இந்த ஆண்டுக்குள் பகுத்தறிவாளர் கழகத்தில் 10,000 உறுப்பினர்களை சேர்க்க முடிவு
பகுத்தறிவாளர் கழகம், பகுத்தறிவாளர் ஆசிரியர் அணி, பகுத்தறிவு எழுத்தாளர் மன்றம், பகுத்தறிவு ஊடகத்துறை , பகுத்தறிவு கலைத்துறை ஆகிய 5 அமைப்புகளின் மாநில பொறுப்பாளர்கள் கலந்துரையாடல் கூட்டம் 01.01.2022 மாலை 7.00 மணிக்கு காணொலி வழியாக நடைபெற்றது.
மாநில பொதுச் செயலாளர் வி.மோகன் கூட்ட தொடக்கத்தையும், கூட்டத்திற்கு பகுத்தறிவாளர் கழகத் தலைவர் தமிழ்ச்செல்வன் தலைமையேற்று நடத்திடுவார் என்பதையும் தெரிவித்தார். வருகை புரிந்தோர் அனை வரையும் மாநில பொதுச் செயலாளர் ஆ.வெங்கடேசன் வரவேற்றார். தொடர்ந்து பொதுச்செயலாளர் வி.மோகன் கடந்த டிசம்பர் 2021 மாத அறிக்கையினை அனைவருக்கும் அறிக்கையாகத் தெரிவித்தார்.
தொடர்ந்து தலைவர் தன்னுடைய முன்னுரையில் ஒவ்வொரு மாதமும் முதல் சனிக்கிழமை கலந்துரையாடல் கூட்டம் நடைபெறும் என்பதையும், மூன்று மாதத்திற்கு ஒரு முறை நேரில் சந்திப்பு நிகழும் என்பதையும் தெரிவித்தார் .
அடுத்து மாநில மாநாடு மார்ச் மாதம் நடைபெற இருப்பதாகவும் இன்னும் தேதி முடிவு செய்யப்படவில்லை என்பதையும் , உள்ளாட்சி தேர்தல் நிகழ்வுகளால் தேதி முடிவு செய்வதில் உள்ள தாமதம் பற்றியும், தமிழர் தலைவர் ஆசிரியர் அவர்களை சந்தித்து பேசியது பற்றியும் தெரிவித்தார் மாடர்ன் ரேஷனலிஸ்ட் சந்தா விவரத்தை இனி மாதாமாதம் தெரிவிக்க வேண்டும் எனக் கேட்டுக் கொண்டார்.
உறுப்பினர் சேர்க்கை படிவம் தொடர்பான படிவங்களை அனுப்புவது சம்பந்தமாக பொதுச் செயலாளர் ஆ. வெங்க டேசன் உங்களிடம் தொடர்பு கொள்வார் என்றும், பகுத்தறி வாளர் கழகத்தின் அனைத்து அமைப்புகளும் இணைந்து செயல்பட வேண்டும் என்றும் கூறினார்.
பெரியார் உலகம்
நீண்டகாலத் திட்டம் பெரியார் உலகம் என்பதை எல்லாம் பற்றி தெரிவித்தார்.
தொடர்ந்து பேசிய பகுத்தறிவு எழுத்தாளர் மன்றத்தினு டைய தலைவர் வா.நேரு எழுத்தாளர் மன்றம் எப்படி இயங்க வேண்டும், எழுத்தாளர்களை எப்படி ஊக்குவிக்க வேண்டும் , போட்டிகள், சிறுகதைப் போட்டி போன்றவை நடத்தி உற்சாகப்படுத்த வேண்டும் என்பது பற்றி எல்லாம் கருத்து தெரிவித்தார் . அய்ந்து அமைப்புகளும் ஒருங் கிணைந்து செயல்பட வேண்டும் என்பதன் அவசியத்தை எடுத்துரைத்தார்.
பகுத்தறிவு ஆசிரியரணி தலைவர் தமிழ் பிரபாகரன் தங்களுடைய சுற்றுப்பயணம் பலன் ஏற்படுத்தி இருக்கிறது என்பதையும், பணிகள் பற்றியும் எடுத்துரைத்தார் .அடுத்து பேசிய பகுத்தறிவு எழுத்தாளர் மன்றத்தின் துணைத் தலைவர் ம. கவிதா மாதாந்திரக் கூட்டம், பயிற்சிப் பட்டறை பற்றி கருத்து தெரிவித்தார். நாமக்கல்லில் இருந்து ஒருவர் தன்னிடம் தொலைபேசியில் பேசியது பற்றிய விவரத்தை தெரிவித்தார். உற்சாகப்படுத்துதல், கலந்துரையாடல், மதிப் பிடுதல் போன்றவை பற்றிய கருத்துகளை தெரிவித்தார்.
பகுத்தறிவு ஆசிரியரணி அமைப்பாளர் இரா.சிவக்குமார் தன்னுடைய பணி பற்றிய விவரத்தை எடுத்துச் சொன்னார்.
பகுத்தறிவு பயிற்சிப் பட்டறை
அடுத்து வழிகாட்டு உரையாற்றிய திராவிடர் கழகத்தி னுடைய பொருளாளர் வீ. குமரேசன் அவர்கள் புத்தாண்டு வாழ்த்துகளை தெரிவித்து பகுத்தறிவாளர் கழகத்தின் செயல்பாடுகள் பற்றி பேசினார். அறிக்கைகள் அனுப்புவது பற்றி கூறினார் . மாதாந்திர கூட்டம், பகுத்தறிவு பயிற்சி பட்டறை தலைப்புகள், மாநில மாநாடு மற்றும் பொன்விழா துவக்க மாநாடு விருதுநகரில் நடைபெற்றது பற்றியெல்லாம் கூறினார் .
இயக்கம், பிரச்சாரம் எப்படி இருக்க வேண்டும் என்பது பற்றி பேசினார். அடிக்கடி கலந்து பேச வேண்டும். அப்போது தான் சிறப்பாக அமையும். காணொலி நிகழ்ச்சி தொடர்ந்து நடத்தப்பட வேண்டும். பயிற்சிப் பட்டறைகள் மண்டல அளவில், மாவட்ட அளவில் நடத்தப்பட வேண் டும் என்பதையெல்லாம் விரிவாக எடுத்துரைத்தார்.
இப்போது நம் இயக்கத்தை நோக்கி நிறையப் பேர் வருகிறார்கள் என்பதை கூறி, வருபவர்கள் நம்மிடம் எதிர்பார்ப்பது என்ன என்பதையும் அவர்களை எப்படி கையாளவேண்டும் என்பதையும் கூறினார்.
தனித்துவமானது
மாடர்ன் ரேஷனலிஸ்ட் ஏன்? அதன் முக்கியத்துவம் என்ன என்பது பற்றி தெளிவாக எடுத்துரைத்தார். மாடர்ன் ரேஷனலிஸ்ட் பணி என்பது தனித்துவமானது என்பதை விளக்கினார்.
மாடர்ன் ரேஷனலிஸ்ட் வளர்ச்சி என்பது பகுத்தறிவாளர் கழகத்தினால் மட்டுமே முடியும் என்பதை விளக்கினார்.
திக பெரியார் இயக்கம்
பக பெரியார் இயக்கம்
திக = DIRAVIDAR KAZHAGAM
பக = THE RATIONALIST FORUM
என்ற தனித்துவமான பெயரை கொண்டது.. அதன் வீச்சு என்பது தமிழ்நாடு தாண்டி உலக அளவில் இருக்கும். எனவே THE MODERN RATIONALIST என்பது உலக அளவில் கொண்டு செல்ல வேண்டியதன் அவ சியத்தை அறியச்செய்தார்.
எழுதக்கூடியவர்கள் எழுதுங்கள். அனுப்புங்கள்.
என ஊக்குவித்து முடித்தார்.
மாநில துணைத்தலைவர் புயல் குமார் பிப்ரவரி மாதம் ஒருங்கிணைப்புக் கூட்டம், 10 மாடர்ன் ரேஷனலிஸ்ட் சந்தா, 15 நாளைக்கு ஒரு முறை ஒரு மாவட்ட கூட்டம் என்பதாக தெரிவித்தார்.
அடுத்து பேசிய மாநில துணைத்தலைவர் கோபு. பழனி வேல் பகுத்தறிவு பயிற்சிப் பட்டறை குறித்தும், குளித்தலை யில் இருந்து மணிவண்ணன் என்பவர் பங்கேற்றது பற்றியும் கூறினார்.
பொன் விழா
பொன்விழா மாநாட்டிற்கு தன்னுடைய பங்களிப்பு மாநாட்டுக்கு நிதியளிப்பு, முழு ஒத்துழைப்பு, மாடர்ன் ரேஷனலிஸ்ட் சந்தா சேர்க்கை பற்றியும், உறுப்பினர் சேர்க்கை பற்றியும் பேசினார்.
பகுத்தறிவாளர் கழக உறுப்பினராக வேண்டும் ஏன்? என்பது பற்றிய துண்டறிக்கையை வெளியிட வேண்டும் என்று கேட்டுக்கொண்டார். டிசம்பர் மாத தனது செயல் பாடுகளை கூறினார்.
அமைப்பாளர் கேடிசி. குருசாமி உரையில், தனது உடல் நலம் காரணமாக பணியாற்ற இயலாமையும், தொடர்ந்து இப்போது முன்னேறி வருவதாகவும், பணியாற்றிக் கொண் டிருப்பதாகவும், தன்னால் முடிந்த அத்தனை ஒத்துழைப் பையும் தருவதாக கூறினார்.
காணொலி நிகழ்ச்சிகள்
மாநில துணைத்தலைவர் சி.ஏ.ரஞ்சித்குமார் உரையில், மாவட்டங்களுக்கான தேதியை அறிவிப்பதாகவும், காணொலி நிகழ்ச்சி தொடர்ந்து நடைபெறும் என்றும், பயிற்சி வகுப்பு முக்கியம் என்பதையும், கலந்துரையாடல் கூட்டம், உறுப்பினர் சேர்க்கைக்கு முயற்சி செய்ய வேண் டும் என்றும் கூகுள் ஷீட் பற்றியும் கூறினார்.
தொடர்ந்து பேசிய ஊடகத் துறைத் தலைவர் மா.அழகிரிசாமி பகுத்தறிவாளர் கழகத்தின் செயல்பாடுகளை பாராட்டினார். மாநாட்டிற்கு அவருடைய ஒத்துழைப்பு பற்றி கூறினார். பயிற்சிப் பட்டறை விவரங்களைக் கூறி பயிற்சிப் பட்டறையில் கலந்து கொண்டவர்களை தக்க வைப்பது பற்றியும் கூறினார் .
மாநிலத் துணைத் தலைவர் வேண்மாள் மாநாட்டுக்கு ஒத்துழைப்பும், உறுப்பினர் சேர்க்கைக்கு முயற்சி செய்வதா கவும் கூறினார்.
கூகுள் ஷீட்
தொடர்ந்து பேசிய மாநில துணைத் தலைவர் சுலோச்சனா கருத்தரங்கம் நிகழ்வு நடைபெற வேண்டும் என்றும், முயற்சி செய்வதாகவும், உறுப்பினர் சேர்க்கைக்கு கூகுள் ஷீட் நல்ல பயன் தரும் என்றும் கூறினார்.
தரும. வீரமணி இந்த மாதம் 10 பேரை தான் உறுப்பினராக சேர்த்து இருப்பதாகவும், மாவட்ட கலந்துரை யாடல் கூட்டம் ஏற்பாடு செய்து கொண்டிருப்பதாகவும், காணொலி கூட்டம் ஏற்பாடு செய்து கொண்டிருப்பதாகவும், மாடர்ன் ரேசனலிஸ்ட் சந்தா தொடர்ந்து வழங்கிக் கொண்டிருப்பதாகவும், மாநாட்டுக்கு முழு ஒத்துழைப்பு அளிப்பதாகவும் கூறினார்.
பகுத்தறிவாளர் கழகத்தில் ஏன் சேர வேண்டும்? என்பதான அந்த அறிக்கையை அரசு அலுவலகங்களில் பரப்ப வேண்டுமென கூறினார்.
மாநிலத் துணைத் தலைவர் கரிகாலன் உறுப்பினர் சந்தா, மாடர்ன் ரேசனலிஸ்ட் சேர்க்கை முயற்சி செய்வதாகவும், மாநாட்டுக்கு முழு ஒத்துழைப்பு தருவதாகவும் கூறினார்.
அடுத்து பேசிய அ.தா.சண்முகசுந்தரம் சென்னையில் பகுத்தறிவாளர் கழகமும், திராவிடர் கழகமும் ஒருங்கி ணைந்து செயல்பட வேண்டும் என்று கேட்டுக்கொண்டார். எம்ஆர் சந்தா நான்கு வழங்கியிருப்பதாகவும் இன்னும் முயற்சி செய்து கொண்டிருப்பதாகவும், மாநாட்டுக்கு முழு ஒத்துழைப்பு தருவதாகவும் கூறினார்.
தொடர்ந்து பேசிய அண்ணா.சரவணன் மாடர்ன் ரேசன லிஸ்ட் சந்தா 5 வழங்கியுள்ளதாகவும், மாநில மாநாட்டுக்கு முழு ஒத்துழைப்பு, மாவட்ட கலந்துரையாடல் கூட்டத்திற்கு ஏற்பாடு செய்வதாகக் கூறினார் .
தொடர்ந்து பேசிய ஊடகத்துறை செயலாளர் மாரி. கருணாநிதி உறுப்பினர் சேர்க்கை, மாநாடு ஆகியவற்றிற்கு தன்னுடைய முழு ஒத்துழைப்பு வழங்குவதாக கூறினார் .
இறுதியாக தலைவர் முடிவுரையில் இரா. தமிழ்ச்செல்வன் பொன்விழா நிறைவு மாநாடு செலவுகளை நாம் தான் செய்து கொள்ள வேண்டும் என்பதையும், நம்முடைய இலக்கு ரூ.10 லட்சம் என்பதையும்,
மாநில பொறுப்பாளர்கள், மாவட்ட பொறுப்பாளர்கள் மாடர்ன் ரேசனலிஸ்ட் சந்தாவுக்கு பொறுப்பேற்றுக் கொள்ள வேண்டும், இந்த 2022ஆம் ஆண்டுக்குள் 10000 உறுப்பி னர்கள் பகுத்தறிவாளர் கழகத்திற்கு சேர்க்கப்பட வேண்டும் என்றும் , மாதாந்திர கூட்டம் ஒவ்வொரு மாதமும், மூன்று மாதத்திற்கு ஒருமுறை நேரடி கூட்டமும் நடத்தப்படும் என்பதையும், பெரியார் உலகத்திற்கு ஆசிரியர் அறிவிக் கின்ற அனைத்து செயல்பாடுகளுக்கும் நாம் முழு ஒத்து ழைப்பு தரவேண்டும் என்றும், மாதத்திற்கு இரண்டு காணொலி கூட்டம் கண்டிப்பாக நடைபெறும் என்றும் கூறி தன்னுடைய முடிவுரையை நிறைவுசெய்தார்.
இறுதியாக மாநில பொதுச் செயலாளர் வி.மோகன் நன்றியுரை கூறி கூட்டத்தை நிறைவு செய்தார்.
