சமூகநீதிக்கான அடுத்த போர்க் களத்திற்கு ஆயத்தமாவோம்!' ஆந்திர மாநிலம் - குண்டூரில் பி.பி. மண்டல் சிலையினை திறந்து வைத்து தமிழர் தலைவர் பிரகடனம்

.

'

  February 13, 2023 • Viduthalai

குண்டூரில் பி.பி. மண்டல் சிலையினை திறந்து வைத்து தமிழர் தலைவர் பிரகடனம்

ஆந்திர மாநிலம் - குண்டூரில் பிற்படுத்தப்பட் டோருக்கான அனைத்திந்திய ஆணையத்தின் தலைவராக இருந்து ஒன்றிய அரசுப் பணி, கல்வியில் இடஒதுக்கீடு வழங்கிடுவதற்கு பரிந்துரைத்த சமூகநீதியின் நாயகர் பி.பி. மண்டல் அவர்களின் சிலை திறப்பு விழா நேற்று (12.2.2023) எழுச்சியுடன் நடைபெற்றது. மண்டல் அவர்களின் சிலையினைத் திறந்து வைத்த திராவிடர் கழகத்தின் தலைவர் தமிழர் தலைவர் ஆசிரியர் கி.வீரமணி அவர்கள் சமூக நீதிக்கான அடுத்த  போர்க் களத்தினைப் பிரகடனப் படுத்தினார்.

மண்டல் சிலைக்கு ஏற்பாடு

நாட்டிலேயே முதல் முறையாக மண்டல் அவர்களுக்கு சிலை எழுப்பிடும் பணியில் ஆந்திர மாநிலத்தில் உள்ள பல்வேறு பிற்படுத்தப்பட்ட, ஒடுக்கப்பட்ட அமைப்பினர் கடந்த சில மாதங்களாகவே முயற்சியில் ஈடுபட்டிருந்தனர். மண்டலுக்கு சிலை அமைத்திடும் பணி நாடு தழுவிய அளவில் ஒருங்கிணைக்கப்பட்டு, அதன் திறப்பு விழா விற்கும் ஏற்பாடு செய்யப்பட்டது. மண்டல் அவர்களின் சிலையினை திறந்து வைத்திடுமாறு சமூகநீதிப் போராளி களின் தலைவர் தமிழர் தலைவர் ஆசிரியர் அவர்களை சிலை அமைத்திடும் குழுவினர் வேண்டிக் கொண்டனர். சிலை திறப்பு விழாவிற்கு நாடு முழுவதும், பல மாநிலங் களிலிருந்தும் பிற்படுத்தப்பட்ட அமைப்புகளின் தலை வர்கள், சமூகநீதி உணர்வுடன் செயல்பட்டு வரும் அரசியல் கட்சித் தலைவர்கள் அழைக்கப்பட்டிருந்தனர்.

சிலை திறப்பு விழா

பி.பி. மண்டல் அவர்களின் சிலை திறப்பு விழா நேற்று (12.2.2023) குண்டூர் நகரில் கோலாகலமாக நடைபெற்றது. நகரின் மய்யப் பகுதியில் உள்ள முக்கிய சாலையில் உள்ள சினி ஸ்கெயர் முனையில் மண்டல் அவர்களுக்கு சிலை நிறுவப்பட்டது. காலை 11 மணியளவில் ஒடுக்கப்பட்ட மக்களின் எழுச்சிக் குரலுக்கு மத்தியில் திராவிடர் கழகத் தின் தலைவர் ஆசிரியர் கி.வீரமணி அவர்கள் பலத்த கரவொலிகளுக்கிடையில் மண்டல் அவர்களின் சிலையினைத் திறந்து வைத்து மலர் மாலை அணிவித்து மரி யாதை செலுத்தினார். சிலை திறப்பு நிகழ்வில் ஆந்திர மாநில அரசின் இந்நாள் மேனாள் அமைச்சர் பெருமக்கள், நாடாளுமன்ற, சட்டமன்ற உறுப்பினர்கள், உயர்நீதிமன்ற மேனாள் நீதிபதிகள், பிற்படுத்தப்பட்ட, ஒடுக்கப்பட்ட பல்வேறு அமைப்புகளின் அனைத்திந்திய தலைவர்கள், குண்டூர் மாநகராட்சியின் மேயர் உள்பட பலர் கலந்து கொண்டனர்.

சிலை திறப்பு மாநாடு

மண்டல் அவர்களின் சிலை திறப்பிற்குப் பின்னர் குண்டூர் நகரத்திலேயே  ஒரு தனியார் மைதானத்தில் சமூகநீதி மாநாடு நடைபெற்றது. மாநாட்டின் வரவேற்புரையினை மண்டல் சிலை அமைப்புக் குழுவின் செயலாளர் டாக்டர் ஆலா வெங்கடேஸ்வரலு ஆற்றினார். குழுவின் தலைவரும் ஆந்திர மாநில சட்டமன்றப் பேரவையின் ஆளும் கட்சியின் கொறடாவுமாகிய தங்கா கிருஷ்ண மூர்த்தி எம்.எல்.சி. தலைமை உரையினை ஆற்றினார். மாநாட்டின் முக்கிய உரையான தொடக்க உரையினை தமிழர் தலைவர் ஆசிரியர் அவர்கள் ஆற்றினார். தமிழிலும், ஆங்கிலத்திலும் தமிழர் தலைவர் ஆற்றிய உரையினை தெலுங்கில் மொழி மாற்றம் செய்து வழங்கினார்கள். (ஆசிரியர் உரை தனியே காண்க)

மாநாட்டில் முற்பகலில் உரையாற்றிய பெருமக்கள்

தமிழர் தலைவரின் தொடக்க உரையினை அடுத்து ஒருங்கிணைந்த ஆந்திர மாநில மேனாள் வருவாய் துறை அமைச்சரும், மாநில பிற்படுத்தப்பட்டோர் ஆணையத்தின் மேனாள் தலைவருமான ரகுராமரெட்டி, அனைத்திந்திய பிற்படுத்தப்பட்டோர் அமைப்பின் மேனாள் தலைவர் கேப்டன் டாக்டர் அஜய்சிங் யாதவ், விடுதலை சிறுத்தைகள் கட்சியின் தலைவரும் நாடாளுமன்ற உறுப்பினருமான எழுச்சித் தமிழர் தொல். திருமாவளவன் ஆகியோர் உரையாற்றினர்.

மாநாட்டில் பங்கேற்ற பெருமக்கள்

ஆந்திர மாநில அரசின் சமூகநலத்துறை அமைச்சர் செல்லுபோயின வேணுகோபால கிருஷ்ணா, ஆந்திர மாநிலத்தைச் சார்ந்த மாநிலங்களவை உறுப்பினர் பிடா மஸ்தான்ராவ், பி.பி. மண்டல் அவர்களின் பெயரன் பேராசிரியர் சூரஜ் மண்டல், ஆந்திர மாநில உயர்நீதிமன்ற மேனாள் நீதிபதியும், தேசிய பிற்படுத்தப்பட்டோர் ஆணையத்தின் மேனாள் தலைவருமான ஈஸ்வரய்யா மற்றும் பிற்படுத்தப்பட்டோர், பட்டியல் சமுதாய அமைப் பின் தலைவர்கள் பலர்  மாநாட்டின் முக்கிய விருந்தினர் களாக கலந்து கொண்டனர்.

மாநாட்டில் சமூகநீதி உறுதிமொழி

மாநாட்டில் பங்கேற்ற முக்கிய தலைவர்களும், கலந்துகொண்ட பல தரப்பட்ட மக்களும், சமூகநீதிப் பயணத்தினை முன்னெடுத்துச் செல்லுவதற்கான உறுதி மொழியினை ஏற்றுக் கொண்டனர். உறுதிமொழியினை மாநாட்டு ஏற்பட்டாளர்கள் கூற, மற்ற அனைவரும் எழுச்சியுடன் உறுதிமொழியினை மொழிந்தது கொள்கைப் பூர்வ காட்சியாக இருந்தது.

தமிழர் தலைவர் எழுதிய மண்டல் பற்றிய நூல்

மாநாட்டில் கலந்து கொண்ட முக்கிய விருந்தினர்களுக்கு ஆசிரியர் கி. வீரமணி அவர்கள் எழுதிய ஆங்கில நூல் 'Mandal Commission Report & Implementation' (மண்டல் குழு அறிக்கையும் நடைமுறையும்) வழங்கப்பட்டது. உடன் 'The Modern Rationalist'ஆங்கில மாத இதழும் (பிப்ரவரி 2023) வழங்கப்பட்டது.

மாநாட்டிற்கு வந்த தமிழர் தலைவருக்கு வரவேற்பு

மண்டல் சிலையினை திறந்து வைத்து, மாநாட்டில் தொடக்க உரை ஆற்றிய தமிழர் தலைவருக்கு விழாக் குழுவின் சார்பாக வரவேற்பு அளிக்கப்பட்டது. 12.2.2023 அன்று அதிகாலை சென்னையிலிருந்து ரயில் மூலம் விஜயவாடா வந்த தமிழர் தலைவரை சிலை அமைப்புக் குழுவினர் வரவேற்றனர். சிலை திறப்பிற்குப் பின்னர் நடந்த மாநாட்டில் தமிழர் தலைவர் உரையாற்றிய பின்னர் ஆசிரியருக்குச் சிறப்புச் செய்து, நினைவுப் பரிசினை வழங்கி வழியனுப்பி வைத்தனர்.

மண்டல் சிலை திறப்பிற்கு தமிழர் தலைவருடன் திராவிடர் கழகப் பொருளாளர் வீ. குமரேசன், வெளியுறவுச் செயலாளர் கோ. கருணாநிதி சென்றிருந்தனர். மேலும் சிலை திறப்பு நிகழ்விலும், மாநாட்டிலும் திராவிடர் கழக பொறுப்பாளர்கள் - தாம்பரம் முத்தையன், கோ. நாத்திகன், மோகன்ராஜ், விடுதலை நகர் பி.சி. ஜெயராமன், மா. குணசேகரன், சீ. லட்சுமிபதி, மாடம்பாக்கம் அ. கருப்பையா கொடுங்கையூர் தங்கமணி - தனலட்சுமி இணையர் மற்றும் தோழர்கள் ஏராளமானவர்கள் பங்கேற்றுச் சிறப்பித்தனர்

ஆந்திர மாநிலம் குண்டூரில் பி.பி. மண்டல் சிலை திறப்பு

ஆந்திர மாநிலம் குண்டூரில் பி.பி.மண்டல் சிலையை தமிழர் தலைவர் ஆசிரியர் திறந்து வைத்தார் - 12.2.2023

   February 12, 2023 • Viduthalai

ஆந்திர மாநிலம் குண்டூரில் சினிஸ் ஸ்கொயர் முக்கிய சாலையில் நிறுவப்பட்டுள்ள பி.பி.மண்டல் அவர்களின் சிலையை சமூகநீதிப் போராளி - தலைவர், திராவிடர் கழகத் தலைவர் ஆசிரியர் கி.வீரமணி அவர்கள் திறந்து வைத்தார். அவ்வமையம் மாநில அரசின் அமைச்சர்கள், நாடாளுமன்ற உறுப்பினர்கள், பிற மாநில மேனாள் அமைச்சர்கள், ஆந்திர சட்டமன்ற உறுப்பினர்கள், மேனாள் உயர்நீதிமன்ற நீதிபதிகள் கலந்துகொண்டனர். விழா அமைப்புக் குழுவின் தலைவர் ஆந்திர மாநில சட்டமன்றத்தின் கொறடா தங்கா.கிருஷ்ணமூர்த்தி எம்.எல்.சி., அவர்களும், செயலாளர் டாக்டர் ஆலா வெங்கடேஸ்வரலு அவர்களும், குண்டூர் மாநகராட்சி மேயர், அனைத்துக் கட்சி சமூகநீதி ஆர்வலர்களும் உடனிருந்தனர். பலத்த கரவொலிக்கிடையே  தமிழர் தலைவர் அவர்களால் சிலை திறக்கப்பட்டது (12.2.2023).

ஆந்திர மாநிலம் குண்டூரில் பி.பி. மண்டல் சிலை திறப்பு

  February 12, 2023 • Viduthalai

ஆந்திர மாநிலம் குண்டூரில் பி.பி. மண்டல் சிலையினை திறந்து வைப்பதற்கு இன்று அதிகாலை 3.45 மணிக்கு (12-2-2023) விஜயவாடா ரயில் நிலையத்திற்கு வருகை தந்த திராவிடர் கழகத் தலைவரை விழாக் குழுவினர் வரவேற்றனர். உடன்: கழகப் பொருளாளர் வீ. குமரேசன், கழக அயலுறவு அணிச் செயலாளர் கோ. கருணாநிதி.

குண்டூரில் பி.பி.மண்டல் சிலை திறப்பு விழாவில் திரண்டிருந்த கூட்டத்தினரின் ஒரு பகுதி

  February 12, 2023 • Viduthalai

குண்டூரில் பி.பி.மண்டல் சிலை திறப்பு விழாவில் திரண்டிருந்த கூட்டத்தினரின் ஒரு பகுதி

ஆந்திர மாநிலம் குண்டூரில் பி.பி.மண்டல் சிலையை தமிழர் தலைவர் ஆசிரியர் திறந்து வைத்தார் - 12.2.2023

  .பி.மண்டல் சிலைக்குத் தமிழர் தலைவர் - எழுச்சித் தமிழர் மரியாதை

  February 13, 2023 • Viduthalai

பகுத்தறிவாளர் கழகமும், பெரியார் நூலக வாசகர் வட்டமும் இணைந்து நடத்திய சிறப்பு கூட்டம்

சென்னை பெரியார் திடலில் சிறப்புக் கூட்டம்

  January 06, 2023 • Viduthalai

அமெரிக்க நாத்திக நிறுவன அறிஞர்கள் பங்கேற்று மனித உரிமைபற்றி முழங்கினர்

'தந்தை பெரியாரின் மனிதநேயக் கொள்கையை உலகமயமாக்குவதில் இணைந்து செயல்படுவோம்!'

தமிழர் தலைவரின் எழுச்சியுரை!

பகுத்தறிவாளர் கழகமும், பெரியார் நூலக  வாசகர் வட்டமும் இணைந்து சென்னை - பெரியார் திடலில் ஒரு சிறப்புக் கூட்டத்தினை நடத்தினர். அன்னை மணியம்மையார் மன்றத்தில் 5.1.2023 அன்று மாலை 6.45 மணிக்குக் கூட்டம் தொடங்கியது.

சிறப்புக் கூட்டம்

அமெரிக்க நாட்டைத் தலைமையிடமாகக் கொண்டு சமுதாயப் பணி ஆற்றி வரும் மதத்திலிருந்து விடுதலைக்கான நிறுவனத்தைச் (Freedom From Religion Foundation - FFRF)  சார்ந்த டேனியல் பார்க்கர், அமிதாப் பால் மற்றும் மகாராட்டிரா அந்தஸ்ரத நிர்மூலன் சமிதி (Maharashtra Andhashraddha Nirmoolan Samiti - 'MANS') அமைப்பின் தலைவர்  அவினாஷ் பாட்டீல் ஆகியோர் சிறப்பு விருந்தினர்களாகப் பங்கேற்று உரையாற்றினர்.

பெரியாருடைய கருத்துகளை பேராசிரியர் மு. தவமணி சுருக்கமாக எடுத்துரைத்தார். நிறைவாக தமிழர் தலைவர் ஆசிரியர் உரையாற்றினார். தொடக்கத்தில் கூட்டத்தில் பங்கேற்ற அறிஞர் பெரு மக்களையும், வருகை தந்தோரையும் வரவேற்று, பகுத்தறிவாளர் கழகத்தின் மாநிலத் தலைவர் இரா. தமிழ்ச்செல்வன் உரையாற்றினார். அறிமுக உரையினை திராவிடர் கழகப் பொருளாளர் வீ. குமரேசன் வழங்கினார். கூட்டத்தின் இறுதியில் பெரியார் நூலக வாசகர் வட்டத்தின் தலைவர் ஆ. வீரமர்த்தினி நன்றி கூறினார். நிகழ்ச்சியினைத் தொகுத்து திராவிட மாணவர் கழகத்தின் மாநில செயலாளர் ச. பிரின்சு என்னாரெசு பெரியார் இணைப்புரை வழங்கினார்.

காலையில் பெரியார் திடலைப் பார்வையிட்டனர்

மதத்திலிருந்து விடுதலைக்கான நிறுவனத்தின் இணை நிறுவனர் டேனியல் பார்க்கர், அதன் தொடர்புத் துறை இயக்குநர் அமிதாப் பால் ஆகிய இருவரும் இந்தியாவில் உள்ள நாத்திக இயக்கங்கள் ஆற்றிவரும் பணி குறித்து நேரில் சென்று அறிந்து வர வேண்டும் என்ற பயணத்தின் ஒரு பகுதியாக சென்னை பெரியார் திடலுக்கு 5.1.2023 அன்று காலை  வந்தனர்.பெரியார் திடலில் பெரியார் நினைவிடம், ஆய்வு நூலகம், விடுதலை அச்சகம், சுயமரியாதைத் திருமண நிலையம், பெரியார் புத்தக நிலையம் ஆகியவற்றை பார்வையிட்ட பின்னர் தமிழர் தலைவர் ஆசிரியர் அவர்களைச் சந்தித்து சிறிது நேரம் உரையாடிச் சென்றனர்.  அமெரிக்க நாத்திகப் பெரு மக்களை அழைத்துக் கொண்டு மகாராட்டிர அந்தஸ்ரத நிர்மூலன் சமிதியின் தலைவர் அவினாஷ் பாட்டீல் வருகை தந்திருந்தார்.

அறிமுக உரை

வரவேற்புரைக்குப் பின்னர் அறிமுக உரையாற்றிய திராவிடர் கழகப் பொருளாளர் வீ. குமரேசன் தனது உரையில் குறிப்பிட்டதாவது: மதங்களும், கடவுள் நம்பிக்கையும் உலகெங்கும் பரவிக் கிடக்கிறது. வெறும் நம்பிக்கை சார்ந்த மதப் பிடியிலிருந்து விடுதலை பெற வேண்டும் என்ற நினைப்பு உலகெங்கும் பரவி வருகிறது; அதிகரித்தும் வருகிறது. பிற நாடுகளில் மதத்திலிருந்து விடுதலையும், கடவுள்மீது நம்பிக்கையற்ற நிலைமையும் தொடர்ந்து வருகிறது. இதே சிந்தனை சில ஆயிரம் ஆண்டுகளுக்கு முன்னாலே இந்திய நிலப்பரப்பில் நிலவி வந்தது. கடவுள் மீதான நம்பிக்கையற்ற நிலை என்பது 'கடவுள் மறுப்பு' என்ற அளவிலிருந்து 'கடவுள் எதிர்ப்பு' என்பதாக நம் நாட்டில் உள்ளது; கடவுளிடம்,  'கடவுள்' என்பது மனிதனைப் பிறப்பால் பேதம் கற்பித்து பிரிவுபடுத்தி, சில அடிப்படை மனித உரிமையை மறுத்து வந்துள்ளதால் அதனை எதிர்க்க வேண்டிய கட்டாயம் இங்கு நிலவுகிறது. மனிதரிடையே சமத்துவம் வர வேண்டும். அவர்கள்மீதான மத அடிப்படையிலான இழிவு நிலை துடைத்தெறியப்பட வேண்டும் என்ற நோக்கில் தொடக்கம் முதல் சுயமரியாதை, பகுத்தறிவாளர் கருத்துகளைப் பரப்பி அதற்காகவே 95 ஆண்டுகள் அமைப்பு ரீதியாக சமுதாயப் பணி ஆற்றினார் தந்தை பெரியார். அவரது உழைப்பால் இன்று தமிழ்நாடு மற்ற மாநிலங்களைவிட பலவிதங்களில் முன்னேறி மனித சமத்துவம் நோக்கிப் பயணம் கொள்கிறது. தந்தை பெரியாருக்குப் பின், அன்னை மணியம்மையாருக்குப்பின் இந்த மனிதநேய இயக்கத்தை உலகளாவிய அளவில் கொள்கையினை பரப்பி தமிழர் தலைவர் ஆசிரியர் சமுதாயப் பணி ஆற்றி வருகிறார். 'கடவுள் எதிர்ப்பு' என்பதில் திரிபுவாதத்திற்கு இடம் தராத வகையில் 'கடவுள் இல்லை; கடவுள் இல்லை; கடவுள் இல்லவே இல்லை ; கடவுளை கற்பித்தவன் முட்டாள்; கடவுளை பரப்புகிறவன் அயோக்கியன்; கடவுளை வணங்குகிறவன் காட்டுமிராண்டி' என கொள்கை முழக்கத்தை இயக்கத் தோழர்களின் பரப்புரைக்கு அளித்தவர் தந்தை பெரியார். 

இவ்வாறு பெரியார் நிறுவிய திராவிடர் கழகம் பற்றிய அடிப்படை செய்திகளை கழகப் பொருளாளர் வீ. குமரேசன் வழங்கினார்.

முனைவர் மு.தவமணி

கருத்துரை வழங்கிய பேராசிரியரும் சென்னை எத்திராஜ் மகளிர் கல்லூரியின் மேனாள் முதல்வருமான முனைவர் மு. தவமணி தமது உரையில் குறிப்பிட்டதாவது:

மனித சமத்துவத்திற்காகப் போராடிய தந்தை பெரியார் பெண் சமத்துவத்திற்கு தனித்தன்மையுடன் சமுதாயப் பணி ஆற்றியவர். சமூக பார்வையில் ஆணாதிக்க கட்டமைப்பில் அனைத்து ஆண் பிரிவினருக்கும் கீழாகவே பெண்களின் நிலை இருந்தது. இதனை தகர்த்து எறிந்தவர் தந்தை பெரியார். சமூக பொருளாதார சுதந்திரம் பெண்களுக்குக் கிடையாது - இளம் பிராயத்தில் பெற்றோர்களின் துணையுடனும், வளர்ந்து மணமான பின் கணவனின் துணையுடனும், வயதான காலத்தில் ஆண் பிள்ளைகளின் துணையுடனும் வாழ வேண்டும் என்பதாக உள்ள சட்டக் கோட்பாடுகளை நீக்கி சமத்துவம்  கண்டவர் பெரியார். தனித் தன்மையாக, சுதந்திர உணர்வுடன் பெண்கள் விளங்கிட கல்வி அடிப்படையில் அவசியமாகும். பெண்களுக்கு மறுக்கப்பட்டு வந்த கல்வியை வழங்கிட வைத்து உயர் கல்வி - பொதுப் பணியில்  அனைத்துத் துறைகளிலும் பணியாற்றும் வாய்ப்பு பெற முன்னேற்ற நிலைமைகள் உருவாகின. குறிப்பாக தமிழ்நாடு பெண் கல்வி, பெண்கள் முன்னேற்றம் ஆகியவற்றில் முன்னோடி மாநிலமாக விளங்குவதற்கு அடிப்படைக் காரணமாக அமைந்தது தந்தை பெரியார் ஆற்றிய சமுதாயப் பணிதான். உலகின் பல பகுதிகளில் வாழும் மகளிர் நிலையில் சமத்துவமற்ற நிலையினை நீக்கிட தந்தை பெரியாரின் கொள்கைகள் பயன்படும்; உலக மகளிர் அனைவரும் பின்பற்றத் தகுந்தவரையில் தந்தை பெரியாரின் சுயமரியாதை, பகுத்தறிவுக் கருத்துகள்; அலைகள் பரவிட வேண்டும்.

இவ்வாறு முனைவர் மு. தவமணி தம் உரையில் குறிப்பிட்டார்.

மகாராட்டிரா மாநில அவினாஷ் பாட்டீல்

மூடநம்பிக்கை ஒழிப்புப் போராளியாக வாழ்ந்து அந்த லட்சியத்திற்காக தனது உயிரை ஈகம் செய்த டாக்டர் நரேந்திர தபோல்கர் நிறுவிய மகாராட்டிர அந்தஸ்ரத நிர்மூலன் சமிதியின் இன்றைய தலைவர் அவினாஷ் பாட்டில் தனது உரையில் குறிப்பிட்டதாவது:

பெரியார் இயக்க நிகழ்ச்சிகள், மாநாடுகள் பலவற்றில் எங்களது அமைப்பின் தோழர்கள் பெருமளவில் கலந்து கொண்டிருக்கிறோம். குறிப்பாக 2018இல் திருச்சியில் நடைபெற்ற உலக நாத்திகர் மாநாடு - அந்த மாநாடு நடைபெற்ற விதம், தலைவர் டாக்டர் வீரமணி அவர்களின் வழிகாட்டுதலில்  பயணித்து வருகிறோம். அந்த வகையில் டாக்டர் கி.வீரமணி அவர்கள் தமிழ் நாட்டில் பெரியார் இயக்கத்திற்கு மட்டும் தலைவரல்ல; பிற மாநில பகுத்தறிவு இயக்கங்கள், உலக பகுத்தறிவு இயக்கங்களை வழி நடத்தக் கூடிய மாபெரும் தலைவர் - உலகப் பகுத்தறிவாளர்களின் தலைவர் என்றே அவரை அழைக்கலாம்; அப்படிப்பட்ட சிறப்புக்குரியவர் அவர். தொடர்ந்து அனைவரையும் டாக்டர் கி. வீரமணி தலைமையேற்று வழி நடத்திட வேண்டும்.

இவ்வாறு அவினாஷ் பாட்டீல் தமது உரையில் குறிப்பிட்டார். 

அமெரிக்க நாட்டின் அமிதாப் பால்

அமெரிக்க நாட்டின் 'மதத்திலிருந்து விடுதலை' நிறுவனத்தின் செய்தி தொடர்பு இயக்குநர் அமிதாப் பால் தமது உரையில் கூறியதாவது:

 அமெரிக்காவில் இந்தியாவிலிருந்து சென்று நிரந்தரமாக தங்கி குடியுரிமை பெற்றவர்கள் ஏராளமாக வாழ்ந்து வருகின்றனர். பல்வேறு நாடுகளிலிருந்து அமெரிக்காவில் குடியேறி வாழ்ந்து வரும் - பல நூறு ஆண்டுகளுக்கு முன்பே அய்ரோப்பா, ஆப்பிரிக்கா கண்ட நாடுகளிலிருந்து சென்று குடியமர்ந்து வாழ்ந்து வரும் மக்கள் போற்றி, தமது அமெரிக்க நாட்டு பெரு மையாகக் கருதுவது 'பன்மைத்துவம் (Pluralism) ஆகும். நிற அடிப்படையில் பேத நிலை கடந்த காலங்களில் நிலவினாலும் சட்ட ரீதியாக இன்றைக்கு அனைவரும் சமம் என்ற நிலை உருவாகி உள்ளது. இருப்பினும் மதப் பெருமை காட்டி, சமூகத்தில் பிரிவினையை இன்னல்களை உருவாக்கிடும் தீய சக்திகள் தலை தூக்கத் தொடங்கியுள்ளன. மனிதநேயமே மகத்தானது -  மதச்சார்பற்ற மனிதநேயம் காக்கப்பட வேண்டும் எனும் கருத்தினை எங்களது  நாத்திக அமைப்பினைப் போன்ற பல்வேறு தரப்பினரும் வலிந்து குரல் எழுப்பி வருகின்றனர். பெரியார் இயக்கத்துடன் சேர்ந்து  அப்படிப்பட்ட சமத்துவத் தன்மையுள்ள களப் பணிகள் மேற்கொள்ளப்படும். இணைந்து பணியாற்றுவோம். இவ்வாறு அமிதாப் பால் பேசினார்.

அமெரிக்க நாட்டு டேனியல் பார்க்கர்

'மதத்திலிருந்து விடுதலை' நிறுவனத்தின் நிறுவனர்களுள் ஒருவரான டேனியல் பார்க்கர் தமது உரையில் குறிப்பிட்டதாவது:

பதின்மப் பருவத்திலேயே மத நற்செய்தி யாளராக பணியினைத் தொடங்கிய நான் - மத போதகராகவும் பணியாற்றிய நான் - படிப்படியாக சிந்தனை வயப்பட்டு உண்மை நிலையினை உணர்ந்து கடவுள் மறுப்பாளராக மாறினேன். நாத்திகனாக தனி நபர்  பணியினை ஆற்றிய நான் 1984ஆம் ஆண்டில் மதத்தின் பிடியிலிருந்து விடுபடுவோருக்கான நிறுவனத்தைத் தொடங்கினோம். எங்களது அமைப்பு, மனிதர் அனைவரும் சமம்; இருப்பினும் பெண்கள் சமத்துவத்தை வலிந்து பேசக் கூடிய அமைப்பு; கடைப்பிடிக்கும் அமைப்பும் ஆகும். பெண்களுக்கு முன்னேற்றத்தில் முதல் கருத்தியல் எதிரி மதம் ஆகும். பெண்களுக்கு முக்கியத் தேவை அவர்களுக்கு கல்வி புகட்டுவதே. அமெரிக்காவில் மத நம்பிக்கை அற்றவர்கள் எண்ணிக்கை அதிகமாகிக் கொண்டே வருகிறது. தொடக்கத்தில் 3 விழுக்காடு மக்கள் தொகையினர் நாத்திகர் என்ற நிலையிலிருந்து இன்றைக்கு 29 விழுக்காட்டினர் என்ற அளவிற்கு உயர்ந்துள்ளது. மீதமுள்ளவர்கள் முழு நம்பிக்கையுள்ளவர்கள் என்று கூறிவிட முடியாது. கடவுள் பற்றிய அக்கறையற்றோர் (agnostic)  பலர் அவர்களுள் அடக்கம். அமெரிக்காவில்  கடவுள் நம்பிக்கை, மதநம்பிக்கை தளர்ந்து வருகிறது. தகர்ந்து வருகிறது. 

இங்கு தமிழ்நாட்டில் பெரியார் திடலில் துடிப்பு மிக்க, கொள்கை சார்ந்த பகுத்தறிவாளர்களைப் பார்ப்பது, உரையாடுவது பெரிதும் மகிழ்வை - உற்சாகத்தை எங்களுக்குத் தருகிறது. பெரியார் இயக்கம் டாக்டர் கி. வீரமணி தலைமையில் மாபெரும் மக்கள் இயக்கமாக திகழ்கிறது. அரசியல் கருத்தில் பல்வேறு ஆக்க ரீதியான தாக்கங்களை ஏற்படுத்தியுள்ளது - பெரிதும் பாராட்டுதலுக்குரியது. பெரியார்  இயக்கத்துடன் இணைந்து மனிதநேய மனித சமத்துவப் பணிகளைத் தொடர்வோம். மானுடத்தை மேம்படுத்துவோம்.

இவ்வாறு டேனியல் பார்க்கர் தமதுரையில் குறிப்பிட்டார்.

தமிழர் தலைவரின் எழுச்சியுரை

நிகழ்ச்சியின் நிறைவாக தமிழர் தலைவர் தமது எழுச்சியுரையில் குறிப்பிட்டதாவது:

மனிதன் முழு விடுதலை பெறுவதற்கு மதம் பெரும் தடையாக உள்ளது. நாமெல்லாம் மத நம்பிக்கையில்லாத  சுதந்திர சிந்தனையாளர்கள், கொள்கை உறவுக்காரர்கள் டேனியல் பார்க்கர் மதச் சிறையிலிருந்து விடுதலை பெற்றவர். 1984இல் நாத்திகராக மலர்ந்தவர். இன்றிலிருந்து 98 ஆண்டுகளுக்கு முன்னர் இதே சிந்தனையுடன் தந்தை பெரியார் சுயமரியாதை இயக்கத்தைத் தொடங்கினார். அன்று மலர்ந்த பகுத்தறிவு சிந்தனைகள் பின்னர் நாடு விடுதலையடைந்த பின் எதையும் கேள்விக்கு ஆட்படுத்திப் பார்க்கும் பகுத்தறிவுப் பண்பு, மனிதநேயம் ஆகியவை அடிப்படைக் குடிமக்கள் கடமையாக அரசமைப்புச் சட்டத்தில் இடம் பெற்றது. கருத்து முன்னர் உருவானது. சட்டத்தில் உரிய இடம் பின்னாளில் அளிக்கப்பட்டது. இதுதான் பெரியார் இயக்கத்தின் சாதனை, அறிவியல் மனப்பான்மையை பெருக்குவதன் முக்கியத்துவம் அடிப்படைக் கடமையாக்கப்பட்டுள்ளது. மதம் எதையும் சாதிக்கவில்லை. அறிவியல் வளர்ச்சியினால் ஏற்பட்ட கருவிகளை தமது பரப்புரைக்கு, வழிபாட்டுக் கூட்ட உரைக்கு பயன்படுத்திக் கொண்டுள்ளது. மதத்தின் பிடியிலிருந்து விடுதலை பெறுவதை பெயராகக் கொண்டு நிறுவனத்தை அமெரிக்க நாட்டில் ஏற்படுத்தி சமூகப் பணி செய்து வருகிறீர்கள். இன்று உங்களுக்கும் பெரியார் இயக்கத்தவராகிய எங்களுக்குமான உறவு அரசியல் கூட்டணி அல்ல; சமூகக் கூட்டணி, மனிதரை முன்னேற்றும் கூட்டணி, மனிதநேயத்தை வளர்க்கும் கூட்டணி.

அமெரிக்காவில் மதச் சார்பற்ற நிலை நிலவினாலும் உங்கள் கைக்கு வரும் ரூபாய் நோட்டுகளில் 'கடவுள் மீது நம்பிக்கை கொண்டுள்ளோம் (In God we Trust) என்ற வாசகம் உள்ளது. இங்கு இந்தியாவில் மதவாதிகளின் ஆதிக்கம் ஆளும் தரப்பிடம் இருந்தாலும், ரூபாய் நோட்டுகளில் கடவுளை - ஒரு மதத்தை சார்ந்த கடவுளை பிரசுரிக்க முயற்சிகள் நடைபெற்ற பொழுது, பலத்த எதிர்ப்பைக் காட்டினோம். முளையிலேயே முயற்சி கிள்ளி எறியப்பட்டது. இந்தியாவில் ரூபாய் நோட்டுகளில் கடவுளுக்கு இடமில்லை.  

மதநம்பிக்கை என்பது மனநிலை சார்ந்தது. கருத்தியல் கொண்டு மனமார்ந்த மக்களிடம் ஏற்படுத்திட வேண்டும். மக்கள் தொகை பெருகி வருவதை கட்டுப்படுத்த 1930களிலேயே தந்தை பெரியார் குடும்பக் கட்டுப்பாடு வழிமுறைகளைப் பின்பற்ற மக்களை வலியுறுத்தினார். இருந்தாலும் கடவுள் கொடுத்த வரம் என்று பிள்ளைகளை பெற்றுக் கொள்ளும் மனப்போக்கு தொடர்ந்தது. பெரியார் தொடர்ந்து பேசினார். வரும் நாட்களிலே கடவுளானவர், பிள்ளைகளைவிட  வீடு இல்லாதவருக்கு வீடு கொடுக்கலாமே, பசியில் வாடுபவர்களுக்கு உணவு அளிக்கலாமே  என தம்முடைய பாணியில் நகைச்சுவையாகப் பேசி மக்கள் மனப்பாங்கின மாற்றிட முனைந்தார். அதன் பிரதிபலிப்பு, வெற்றி தமிழ்நாட்டில் உள்ள பிற மாநிலங்களில் இல்லாத வெற்றியாக உள்ளது. தொடர்ந்து மதநம்பிக்கைகளுக்கு எதிராக மனிதமனங்களை மாற்றுவோம். அத்தகைய பணியில் வருங் காலங்களில் இணைந்து தோளோடு தோள் சேர்ந்து பணி ஆற்றுவோம். உலகையே பெரியார் மயமாக்குவோம்; மனிதமயமாக்குவோம்.

இவ்வாறு தமிழர் தலைவர் ஆங்கிலத்தில் அமெரிக்க நாட்டவர்களுக்கு புரியும் வகையில் உரையாற்றினார். (முழு உரை வீச்சு பின்னர் வெளிவரும்).

கலந்துகொண்டு சிறப்பித்த தோழர்கள்!

சென்னை மண்டல செயலாளர் தே. செ. கோபால்  மாநில மகளிர் பாசறையின் செயலாளர் வழக்குரைஞர் பா. மணியம்மை, பகுத்தறிவாளர் கழகத்  தோழர் மாணிக்கம்,   முனைவர் த.கு. திவாகரன், புதுமை இலக்கிய தென்றல் தலைவர் பாட்டரசர் சுப. முருகானந்தம், மனநல மருத்துவர் ராதிகா முருகேசன், ஆவடி மாவட்டச் செயலாளர் க. இளவரசன், தோழர் பாலு. மணிவண்ணன், தோழர் வனவேந்தன், பூவை பகுதி தலைவர் தமிழ்ச்செல்வன், அயனாவரம் துரைராஜ், வழக்குரைஞர் கொரட்டூர் பன்னீர்செல்வம், தென் சென்னை மாவட்ட செயலாளர் பார்த்தசாரதி, மாநில இளைஞரணி  துணைச் செயலாளர் சோ. சுரேஷ், ஆவடி மாவட்ட அமைப்பாளர் உடுமலை வடிவேல், பகுத்தறிவாளர் கழகத் தோழர் வேல். சோமசுந்தரம் உள்ளிட்ட ஏராளமான தோழர்கள் கலந்து கொண்டனர்.

தொகுப்பு: வீ. குமரேசன்

பஞ்சாபில் இந்திய பகுத்தறிவாளர் அமைப்புகளின் கூட்டமைப்பின் 2 நாள் மாநாடு

 

 October 29, 2022 • Viduthalai

பஞ்சாப் மாநிலம் பர்னாலா நகரில் தர்க்ஷீல் பவன் அரங்கில் இந்திய பகுத்தறிவாளர் அமைப்புகளின் கூட்டமைப்பு (FIRA - FEDERATION OF  INDIAN  RATIONALIST  ASSOCIATION)12ஆவது தேசிய மாநாடு  இன்று 29.10.2022 காலை  தொடங்கியது. இம்மாநாட்டில் பகுத்தறிவாளர் கழகம் சார்பில் தமிழ்நாட்டில் இருந்து 28 பேர் கலந்து கொண்டுள்ளனர். இரண்டு நாட்கள் நடைபெறும் இம்மாநாட்டில் இந்தியாவின் அனைத்து மாநிலங்களிலிருந்தும் பிரதிநிதிகள் கலந்து கொண்டுள்ளனர். பல்வேறு அமர்வுகளில் நாட்டின் பல்வேறு பகுதிகளிலும் உள்ள பகுத்தறிவாளர்களின் அமைப்புகளின் சார்பில் தங்களது படைப்புகளை அளிக்கிறார்கள்.

பஞ்சாபில் பகுத்தறிவாளர் அமைப்புகளின் கூட்டமைப்பு சார்பில் அகில இந்திய கருத்தரங்கு

 November 01, 2022 • Viduthalai

29.10.2022 அன்று பகுத்தறிவாளர் அமைப்பு களின் கூட்டமைப்பு சார்பில் அகில இந்திய கருத்தரங்கு பஞ்சாப் மாநிலம் பர்னாலா நகரில் தர்க்க்ஷீல் பவன் அரங்கில் நடைபெற்றது.

இரண்டு நாள் கருத்தரங்கில் தமிழ்நாட்டில் இருந்து பகுத்தறிவாளர் கழகம் சார்பில் 28 பேராளர்கள் கலந்து கொண்டனர்.

நிகழ்வில் தமிழர் தலைவர் ஆசிரியர் 

கி வீரமணி அவர்கள் கருத்தரங்கு வெற்றி பெற வாழ்த்துடன்,  FIRAஅமைப்பு அடுத்த கட்ட நடவடிக்கை என்ன செய்ய வேண்டும் என் பதையும் தெரிவித்து வாழ்த்துச் செய்தி அனுப்பி இருந்தார்கள் .

அச்செய்தி கருத்தரங்க பேராளர்களுடைய பலத்த கரவொலிகள் இடையே படிக் கப்பட்டு FIRAசெயலாளரிடம் கருத்தரங்க மேடையில் வழங்கப்பட்டது.

தாம்பரம் மாவட்ட பகுத்தறிவாளர் கழக புதிய பொறுப்பாளர்கள் அறிவிப்பு

 

 October 09, 2022 • Viduthalai

தாம்பரம், அக். 9- தாம்பரம் மாவட்ட பகுத்தறிவாளர் கழக கலந்துரை யாடல் கூட்டம் 5.10.2022 புதன் கிழமை அன்று மாலை 5.10 மணி யளவில் மேற்கு தாம்பரம் சி.டி.ஓ காலனி எழில் மாண்டிசோரி மழ லையர் மற்றும் தொடக்கப் பள்ளி யில் மாநில துணைத் தலைவர் ந.கரிகாலன் தலைமையில் நடை பெற்றது.

பகுத்தறிவாளர் கழக மாநில தலைவர் இரா.தமிழ்ச்செல்வன், துணைத் தலைவர் அ.தா.சண்முக சுந்தரம் மற்றும் பொதுச்செயலாளர் ஆ.வெங்கடேசன் ஆகியோர் முன் னிலையில்  எஸ்.ஆர்.வெங்கடேஷ் அனைவரையும் வரவேற்றார்.

கூட்டத்தில் மாவட்ட திரா விடர் கழக  தலைவர் ப.முத்தையன், மாவட்ட செயலாளர் கோ.நாத் திகன், நகர செயலாளர் சு.மோகன் ராசு, ஆவடி மாவட்ட துணைச் செயலாளர் க.தமிழ்ச்செல்வன், தென் சென்னை மாவட்ட துணைச் செயலாளர் சா.தாமோதரன் மற் றும் கலந்து கொண்ட தோழர்கள் தங்கள் கருத்துகளை பகிர்ந்து கொண்டனர்.

புதிய பொறுப்பாளர்கள்

கூட்டத்தில் புதிய பொறுப் பாளர்களாக மாவட்ட தலைவர் எஸ்.ஆர்.வெங்கடேஷ், மாவட்ட செயலாளர் மதிவாணன், மாவட்ட அமைப்பாளர் இராஜேந்திரன், மாவட்ட துணைச் செயலாளர்கள் புஷ்பலதா, அருணா,  குணசேகரன், மாவட்ட துணைத் தலைவர் இரா.சு.உத்ரா என்று முறையே மாநில தலைவர் இரா.தமிழ்ச் செல்வன் அறிவித்தார். 

நிகழ்ச்சியில் கு.ஆறுமுகம், கோ.பழனிச்சாமி, செ.சந்திரசேகரன், த.குணசேகரன், அஜய், கரசங்கால் இர.கதிர்வேல், அ.கருப்பையா மற்றும் த.மணிகுமார் ஆகியோர் கலந்து கொண்டு சிறப்பித்தனர்.

கனடா - டொராண்டோ நகரில் நடைபெற்ற சமூகநீதிக்கான பன்னாட்டு பெரியார் மனிதநேய மாநாடு நிறைவு நாள் (25.9.2022) நிகழ்ச்சிகள்

   September 26, 2022 • Viduthalai

தமிழர் தலைவரின் முதன்மை உரையுடன் நடைபெற்றன

டொராண்டோ, செப்.26 - கனடா நாட்டு டொராண்டோ நகரில் நடைபெற்ற சமூகநீதிக்கான பன்னாட்டு மனிதநேய மாநாட்டின் நிறைவு நாள் நிகழ்ச்சிகள் 25.9.2022 அன்று காலை (கனடா நேரப்படி) 9 மணி அளவில் தொடங்கி சிறப்பாக நடந்தேறின.

நிகழ்ச்சிக்கு வருகை தந்தோரை வரவேற்று அமெரிக்கா பெரியார் பன்னாட்டு மய்யத்தின் பொருளாளர் அருள்செல்வி வீரமணி உரையாற்றினார். முதல் நாள் நிகழ்ச்சிகளின் தொகுப்பினை பெரியார் பன்னாட்டு மய்யத்தின் தலைவர் மருத்துவர் சோம. இளங்கோவன் சுருக்கமாக எடுத்துரைத்தார். தொடக்க உரையாளரின் அறிமுகத்தினை பேராசிரியர் முனைவர் கண்ணபிரான் ரவிசங்கர் வழங்கினார்.

தமிழர் தலைவரின் முதன்மை உரை

இரண்டாம் நாளான நிறைவு நாள் நிகழ்ச்சிகளின் முதன்மை உரையினை தமிழர் தலைவர் ஆசிரியர் கி. வீரமணி அவர்கள் வழங்கினார்கள். தமிழர் தலைவரின் உரைச்சுருக்கம்: 

'மனிதநேயம்' தத்துவமாக உலகெங்கிலும் பரப்பப்பட வேண்டும். மனிதகுல இன்னல்களுக்கு தீர்வு மனிதநேயத்தை பேணிக் கடைப்பிடித்திட வேண்டும். உலகில் மனிதரின் பண்பாடு நாடுகளிடையே மாறுபட்டு நிலவுகிறது. அந்த நாட்டு மக்களின் பிரச்சினைகளும் பலவாறாக உள்ளன. மனிதருக்கு இன்னல்தரும் ஆதிக்க அடக்கு முறையாளர்களும் பலவாறாக உள்ளனர். அந்த மக்களுக்கு இழைக்கப்படும் அநீதியான செயல்களும் பர தரப்பட்டவையாக உள்ளன. அவை அனைத்தையும் எதிர்த்துப் போராடுவதற்கு ஒற்றுமை தேவைப்படுகிறது. அனைவருக்கும் சமூகநீதி கிடைக்க வேண்டும். அதற்கு அடிப்படை மனிதநேயம் காக்கப்பட வேண்டும்; மனிதநேய அணுகுமுறை கடைப்பிடிக்கப்பட வேண்டும்.

தமிழர் தலைவருக்கு 'மனிதநேய சாதனையாளர்' விருது கனடா மனிதநேயர் (Humanist Canada)அமைப்பு வழங்கியது சமூகநீதிக்கான பன்னாட்டு மனிதநேய மாநாட்டினை ஏற்பாடு செய்த அமைப்புகளுள் ஒன்றான கனடா  (Humanist Canada)  மனிதநேயர் அமைப்பு - திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்களுக்கு 'மனிதநேயர் சாதனையாளர்' விருதினை வழங்கியது. தமிழர் தலைவரின் மனிதநேய மற்றும் மனித உரிமைக்கான  பங்களிப்பை (Life long Contribution) பாராட்டும் விதமாக 2022ஆம் ஆண்டுக்கான 'மனித நேயர் சாதனையாளர்' விருதினை வழங்கிடுவதாகக் குறிப்பிடும் பட்டயம் வழங்கப்பட்டது. விருதினை கனடா - மனிதநேயர் அமைப்பின் தலைவர் மார்டின் பிரித் வழங்கினார். விருதினை தமிழர் தலைவர் சார்பாக திராவிடர் கழகப் பொரு ளாளர் வீ. குமரேசன் நேரில் பெற்றுக் கொண்டார். உடன் மாநாட்டில் பங்கேற்ற கழகப் பொறுப்பாளர்கள் - தோழர்கள் இருந்தனர். மற்றும்  பெரியார் பன்னாட்டு மய்யத்தின் தலைவர் டாக்டர் சோம. இளங்கோவன், பொருளாளர் அருள்செல்வி பாலகுரு   ஆகியோரும் உடனிருந்து விருதினை பெற்றுக் கொண்டனர்.

மனிதநேயத்தை அடிப்படையாகக் கொண்டு தந்தை பெரியார் ஏறக்குறைய நூறாண்டுகளுக்கு முன்னர் சுயமரியாதை இயக்கத்தை தோற்றுவித்தார். மனித சுயமரியாதை உணரப்பட்டு, அதனைக் கடைப்பிடித்தால் சமூக அநீதிகள் களையப்பட்டு விடும்; சமூக அநீதி ஒழிக்கப்பட்டு விடும். இதன் அடிப்படையில்தான் தந்தை பெரியார் ஒரு மனிதநேயப் போராளியாக சமூகப் பணியாற்றினார்.

மனித சுயமரியாதை மறுக்கப்படும் வகையில் சில மனிதருக்கு பொதுப் பாதையில் நடக்கும் உரிமை மறுக்கப் பட்டது. கேரளா - வைக்கத்தில் இந்தக் கொடுமையை எதிர்த்து காங்கிரசில் தலைவராக இருந்த பெரியார், காந்தியாரிடம் கேட்டார்; "நாய், பன்றிகள் பாதையில் நடக்கலாம்; மனிதர்கள் நடக்கக் கூடாதா?" என உரிமைக் குரல் எழுப்பினார். இருப்பினும் காந்தியார் பெரியாரை காங்கிரசுக்காரராக வைக்கத்திற்குச் சென்று போராட அனுமதிக்கவில்லை. கட்சிக்கு அப்பாற்பட்டு  போராடி சிறைவாசம் சென்று அனைத்து மக்களுக்கும் பொதுப் பாதையில் நடந்து செல்லும் உரிமையினை பெரியார் பெற்றுத் தந்தார். தலைமை வழிபாட்டையும், அதிகாரப் பதவியையும் என்றுமே பெரியார் விரும்பியதுமில்லை; நாடிச் சென்றதுமில்லை.

ஜாதிக் கட்டமைப்பை வெளி நாட்டவர் புரிந்து கொள்வது அவ்வளவு சுலபமல்ல. ஜாதி முறையை ஒழித்து சமத்துவத்திற்குப் போராடியவர் தந்தை பெரியார். நமது உரிமைகளுக்காக நாமும் போராட முன்வர வேண்டும்;  வெற்றி பெற வேண்டும். சமூகநீதிப் பயணத் திட்டத்தைஉருவாக்கி செயல்படுத்த வேண்டும். இது ஆயுதப் போராட்டமல்ல; களத்தில் சந்திக்க வேண்டிய போர் அல்ல இது; மனித மனங்களில் நடைபெற வேண்டிய போர்; கருத்துப் பரப்பலின் மூலம்தான் உண்மையான மாற்றத்தினை மக்களிடையே ஏற்படுத்திட வேண்டும்.

மனிதநேயம் என்பது ஆராய்ச்சிகள் மூலம் நடந்து விட்டது. மக்களிடம் சென்று நடைமுறை மனிதநேயம் கடைப்பிடிக்க ஆவன செய்திட வேண்டும்.

இன்னல்படும் மக்களின்  உரிமைகள் காக்கப்பட வேண்டும்.

இந்தியாவில் - தமிழ்நாட்டில் சுயமரியாதை இயக்கத்தால் திராவிட மாடல் - மக்களுக்கு  உரிமையுடன் பலன் பெறும் ஆட்சி முறைகள் ஏற்பட்டுள்ளன. சமூக நீதிக்கான போராட்டம் என்பது எதிர்நீச்சல் போன்றது. அவதிப்படுபவர் நிலையி லிருந்து சமூக அநீதி உணரப்பட வேண்டும். வன்முறை அற்ற அணுகுமுறையின் மூலம் சமூகநீதி கிடைக்கப் பெற வேண்டும். உலகம் கருவியால் வென்றெடுக்கப்படக் கூடாது; கருத்தால் வெல்லப்பட வேண்டும்.

சுயமரியாதை இயக்கம் தொடர்ந்து அய்ந்தாம் தலை முறையாக வெற்றிகரமாக மக்கள் பணி ஆற்றி வருகிறது. 

அவதிப்படுவது வெளியே கேட்காமல் இருக்கும் மனிதர் களை தேடிப் பிடித்து உரிமை கிடைக்கச் செய்ய வேண்டும். சமுதாயத்திற்கு நாம் பல வகையிலும் கடமை ஆற்றிட வேண்டும்.

அரசியலும், சமூகமும் இரட்டைக் குழல் துப்பாக்கி போன்று செயல்பட வேண்டும். அப்படிப்பட்ட ஒரு நிலைமை தமிழ்நாட்டில் நிலவுகிறது. தமிழ்நாடு முதலமைச்சர் மு.க. ஸ்டாலின் அவர்கள் ஒரு மனிதநேயராக ஆட்சி செய்து வருகிறார். சுயமரியாதை இயக்கம், மக்கள் கருத்தை திரட்டி, ஆட்சியாளர் ஆவன செய்திடும் நிலையினை உருவாக்கி வருகிறது.

இந்த நிலையில், சுயமரியாதை இயக்கப் பணிகளை நேரில் பார்த்திட மனிதநேய அமைப்பின் தலைவர்களை வருக வருக என அழைக்கிறேன்.

இந்த அணுகுமுறை உலகெங்கும் பரவிட வேண்டும். நாடுகள் பலவகையாக இருந்தாலும் மனிதநேயம் நம்மை இணைத்து செயல்படுத்திடும் - வேற்றுமையில் ஒற்றுமை காண்போம். மனிதநேயம் காத்திட வழி அமைப்போம்.

இவ்வாறு தமிழர் தலைவர் தமது முதன்மை உரையில் குறிப்பிட்டார்.

தேநீர் இடைவெளிக்குப் பின்னர் உரை வீச்சுகள் தொடங்கின.

தாமஸ் ஹிடோஷி புரூக்ஸ்மா எனும் அமெரிக்க - சியாட்டல் வாழ் மதுரையில் தமிழ் கற்ற அறிஞர் 'திருக்குறளும் சமூகநீதியும்' என்ற தலைப்பில் உரை ஆற்றினர். அனைவருக்கும் பொது என்னும் கருத்து திருக்குறளில் உள்ளது குறித்து எடுத்துக்காட்டுகளுடன் விளக்கினார்.

அடுத்து, பேராசிரியர் முனைவர் கண்ணபிரான் ரவிசங்கர் சங்க கால இலக்கியங்களில் சமூகநீதி, பாலியல் நீதி நிலவியதை இலக்கியக் குறிப்புகளுடன் விளக்கி, தமிழர் வரலாற்றின் உயரிய நிலையினை குறித்து ஓர் ஆய்வுரையினை வழங்கினார்.

கனடா நாட்டு ஆய்வு விசாரணை அமைப்பினைச் சார்ந்த லெஸ்லி ரோசன் பிளட் மகளிரிடமும், குழந்தைகளிடமும் பேணப்பட வேண்டிய மனிதநேயம் பற்றி உரையாற்றினார்.

அடுத்து டொராண்டோ பல்கலைக் கழக பேராசிரியர் மறைதிரு. சந்திரகாந்தன், கனடா நாட்டில் குடியேறியவர்களின் (ஈழத் தமிழர்களின்) இன்னல்களுக்கான தீர்வு, பற்றி உரையாற்றினார்.

மனிதநேயத்தின் வழி தட்பவெப்ப நிலை மாற்றத்தினை மட்டுப்படுத்துவதுபற்றி பேராசிரியர் அரசு செல்லையா உரையாற்றினார்.

சிறீலங்காவில் "மனிதநேயமும் சமூகநீதியும்" எனும் தலைப்பில் சிறீகதிர்காமநாதன் அரிய பல செய்திகளை எடுத்துரைத்தார்.

தமிழ்நாட்டின் திராவிட சிந்தனையாளர் மய்யத்தின் புகழ் காந்தி, இன்றைய இளைஞர்களை மதச்சார்பின்மை கருத்தின்பால் ஈர்த்திடும் வழிமுறைகள் பற்றி உரையாற்றினார். திராவிட சிந்தனைகள், வரலாறு, பாடக் குறிப்புகளில் இடம் பெறுவதன் அவசியத்தையும், வேண்டாத பாடக் குறிப்புகளை நீக்கிட வேண்டுவது குறித்தும் பேசினார்.

பிற்பகல் அமர்வுகள்

நண்பகல் உணவிற்குப் பின் முதல் நிகழ்வாக 'திராவிட இளைஞர்களின் நகைச்சுவை' எனும் அமர்வில் இளங்கதிர் இளமாறன் மற்றும் நிகில் முனியப்பன் நிகழ்ச்சியினை வழங்கினர். தந்தை பெரியார் பற்றிய குறிப்புகளை இயல்பான நகைச்சுவை இழையுடன்  வழங்கினர். 

அடுத்து இன்றைய 'இளைஞர்கள் சமூகநீதி- பெரியார் ஓர் உத்வேகம்" எனும் தலைப்பின் திராவிடர் கழக மாநில மாணவர் கழக செயலாளர் பிரின்சு என்னாரெசு பெரியார் உரையாற்றினார்.

தேநீர் இடைவேளைக்குப்பின் அவைகள்  இரண்டாக நடைபெற்றன.

கனடா நாடாளுமன்ற உறுப்பினரும், மாநாடு நடைபெற ஆவன செய்திட்ட ஈழத் தமிழருமான கேரி ஆனந்த சங்கரி மாநாட்டிற்கு வருகை தந்து சிறப்புரை ஆற்றினார். வருங்காலத்திலும் மனிதநேயர் சமூகநீதிக்கான பணிகளுக்கு ஒத்துழைப்பு நல்கிடுவதாகவும் உறுதியளித்தார்.

ஆங்கிலத்தில் மாணவர் கலந்துரையாடலை, கனடா - ஆய்வு விசாரணை மய்யம், மனிதநேயர்களான டொராண்டோ மனிதநேய சங்கத்தினர் நடத்தினர்.

தமிழில் நடைபெற்ற நிகழ்ச்சியில், பங்கேற்ற பெரும்பாலானவர்கள், குறிப்பாக தமிழ்நாட்டிலிருந்து சென்ற பேராளர்கள் பேசினர். தங்களது பெரியார் இயக்க தொடர்பு, ஏற்பட்ட விதம் பற்றியும் வருங்காலத்தில் செய்யப்பட வேண்டிய பணிகள் பற்றியும் ஒவ்வொருவரும் சுருக்கமாகப் பேசினர்.

இறுதியாக நிகழ்ச்சியினை தொகுத்து, நிறைவுரையினை பெரியார் பன்னாட்டு மய்யத்தின்  தலைவர் டாக்டர் சோம. இளங்கோவன் ஆற்றினார்.

சமூகநீதிக்கான பன்னாட்டு பெரியார் மனிதநேயர் மாநாட்டின் இரண்டு நாள் நிகழ்வுகளும் திட்டமிட்டபடி சிறப்பாக நடைபெற்றன.

செய்தித் தொகுப்பு: வீ. குமரேசன்

கேரளா வைக்கத்தில் தந்தை பெரியார் பிறந்த நாள் விழா! கோட்டயம் மாவட்ட ஆட்சித் தலைவர் பெரியாருக்குப் புகழாரம்

  September 22, 2022 • Viduthalai

கோட்டயம், செப். 22- சமூக நீதிக்காக போராடிய முன்னணி தலைவர் களில் தந்தை பெரியார் அடித் தட்டு மக்கள் மனதில் நிலைத்து நிற்கிறார் என்று கோட்டயம் மாவட்ட ஆட்சித்தலைவர் டாக் டர் பி.கே.ஜெயசிறீ  உரையாற் றினார்.

தந்தை பெரியாரின் 144 ஆவது பிறந்த தினமான சமூக நீதி நாளை முன்னிட்டு, (17.9.2022) கேரள மாநிலம், கோட்டயம் மாவட்டம், வைக்கத்தில் அமைந்துள்ள தந்தை பெரியார் நினைவகத்தில் செய்தி மக்கள் தொடர்புத் துறையின் சார்பில் நடைபெற்ற தந்தை பெரியாரின் பிறந்தநாள் விழாவில் கேரள அரசின் சார்பில் கோட்டயம் மாவட்ட ஆட்சித்தலைவர் டாக் டர் பி.கே.ஜெயசிறீ  தந்தை பெரியார் அவர்களின் சிலையின் அருகே அமைக்கப்பட்டிருந்த படத்திற்கு மாலை அணி வித்து மரியாதை செலுத்தி, பொது மக் களுக்கு இனிப்புகளை வழங்கினார். 

கோயம்புத்தூர் மாவட்ட ஆட்சித்தலைவர் டாக்டர் ஜி. எஸ்.சமீரன் சார்பாக தந்தை பெரியாரின் வாழ்க்கை வர லாறு”, மேனாள் முதலமைச்சர் கலைஞர் கருணாநிதி அவர் களின் வாழ்க்கை வரலாறு" ஆகிய புத்தகங்கள் கோட்டயம் மாவட்ட ஆட்சித்தலைவர் டாக் டர் பி.கே.ஜெயசிறீயிடம் வழங் கப்பட்டது. 

பின்னர் கோட்டயம் மாவட்ட ஆட்சித்தலைவர் டாக்டர் கே. ஜெயசிறீ செய்தியாளர்களிடம் தெரிவித்ததாவது:

சுயமரியாதை, பகுத்தறிவு, சம தர்மம், சமூகநீதி, இன உரிமை, பெண் உரிமை, ஆகியவற்றை அடிப்படையாகக் கொண்ட கொள்கையை தந்தை பெரியார் அவர்கள் உருவாக்கினார். அதுதான் கடந்த நூற்றாண்டில் இந்தச் சமூகத்தின் வளர்ச்சிக்கு அடித்தளமிட்டது, எதிர்காலத் துக்குப் பாதை அமைத்துத் தரப்போகிறது. இந்த உணர்வை, உணர்ச்சியை, எழுச்சியை, சிந்த னையை விதைக்கும் அடையாள மாக அறிவாசன், தந்தை பெரியார் பிறந்த செப்டம்பர் 17-ஆம் நாளை ஆண்டுதோறும் சமூக நீதி நாள்" ஆகக் கொண்டாப்படும் என தமிழ்நாடு முதலமைச்சர் அறிவித்தார்.

அதனடிப்படையில், கேரளா மாநிலம், கோட்டயம் மாவட் டம், வைக்கம், தந்தை பெரியார் நினைவகத்தில் அமைந்துள்ள தந்தை பெரியார் அவர்களின் சிலையின் அருகே அமைக்கப் பட்ட படத்திற்கு மாலை அணி வித்து மரியாதை செலுத்தப்பட்டது.

தமிழ்நாட்டிற்கும், இந்தியா விற்கும் சமூக நீதிக்காக போரா டிய முன்னணி தலைவர்களில் தந்தை பெரியார் அடித்தட்டு மக்கள் மனதில் நிலைத்து நிற்ப வர். கேரள மாநிலத்தில் தீண் டாமை தாக்குதல் அதிகமாக இருந்த காலத்தில் களமிறங்கி தாழ்த்தப்பட்ட மக்களை கோவி லுக்குள் அழைத்து சென்று வெற்றி பெற்றார். இதன் கார ணமாக வைக்கம் என்ற ஒரு சிறிய ஊர் உலக அளவில் பெருமை அடைந்தது.

இந்திய சுதந்திர போராட்டத் தின் போது அண்ணல் காந்தியு டன் இணைந்து பல்வேறு போராட்டங்களில் ஈடுபட்டுள் ளார். மக்களிடையே இருந்த மூட நம்பிக்கைகளை அகற்ற முழு மூச்சாக போராடியவர். அவரது பிறந்த நாளில் அவருக்கு மாலை அணிவித்து. மரியாதை செய்ததில் பெரிதும் மகிழ்ச்சி அடைகிறேன். இந்த வாய்ப்பை வழங்கிய தமிழ்நாடு அரசுக்கு நன்றியை தெரிவித்துக் கொள் கிறேன். என கோட்டயம் மாவட்ட ஆட்சித்தலைவர் டாக்டர் பி.கே.ஜெயசிறீ  செய்தி யாளர்களிடம் தெரிவித்தார்.

நிகழ்வில் நகராட்சி தலைவர் ராதிகா ஷியாம் துணை தலைவர் பி.டி.சுபாஷ், நகராட்சி உறுப் பினர்கள் ராஜசேகரன், இப்ரா ஹிம் பழையாகடவாய், கவிதா ராஜேஷ், ராஜசிறீ, ரேணுகா, பிஜிமோல், பிரீத்தா ராஜேஷ், சந்திரசேகரன்,அசோகன், வைக் கம் வட்டாட்சியர் விஜயன், கேரள மாநில செய்தித்துறை துணை இயக்குநர் பிரமோத், கோயம்புத்தூர் மாவட்ட செய்தி மக்கள் தொடர்புத் துறை அலு வலர் ஆ.செந்தில் அண்ணா, ஆகியோர் பங்கேற்றனர்.