்பினரும் எனக்கு மாலையணிவிக்க வருபவர் களைப் போல வந்தமையால் என் ஓட் டுநர் வண்டியை நிறுத்தினார். உடனே அவர்கள் தாக்கத் தொடங்கி விட்டனர். தாக்குதலில் மூக்கின் இடைப்பகுதி கிழிந்து போய்விட்டது என்றார் ஆசிரியர்.
இத்தகைய தாக்குதல்களுக்கும் அச் சுறுத்தல்களுக்கும் அஞ்சாது, பகுத்தறி வையும் மனித நேயத்தையும் பரப்புவ தற்காக, சமத்துவத்தையும் சமூக நீதியை யும் வென்றெடுப்பதற்காக வேறு சிந் தனையின்றித் தமது எண்பதாவது வயதி லும் பயணம் செய்வது மகிழ்ச்சியளிப்ப தாகப் பெருமிதத்துடன் கூறுகிறார் ஆசிரியர்.
- தமிழில்: டாக்டர் ப.காளிமுத்து
-விடுதலை,4.3.15