மாநில பகுத்தறிவாளர் கழகப் பகுத்தறிவு ஆசிரியரணி - பகுத்தறிவு எழுத்தாளர் மன்றம் புதிய நிர்வாகிகள் அறிவிப்பு

  November 22, 2021 • Viduthalai

மாநில பகுத்தறிவாளர் கழகத் தலைவர்

இரா.தமிழ்ச்செல்வன்

பகுத்தறிவாளர் கழக சமூக ஊடகப் பிரிவுத் தலைவர் மா.அழகிரிசாமி

துணைத் தலைவர்கள்

1. வேண்மாள் நன்னன்

2. வேல்.சோ.நெடுமாறன்

3. இல.மேகநாதன்

4. கா.நல்லதம்பி

5. அ.சரவணன், ஆசிரியர்

6. அண்ணா.சரவணன்

7. கே.டி.சி.குருசாமி

8. தரும.வீரமணி

9. அ.தா.சண்முகசுந்தரம்

10. கோபு.பழனிவேல்

11. மணிவண்ணன்

12. மா.ஆறுமுகம்

13. கு.ரஞ்சித்குமார்

பொருளாளர்:

சி.தமிழ்ச்செல்வன்

பொதுச்செயலாளர்கள்:

பாபநாசம் மோகன்,

வெங்கடேசன், சென்னை

துணைப் பொதுச்செயலளர்கள்:

பேராசிரியை சுலோச்சனா, சென்னை

இளவரசி, புதுவை மாநிலம்

வடசென்னை பகுத்தறிவாளர் கழகத் தலைவர் கோபால்

தென்சென்னை பகுத்தறிவாளர் கழகத் தலைவர் மாணிக்கம்.

பகுத்தறிவு ஆசியரணி

மாநிலத் தலைவர் தமிழ்ப் பிரபாகரன், ஆத்தூர்

மாநில அமைப்பாளர்கள்: இரா.சிவக்குமார், எஸ்.அருள்செல்வன்

திருவாரூர் மாவட்ட பகுத்தறிவு ஆசிரியரணி தலைவர்: ஈ.வெ.ரா.

பகுத்தறிவு எழுத்தாளர் மன்றம்

மாநில தலைவர்: வா.நேரு, மதுரை

துணைத் தலைவர்கள்

கோ.ஒளிவண்ணன், சென்னை

ம.கவிதா, திருப்பத்தூர்

சுப.முருகானந்தம், மதுரை

கலைத்துறை செயலாளர்: மாரி.கருணாநிதி, தருமபுரி.

தாம்பரம் பெரியார் பகுத்தறிவு புத்தக நிலையத்தில் தெலங்கானா மாநில நாத்திக அமைப்பினர்

   February 14, 2022 • Viduthalai

தாம்பரம், பிப். 14- 13.2.2022 அன்று பகல் தாம்பரம் பேருந்து நிலையத்தில் அமைந்துள்ள பெரியார் பகுத்தறிவு புத்தக கண்காட்சி மற்றும் விற்பனை நிலையத்திற்கு தெலங்கானா மாநில நாத்திக அமைப்பின் பொறுப்பாளர்கள் தோழர் சாரையா, தோழர் ஸ்பாடகஸ் மற்றும் பெரியார் பெருந் தொண்டர் மானா மதுரை ஒன்றிய கழக அமைப் பாளர் மற்றும் சிவகங்கை மாவட்ட விவசாயிகள் அணி தலைவர் பெரியகோட்டை மா.சந்திரன் ஆகியோர் வருகை தந்தனர்

தோழர்களை தாம்பரம் மாவட்ட தலைவர் ப.முத்தை யன், தாம்பரம் நகர செயலாளர் சு.மோகன்ராஜ் மற்றும் மாவட்ட இளைஞரணி தலை வர் கரைமா நகர் தே.சுரேஷ் ஆகியோர் வரவேற்று இயக்க புத்தகங்களை மகிழ்வுடன் வழங்கி சிறப்பு செய்தனர்.

13.2.2022 அன்று பகல் தாம் பரம் பேருந்து நிலையத்தில் அமைந்துள்ள பெரியார் பகுத் தறிவு புத்தக கண்காட்சி மற் றும் விற்பனை நிலையத்திற்கு சென்னை மண்டல திராவிடர் கழக தலைவர் தி.இரா.இரத் தினசாமி,அவர் வாழ்விணை யர் இர.ஆதிலட்சுமி,பேரன்கள் சி.பா.திலீபன்,சி.பா.தீரன், தி.இரா.சந்தோஷ் வீரமணி, தோழர் நடராசன் ஆகியோர் வருகை தந்தனர் தோழர்களை தாம்பரம் மாவட்ட தலைவர் ப.முத்தையன், பெரியார் பெருந் தொண்டர் சிவகங்கை மா.சந் திரன், தாம்பரம் நகர செயலா ளர் சு.மோகன்ராஜ், குன்றத்தூர் ஒன்றிய அமைப்பாளர் கரைமா  நகர் ப.கண்ணதாசன் மற்றும் மாவட்ட இளைஞரணி தலை வர் கரைமா நகர் தே.சுரேஷ் ஆகியோர் வரவேற்று இயக்க புத்தகங்களை மகிழ்வுடன் வழங்கி சிறப்பு செய்தனர்.

மண்டல தலைவர் தி.இரா.இரத்தினசாமி 2035 ரூபாய்க்கு புத்தகங்கள் வாங்கி ஆதரவு வழங்கினார்.

உலகில் கடவுள் நம்பிக்கை இல்லாத முதல் 10 நாடுகள்!

  February 16, 2022 • Viduthalai

உலகிலுள்ள பெரும்பான்மையான நாடுகளில், கடவுள் நம்பிக்கையுள்ள மக்கள் வாழுகின்றனர். அதேபோல் தற்போது கடவுள் நம்பிக்கை இல்லாத நாடுகளும் அதிகரித்துக் கொண்டே வருகின்றன. சில காலங்களுக்குமுன் கடவுள் நம்பிக்கையில் முழு மையாக இருந்த நாடுகள், தற்போது கடவுள் நம்பிக்கை அற்றதாகவும், கடவுள் இருந்தாலும், இல்லையானாலும் பிரச்சினை இல்லை என்னும் நிலை கொண்ட, அக்னாஸ்ட்டிகளாகவும் உள்ளனர்.

அப்படி தற்போதுவரை மக்கள் தொகை விகிதத்தில் அதிக அளவு இறை மறுப்பாளர்களைக் கொண்ட நாடு களை இப்பொழுது காண்போம்.

எண்: 10 டென்மார்க்

அய்ரோப்பிய கண்டத்தில் உள்ள ஒரு நாடு டென்மார்க். இங்கே 58 லட்சம் மக்கள் வாழுகிறார்கள். பிரபலமான சுற்றுலா நாடுகளில், டென்மார்க்கும் ஒன்றாகும்.

இந்த நாடு 42,430 கி.மீ. சுற்றளவு பரப்பளவைக் கொண்ட தாகும். 2010 ஆம் ஆண்டின் கணக்கெடுப்பின்படி, 47 சதவிகித மக்கள் கடவுள் நம்பிக்கை உள்ளவர்களாகவும், 22 சதவிகித மக்கள் கடவுள் மறுப்பாளர்களாகவும், மீத முள்ளவர்கள் அக்னாஸ்ட்டிகளாகவும் உள்ளனர்.

ஆனால், தற்போது 61 சதவிகித மக்கள் கடவுள் மறுப் பாளர்கள் மற்றும் அக்னாஸ்ட்டிகளாக (கடவுளைப்பற்றி கவலை இல்லாதவர்கள்) உள்ளனர்.

இது கிட்டத்தட்ட 2010 இல் எடுக்கப்பட்ட கணக் கெடுப்பைவிட, ஒரு மடங்கு அதிகமாகும்.

எண்: 9 நார்வே

அய்ரோப்பிய கண் டத்தில் இருக்கின்ற நாடுகளில் ஒன்றுதான் நார்வே. இங்கே சுமா ராக 55 லட்சம் மக்கள் வாழுகிறார்கள்.

3,65,000 சதுர கிலோ மீட்டர் பரப்பளவைக் கொண்ட நாடாகும் இது. இங்கே வாழும் மக்கள் மகிழ்ச்சியாக வாழு கிறார்கள். இங்கே இருக்கின்ற மக்கள் 50 சதவிகிதத்திற்குமேல் கடவுள் நம்பிக்கை இல்லாதவர்கள்தான்.

இங்கே பெரும்பாலும் சுற்றுலாவிற்காகத்தான் மக்கள்  அதிகமாக வருகிறார்கள். ஓரினச் சேர்க்கை மக்களுக்கு அதிகமான சுதந்திரம் கொடுத்துள்ள நாடாகும்.

இங்கு 62 சதவிகித மக்கள் கடவுள் நம்பிக்கை அற்றவர்கள். மீதமுள்ள மக்கள் கிறிஸ்தவம், ஈடன் போன்ற மதங்களைப் பின்பற்றுகிறார்கள்.

கடந்த சில ஆண்டுகளாகவே கடவுள் நம்பிக்கையற்ற நாடுகளில், நார்வே முதல் 10 இடங்களில் இருப்பது குறிப் பிடத்தக்கது.

எண்: 8 ஆஸ்திரேலியா

2.5 கோடி மக்களைக் கொண்ட ஆஸ்திரேலியா, 76 லட்சம் சதுர கிலோ மீட்டர் பரப்பளவைக் கொண்டது. தீவு நாடு என்பதால், சுற்றுலாப் பயணிகளும், விடுமுறையைச் செலவிடுபவர்களும் அதிகமாகப் போய்விட்டு வரு கிறார்கள். இங்கே பெரும்பான்மையான மக்கள் கிறிஸ்தவ  மதத்தைத்தான் பின்பற்றுகிறார்கள். ஆனால், அண்மைக் காலமாக மக்களுக்கு கடவுளின்மேல் நம்பிக்கைக் குறைந்துகொண்டே வருகிறது.

2006 ஆம் ஆண்டு 19 சதவிகித மக்களும்,

2015 ஆம் ஆண்டு 22 சதவிகித மக்களும்,

2016 ஆம் ஆண்டு 30 சதவிகித மக்களும் கடவுள் நம்பிக்கை இல்லை என கூறியுள்ளனர்.

தற்போது கடவுள் நம்பிக்கை இல்லாதவர்கள், கடவுள் குறித்து எந்த விருப்பமும் இல்லாது இருப்பவர்கள் என சேர்த்து சுமார் 63 சதவிகித மக்கள் இருக்கிறார்கள்.

எண்: 7 வியட்நாம்

சோசலிஸ்ட் ரிபப்ளிக் வியட்நாம் என்று சொல்கின்ற இந்த நாடு, ஆசிய கண் டத்தில் சீனாவிற்கு அடுத்தபடியாக அமைந் திருக்கின்றது. இந்த நாட்டினுடைய பரப்பளவு 3,10,000 சதுர கிலோ மீட்டர் பரப்ப ளவு கொண்டது.

இங்கே 9.6 கோடி மக்கள் வாழுகிறார்கள். இந்த நாட் டினுடைய அரசமைப்புச் சட்டப்படி, எந்த மதமும் இங்கு கட்டாயம் இல்லை. யாரும், எந்த மதத்தை ஏற்கவும், வழிபடவும் அனைவருக்கும் உரிமை உண்டு.

இங்கே 2007 ஆம் ஆண்டு கணக்கெடுப்பின்படி, 87 சதவிகித மக்கள் கடவுள் நம்பிக்கை இல்லாதவர்களாகவே இருந்துள்ளனர்.

பின்பு, புத்த மதம், கொயட் ரிலிஜன் போன்ற மதங்களில் மக்கள் சேர்ந்துள்ளனர். இதனால், தற்போது சுமார் 63 சத விகித மக்கள் கடவுள் நம்பிக்கையற்றவர்களாக உள்ளனர்.

எண்: 6 அசர்பைஜான்

கிழக்கு அய்ரோப்பாவில் இருக்கின்ற ஒரு சிறிய நாடுதான் இது. இங்கே 1.2 கோடி மக்கள் வாழுகிறார்கள். சுமார் 82 ஆயிரத்து 658 சதுர கிலோ மீட்டர் பரப்பளவுள்ள நாடு. இது ஒரு இஸ்லாமிய நாடு. ஆனால், இங்குள்ள மக்கள் பெரும்பாலும் கடவுள் நம்பிக்கை இல்லாதவர்களாக உள்ளனர்.

2006-2008 இல் கேலக்பூர் என்று சொல்லப்படுகின்ற ஒரு நிறுவனம் நடத்திய கணக்கெடுப்பில் வெறும் 21 சதவிகித மக்களே அன்றாட வாழ்க்கைக்கு மதம் தேவை என்று வாக்களித்து இருந்தனர்.

தற்போது இந்த நிலை மாறி, சுமார் 62 சதவிகித மக்கள் கடவுள் மறுப்பாளர்களாகவும், மீதமுள்ள மக்கள் இஸ்லாம், கிறிஸ்தவம், ஈடன் மதங்களையும் பின்பற்றுகிறார்கள்.

எண்: 5 பெல்ஜியம்

அய்ரோப்பிய கண்டத்தில், ஜெர்மனி மற்றும் லக்சம் பர்க்கிற்கு அடுத்து இருப்பதுதான் பெல்ஜியம். சாக்லெட்டு களுக்குப் பெயர்போன நாடு இது. இங்கே ஒரு கோடியே 16 லட்சம் மக்கள் வாழுகிறார்கள். இந்த நாடு 30 ஆயிரத்து 280 சதுர கிலோ மீட்டர் பரப்பளவு கொண்ட நாடு.

இந்த நாட்டில் பெரும்பான்மையான மக்கள் கிறிஸ்தவ மதத்தைப் பின்பற்றுகின்றனர். மீதமுள்ள மக்கள் இஸ்லாம், ஈடன் போன்றவற்றைப் பின்பற்றுகின்றனர்.

2012 ஆம் ஆண்டில் 32 சதவிகித மக்கள் எந்த மதத் தையும் ஏற்காதவர்களாகவும், 17.1 சதவிகித மக்கள் அக் னாஸ்ட்டிகளாகவும் இருந்துள்ளனர்.

தற்போது 2007 ஆம் ஆண்டில், மொத்தமாக 62 சத விகித மக்கள் எந்த மதத்தையும், கடவுளையும் ஏற்காத வர்களாக உள்ளனர்.

எண்: 4 நெதர்லாண்ட்

டச்சு நாடு என்று அழைக்கப்படும் இந்த நாடு அய் ரோப்பிய கண்டத்தில் இருக்கிறது. இங்கே சுமாராக ஒரு கோடியே 76 லட்சம் மக்கள் வாழுகிறார்கள். 41 ஆயிரத்து 865 சதுர கிலோ மீட்டர் பரப்பளவு கொண்ட நாடு இது.

20 ஆம் நூற்றாண்டிற்கு முன்பகுதி வரையில் இந்த நாடு முழுக்க முழுக்க கிறிஸ்தவ நாடாகவே இருந்தது. ஆனால், இப்பொழுது பல்வேறு கட்ட மக்கள் வாழு கிறார்கள். கிறிஸ்தவம், இஸ்லாம், யூதம் என பல மக்கள் வாழுகிறார்கள்.

எனினும், 2010 ஆம் ஆண்டிலேயே எந்த மதத்தையும் ஏற்காத மக்கள் 51 சதவிகிதமாக இருந்தார்கள்.

இது கடவுள் நம்பிக்கை உள்ள மக்களைவிட அதிக மாகும். தற்போது அந்த விகிதம் அதிகரித்து, எத்திஸ்ட் மற்றும் அக்னாஸ்ட்டிக் என சேர்த்து சுமாராக 66 சதவிகித மக்கள் இருக்கிறார்கள்.

எண்: 3 செக் ரிபப்ளிக்

ஆஸ்திரிய மற்றும் ஜெர்மனிக்கு இடையே உள்ள ஒரு சிறிய நாடுதான் செக் ரிபப்ளிக்.

இந்த நாட்டில் 1 .7 கோடி மக்கள் இருக்கிறார்கள். சிறிய நாடாக இருந்தாலும், உலகத்தின் பேமஸ் ஆன்டி வைரசான ஆவஸ்ட் மற்றும் ஸ்கோடா கார் பிராண்ட், பீர் பிரியர்களின் பட்வைசர் மற்றும் பேட்டா எனும் செருப்பு நிறுவனம் எல்லாம் இந்த நாட்டினுடைய நிறுவனங்கள்தான்.

இங்கே வாழுகின்ற மக்களில், 34 சதவிகித மக்கள் கடவுள் நம்பிக்கையற்றவர்களாகவும், 44 சதவிகித மக்கள் எந்தக் கடவுளையும் ஏற்காமல் உள்ள அக்னாஸ்ட்டி களாகவும் உள்ளனர்.

இங்கே மொத்தமாக 72 சதவிகித மக்கள் எந்த மதத்தை யும், எந்தக் குறிப்பிட்ட கடவுளையும் நம்பாமல் இருக் கின்றனர்.

எண்: 2 சுவீடன்

அய்ரோப்பிய கண்டத்தில் மிகப் பிரபலமான நாடுகளில் ஒன்றுதான் சுவீடன்.

இங்கு ஒரு கோடியே 18 லட்சம் மக்கள் வாழுகிறார்கள். 4 லட்சத்து 10 ஆயிரம் சதுர கிலோ மீட்டர் பரப்பளவுள்ள நாடாகும் இது.

பெரிய சுற்றுலா நாடு என்பதினால், ஆண்டுதோறும் அதிகமான சுற்றுலாப் பயணிகள் இங்கே வருகின்றனர். இங்கு கிறிஸ்தவ மதம்தான் முக்கியமான மதமாகக் காணப் பட்டது.

ஆனால், தற்போது பெரும்பான்மையான மக்கள் கடவுள் நம்பிக்கையை ஏற்பதில்லை. மக்கள் மகிழ்ச்சியாக வாழ்வதால், அவர்களுக்கு கடவுள் குறித்தான எந்த எண்ணமும் இங்கு இல்லை.

யூரோ பேரோ மீட்டர்ஃபோல் கணக்கெடுப்பின்படி, 45 சதவிகித மக்கள் கடவுளை ஏற்கவில்லை. மாறாக, ஓர் இயற்கை சக்தி உள்ளதெனவும் 34 சதவிகித மக்கள் கூறியுள்ளனர்.

இந்நாட்டில் வாழும் மக்களில் வெறும் 18 சதவிகித மக்கள் மட்டுமே கடவுள் நம்பிக்கை உள்ளவர்களாக உள்ளார்கள்.

எண்: 1 சீனா

ஆசிய கண்டத்தில் அதிக மக்கள் தொகைக் கொண்ட பெரிய நாடுதான் சீனா. இங்கு சுமார் 140 கோடிக்கும் அதிகமான மக்கள் வாழுகிறார்கள்.

இந்நாடு சுமார் 93 லட்சத்து 88 ஆயிரம் சதுர கிலோ மீட்டர் பரப் பளவைக் கொண்ட தாகும்.

இங்கு வாழும் மக்கள் பெரும்பாலும் எந்த மதத்தையும் பின் பற்றாதவர்கள்தான். இந்நாட்டு அரசமைப்புச் சட்டப் படி, இந்தியாவைப் போல, எந்த மதத்தையும் அங்கீகரிக்க வில்லை.

செக்குலரிஸ்ட் கண்ட்ரி எனும் நிலையில்தான் உள்ளது. இங்கு புத்தம், ஃபாண்டிசியம், பாவோசியம் எனும் மூன்று  நெறிமுறை மதங்களை அதிகமாகப் பின்பற்றுகின்றனர்.

பல காலங்களாக கம்யூனிச பாரம்பரியம் உள்ள சீனா வில், கடவுள்பற்றி எந்த விருப்பமும் இல்லாத மக்கள்தான் அதிகம்.

2015 இல் கேலப் இண்டர்நேசனல் நடத்திய கருத்துக் கணிப்பில், 61 சதவிகித மக்கள் கடவுள் நம்பிக்கை இல்லாதவர்கள்தான்.

தற்போது அந்த விகிதம் 3 சதவிகிதமும், கடவுள்பற்றி எந்த விருப்பமும் இல்லாதவர்கள் 18 சதவிகிதமும் அதிகரித்துள்ளது.

இதுதவிர, இயற்கையின்மீது நம்பிக்கை உள்ளவர்கள் 7 சதவிகிதம் உள்ளார்கள்.

மொத்தமாக 88 சதவிகிதம்முதல் 90 சதவிகித மக்கள் சீனாவில் உள்ளனர்.

கூடுதல் தகவலாக,

மேற்கண்ட நாடுகளைத் தவிர, ஜப்பான், அமெரிக்கா, ரஷ்யா போன்ற நாடுகளில், கணிசமான அளவில் கடவுள் மறுப்பாளர்கள் உள்ளனர்.

மேற்கண்ட தகவல்கள் எல்லாம் வேல்டு பாபுலேசன் மூவி தளத்தில் வெளியான தரவுகளின் அடிப்படையில் உருவாக்கப்பட்டுள்ளது.

கடவுள் மறுப்பாளர்கள் அதிகமாக வாழும் நாடு நார்வே. இங்கு இருக்கின்ற மற்ற மதங்களைவிட, கடவுள் மறுப்பாளர்கள் அதிகமாக வாழுகிறார்கள்.

கடவுள் நம்பிக்கை உள்ளவர்களைவிட, அதிகமாக நாத்திகர்கள் உருவான முதல் நாடும் இதுதான். உலகின் மகிழ்ச்சியான நாடுகளில், நார்வே ஆறாம் இடத்தில் உள்ளது குறிப்பிடத்தக்கது.

இந்தப் பட்டியலில், இந்தியா 5 சதவிகித கடவுள் மறுப் பாளர்களைக் கொண்டுள்ளது.

மேலும், உலகில் கிறிஸ்தவம், இஸ்லாமுக்கு அடுத்த படியாக கடவுள் நம்பிக்கை அற்றவர்கள் மற்றும் அக் னாஸ்ட்டிகள்தான் மூன்றாவது இடத்தில் உள்ளனர் என்பதும் குறிப்பிடத்தக்கதாகும்.

நாடெங்கும் பகுத்தறிவுப் பேரொளி பரவ வழி செய்வீர்! வெற்றி நமதே விரைந்து செயல்படுவீர்!

  November 22, 2021 • Viduthalai

பகுத்தறிவாளர் கழகத்திற்குப் புதிய பொறுப்பாளர்கள் - புதிய திட்டங்கள் - மதவெறி - ஜாதிவெறி - சமூக அநீதி - பாலியல் வன்கொடுமைகளுக்கு எதிரான விஷ முறிவு பகுத்தறிவுப் பிரச்சாரமே!

பகுத்தறிவாளர் கழகப் புரவலர் விடுத்துள்ள அறிக்கை

பகுத்தறிவாளர் கழகம், பகுத்தறிவு ஆசிரியரணி, பகுத்தறிவாளர் எழுத்தாளர் மன்றத்திற்குப் புதிய பொறுப்பாளர்கள் தேர்வு செய்யப்பட்டுள்ள நிலையில், மக்கள் மத்தியில் தலைதூக்கும் மதவாதம், ஜாதீய வாதம் உள்ளிட்ட நோய்களுக்கு எதிரான விஷ முறிவு பகுத்தறிவே! பகுத்தறிவுப் பேரொளி எங்கும் வேகமாகப் பரவட்டும் என்று பகுத்தறிவாளர் கழகப் புரவலர்  ஆசிரியர்  கி.வீரமணி அவர்கள் அறிக்கை விடுத்துள்ளார்.

அவரது அறிக்கை வருமாறு:

நேற்று (21.11.2021) மாநில பகுத்தறிவாளர் கழகத்தின் கலந்துரையாடலும், புதிய பொறுப்பாளர்கள் தேர்வும், 2022 ஆம் ஆண்டு வேலைத் திட்ட ஆயத்தத்திற்காகவும், சென்னை பெரியார் திடலில் மிகவும் சிறப்பாக, அனைவரும் மகிழத்தக்க அளவில் நடைபெற்றது.

பகுத்தறிவாளர் கழக முந்தைய பொறுப்பாளர்களுக்குப் பாராட்டு - வாழ்த்து!

கடந்த சில ஆண்டுகளாகப் பொறுப்பேற்று பணி செய்த பொறுப்பாளர்களின் பணி பாராட்டத்தக்கதாக இருந்தது என்றாலும், புதியவர்களுக்கும் பொறுப்புப் பயிற்சி அளிக்கவேண்டும் என்பதாலேயே, நாடு தழு விய அளவில் புதிய பொறுப்பாளர்கள் தேர்ந்தெடுக் கப்பட்டும் - நியமிக்கப்பட்டும் பொறுப்பேற்றனர்.

அனைவருக்கும் வாழ்த்துகள்!

பகுத்தறிவாளர் கழகம் 1970 இல் தந்தை பெரியார் அவர்களால் சென்னையில் தொடங்கப் பெற்று, 51 ஆண்டுகள் நிறைவு பெறும் நிலையில் - பொன்விழா நிறைவு காலத்தில், நிறைவான பணிகள் நிரம்பத் தேவையிருக்கின்றன.

மதவெறி, ஜாதி வெறி, சமூக அநீதி, மகளிருக்கு எதிரான பாலியல் வன்கொடுமைகள் தலைதூக்கி கோரத்தாண்டவம் ஆடும் நிலையில், அதற்கு சரியான விஷ முறிவு மருந்து பகுத்தறிவுப் பிரச்சாரமே ஆகும்!

பனி படர்ந்தாலும், சறுக்கு விளையாட்டுக்கு அதைப் பயன்படுத்தி மகிழுவதுபோல, எந்த சூழலையும் ஆக்கப் பூர்வமாகவே அணுகும் அறிவுத் திறனும், ஆளுமைத் திட்பமும் நமது தோழர்களுக்கு உண்டு என்பதால், எதிர்ப்புகள் எப்போதும் நம் வயலுக்கான உரங்களாகவே ஆகி, விளைச்சல் பன்மடங்கு கிட்டுவது உறுதி.

(விரிவான நடவடிக்கைகள்பற்றி தனியே செய்தி களைக் காண்க).

2022 ஆம் ஆண்டுக்கான புதிய திட்டங்கள்!

2022 தொடங்குமுன்னரே, நமது பகுத்தறிவாளர் பணி - பருவம் பாராது - திசையெட்டும் பரந்துபட்ட நிலையில், விரைந்து நடைபெற வேகமான திட்டங்கள் தீட்டப் பட்டன நேற்று!

2021 டிசம்பர் 10 தொடங்கி, டிசம்பர் 21 ஆம் தேதிவரை (10 நாள்கள்) பெரியார் பகுத்தறிவுப் பயிற்சிப் பட்டறை வகுப்புகள் நாள்தோறும் மாலை 6 மணிமுதல் 7 மணிவரை கீழ்க்காணும் தலைப்புகளில் வகுப்புகள் - புதிய பயிற்சியாளர்களுக்கு அளிக்கப்படும்.

பதிவு செய்துகொள்ளவேண்டும் - கட்டணம் ஏதுமில்லை.

40 மணித்துளிகள் வகுப்புரை - எஞ்சிய 20 மணித் துளிகள் வரவேற்பு, கேள்வி - பதில் - வருகைப் பதிவு எல்லாம் நடக்கும்.

தொடர்ந்து வகுப்பில் பயிற்சி பெற்றவர்களுக்குப் போட்டியும், பரிசும் உண்டு.

சென்ற முறை தயாரான திராவிட நாற்றுகள்கூட இம்முறை கலந்துகொண்டு, தம் அறிவை விரிவு செய்துகொள்ளவும் வாய்ப்பு உண்டு.

புதிய நாற்றுகள் - பகுத்தறிவுப் பண்ணையில்!

பெரியார் உயராய்வு சிந்தனை மய்யத்தின் சான்றிதழ் - பெரியார் - மணியம்மை நிகர்நிலைப் பல்கலைக் கழகம்மூலம்  அறிவியல் மனப்பாங்கு, கடமை உணர்வு வகுப்பின் பரப்புரையாகவே இது கருதப்படும்.

பயிற்சி வகுப்பிலும் சரி, வெளியே தனியே பகுத் தறிவுப் பிரச்சாரத்திலும் சரி, போதிய பாட நூல்களாக,

பெரியார் களஞ்சியம் பகுத்தறிவு மூன்றுதொகுதி,

பகுத்தறிவு ஏன்? எதற்காக?

அறிஞர் அண்ணாவின்  பகுத்தறிவுக் களஞ்சியம் முதலியவை இருக்கும்.

தனித்தனியே நடத்தும் திட்டமும் தொடரும்.

அடர்த்தியான பணிகள்!

நேர்த்தியான விளைச்சல்!

புதிய திராவிட பகுத்தறிவு நாற்றங்கால் இப்போது பெரியார் பண்ணையத்தில் அடுத்த விளைச்சலாகக் கிடைக்கும்.

இந்தப் பணி போதுமா?

அடுத்தது களப் பணிகள் -

துண்டறிக்கை பரப்பு இயக்கம் - இல்லந்தோறும் மக்கள் உள்ளந்தோறும் பகுத்தறிவுச் சிந்தனை பரப்புதல் பணியும் தொடர் பணியாக தொய்வின்றி நடைபெறும்.

அடிக்கடி ஆங்காங்கு புதிய பொறுப்பாளர்கள் ப.க. கலந்துரையாடல்கள் மாவட்டந்தோறும், மண்டலந் தோறும், ஒன்றியந்தோறும் சுழலும் பம்பரமாகி, சுற்றிச் சுற்றி நடத்தி, ஒரு ஆரோக்கியமான போட்டியை முன்னெடுத்துச் செல்ல முன்னோட்டமாக இவ்வாண்டு தொடங்கட்டும்!

ஊரெங்கும் பகுத்தறிவுப் பேரொளி பரவட்டும்!

இப்படை தோற்கின் எப்படை வெல்லும்?

பாரெங்கும் பகுத்தறிவு முழக்கம்

ஊரெங்கும் பகுத்தறிவுப் ‘பேரொளி'

பரவட்டும்! பரவட்டும்!!

வெற்றி நமதே! விரைவீர்!

 

கி.வீரமணி

புரவலர்,

பகுத்தறிவாளர் கழகம்.

சென்னை

22.11.2021

ஓர் அரிமா நோக்கு!

சென்னை பகுத்தறிவாளர் கழகத்திற்கு தந்தை பெரியாரின் ஆசியும் - அன்பளிப்பும்!

பகுத்தறிவாளர் கழகத்தைத் தொடங்கி வைத்து அறிவுரையாற்றிய வணக்கத்திற் குரிய தந்தை பெரியார் அவர்கள், கழகத்தின் வளர்ச்சிக்காக கழகத்தின் தலைவர் திரு.சி.டி.நடராசன் அவர்களிடம் 1000 ரூபாயை நன்கொடையாக அளித் தார்கள். தொடர்ந்து அய்யா அவர்கள் பேசுகையில்,

கழகம் ஆற்றவேண்டிய பணிகள் குறித்தும், பகுத்தறிவுப் பிரச்சாரத்தை பலவகையில் வலிவுடன் செய்ய வேண்டிய முறைகள்பற்றியும் கூறினார்கள். கழகம் தனக்கென ஆங்கில ஏடு ஒன்று விரைவில் தொடங்கவேண்டிய அவசியத்தை வலியுறுத்தி னார்கள். மேலும் துண்டுப் பிரசுரங்கள், மலிவுப் பதிப்புகள் வெளியிடுதல், கருத்தரங்குகள், விளக்கக் கூட்டங்கள் இவற்றுக்கு ஏற்பாடு செய்தல், பிரச்சார நாட கங்கள் பலவற்றை நடத்துதல் போன்ற பல்வேறு பணிகளில் விரைந்து ஈடுபடுத்திக் கொள்ளவேண்டும் என்றார்கள். மேலும், பகுத்தறிவாளர்கள் தம் சட்டையில் அணிந்து கொள்ளும் வகையில் சின்னம் (எம்பளம்) ஒன்றினை உடனே உருவாக்குங்கள் என்றார்கள்.

கூட்டத்தில் தோழர்கள் துண்டேந்தியமைக்கு ஆதரவாக ரூபாய் 129.30 காசு வசூலாகியது.

‘விடுதலை', 7.9.1970

பெரியார் பகுத்தறிவுப் பயிற்சிப் பட்டறை

10.12.2021 முதல் 21.12.2021 வரை (10 நாள்கள், ஞாயிறு நீங்கலாக)

நேரம்: மாலை 6 மணிமுதல் 7 மணிவரை

தலைப்பு - கருத்தாளர்கள்

கடவுள் - கவிஞர் கலி.பூங்குன்றன்

மதம் - சு.அறிவுக்கரசு

ஜாதி - அருள்மொழி

பெண்ணடிமை - செ.மெ.மதிவதனி

பண்டிகைகள் - துரை.சந்திரசேகரன்

புராணங்கள்- இலக்கியங்கள் - மு.சு.கண்மணி

ஜோதிடம் - ஜாதகம் - இராம.அன்பழகன்

சகுனம்  - சடங்கு - பேய் -

பில்லி - சூனியம் - டாக்டர் கவுதமன்

ஆத்மா- வீ.குமரேசன்

பக்தி - பிரார்த்தனை - வா.நேரு

ஆறாம் அறிவு யாதெனில்!

   February 09, 2022 • Viduthalai

சுருக்கென்று தான் கேட்டார் அந்த கல்லூரி இளைஞர்! நானோ சிரித்துக் கொண்டே பதில் சொன்னேன்!

"அய்யா எல்லோருக்கும் பகுத்தறிவு இருக் கிறது. பின்னர் ஏன் உங்களை மட்டும் பகுத்தறி வாளர்கள் என்று சொல்றீங்க? மற்றவர்களுக்கெல் லாம் பகுத்தறிவு இல்லையா?" இது அவர் கேட்டது.

" எல்லோருக்கும் தான் இருக்கிறது, ஆனால் யார் பகுத்தறிவை ஆள்கிறார்களோ, யார் பகுத் தறிவை பயன்படுத்துகிறார்களோ, யார் பகுத்தறி வின் பயனை நுகர்வோர் ஆக்கிக்கொண்டு மற்ற வருக்கு கொடுக்கிறார்களோ அவர்கள்தான் பகுத் தறிவாளர்கள்! பகுத்தறிவை கையாளத் தெரிந்த வர்கள்! எடுத்துக்காட்டாக வெற்றுக் காலில் நடந்து போகும்போது சாணத்தை மிதித்து விட்டால் அரு வருப்பாக உள்ளது என்று கழுவிவிட்டு நிம்மதி பெறுவது பகுத்தறிவு. அதே ஆள் சற்று தூரத்தில் உள்ள பிள்ளையார் கோயிலில் சாணியை வைத்து ஒரு புல்லை வைத்தால் அங்கே தலையை குட்டிக் கொண்டு நின்றால் பகுத்தறிவை பயன்படுத்த வில்லை என்பது பொருள். இப்போது நன்றாக உங்களுக்கு விளங்குமே" இது நான் சொன்னது!

பல கோடி பேர் நாட்டில் உலவினாலும் பகுத் தறிவாளர்கள் எவரென்று 4.2.2022 அன்று நடை பெற்ற  பகுத்தறிவு பயிற்சி வகுப்பின் பரிசளிப்பு விழாவில் தமிழர் தலைவர் ஆசிரியர் இப்படி தெரி வித்தார். சரி, இந்த  பகுத்தறிவாளர்களுக்கு என்ன தான் பணி  நாட்டில்? என்று அடுத்து எவரேனும் கேட்பாரென்றால் அதற்கும் பதில் சொல்கிறார்.

அடிப்படைக் கடமையே, அடிப்படைப் பணி!

"அரசமைப்புச் சட்டத்தின் கூறு 51a உட்பிரிவு h இல் குடிமக்களின் அடிப்படைக் கடமைகள் சுட்டிக் காட்டப்பட்டிருக்கிறது. அடிப்படை உரிமை களை பற்றி இங்கு எல்லோரும் கவலைப்படு கிறார்கள். ஆனால் அடிப்படைக் கடமைகளைப் பற்றி பகுத்தறிவாளர்கள் மட்டும்தான் கவலைக் கொண்டு அன்றாடம் அப்பணியைச் செய் கிறார்கள்.

நம் ஊரிலே என்னதான் அறிவியலில் பட்டம் பெற்றாலும் நெற்றியில் பட்டை போட்டுக்கொள் கிறார்கள். கேட்டால் உடம்பில் இருக்கும் நீரை எடுத்து விடும் என்று வியாக்கியானம் பேசு கிறார்கள். பெரியார் கேட்டார், இரும்பு பெட்டிக்கு போடுகிறீர்களே அதற்குள் என்ன இருக்கிறது இழுத்துக் கொள்ள என்று?  அதனால் சொல்கி றோம். அறிவியல் படித்தால் மட்டும் போதாது... அறிவியல் மனப்பான்மை வந்தால் வாழ்வில் எந்த சோதனையையும் வென்று வரலாம்.

ஏன் வேண்டும் அறிவியல் மனப்பான்மை என்றால் மனிதநேயத்தை எல்லோருக்கும் பரப்ப வேண்டும் என்பதால் வேண்டும். அதுதான் சமத்துவம், சகோதரத்துவம், சுதந்திரம் என்பது.

இதை எப்படி பெறமுடியும் என்றால் கேள்வி கள் கேட்பதன் மூலம் பெறலாம். அடுத்ததாக அடிப்படை கடமைகளில் இறுதியாக வருவதுதான் 'சீர்திருத்தத்திற்கு மாற்றம் பெற அஞ்சாத நிலை.' இப்படியாக அரசமைப்புச் சட்டத்தில் கடமைகளாக  கூறப்பட்ட இந்த நான்கு அம்சங்களையும் அன்றாடம் செய்யும் அமைப்பு தான் திராவிடர் கழகமும் பகுத்தறிவாளர் கழகமும். மற்றவர்கள் செய்யத் துணியாத காரியம், செய்ய தயங்குகிற பணி -செய்யாத பணியை நாம் செய்கிறோம். அதனால் பெருமை கொள்வோம் என்கிறார்!

நாம் யார்? நம்முடைய பணி என்ன? என்ப தெல்லாம் சொல்லி விட்டு எண்ணிக்கையில் குறைவாக இருக்கிறோமே என்று நாம் எண்ணிக் கொள்ள தேவையில்லை, 180 கோடி மக்கள் தொகையில் நோபல் பரிசு பெற்றவர்கள் குறை வானவர்கள் மட்டுமே. அப்படித்தான் நாமும் என்கிறார். அடுத்த செய்திகளை தலைவர் அவர்கள் சொல்லக் கேட்கும் போது வர வேண்டிய கர்வம் சற்று தூக்கலாகவே எட்டிப் பார்க்கிறது நமக்கு.

சென்னை பகுத்தறிவின் அன்னை!

அமெரிக்காவின் முக்கிய நகரமான செயின்ட் லூயிஸில் என்னைப் பேச  அழைத்தார்கள். பத்து பதினைந்து பேர் பரபரப்பின்றி இயல்பாக அமர்ந் திருந்தார்கள். இன்னும் யாராவது வரவேண்டுமா துவங்கலாமா என கேட்டேன். வழக்கமாக மூவர் நால்வர் வருவோம் இன்று நீங்கள் வந்திருப்பதால் "Full attendance"  என்று மகிழ்ச்சியோடு அந்த அம்மையார் சொன்னார்கள்... எனக்கோ ஒரே வியப்பு.  அந்த அம்மையார் தான் இங்கே வந்து நம் பகுத்தறிவாளர் கழக செயல்பாடுகளை எல்லாம் பார்த்து வியந்து 'உலகின் பகுத்தறிவுத் தலைநகரம் சென்னை' என்று பாராட்டினார்.

உலக நாத்திக அமைப்பின் தலைவர் நார்வே நாட்டின் லெலி ஃபிராக்கில் சொல்லிச் சென்ற கருத்தும் மிக முக்கியமானது, நம் செயல்பாடு களுக்கு உரமிடக் கூடிய ஒன்று" என்று புரிய வைக்கிறார் நமக்கே நமக்கான பெருமையை.

"சென்னையில் இருக்கிற மிக முக்கியமான இரண்டு சாலைகள் இரண்டு நாத்திகர்கள் பெய ரால் இருப்பது மிகப்பெரிய சிறப்பு. அமெரிக்கா போன்ற இடங்களில் எல்லாம் கூட பகுத்தறிவாளர் களுக்கு இத்தகைய சிறப்புகள் இல்லை!  பல்வேறு நாடுகளிலும் பகுத்தறிவாளர்கள் மூன்று அல்லது ஆறு மாதத்திற்கு ஒரு முறை தான் கூட்டம் கூடி புத்தக ஆய்வு செய்வார்கள். ஆனால் (லிபர்டி)  'விடுதலை' என்ற பெயரில் நாளிதழ் தொடங்கி அன்றாடம் பகுத்தறிவுப் பணியை செய்து கொண்டிருப்பவர்கள் நீங்கள் மட்டும்தான்!" என்று அவர் சொன்னதை பெருமையோடு சுட்டிக்காட்டி உலகிலேயே மிகவும் தனித்துவமானவர்கள் நாம்  என்று உற்சாக வெள்ளத்தில் நம்மை மிதக்க விடுகிறார் தமிழர் தலைவர் ஆசிரியர் அவர்கள்.

அய்யாவும் அண்டை பகுத்தறிவாளர்களும்!

"உலகத்தின் பல்வேறு நாடுகளில் அமெரிக்கா, ஆஸ்திரேலியா, லண்டன் உள்ளிட்ட மற்றும் பல அய்ரோப்பிய நாடுகளில் நாத்திக அமைப்புகள் - பகுத்தறிவாளர்கள் நிறைய உண்டு என்றாலும் அவர்களுக்கும் பெரியாருக்கும் என்ன ஒரு பெரிய வேறுபாடு என்றால் பெரியார் மட்டும் தான் இங்கே மக்கள் இயக்கம் ஆக்கிக் காட்டினார். மற்றவர்களெல்லாம் தங்கள் அறிவு ஆற்றல் சிந்தனைகளை இவற்றை வளர்த்துக் கொண்டு மேம்படுத்திக் கொண்டு தங்களை பகுத்தறிவா ளர்கள் ஆக்கிக்கொண்டாலும் தாங்கள் சார்ந்த சமூகத்தை அந்த வகையிலே கொண்டுவர வேண்டும் என்ற சிந்தனையை விரிவுபடுத்திக் கொள்ளவில்லை. அவர்கள் மக்கள் பிரச்சினை களில் கவனம் செலுத்தவில்லை. ஆனால் தந்தை பெரியார் மட்டும் தான் சமூக நீதி, பாலியல் நீதி, எல்லோருக்குமான சமவாய்ப்பு, உரிமைகள் பற்றி மாலைநேர கல்லூரிகளாக தம் வகுப்பை மாற்றி மிகப்பெரிய மக்கள் இயக்கத்தை இங்கே முன் னெடுத்தார். இது தந்தை பெரியாருக்கு மட்டுமே உடைய பெரும் சிறப்பு" என்று முத்தாய்ப்பாக ஆசிரியர் அவர்கள் சொன்ன செய்தி என்பது பெரியாரியலை வாழ்வியலாக ஏற்ற நம் அனைவருக்கும் பெருமை என்பதோடு தெளிவும் உறுதியும் ஒருங்கே பெறும் நிலைக்கு நம்மை ஆளாக்குகிறது.

அய்யிரண்டு திசைமுகத்துக்கும்!

எனவே திசைகள் எட்டு, மேல் கீழ் என்று பத்தும் ஆன இந்த பூமிப் பந்தில் இந்த அளவிற்கு புகழ் பெறக்கூடிய பயன்பெறக்கூடிய ஒரு தத்துவம் தான் தந்தை பெரியார் என்று ஆசிரியர் புகழாரம் சூட்டுகிறார்.

ஆசிரியரின் பேச்சை ஆராய்ச்சி செய்தால் ஆறாம் அறிவென்பதின் 'அடையாளப் பேருரு வாக' நம் கண்முன் விண்முட்டும் அளவில் காட்சியளிப்பது 'பெரியார் எனும் மனிதநேயமே!' அவ்வறிவை எல்லோரும் ஆள, நாம் பெற்ற பேரின்பம் ஞாலமெலாம் நிறைய தமிழர் தலைவர் வழியே தஞ்சமாவோம்!

பெரியாரை வாரி இறைக்கும் அவர் உழைப் புக்கே என்றும் நன்றியாவோம்- நீட்சியாவோம்!

- ம.கவிதா, திருப்பத்தூர்.

பகுத்தறிவு எழுத்தாளர் மன்ற

துணைத் தலைவர்.