புதன், 3 ஜனவரி, 2018

ஜனவரி 5, 6, 7 மூன்று நாள்கள் உலக நாத்திகர் மாநாடு

திராவிடர் கழகம், விஷயவாடா நாத்திகர் மய்யம் மற்றும் பகுத்தறிவாளர் கழகம் சார்பில்

ஜனவரி 5, 6, 7 மூன்று நாள்கள் உலக நாத்திகர் மாநாடு



சென்னை, டிச.31 திராவிடர் கழகம், விஜயவாடா நாத்திகர் மய்யம் மற்றும் பகுத்தறிவாளர் கழகம் சார்பில் ஜனவரி 5,6,7 ஆகிய மூன்று நாள்கள் உலக நாத்திகர் மாநாடு திருச்சி, தஞ்சாவூர் மற்றும் சிறுகனூர் பெரியார் உலகம் ஆகிய இடங்களில் நடைபெறுகிறது. சுயமரியாதை இயக்கம் கண்ட தந்தை பெரியார் கொள்கைகளை உலக மயமாக்கும் பணிகளில் தம்மை ஒப்படைத்துக்கொண்டு அயராது ஓய்வுஒழிச்சலின்றி பணியாற்றி வரும் தமிழர் தலைவர் ஆசிரியர் அவர்களின் ஒப்பற்ற தலைமையில் கட்டுப்பாடான இராணுவமாக செயலாற்றிவரும் கருஞ்சட்டைப் படையினர் திருச்சியில் நடைபெறுகின்ற உலக நாத்திகர் மாநாட்டில்  பங்கேற்றிட அலைகடலென திரள்கிறார்கள்.

நாட்டின் பல்வேறு மாநிலங்களிலிருந்தும், பன்னாட் டளவிலும் பகுத்தறிவாளர், மனித நேயர், மனித உரிமை ஆர்வலர், நாத்திகர் பலரும் மாநாட்டில் பங்கேற்கின்றனர்.

முதல் நாள்

5.1.2018 வெள்ளிக்கிழமை

திருச்சி, கே.சாத்தனூர் பெரியார் நூற்றாண்டு கல்வி வளாகத்தில் என்.எஸ்.கே. அரங்கத்தில் 5.1.2018 அன்று காலை 9 மணியளவில் மாநாட்டுக்கு வருகை தருவோருக் கான பதிவு (Registration)  நடைபெறுகிறது.

மாநாடு தொடக்கம்

பன்னாட்டளவில் பேராளர் பெருமளவில் பங்கேற்கும் வரலாற்றுச் சிறப்பு வாய்ந்த Ôஉலக நாத்திகர் மாநாடுÕ காலை 11 மணியளவில் எழுச்சியுடன் தொடங்குகிறது.

திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள் தலைமை வகித்து மாநாட்டில் பேராளரிடையே எழுச்சியுரை ஆற்றுகிறார்.  கழகப் பொதுச் செயலாளர் வீ.அன்புராஜ் வரவேற்பு ரையாற்று கிறார். பெரியார் பன்னாட்டு மய்யத்தின் பொறுப்பாளர் (அமெரிக்கா) டாக்டர் இலக்குவன்தமிழ் தொடக்க உரை யாற்றுகிறார். ஆந்திரப்பிரதேச மாநிலம், விஜயவாடா நாத்திகர் மய்யத்தின் செயல் இயக்குநர் டாக்டர் கோ.விஜயம் மாநாட்டின் நோக்கம்பற்றி உரையாற்றுகிறார்.

புத்தகக் காட்சி திறப்பு

பெல்ஜியம் நாட்டின் பிரசல்ஸ் பன்னாட்டு மனிதநேய மற்றும் நன்னெறி ஒன்றியத்தின் ஆலோசனைக்குழு இயக்குநர் எலிசபெத் ஓ’காசே புத்தகக் கண்காட்சியைத்  திறந்துவைக்கிறார்.

பகுத்தறிவாளர்களின் படத்திறப்பு

பகுத்தறிவு, நாத்திகக் கருத்துகளை துணிவுடன் பேசியும், எழுதியும் வந்த அறிஞர்கள் இந்துத்துவ வன் முறையால் பலியானார்கள். அவர்களின் நினைவைப் போற்றும் வகையில் டாக்டர் நரேந்திர தபோல்கர், தோழர் கோவிந்த் பன்சாரே, பேராசிரியர் எம்.எம்.கல்புர்கி, கவுரி லங்கேஷ் ஆகியோரின் படத்திறப்பு மற்றும் போற்றுதல் நிகழ்வு நடைபெறுகிறது.

புத்தகங்கள் வெளியீடு

தமிழர் தலைவர் ஆசிரியர் கி.வீரமணி அவர்கள் எழுதிய ஆங்கில நூல்களான Bhagavad Gita - Myth or Mirage 
(பகவத் கீதை கற்பனை அல்லது புரட்டு) மற்றும் March of Atheism (நாத்திகத்தை நோக்கிய நடைப்பயணம்) ஆகிய நூல்களுடன், பேராசிரியர் சுரேந்தரா அஜ்நாத் எழுதிய Compilation of ‘Old Testament of Indian Atheism’- 
இந்திய நாத்திக தொன்மையான கருத்துகளின் தொகுப்பு எனும் ஆங்கில நூல், வரியியல் வல்லுநர் ச.ராசரத்தினம் எழுதிய Essays on Matters which Matter (A Rationalist’s Perception) 
முக்கியத்துவம் மிக்க கட்டுரைக் கோவை (ஒரு பகுத்தறிவாளரின் பார்வையில்) ஆங்கில நூல், தந்தை பெரியார் 1928, மற்றும் 1929ஆம் ஆண்டுகளில் வெளியிட்ட ஆங்கில ஏடு Ôரிவோல்ட்Õ இதழ்களின் தொகுப்பு நூலாக Compilation of ‘Revolt’-Published by Periyar in 1928 &1929  ஆகிய நூல்கள் உலக நாத்திகர் மாநாட்டில் வெளியிடப்பட உள்ளன.

மாநாட்டில் உரையாற்றும் சிறப்பு விருந்தினர்கள், அறிஞர் பெருமக்கள்

லண்டன் பன்னாட்டு மனிதநேய மற்றும் நன்னெறி ஒன்றியத்தின் தலைமை செயல் அலுவலர் கேரி மெக்கலாண்ட், மேனாள் மத்திய தொலைத்தொடர்புத்துறை அமைச்சர் மற்றும் திமுக கொள்கை பரப்பு செயலாளர் ஆ.இராசா, மராட்டிய மாநிலம் புனே பகுதியிலிருந்து மகாராட்டிரா அந்தராஷ்ரதா நிர்மூலன் சமிதி அமைப்பின் செயல்தலைவர் அவினாஷ் பாட்டில், பன்னாட்டு நாத்திகர் கூட்டமைப்பின் (அமெரிக்கா) ரஸ்டம் சிங், திராவிட இயக்க தமிழர் பேரவைப் பொதுச்செயலாளர் பேராசிரியர் சுப.வீரபாண்டியன், தஞ்சாவூர் வல்லம் பெரியார் மணியம்மை அறிவியல் தொழில்நுட்ப நிறுவன(நிகர்நிலை பல்கலைக் கழகம்) இணைவேந்தர் ச.ராசரத்தினம் ஆகியோர் மாநாட் டில் கலந்து கொண்டு உரையாற்றுகிறார்கள். பகுத்தறிவாளர் கழகத் தலைவர் முனைவர் வா.நேரு நன்றி கூறுகிறார்.

மதியம் ஒரு மணி முதல் மதியம் 2 மணி முடிய உணவு இடைவேளையையடுத்து, பிற்பகல் நிகழ்வு தொடங்குகிறது.

பொது அரங்கம்- முதல் அமர்வு

திருச்சி பெரியார் நூற்றாண்டு கல்வி வளாகத்தில் பெரியார் மருந்தியல் கல்லூரி அரங்கில் மதியம் 2 மணி முதல் மதியம் 3.15மணி முடிய முதல் அமர்வு ஆய்வரங்கம் தொடங்குகிறது.  மதியம் 3.15மணி முதல் பிற்பகல் 3.30மணி முடிய தேநீர் இடைவேளையையடுத்து, தொடர்ந்து மதியம் 3.30மணி முதல் மாலை 5மணி முடிய முதல் அமர்வு ஆய்வரங்கம் தொடங்குகிறது.  இரண்டு ஆய்வ ரங்குகளிலும் ஆய்வாளர்கள் ஆய்வுக்கட்டுரைகளை அளித்து கலந்துறவாடுகிறார்கள்.

பொது அரங்கம் முதல் அமர்வில் பஞ்சாப் தர்க்கசீல சங்கத்தின் பல்வீந்தர் பர்னாலா தலைமை வகிக்க, விஜய வாடா நாத்திகர் மய்யம் டாக்டர் கோ.சமரம் ஒருங்கிணைக் கிறார். மகாராட்டிரா அந்தராஷ்ரதா நிர்மூலன் சமிதியின் பொறுப்பாளர் டாக்டர் சுதேஷ் கோதராவ் Ôமனிதத்தை முன்னேற்றுவதற்கான நாத்திகம்Õ எனும் தலைப்பிலும், மும்பை Ôதமிழ் லெமுரியாÕ இதழின் முதன்மை ஆசிரியர் சு.குமணராசன் Ôமத அடிப்படைவாதிகளின் பிரச்சினையும், தீர்வும்Õ எனும் தலைப்பிலும், பெரியார் மருத்துவக் குழு மத்தின் இயக்குநர் மருத்துவர் ஆர்.கவுதமன் Ôமருத் துவமும், நாத்திகமும்Õ எனும் தலைப்பிலும், குவைத் நாட்டில் இயங்கிவரும் பெரியார் நூலக பொறுப்பாளர் லதாராணி Ôமதத்தில் அறநெறி பற்றாக்குறைÕ எனும் தலைப்பிலும் உரையாற்றுகிறார்கள்.

பொது அரங்கம் இரண்டாம் அமர்வில் பெரியார் பன்னாட்டு மய்யத்தின் பொறுப்பாளர் (அமெரிக்கா) பேராசிரியர் டாக்டர் லட்சுமண்தமிழ் தலைமை வகிக் கிறார். அய்தராபாத்  மாணவ விகாசா வேதிகா அமைப்பின் பொருளாளர் சாம்பசிவ ராவ் ஒருங்கிணைக்கிறார்.

மதுரை அமெரிக்கன் கல்லூரியின் மேனாள் பேராசிரியர் சாம் ஜார்ஜ் Ôநாத்திகம்-ஒரு வாழ்க்கை முறைÕ எனும் தலைப்பிலும், திராவிடர் கழகப் பிரச்சார செய லாளர் வழக்குரைஞர் அ.அருள்மொழி Ôமனிதர்களைவிட பசுக்களே அதிகம் பாதுகாக்கப்படுகின்றனÕ எனும் தலைப்பிலும், மலேசியா, கோலாலம்பூர் மலேசியன் திரா விடர் சங்கப் பொறுப்பாளர் எம்.கோவிந்தசாமி Ôமலா யாவில் (மலேசியா) திராவிட இயக்கம்Õ எனும் தலைப்பிலும் உரையாற்றுகிறார்கள். ,

மாலை 5 மணி முதல் மாலை 6 மணி முடிய  உரை யரங்கில், திருச்சிராப்பள்ளி பாரதிதாசன் பல்கலைக்கழக  மேனாள் துணைவேந்தர் பேராசிரியர் முனைவர் பெ.செகதீசன் அறிமுகவுரையாற்றுகிறார்.

Ôஇந்திய  நாத்திக இயக்க தொன்மை வரலாறுÕ எனும் தலைப்பில் திராவிடர் கழகத் தலைவர் தமிழர் தலைவர் ஆசிரியர்  டாக்டர் கி.வீரமணி அவர்கள் தலைமையுரை ஆற்றுகிறார். மாலை 6.45 மணியளவில் Ôபெரியார்Õ திரைப்படம் திரையிடப் படுகிறது.

இரண்டாம் நாள்

6.1.2018 சனிக்கிழமை

தஞ்சை  வல்லம் பெரியார் மணியம்மை அறிவியல் தொழில்நுட்ப நிறுவன (நிகர்நிலை பல்கலைக்கழகம்) வளாகத்தில் இரண்டாம் நாள் (6.1.2018) நிகழ்வுகள் நடைபெறுகின்றன.

காலை 10 மணி முதல் காலை 11 மணி முடிய நடை பெறுகிறது.  உலக நாத்திகர் மாநாடு - 2018இன் பேராளர்கள் மரக்கன்றுகள் நடும் விழாவில் கலந்துகொண்டு மரக்கன்றுகளை நடுகின்றனர்.

காலை 11 மணி முதல் மதியம் 1.30 மணி முடிய Ôகுழந் தைகள், மாணவர்களிடையே அறிவியல் மனப்பான்மை கட்டமைத்தல்Õ எனும் தலைப்பிலான சிறப்பு அமர்வு நடை பெறுகிறது. பேராசிரியர் எஸ் தேவதாஸ் வரவேற்கிறார்.

பெரியார் மணியம்மை அறிவியல் தொழில்நுட்ப நிறுவனம்(நிகர்நிலைப் பல்கலைக்கழகம்) வேந்தர், தமிழர் தலைவர் ஆசிரியர் டாக்டர் கி.வீரமணி தலைமையுரை யாற்றுகிறார்.

பெல்ஜியம் பிரசல்ஸ் பன்னாட்டு மனிதநேய மற்றும் நன்னெறி ஒன்றியம் ஆலோசனைக்குழு இயக்குநர் எலிசபெத் ஓ’காசே சிறப்புரையாற்றுகிறார்.

இந்திய பகுத்தறிவாளர் சங்கக் கூட்டமைப்பின் தேசியத் தலைவர் பேராசிரியர் நரேந்திர நாயக் தலைமையில், ஒடிசா பகுத்தறிவாளர் சங்கப் பொறுப்பாளர் பேராசிரியர் தானேஸ்வர சாகு, தலைவர் Ôஅறிவியல், அறிவியல் மனப்பான்மை ஒரு பார்வைÕ எனும் தலைப்பிலும், பகுத்தறிவு ஆசிரியர் அணியைச் சார்ந்த கே.ராஜா கென்னடி Ôகுழந்தைகளிடையே அறிவியல் மனப்பான்மையைக் கட்டமைத்தல்Õ எனும் தலைப்பிலும், மதுரை பகுத்தறிவாளர் பேராசிரியர் டாக்டர் இ.கே.ராமசாமி Ôபெரியாரும், கோராவும்-நாத்திக செம்மல்கள் மற்றும் மனிதநேய இயக்கங்கள்Õ எனும் தலைப்பிலும் உரையாற்றுகிறார்கள். பகுத்தறிவாளர் மன்றத் துணைத் தலைவர் வி.கவிநிலா நன்றி கூறுகிறார்.  ,

காலை 11.30 மணி முதல் மதியம் 1.30 மணி முடிய தஞ்சாவூர், வல்லம், பெரியார் மணியம்மை அறிவியல் தொழில்நுட்ப நிறுவனம் (நிகர்நிலை பல்கலைக்கழகம்) பெரியார் சிந்தனை உயராய்வு மய்யம் ஏற்பாட்டில்  இணை அமர்வில் ஆய்வாளர்கள் ஆய்வுகளை அளிக் கிறார்கள்.

மதியம் 1.30 மணி முதல் மதியம் 2.30 மணி முடிய உணவு இடைவேளையையடுத்து மதியம் 2.30 மணி முதல் மாலை 4.00 முடிய பெரியார் மணியம்மை அறிவியல் தொழில்நுட்ப நிறுவனம் (நிகர்நிலை பல்கலைக்கழகம்) வளாகப்பகுதியை மாநாட்டின் பேராளர்கள் பார்வையிடு கிறார்கள்.

திருச்சி பெரியார் மாளிகையில் பொதுக்கூட்டம்

மாலை 6 மணி முதல் இரவு 9 மணி முடிய கலை நிகழ்ச்சி மற்றும் பொதுக்கூட்டம் நடைபெறுகிறது. கழகத் துணைத் தலைவர் கவிஞர் கலி.பூங்குன்றன் வரவேற்புரையாற்றுகிறார். திராவிடர் கழகத் தலைவர் டாக்டர் கி.வீரமணி தலைமையுரையாற்றுகிறார். திமுக மாநிலங்களவை உறுப்பினர் கவிஞர் கனிமொழி, இந்திய கம்யூனிஸ்ட் கட்சியின் தேசியக் குழு உறுப்பினர் தோழர் தா.பாண்டியன், விடுதலை சிறுத்தைகள் கட்சித் தலைவர் எழுச்சித் தமிழர் தொல்.திருமாவளவன், லண்டன் பன்னாட்டு மனிதநேய மற்றும் நன்னெறி ஒன்றியத்தின் தலைமை செயல் அலுவலர் கேரி மெக்கல்லாண்ட், பெல்ஜியம் பிரசல்ஸ் பன்னாட்டு மனிதநேய மற்றும் நன்னெறி ஒன்றிய ஆலோசனைக்குழு இயக்குநர் எலிசபெத் ஓ’காசே, பன்னாட்டு நாத்திகர் கூட்டமைப்பின் (அமெரிக்கா) ரஸ்டம் சிங், ஆந்திரப்பிரதேச மாநிலம், விஜயவாடா நாத்திகர் மய்ய செயல் இயக்குநர் டாக்டர் கோ.விஜயம் ஆகியோர் சிறப்புரையாற்றுகிறார்கள்.

திருச்சி மாவட்டக் கழகத் தலைவர் ஜி.ஆரோக்கியராஜ் நன்றி கூறுகிறார்.

மூன்றாம் நாள்

7.1.2018 ஞாயிற்றுக்கிழமை

காலை 6.30 மணி முதல் காலை 8 மணி முடிய நாத்திகர் நடைப்பயணம் மற்றும் மரக்கன்றுகள் நடும் விழா திருச்சி, சிறுகனூர் பெரியார் உலகத்தில் நடைபெறுகின்றன.

திருச்சி பெரியார் மருந்தியல் கல்லூரி அரங்கில் பொது அரங்கின் மூன்றாம் அமர்வு காலை 9.30 மணி முதல் காலை 11 மணி முடிய  நடைபெறுகிறது. ஒடிசா பகுத்தறி வாளர் சங்கப் பொறுப்பாளர் பேராசிரியர் தானேஸ்வர சாகு தலைமையில் விஜயவாடா நாத்திகர் மய்யத்தின் பொறுப்பாளர் விகாஸ் கோரா ஒருங்கிணைக்கிறார். பகுத் தறிவாளர் கழகத் துணைத் தலைவர், கோ.ஒளிவண்ணன் Ôவிமர்சன சிந்தனையும், கல்வியில்  தடையற்ற கேள்வி கேட்பதும்Õ எனும் தலைப்பிலும், புதுமும்பை நாத்திகரும் கல்வியாளருமாகிய சந்த்ரமா மஜும்தார் Ôஆத்திகத்தி லிருந்து நாத்திகத்துக்குÕ எனும் தலைப்பிலும், திராவிடர் கழக வெளியுறவுச் செயலாளர் வீ.குமரேசன் Ôபெரியாரின் மாபெரும் மக்கள் பகுத்தறிவு இயக்கம்Õ எனும் தலைப்பிலும், திருச்சிராப்பள்ளி ஆய்வாளர் டாக்டர் ஒய்.சிறீனிவாச ராவ் Ôபெரியாரியத்தின் பொருத்தப்பாடுÕ எனும் தலைப்பிலும் உரையாற்றுகிறார்கள்.

மாநாட்டு நிறைவு விழா

உலக நாத்திகர் மாநாட்டின் மூன்றாம் நாள் நிறைவு விழா நிகழ்ச்சிகள் திருச்சிராப்பள்ளி பெரியார் நூற்றாண்டு கல்வி வளாகத்திலுள்ள என்.எஸ்.கே. அரங்கில் காலை 11.15 மணி முதல் மதியம் 12.30 மணி முடிய நடைபெறுகிறது.

தமிழ்நாடு அரசின் திட்டக்குழு மேனாள் துணைத் தலைவர் பேராசிரியர் டாக்டர் மு.நாகநாதன், கருநாடகா மாநிலம் பெங்களூரு மூத்த வழக்குரைஞர் டாக்டர் ரவிவர்மக்குமார் ஆகியோர் சிறப்புரையாற்றுகிறார்கள். பெல்ஜியம் பிரசல்ஸ் பன்னாட்டு மனிதநேய மற்றும் நன்னெறி ஒன்றியத்தின் ஆலோசனைக்குழு இயக்குநர் எலிசபெத் ஓ’காசே நிறைவுரையாற்றுகிறார்.

திராவிடர் கழகத் தலைவர், தமிழர் தலைவர் ஆசிரியர் டாக்டர் கி.வீரமணி அவர்கள் உலக நாத்திகர் மாநாட்டின் நிறைவு விழா பேருரையாற்றுகிறார்.

பகுத்தறிவாளர் கழக செயலவைத் தலைவர் தகடூர் தமிழ்செல்வி நன்றி கூறுகிறார்.

பொங்கல் விழா

மதசார்பற்ற அறுவடைத்திருவிழாவான பொங்கல் விழா கொண்டாட்டம் மதியம் 12.30 மணி முதல் 1.30 மணி முடிய நடைபெறுகிறது.

உலக நாத்திகர் மாநாட்டையொட்டி www.worldatheistconference.com எனும் இணையதளம் தொடங்கப்பட்டு இயங்கிவருகிறது. மாநாட்டுக்கு வருகை தரும் பேராளர்கள் தங்களை இணையதளத்தில் பதிவு செய்து கொள்ளும் வாய்ப்பு அளிக்கப்பட்டுள்ளது.

உலக நாத்திகர் மாநாட்டின் ஏற்பாட்டாளர்களுடன் தொடர்பு கொள்ள worldatheistconference@gmail.com 
மின்னஞ்சல் முகவரியில் தொடர்புகொள்ளலாம்.

தொலைபேசிமூலம் தொடர்பு கொள்ள (91) 044 - 26618161, (+91) 94449 05633, (+91) 94861 01676 (+91) 99449 10521 ஆகிய எண்களில் தொடர்பு கொள்ளலாம்.

திராவிடர் கழகம், பெரியார் திடல், 84/1, ஈ.வெ.கி.சம்பத் சாலை, வேப்பேரி, சென்னை - 600 007 என்ற முகவரியில் மாநாடு குறித்த கூடுதல் தகவல்களை நேரிலும் பெறலாம்.

உலக நாத்திக மாநாட்டையொட்டி, ஆங்கிலம் மற்றும் தமிழில் மாணவர்களுக்கான  கட்டுரைப்போட்டி நடத்தப் படுகின்றன. கட்டுரைப்போட்டியில் வெற்றி பெற்ற மாணவர்கள் விவரங்கள் உலக நாத்திகர் மாநாட்டில் அறிவிக்கப்படும்.

நாத்திகம் என்பது தவறான சொல் அல்ல!


நாத்திகம் என்ற சொல் ஒன்றும்தவறானதல்ல. கடவுள் மறுப்பாளர்களைநாத்திகர்கள் என்று சொல்லுவதுசரிதான். மதுரைத் தமிழ்ப் பேரகராதி கூடநாத்திகம் என்ற சொல்லுக்குதெய்வமின்மை நிரீஸ்வரம் என்றேபொருள் கூறுகிறது.

பிரிட்டானிகா தகவல் களஞ்சியம்(பக்கம் 626) என்ன கூறுகிறது?

நாத்திகம் (Atheism): தெய்வம்அல்லது தெய்வ நம்பிக்கை போன்றபொருண்மை சாராதவற்றைத்திறனாய்தல். கடவுள் உள்ளாரா என்றுவினா எழுப்பி சடப்பொருட்களில் மட்டும்நம்பிக்கை கொள்ளும் உலகாயதம்போலல்லாமல் நாத்திகம் கடவுளைமுற்றிலும் மறுக்கிறது. பல தத்துவமுறைகளில் இது வேரூன்றியுள்ளது. பண்டைய கிரேக்க தத்துவ ஞானிகளானடெமாகிரிட்டஸ், எபிக்யுரஸ் ஆகியோர்பொருண்மைத்துவம் குறித்துப்பேசுகையில் இதை ஆதரித்துவாதிட்டுள்ளார். 18ஆம் நூற்றாண்டில்டேவிட் ஹ்யூம், இம்மானுவல் கான்ட்ஆகியோர் நாத்திகவாதிகளல்லர்எனினும், கடவுள் இருப்பதற்கான மரபுவழிச்சான்றுகளுக்கு எதிராக வாதிட்டனர். கடவுட்பற்றே நம்பிக்கைக்குக் காரணம்என்றனர். லுட்விக் ஃபாயர்பாக் போன்றநாத்திகவாதிகள் கடவுள் என்பது மனிதலட்சியங்களின் உருவகப் புனைவுஎன்றும், இந்தப் புனைவை அடையாளம்காண்பது தன்னை உணர்தலைச்சாத்தியமாக்குகிறது என்றும் கூறினர். மார்க்ஸியம் நவீனபொருண்மைத்துவத்தின் வடிவமாகத்திகழ்கிறது. ஃபிரடெரிக் நீட்ஷேயிலிருந்துதொடங்கிய இருத்தலியல் நாத்திகம், கடவுளின் மரணத்தைப் பிரகடனப்படுத்தி, மதிப்பையும் பொருளையும்நிர்மாணிக்கும் மனித உரிமையைஅறிவித்தது. தர்க்க நேர்காட்சி வாதம்(லாஜிகல் பாசிடிவிஸம்) கடவுள்இருக்கிறாரா இல்லையா என்றபிரச்சினையே முட்டாள்தனமானதுஅல்லது பொருளற்றது என்று கூறுகிறது. இந்தியாவில் கிறிஸ்துவுக்கு முற்பட்டசகாப்தத்தில் சார்வாகர் என்ற அறியப்பட்டரிஷியின் சார்வாகக் கொள்கையும்நாத்திகம் சார்ந்ததே. பவுத்த மதத்தின்ஸ்தாபகரான புத்தர் கடவுளை ஏற்கவோமறுக்கவோ இல்லை. எனவே பவுத்த மதம்எல்லாம் வல்ல முழுமுதற் கடவுளைவழிபடுவதில்லை. தமிழகத்தில் நாத்திகவாதத்தை முன்னெடுத்துச்சென்றவர்களில் பெரியார் என்றுஅழைக்கப்படும் ஈ.வெ.ராமசாமிமுக்கியமானவர் என்கிறது பிரிட்டானிகாதகவல் களஞ்சியம்.

இன்னும் சொல்லப்போனால் இந்துமதத்தில் நாத்திகத்திற்கு இடம் உண்டுஎன்று பெருமையாக சொல்லிக்கொள்பவர்கள், நாத்திகத்தை ஏன்வெறுக்க வேண்டும். சாருவாகனம்என்பதெல்லாம் நாத்திக வாதம் தானே.

இந்து மதத்தில் ஒரு வினோதம்என்னவென்றால் கடவுளை மறுப்பவர்கள்நாத்திகர்கள் அல்லர், மாறாக வேதத்தைமறுப்பவர்தான் நாத்திகர்.

மனுதர்மம் 2ஆம் அத்தியாயம்11ஆம் சுலோகம் என்ன சொல்லுகிறது?

வேதம் (சுருதி), தரும சாஸ்திரம்(ஸ்மிருதி) இவ்விரண்டையும் தர்க்கயுக்தியைக் கொண்டு மறுப்பவன்நாஸ்திகனாகின்றான். இத்தகையநாஸ்திகன் வேதத்தை நிந்தித்ததால்தெய்வத்தை நிந்திக்கின்றவனாவான்.

நாத்திகத்துக்கு மனுதர்மம் கூறும்விளக்கம் இது:

மறைந்த காஞ்சி சங்கராச்சாரியார்சந்திரசேகரேந்திர சரஸ்வதி என்னசொல்லுகிறார்?

நாஸ்திகம் என்றால் ஸ்வாமியில்லை என்று சொல்கிற நிதீச்வர வாதம்என்றுதானே இப்போது நாம் நினைத்துக்கொண்டிருக்கின்றோம். இது தப்பு. ஸ்வாமியில்லை என்று சொல்லிக்கொண்டே கூட ஆஸ்திகர்களாக இருக்கமுடியும்.

அப்படிப்பட்ட பலபேர்இருந்திருக்கிறார்கள். இது என்னவேடிக்கையாக இருக்கிறது? அப்படியானால் ஆஸ்திகம் என்றால்என்ன? ஆஸ்திகம் என்றால் வேதத்தில்நம்பிக்கை இருப்பது என்பது அர்த்தம்.

வைதிக வழக்கைஆட்சேபிப்பதுதான் நாஸ்திகம் என்பதேஞானசம்பந்தரின் கொள்கையாகவும்இருந்திருக்கிறது. ஈசுவர பக்திஇல்லாமலிருப்பதுங்கூட அல்ல  (தெய்வத்தின் குரல் இரண்டாம் தொகுதி, பக்கம் 407-408)

இப்பொழுது புரிகிறதா - நாத்திகம் - ஆத்திகம் என்பதற்கான விளக்கம்?

1971ஆம் ஆண்டில் தமிழ்நாட்டில்நடைபெற்ற சட்டப் பேரவைத்தேர்தலின்போது சேலத்தில் திராவிடர்கழகத்தின் சார்பில் நடத்தப்பட்டமூடநம்பிக்கை ஒழிப்பு மாநாட்டுஊர்வலத்தில் ஜனசங்கத்தினர் தந்தைபெரியார் மீது செருப்பினை வீச, அந்தசெருப்பினை இலாவகமாகப் பிடித்தகருஞ்சட்டைத் தோழர் மூடநம்பிக்கைஊர்வலத்தில் எடுத்துச் செல்லப்பட்டராமன் படத்தினை அந்தசெருப்பைக்கொண்டு அடிக்க - தேர்தல்நேரம் என்பதால் பார்ப்பனர்கள் குறிப்பாகதுக்ளக், தினமணி போன்ற ஏடுகள்அதைப் பெரிதுபடுத்தி, தேர்தல்பிரச்சாரமே இதனை மய்யப் புள்ளியாகக்கொண்டு சுழன்றது.

அப்பொழுது தவத்திரு குன்றக்குடிஅடிகளார் அவர்கள் திருக்குறள்போலஇரண்டு வரிகளில் தம் கருத்தைப் பதிவுசெய்தார்.

இன்று ஆஸ்திகம் என்பது உயர்ஜாதியினரின் நலம். இன்று நாஸ்திகம்என்பது பெருவாரியான தமிழ் மக்களின்நலம். உங்களுக்கு இதில் எது வேண்டும்?என்றார் தவத்திரு குன்றக்குடி அடிகளார். (விடுதலை 19.2.1971)

இராமனை தி.க.வினர்செருப்பாலடித்து விட்டனர்; அப்படிப்பட்டதி.க. ஆதரிக்கும் தி.மு.க.வுக்கா ஓட்டுஎன்று எதிரிகள் பிரச்சாரம் செய்தனர். தேர்தல் முடிவு என்ன தெரியுமா? இராமனை செருப்பாலடிப்பதற்கு முன்பு1967இல் தி.மு.க.வுக்கு கிடைத்த சட்டமன்றஉறுப்பினர்களின் எண்ணிக்கை 138, செருப்படிக்குப் பிறகு மிகப் பெரியஅளவில் தீவிரமாகப் எதிர்ப் பிரச்சாரம்செய்த நிலையில் தி.மு.கவுக்குக்சட்டமன்றத்தில் கிடைத்த இடங்கள் 186.

அப்பொழுது ராஜாஜிகையொப்பமிட்டு கல்கி இதழில் (4.4.1971) என்ன எழுதினார் தெரியுமா?

இனி தமிழகம் ஆஸ்திகர்கள் வாழத்தகுதி இழந்து விட்டது. இந்தராஜ்ஜியத்தை விட்டே வெளியேறிவிடவேண்டும் என்று சில மகா புருஷர்கள்உள்படப் பலர் எண்ணத் தொடங்கிவிட்டனர் என்று எழுதினார். தமிழ்நாட்டில்தந்தை பெரியார் உறுதி செய்த நாத்திகம்எத்தன்மையுடையது என்பதை இதன்மூலம் நன்கு அறியலாமே!

ஆன்மீக அரசியல் பேசுவோருக்கும்இது காணிக்கை!

இராமாயணத்தில் தசரதன்அமைச்சரவையில்கூட ஜாபாலி என்றநாத்திகர் இருந்தார். அவர் ஒரு பார்ப்பனர்.

நாத்திக வாதமென்றால் ஜாபாலிசொன்னதுபோல் இருக்க வேண்டும். பவுத்த மதம், ஜைன மதம் நம்மிடம்நாத்திக வாதம் பேசி இருக்கிறது. புனர்வாதம், புத்திவாத மெல்லாம் பேசிஇருக்கிறார்கள் என்று காஞ்சிசங்கராச்சாரியார் ஜெயேந்திர சரஸ்வதி, மணியனின் இதயம் பேசுகிறது இதழுக்கு(10.7.1988) அளித்த பேட்டியில்கூறியதுண்டே!

உண்மைகள் இவ்வாறு இருக்கநாத்திகம் என்றால் தவிர்க்கப்படவேண்டிய பெருமையற்ற வார்த்தையல்ல - எதிர்மறையான சொல்லாடலும் அல்ல. பகுத்தறிவை உள்ளடக்கிய தலைநிமிர்ந்துசொல்லக்கூடிய சிந்தனைக்கூர்மையுடைய கம்பீரமான பொருள்பொதிந்த சொல்லே.

எங்கு எங்கு அறிவுக்கு மரியாதைஇல்லையோ,

சமத்துவத்திற்கு இடமில்லையோ,

அங்கெல்லாம் இருந்துதான்நாஸ்திகம் முளைக்கிறது.

- தந்தை பெரியார், குடிஅரசு 07.09.1930

- கவிஞர் கலி. பூங்குன்றன்

துணைத் தலைவர், திராவிடர் கழகம்